溏苑

朋友短聚, 想搵個地方吹吹水, 見到網上好評, 諗住一試由於朋友未到, 見到有張sofa位想轉過去, 於是就問問男待應可否點知換來男待應不屑的樣子, 不過最後都有轉到但男待應並沒有打算俾返menu 給我們 Order 了芒果雪花冰, 宇治金時綿花冰, 香蕉船一黎到兩個冰都好似溶左一半咁男待應拎黎果時不停係咁滴晒D冰芒果冰既味道都可以, 不過不失宇治金時綿花冰就麻麻, 估計綠茶粉的分量太多了, 都幾苦香蕉船是朋友吃的但見到個賣相一點都不吸引不願置評!這家甜品店一定不會再來食物水準不是什麼特別還要給這樣的服務態度…查看更多

人說，不開心的時候吃著甜品，大腦的腦內啡激素分泌會增加，人就會變得開朗積極，是人體自然的嗎啡。如今的我，實在很想知道究竟要吃過多少個的甜品，才可以穿過傷痕重生呢？寧靜的街角下踱步，驟見店內客人不多，就草草地塞進店內。但這一刻，我最少清楚知道，甜品能為我帶來一刻的快樂。芒果腸粉（$35）一碟三件的芒果腸粉，份量只有一個芒果切片，再分為三件大小不一的芒果條。外層包著的椰汁粉皮亦包得鬆散，毫無美感可言；稍為用叉子叉實腸粉，芒果肉和椰汁皮已經分離，賣相完全扣盡分數。不過，芒果肉色澤金黃熟透，香甜多汁，而外皮的椰汁味亦算濃厚，薄切彈滑，口感也不錯。朱古力窩夫疊層層雪雪堡(二人份) $85由落單直至甜品來，當中更要催單兩、三次，結果等了半小時有多，甜品才送到。原本怒氣沖沖的我，眼見賣相精美的雪雪堡，怒火也都全消了。一客三層朱古力味的窩夫，頂部拌著三球圓滾滾的雪糕，分別是抹茶、雲呢拿、朱古力口味，面層輕輕灑上白雪雪的糖霜和花生碎，底層再有蘋果和士多啤梨粒作裝飾點綴，更嘟上滑溜溜的朱古力醬，美侖美奐的有如一份藝術品，十分精彩。窩夫方面，雖然以朱古力為主調去製作窩夫，但牛油香氣欠奉令質感內裡不夠棉軟，而朱古力味道亦不夠香濃。緣邊位反而食到有點燒焦味，雖然帶有脆身口感，但質感偏硬身，亦變相令朱古力味帶點苦澀，破壞了整體的味覺。幸好，窩夫溫度尚暖，畢竟是等了半小時即製的甜品，配上小妹最愛的抹茶口味雪糕，味道甘甜，牛奶味濃，一冷一熱的交融，實在無與倫比。翻開朱古力窩夫之下，發現塗滿了一層厚厚的吉士醬和士多啤梨片。不過士多啤梨帶微酸，皆因始終不是當做的季節；但反而吉士醬出奇不意地帶有驚喜，柔滑軟心的吉士醬為乾巴巴的窩夫帶來柔潤，香濃而不太甜，恰巧可平衡士多啤梨的酸甜味，令整件作品在合格之上。…查看更多

係旺角食完晚行陣最好就梗係去食甜品坐下再傾下啦原本諗住去甜牙牙既，不過去到要等位所以轉彎行過隔離糖苑睇下啦，九點幾呢啲時間就點都一定多人架喇，不過我兩位幾好彩，行到門口就咁岩有位店裡面雖然就細啲，位唔多但都唔算好逼，但都ok舒服，不過我地坐角落頭位個冷氣就差啲喇，風扇又吹唔到店員幾nice態度好又見到枱面有污積即刻主動幫我抹我同男友點左綠茶雪花冰同classic心太軟share雪花冰黎先，賣相唔錯，食落啲冰唔會太硬入口即溶，味道方面第一啖食落覺得有點苦(可能我一向唔係特別好綠茶味既野，男友都幾喜歡佢話係好食既)但綠茶味好夠，連埋啲紅豆同埋奶凍食一流，越食越好食過左兩三個字個心太軟都黎埋，個冰都岩岩好食得7788，個鼻做野先，好濃好香既朱古力味第二件事就梗係切開佢睇佢有冇內涵啦！一切！啲朱古力漿就流出黎，唔會太稀同太杰，同埋佢係有朱古力苦味既，唔係得個甜字，中意dark chocolate既我梗係愛不釋手，男友就覺得苦左啲，但係配埋雲呢拿雪糕佢就話好好食喇我諗唯一美中不足既就係個心太軟既兩條餅乾林左啲，唔夠脆:(但係總括黎講係ok既，食得過既…查看更多

