滾兩滾火鍋料理 (已結業)

荃灣開了IKEA,行完在附近搵食, 4人想HOTPOT, 於是入了間坐得比較舒服的小店, 食物種類不多但幾特別及新鮮, 如海鮮, 炸物, 牛肉, 屬於有一點質素的食物, 如果不想同人逼, 及不想食一些廉價冇質食物, 這裡是好選擇. :> …查看更多

見光光猛猛，环境不錯。地方很亁淨舒服。开openrice见別的食客介紹薬善雞煲，真的很香，无介紹错。叫了海鮮倂盤，虾蟹上桌还会动的，很新鮮。美國𧐢非常大隻，不是一般任食貨色。…查看更多

門面光猛，乾淨，有個大魚缸，沒有擺到門口都是枱，很整齊，於是便入去試吓。除咗有10多款湯底選擇之外，仲有刺身食，可以做個頭盤。我哋叫咗個藥膳醉雞鍋，個鍋未上枱，已經聞到陣陣藥善味，非常非常香，個鍋上咗枱，真係材料十足，大家都忍唔住每日先飮咗一碗，啲當歸淮山味非常香，一定要試吓。其實聞到隔離枱嘅辣雞煲，都非常後香，不過真係食唔到咁多野，下次一定會試。啲食材好新鮮，魚、蝦、蟹，全部睇住佢在魚缸拿來即叫即劏，成個海鮮拼盤都係三百蚊左右，自己街市買都差唔多。另外響鈴值得一讚，即叫即炸，夥計俾咗啲甜酸醬我哋，話可以就甘即食，香脆可口…查看更多

話說同一班朋友食飯，隨意就入左呢一間。服務員帶左我哋上上層，之後就無人服務了。食物來得又慢。未見過服務甘差的餐廳，食物質素又一般，價錢也不算平。大家唔想中伏，切勿去呢間。…查看更多

成班朋友睇完戲，行過對面曹公坊，見到一排食肆，全部都是吃火鍋的，好吸引，其中一間門口特別光猛，門口有個大魚缸，就吸引左我哋入去。呢間火鍋店，除咗打邊爐之外，仲有刺身食，荃灣真係好少有呢啲鋪頭。我自己最鍾意食火鍋，又鍾意食刺身，啱晒。我哋先叫咗一個活魚刺身做頭盤，睇住師傅即叫即劏，都只係百零蚊，另外再叫咗一個刺身拼盤，都係一百蚊，真係好抵食。食過刺身，叫咗個豬骨窩，用料非常新鮮，而且材料十足。牛肉選擇亦非常之多，有本地牛，美國肥牛，仲有日本牛添。美國牛肩脊做緊特價，百五蚊，大大碟，非常抵食，而且非常鮮味，不會比本地牛差，我哋10個人，足足叫咗四碟。其他嘅火鍋材料都非常新鮮，蝦滑同墨魚滑都係手打，鮮味十足，個老闆話佢哋啲滑，係冇溝豬肉同麵粉，其他地方好少食到。炸響零同埋炸魚皮，都係即叫即炸，仲有炸蝦丸，正。另外有朋友話想食龍蝦，用嚟打邊爐好似好浪費，於是問夥計可唔可以熟食，佢二話不說就話可以，原來佢哋都有做小菜，一般要預訂，不過如果有材料，佢哋都可以即做，於是就用蒜蓉蒸左兩隻龍蝦，見到都係即叫即劏，都只係二百幾蚊隻，之前喺旺角食，價錢貴一倍。差啲忘記講，佢哋有好多清酒選擇，價錢都係好合理，老闆仲同我地講解點樣去揀清酒。總之，一定會再返嚟幫襯。…查看更多

一行十五人，好艱找到合适的地方，見openrice的評語都幾好，再上Facebook睇下，見到佢哋有間VIP房，便打去問吓，沒有最低消費，好，便去試吓。間VIP房好大，我估坐20人都得，又有電視，拉埋門自成一角，很舒服。我們叫了足料豬骨湯底，真係好足料， 大大件豬骨，粟米，蘿蔔，冬瓜等等，材料很新鮮，單係個湯底，已經食飽兩個人。另外叫了胡椒鹹菜豬肚湯，有好多豬肚，很新鮮，胡椒味可以再重啲就更正。值得推介的是他們的手打鮮蝦滑和墨滑，可以咬到一粒粒的蝦肉和墨魚肉，很彈牙，非常新鮮。另外土魷豬肉丸也非常好味。我們叫了大量海鮮，魚蝦蟹，全部即叫即劏，上枱仲會郁的，而且裝飾得十分靚。魚，全部起晒片，骨和肉分開，啱晒嗰啲唔鍾意食骨嘅人；隻蟹肥大多高，都只係百幾蚊。牛肉方面，叫咗一碟本地牛肉，和一碟安格斯牛肉。本地牛非常鮮味，顔色鮮紅，食曬之後見碟底仲有好多血水，新鮮非常。有幾個朋友唔鍾意打邊爐，炒左幾個小菜，薑蔥大魚頭好味到不得了，好夠味，脆卜卜；仲叫咗個豉椒聖子王，海鮮炒飯和鹽燒立魚。唯獨立魚味淡左啲，同埋可以再燒乾身啲。其實還叫了很多其他嘢食，不能盡錄，最後一提的，就係竟然佢哋有手工啤，可謂驚喜。總之，總括來講非常滿意…查看更多

