源記餐廳 (漢口道)

尖沙咀的「源記餐廳」係港式茶餐廳的經典代表之一，不但地點便利，更提供燒味、粉麵等馳名招牌美食。招牌「燒味二寶」是必點之選，蜜汁叉燒外層裹著誘人焦糖色，吃起來肉質軟嫩、甜而不膩，肥瘦均勻的口感令人再三回味。而「至尊燒鵝」則皮脆肉香，油脂豐腴卻不肥膩，搭配特製的梅子醬，將燒鵝的美味層次提升。若想嚐嚐人氣麵食，可以選「金牌牛三寶麵」，當中的馳名崩沙腩炆得軟腍入味、膠質滿滿，牛筋和牛肚亦滷得恰到好處，與彈牙的麵條一起入口，豐富的口感讓人滿足。另一道「上湯四寶丸」則完美呈現手打丸的彈牙功力，包括鮮味十足的手打魚蛋、爽口彈牙的墨魚丸、嚼勁十足的牛丸，以及清甜的汕頭魚餃，搭配清澈鮮甜的上湯，令人暖心。若想加一點小食，炸得金黃酥脆的「炸雞中翼」香氣四溢，外皮薄脆、內裡多汁，是配麵或飲品的好拍檔。餐後再來杯飲品，無論是解膩暖胃的「熱柚子茶」，還是冰涼暢快的「凍檸樂」，都為這趟港式美食之旅畫上完滿句號。…查看更多

收工同Frd係尖沙嘴想食餐飽，係isquare附近搵到呢間茶記幾就腳就try try咖喱牛筋腩飯港式咖喱唔算辣，牛筋腩大大件撈埋咖喱好好送飯燒腩仔燒鵝例牌雙拼兩個佬都係食肉獸，梗係叫番個燒味拼盤份量夠，味道唔錯，港式燒味無得輸淨雲吞Fd話食清啲叫左淨雲吞，都幾多 ， 有7粒 我試左一粒 薄皮得來都幾爽口 有鮮味 Fd都話幾好味 唔洗配麵都ok夠食得肉多都係叫碟油菜份量夠，爽脆清甜西多士個fd戒左好耐口 結果敗左係西多士身上🤣🤣西多炸到金黃色 一片薄牛油唔洗太多 加埋金黃糖漿 勁香甜我都忍唔到偷左佢幾舊 益左我真係做得好唔錯 整體嚟講，坐得舒服，食物、服務質素都唔錯，地點又夠就腳，下次經開都可以再幫襯…查看更多

禮拜六下晝尖沙咀漢口道熱到溶🥵望住華嫂條人龍打晒蛇餅（起碼40人起跳！）見到隔籬有間綠招牌老字號 諗住博一鋪啦 點知係中伏之旅！😱【叉油雞飯🍖】等足25分鐘先有飯食⏰！！➊叉燒：咬落腍到冇牙阿婆都食到 肉質似浸過梳打水嘅棉花肥膏位痴牙蜜汁甜到齁喉 完全冇炭香冇焦邊仲帶陣雪藏味❄️➋油雞：肉質唔鞋但零雞味 豉油同鹹香二字毫無關係💢➌薑蓉：一啖入口甜到打冷震🤯🤯伴碟嘅幾條菜心 仲老過我阿婆種嘅通菜梗🌿上菜阿叔更經典碟飯飛插枱面 汁都冇滴多句轉身仲快過閃電下次寧願啃麵包都唔幫襯！餓死事小 中伏事大💣🩸血嘅教訓：老字號≠好食🌚…查看更多

源記餐廳位於尖沙咀漢口道，是公認的牛腩專家，無論是牛的哪個部位，店家都烹調得恰到好處，成為愛牛人士的朝聖地。金牌牛三寶麵：選用崩沙腩、牛肚、牛筋三重美味，口感層次分明；腩肉嫩滑、牛肚爽口、牛筋煙韌，湯底鮮甜而不膩，絕對值得推介。鮮蝦淨雲吞：外皮薄如蟬翼，包裹滿滿鮮蝦餡料，咬開後鮮味四溢，是雲吞愛好者的心水之選。至尊燒鵝：外皮燒得香，鵝肉鮮嫩且多汁，油而不膩，香氣撲鼻。菜心：清炒手法簡單，保留爽脆口感，配搭重味主菜恰到好處。茶記檸檬茶：茶香與檸檬味平衡得宜，帶點冰涼，非常解膩。檸檬菜蜜：味道清新微甜，適合佐餐後慢慢品嚐。總結，餐廳用心烹調每一道菜，無論是牛腩、燒鵝或飲品，都展現出地道茶記的功夫，是一個能讓人再三回味的好地方。…查看更多