怪事1：店清楚整齊，但就是細得很。我亦很理解香港這個寸金尺土的地方，加上在旺角這個黃金地段，所以我好欣然接受。但店員可唔可以唔好要6位客人坐4人台，再叫客人坐迫少少呢？！面口仲要是黑色的 怪事2：溏苑的menu是寫着甜牙牙的。是同一集團嗎？好，講返正題先，甜品一直是我們的大愛，所以我們2話不說，一人點了一個share ,真開心，可以試到咁多 :) 我地orde r 了：1。宇治紅豆抹茶夾心夾心是消化餅乾碎夾綠茶海綿蛋糕+ cream 最上層是綠茶雪糕。賣相吸引，味道較甜，但都可接受而且雪糕上台已經溶了一半。2。一籃子雪糕就是有很多種牛奶公司味嘅雪糕球，但價值$40，我覺得唔抵，而且雪糕球味亦十分常見，都係朱古力，芒果，雲尼拿等等雪糕又係上台溶了一半。3。綠茶綿綿唔知係唔係之前食了些甜食，還是這個實在太淡，我只能食到刨碎了的，無味道的，而且配料又少，只有小量紅豆及小量西米。賣相都很失敗吧，一堆唔知咩咁。。。。。。。。。聽聞以前他的水準很高，希望唔好因為應付大生意而降低水準啦。…查看更多

第一次食呢間糖水店果時, 佢都未出名… 果時覺得佢超好食!!! 所以食左一排, 後來佢越來越多人食, 我就無去食lu~~ 最近又去試左一次… 結果係… 好失望!!! D甜品難食左好多…哈密瓜沙冰勁甜!!! D冰又晤夠碎, 成日都吐到一粒粒冰出黎…撈撈 – 水果: 哈密瓜 + 西瓜 + 蘆薈; 西米 + 黑珍珠其實呢碗野普普通通… 問題係, 整過個好求其lo!!! 個汁底, D西米一舊, 黑珍珠一舊, 無攪散就上臺… 同埋D西米 + 黑珍珠好少…黑珍珠亦已經埝到無口西咬口, 好似食緊西米咁… 不過又幾多生果, 同埋都算大大舊…Overall: service可以講話係無… 環境, 勁吵… 野食一般, 約$60-70埋單兩位, 正常價錢……查看更多

自配搭的生果撈選了芒果 哈蜜瓜 椰果 黑珍珠 蒟蒻Q 椰汁底芒果偏酸帶甜 很適合喜歡吃酸的我哈蜜瓜不夠成熟 硬而不甜椰果 黑珍珠 蒟蒻Q都是罐頭貨了 沒什麼不妥椰汁底過甜 只是不到不能接受的程度以鐵碗放在一個小膠盤上送來 嚴重欠缺美感令經已甚為不可口的甜品最終掉入bad list榛子金莎心太軟心太軟賣相差 看來是倒模失敗 一邊塌下但其他配料擺放得體 所以整體看來也不至太糟糕心太軟流心程度高 一切開朱古力漿激湧出來 內藏一顆金莎 朱古力很濃 我自己覺得是過濃了 但友人覺得還可以雪糕及朱古力卷是一般貨色友人喜歡水果切成小小的粒狀讓他這個不喜歡吃水果的人也會全部吃下心太軟吃多了 他覺得這個挺有新意 但試無妨但也只是一試 不會再點四方的椅子非常佔位置導致食客出入麻煩需要互相遷就才能出入…查看更多