聽講曹公坊個邊有好多火鍋，小炒，熟食市場，行下睇左好幾間，，見到有間有大魚缸，有立魚蝦蟹龍蝦吸引左我入去，一坐低，叫左個龍蝦鍋再加其他食品，最值得欣賞係三文魚刺身，又新鮮又抵食98蚊哇，好靚仔，龍蝦好多糕好新鮮可惜湯底無咩味，手切本地牛肉乾乾地好似擺左好耐，椒鹽三文魚骨，無椒鹽味又黑，同樓面講完，點知佢一啲反應都冇，咩服務態度，另一方面希望可以好好改善環境清潔，周圍有蚊仔飛飛下，去厠所的走廊及厠所有惡臭。…查看更多

一行二人經過荃灣福來邨，四圍找東西吃，行到前面多間食肆，都是吃火鍋的，唯獨一間寫着火鍋料理，門前廣告板，寫着一些日式晚餐，便入去試試。只是兩個人，叫了兩份晚餐，分別是魚生飯和刺身拼盤餐，另外再叫多一份刺身拼盤和幾件壽司。晚餐份量非常充足，送麵豉湯和日式沙律。食材非常新鮮，最值得讚的，是食物裝飾得非常漂亮，漂亮到久久不捨得吃。廚房是半開放式的，看到廚房內的刺身師傅，原來是兩位年輕女孩子，我和朋友都感到非常驚訝。眼見旁邊枱的人客，吃的是活魚刺身，魚身還在動，都是這兩位小師傅做的，實在巾幗不讓鬚眉。除了吃刺身之外，還有多款清酒選擇，店內佈置，非常日式，服務亦很親切，像是一間日本家庭營運的小店，感覺非常舒服。下次一定要再試兩位小師傅的拿手菜式。…查看更多

朋友介紹這間REST, 試過后有D驚喜, 湯底足料多選擇, 食物由師傅親手造, 唔新鮮都幾難, I LIKE 炸響鈴, 另有海鮮生食, 想食炒CRAB 亦有, 店子細細不會太嘈, 正合我意, 會再來.>< …查看更多

今天好友敍舊，來到了荃灣。吃火鍋向來是我的至愛，今日就試吓滾兩滾火鍋料理。店內裝修乾淨企理，一位老闆斯文靚仔，另一位老闆好客熱情，重點係本地肥牛肥瘦適中有牛味，海鮮方面我地點左蟶子，蟶子皇賣晒，不是太大隻但非常新鮮甜美。再配上日本清酒，不得了！值得一題是一般火鍋店 的蔬菜應該都係隨便洗洗，但這間火鍋店的蔬菜乾淨程度可以媲美家裡👍🏼👍🏼👍🏼同場聞到隔離枱點了藥膳雞煲及清酒硯煱，非常吸引，下次要再來試試！😋…查看更多

5點零、荃灣行行街，突然收到call話要烚下烚下，當埋團年飯食，唔熟路，唯有openrice下有邊間啦，又要有得book位，就係咁，就黎左滾兩滾。唔知係咪新開無耐，人唔算多，所以坐得都幾舒服!揀左個椰子雞湯底，意外地加左d香矛，成個湯底變得好香，另外值得一讚係隻雞，唔係雪藏雞，好有雞味👍🏻餐前小食重叫左個椒鹽豆腐，外脆內滑😋另外重叫左蝦（好鬼新鮮）同大蜆 （size好大，但肉好細，失望）安格斯牛肉、美國花腩片、菜肉餃、墨魚滑......都係期望中～…查看更多

之前來過吃火鍋，剛在附近吃飯，但収11點，於是轉場飲野，見多左個招牌，生蠔魚生吧便走進來，蠔，是吃不飽的。先來一setcoffin bay澳洲生蠔加支白酒。蠔非常肥美，老闆簡單介紹了一下這種生蠔和白酒，他叫我們等5-10分鐘，等隻蠔吐番D海水先吃才會吃到濃濃的海水味，果然咸到不得了，我都知coffin bay生蠔出名咸，不過次次一上枱立即吃，原來等一會，可以濃得甘厲害。之後吃美國蠔，美國蠔出名大隻我知，但他們的真的超大碼。最後法國的，也很大隻。老闆話一般人放coffin bay蠔吃最後，因為最濃，但他就相反，法國蠔吃最後，反而會感覺到一種甜味，好得。每一種蠔，老闆配上不同的白酒給我們，一間主打火鍋的店，不單止有生蠔，而紅白酒種類可以說是非常多，有十多種。一問之下，原來老闆是紅酒愛好者。而且環境舒服，一坐，就坐到兩點了。…查看更多