最近都需要去尖沙咀開會夜晚有時都係求求其其食一餐今日同同事諗住喺附近食飯見到呢間源記幾多人食入去試吓.崩沙腩麵崩沙腩好食 牛腩肥瘦適中 味香濃郁幼麵條彈牙 湯底ok夠味加咗兩滴辣油，正鳳城水餃金錢肚粗麵雙拼有兩隻水餃 脹卜卜咬落去都好多餡金錢肚份量夠多好入味 但係又唔會太鹹 叉燒燒腩仔雙拼 （例牌）蜜汁好香口 叉燒偏瘦但都淋身唔乾燒腩仔皮脆肉香，夾肥夾瘦，口感豐富簡單又滿足，港式經典配搭茶走（少甜）茶走唔係度度都做得好飲呢度真係做到茶香奶滑 完美點綴左呢一餐重點係我哋兩個都對味精好敏感竟然食完呢一餐之後完全冇口渴嘅感覺真係一大驚喜🥹…查看更多

呢間餐廳都幾出名，細細個已經食開！今日同朋友嚟呢度聚會貪方便！### 崩沙腩腩粗湯麵這碗崩沙腩腩粗湯麵，湯底熬製得十分入味，肉質軟嫩的腩肉牛肉味滿滿，唔算好肥骨膠原滿滿，而且非常鬆化。粗麵條吸滿了湯汁！都幾清甜！### 四寶飯四寶飯是一道色香味俱全的經典美食，搭配了燒肉、叉燒、鹹蛋和紅腸。燒肉啲皮好脆，啲肉唔鹹內嫩，叉燒甜而不膩，鹹蛋的濃郁味道與紅腸相互輝映，讓人每一口都感受到滿滿的幸福感。飯粒粒分明，吸附著肉汁，好有香港特色嘅comfort food### 燒鵝髀燒鵝髀的皮脆肉嫩，外表酥脆，內裡卻鮮嫩多汁。每一口都能感受到鵝肉的豐富油脂同埋肉味，配上特製醬汁，甜甜地味道更加升華！### 阿華田同阿華田是一杯香濃的巧克力飲品，奶香與巧克力的完美結合，喝上一口仿佛回到童年！### 凍柑桔蜜最後，凍柑桔蜜清新解渴，柑橘的酸甜和蜜糖的香甜交融，令人感到清爽無比…查看更多

今日我和朋友去了尖沙咀，行完街後來了這間茶記食晚餐。叫了一份彈牙牛丸（$49）：牛丸有彈性，咬下去時感到肉質的緊實且有嚼勁，而不是過於鬆散或過硬。鮮蝦雲吞墨丸米粉（$48）：鮮蝦雲吞皮薄且有彈性，包裹著新鮮的蝦仁，蝦的鮮味十足，口感滑嫩。每一口都能感受到蝦的鮮甜。墨魚丸的獨特風味和嚼勁是這道菜的亮點，墨魚的濃郁香氣搭配米粉，增添豐富層次感。米粉的質地柔滑，吸附湯底精華，配上雲吞和墨魚丸，讓人每一口充滿滿足感。米粉的彈性非常好，不會過於軟爛。五香牛腩牛筋米粉（$53）：牛腩肉質鮮嫩，而牛筋則富含膠質，口感滑順。這兩種食材在五香料的調味下，充分吸收香料的精華，味道醇厚。每一口都能感受到肉質的嫩滑和筋道，令人一再回味。米粉煮得恰到好處，既有彈性又不失嚼勁。與牛腩和牛筋搭配時，米粉吸收湯底精華，讓每一口都充滿了肉香。郊外油菜：菜心都幾鮮嫩，好好食。鮮油多：非常邪惡惹味的鮮油多，牛油豐富，非常滋味。…查看更多

華嫂好多人排隊 所以走左入源記食完之後明白點解華嫂咁大都咁多人排 源記地方唔大都坐唔滿叫咗一個燒味雙拼撈麵（燒鵝同燒腩仔）同咖喱雞扒飯燒腩仔皮唔脆 其他都一般水平咖哩汁好食但汁少，雞扒的份量係雞粒、完全唔可以話係扒 飯煲到偏淋身 好難食中間有問想拎兩杯水 叫左幾次先有最後食食下個咖哩又無問我地就收走 但佢又整係收走個咖哩又唔收走個飯點餐時問左店員 燒味雙拼叫燒鵝得唔得 洗唔洗加錢 佢話可以無問題 最後係貴左10蚊叫野飲我地叫熱飲 最後黎左涷飲重要加左$6埋單後有同收銀員講左聲 叫佢地可以下次講清楚啲好啲 格黎另一個店員聽到好似好不屑咁（我已經比左錢）無論係食物質素 服務態度同性價比都極低永遠唔會再去…查看更多

今次我去咗一間老字號嘅茶餐廳，真係食到心頭好！首先，淨雲吞（細）就係一個必點嘅選擇。雲吞皮薄餅滑，餡料豐富，肉質鮮嫩，每一口都充滿了湯汁，食得令人心情愉快，搭配上清湯，簡直係一碗暖心嘅美味。接住就係淨崩沙腩（細），沙腩外脆內嫩，皮薄得嚟又唔油膩，肉質彈牙，咬落去有種滿足感。配上特製湯汁，味道更加升華，令人一口接一口，停唔到手！燒鵝叉燒拼盤就更加令人期待，色澤誘人，香氣四溢。燒鵝皮脆肉滑，味道濃郁，叉燒則甜中帶鹹，肉質柔嫩，二者搭配恰到好處，咬一口就感受到滿滿嘅肉香，真係好正！最後，菜心作為配菜，清新爽口，為整餐增添咗一份健康感。菜心煮得剛好，保留住脆感，搭配上少少蒜蓉，更加提升咗味道。總括來講，呢間茶餐廳嘅菜式不但傳統，而且味道非常正宗，無論係湯麵定係燒味，都值得一試。下次一定會再來！…查看更多

作為香港人，有咩嘢開心過得食一碗雲吞麵。今次我就去咗源記餐廳，佢哋除咗茶記有嘢食之外，仲會有麵粉面類。所以我即刻忍唔住，叫咗一份雲吞麵同埋牛三寶河。佢地嘅湯底好清甜，好好味，令人飲完一啖又一啖，無論係清湯湯底定係牛腩汁湯底，都好唔錯。如果唔夠味嘅話仲可以喺隔離加辣椒油上去，令整碗麵更加惹味。然後我哋仲叫咗一個燒味拼盤，有燒鴨同埋叉燒，佢哋嘅叉燒肥瘦適中，食落去口感好正，而我鴨肉配埋酸梅醬之後，就變得更加好食。…查看更多

呢日放工去尖沙咀站睇吓叮噹同埋去下isquare 行街，再去返出面漢口道想搵間港式快餐食個快飯😊去到呢間連鎖港式餐廳-源記店內裝修好光猛，人手足夠而且有效率，絕對有港式茶餐廳風格佢餐牌選擇都幾多，有好多唔同款嘅燒味，又有魚蛋粉麵牛腩等等我地兩個點咗好幾樣嘢一齊食😊凍檸檬蜂蜜柑桔露大熱天時先嚟個凍飲，涼一涼。鹹柑桔潤喉，鹹鹹甜甜仲有酸酸地嘅感覺好味。燒鵝叉燒飯份量好多，好好彩我哋得到師傅比嘅燒鵝髀，d肉結實，啖啖肉；叉燒燒得都好靚淨鮮蝦雲吞 鮮蝦分量充足，調味恰當，蝦肉新鮮。四寶丸 四寶丸應該係餐廳自製手打的，牛丸非常之有牛味，高質！墨魚丸味道濃郁，魚蛋爽口彈牙，魚皮餃粒粒飽滿菜心菜心清甜，簡單配上蠔油調味，健康這個星期五夜晚呢度好多人放工幫襯，亦有好多國內遊客。見到好多人都有嗌牛腩，相信呢度嘅牛都做得不錯，希望下次再食…查看更多