看到開飯甘多人讚，便和幾個朋友老遠從上水來一試，好滿意。不過首先吸引我注意的，並不是食物，而是店內的幾個小伙記，幾個非常勤力，跑來跑去，充滿活力的小伙子，他們都是小數族裔的後生仔，飯後和老闆聊天，才知道背後的故事。先講吃的，我們叫了一條章紅刺身，指著魚缸話要邊條，即刻劏。（在中環吃過這條魚，貴這裡一倍）上枱，賣相一流，一睇就知是有料到的刺身師傅，分開了簿切和厚切兩部分，一條魚有兩種不同口感的享受。之後火鍋叫了個奇味雞㷛半隻，雞肉切得細細粒，好入味，有個朋友吾食得辢，頂吾順，所以如果不吃得辢，記得之前講，我就無辢不歡，還加了個唐生菜，連汁都食埋。人地介紹即炸響玲和炸魚皮，去廁所時經過廚房，第一次親眼見到一片片的腐皮炸成響玲，大開眼界，兼且堅好味。還吃了鵝腸，夠曬肥美；雞子，成半隻蛋甘大...，再叫左個海鮮倂盆，賣相一百分，全部食材非常新鮮。本地肥牛，好甜好香，幸好來得早，聽到隔離枱來遲我們半小時，叫本地牛都已經賣曬。不得不讚，竟然有多款紅白酒和清酒選擇，我自己就吾飲啤酒的，最後老闆同我地選左支智利紅酒，好易入口，價錢亦好合理，只是$168。飲左幾杯，向老闆八下為何這個地區，請不懂中文的小數族裔小伙記，不怕人客投訴嗎？老闆話，其實間中都有人投訴的，而且說話有的非常難聽，不過老闆話當年十幾歲時來香港工作（老闆其實也是外籍人士），不懂講中文，都是遇到有人肯比機會佢才有今日，所以他參加了幫助小數族裔融入社區的計劃，希望幫下人，老闆話他們的人工和本地人的人工是一樣，所以吾係太多人請佢地，眼見不少年輕人後來誤入歧途，好心痛。聽到呢度，好感動，估吾到吃一餐飯，獲益良多。支持你！要訂位呀。朋友仲話荃灣洗鬼訂位咩，好彩我訂左位，坐滿曬呀！…查看更多

只有两人，没有叫火锅，点了鱼生，几个小吃。炸芝士👍，芝士是溶在口里。鲮鱼球配蜆介酱，吃了几个，才记得拍照。平时不大吃这么多炸食，但真的很好吃。鱼生也非常新鲜甜美。在火锅店，没有想到有日本清酒，那瓶大吟釀，这里的老板很靓仔架…查看更多

Always want to try a Chinese Style Hotpot but never can find a place where there is English menu and usually no one can speak English in the restaurant.Just walked pass Two Hot Pot restaurant, someone called me, "please come in and try" (in English). I was so surprised. He is the boss, the hot pot restaurant is run by a English speaking man.Yes, they have English menu for all the hot pot food and sashimi. The boss knows the hotpot food very well. He told us he has been living in HK for 25 years. We actually have no idea what to have.There are so many different types of beef, the gentleman explained to us, local beef is fresh and sweet and a bit chewy, but if we prefer soft and easy to chew, angus beef is better. We ordered both finally, and yes, the taste is exactly what he explained to us, we know what is our preference next time.We would like to try something very local, he suggested fried fish skin, fried tofu skin, taste so good, and so crispy. But after finishing half plate, we were told that we can also lightly cook in the hotpot soup, taste even better.We are crazy for sashimi, except Salmon, all sashimi is fresh from the tank and the presentation, 👍🏻 feel like we are in a high class Japanese restaurant. We also try cooking some of it in the soup, lol. Oh yes, almost forgot the soup, it was a full lobster soup, we know it is for cooking the hotpot food but we can't resist and drank almost half pot, taste so good.We also ordered some local snacks like cucumber and beans with beer. The gentleman gave us few bottles of free beer. Thank you so muchI will definitely suggest this restaurant to my friends. They have a whatsapp booking number (59349177), very convenience. A great experience with Chinese Hot pot👍🏻👍🏻Tsuen Wan, Cho Kung Square, Tak Yan House G/F…查看更多