⭐️牛雜麵，最鍾意食牛雜，餐廳主打牛腩同埋牛雜，所以佢嘅牛雜都非常有水準，比較鍾意食佢嘅牛腸，清潔得非常乾淨，而且冇內臟嘅怪味，油脂分布都好好，唔會好肥，但係又有食到牛腸嘅味道！牛肚就做得非常入味，而且都幾林，充滿本身滷水牛什嘅味道，加埋香蔥配搭唔錯，呢個價錢嚟講我覺得都幾抵食，而且非常大碗！⭐️崩沙腩撈粗麵，崩沙腩非常有牛肉味道，而且崩沙腩係比較罕有嘅位置，餐廳喺價錢嘅定位上面亦都唔係太貴，只係比普通嘅牛腩麵貴少少，所以我覺得如果嚟到嘅話都可以嘗試吓試吓呢一個崩沙腩，整體發揮我覺得都唔錯，粗麵嗰餐會跟一碗湯，鍾意嘅都可以飲兩啖！⭐️燒味三拼（加燒鵝），叉燒肥瘦得宜，非常好食，有陣陣嘅炭香，呢個價錢嚟講份量都算多，其實整體都覺得幾抵食，燒鵝非常好食，而且絕對唔會太多肥膏，我同朋友都非常推介呢一個燒鵝，味道真係唔錯，幾香！燒腩仔亦都唔會太肥，呢一個燒味拼盤，可以媲美酒樓嗰啲！正！⭐️炸雲吞，炸雲吞嚟到嘅時候熱辣辣再加埋酸辣甜醬，味道上都幾夾，而且唔會太乾身，雲吞每一隻入邊都至少有兩至三隻鮮蝦，非常抌本！而且$48起碼有10隻！非常抵食我覺得！重點係佢熱辣辣即叫即做，唔係預先做好，呢個位已經好值得讚，鍾意食炸雲吞嘅朋友絕對不能錯過！…查看更多

Fafafoodblog為食花太郎 源記燒味粉麵茶餐廳 🍴牛沙瓜河🐂牛第4 個胃 平時好少機會食到 好爽彈口感 湯底夠牛味 加埋爽既既河粉 配d辣椒油都好正🌶️🍴崩沙腩撈麵 🥘🐂崩沙腩 出面有層彈牙既板 牛腩好彈牙 撈麵爽口 個蛋味好香 仲有菜做底 點d蠔油同菜湯食都好正🍴炸魚皮 魚皮足料爽口彈牙 點d好有魚味既魚湯好味🍴燒味三拼 燒鵝個鵝胸好香滑 皮夠爽脆 仲有脆皮燒腩肉同厚切大件蜜汁叉燒 正🐖#燒味 #牛腩 #叉燒 #燒肉 #燒鵝 #魚皮 #撈麵 #茶餐廳 #牛沙瓜Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#源記餐廳尖沙咀漢口道19-21號漢宜大廈地舖~~~~~~~~~#fafafoodblog #為食花太郎 #fafafoodblog尖沙咀====================…查看更多

72元 崩沙腩撈麵 比牛腩捞麵贵少少 价钱已不是問题和重点 麵來崩沙腩份量少得可憐(見相)！ 跟店员理論 師傅後補回多一份牛腩 臨走送一碟油菜.油菜放低後 師傅説: 尖沙咀做遊客生意係咁,見你係香港人切番多啲比你！🙄飲食界就係多這些害群之馬, 只會越来越港人北上飲食消费！…查看更多

午餐酸菜魚跟飯$56有得揀辣度 但係小辣都有啲辣得制 配白飯就啱啱好 勁多酸菜 魚有骨 食嘅時候要小心啲份量好多 下次可以少飯 成兜塞爆勁誇張 格硬食晒勁飽 送到嚟都夠熱出晒煙 暖笠笠電話落單大概廿分鐘送到…查看更多