見食評唔錯 又黎食下星期6既3點幾 都好多人了朋友想點其中一款 店員話咁5-6款只限尖沙咀店但個餐牌已經唔多選擇了最後點了栗子紅豆窩夫, 紅豆綠茶窩夫栗子紅豆窩夫有一PAT 栗子蓉 紅豆 窩夫 同朱古力雪糕食窩夫既重點 當然係窩夫 點知唔夠熱又太林另外一個 紅豆綠茶窩夫 問題都係一樣呢2個餐 仲會包杯飲品分別叫了熱檸水同凍檸茶熱飲就用紙杯個杯已經係細 仲要得半杯凍檸茶係雪凍左個茶再加檸檬俾你都幾搞笑不過呢個價錢唔可以要求太高吧不過一定唔會再黎…查看更多

餐廳有一幅特色主題牆貼滿了彩色的便利貼同寶利來散發一種温暖的感覺下午茶餐蜜糖肉桂香蕉窩夫 $26店員說下午茶份量會較少窝夫堆的高高的都幾有美感但味道無咩特出反而乾乾的可幸有香香的玉桂味同蜜糖漿伴着吃加埋香蕉還是一道會讓人覺得幸福的甜品跟餐的飲品朱古力就麻麻冰火綠茶木糠布丁 $40等了一個小時三催四請先上……賣相好吸引紅豆堆中有一個圓圓的綠茶塔火山係燒得一點點焦蛋白加上一個網球size的雪糕令人食指大動木槺布丁夠creamy鬆化抹茶味濃同紅豆蛋白雪糕一齊食好有層次感絕對係綠茶迷要試的！但食到一半就滯左太heavy 啦！建議三至四人share…查看更多

員工為了安排一班聲稱有四人的人客入坐，要求我們三人坐另一二人坐位位置，其中一位朋友需要坐不是位的路口，員工態度很差，堅持説這是四人位，但在安排我們坐下時沒有表明，還給我們一臉自己是對的樣子。結果，我們讓步，但那班人最後都是得三個人。員工安排得很不恰當，而且，食品不是特別好吃，沒有再次光臨的理由！…查看更多

晚上想吃甜點 廣華街這邊必定找到一間半間適合你的據聞這店舉辦過勁食窩夫比賽後來因負面新聞才讓我知道她的名字本身對她沒太多好感:(不過男友想吃綿花冰這店外表企理 又剛好有位不用等就姑且入去試試吧 最多我不吃窩夫而已男友點了個宇治金時綿花冰我因為天氣潮濕又納悶點個楊枝金露沙冰解渴醒醒神餐牌跟隔壁的甜牙牙是一樣的不知道為什麼要用兩個名字來開店呢我的楊枝金露沙冰($30)太概不太難造所以先來到沙冰面頭有一層椰汁而內裡則跟一般楊枝金露一樣芒果只有幾粒小小的因季節的關係吧 有一兩粒頗為酸呢不過西米露煲得彈牙 挺有咬口柚子肉也沒有苦味 都算不錯呢:)味道略為淡了點如果楊枝金露跟冰的比例調整一下整個口感會更豐富吧宇治金時綿花冰($49)外貌對板除了綿花冰外 還有紅豆 寒天珠珠 綠茶雪糕 和 大半個原味奶凍(我原先還有想過點奶凍 還好沒點呢)奶凍奶香味十足 不是震滕滕的質感 比較厚身不知道是不是以3.6牛乳所製成的呢綿花冰綠茶味適中 入口也果然像綿花一樣入口即溶相比起來 綠茶味的雪糕較甜 沒綿花冰自然而紅豆很甜 算是大粒有咬口的種類加上口感爽的寒天珠珠讓我們挺滿意啊原先一向都對這間店子有些少偏見現在試過這裡的出品後的確讓我有點另眼相看呢這裡最多人點的是窩夫也是窩夫讓我對這裡有負面印象我下次來就一於試試這個關鍵人物吧…查看更多

一去到見到多人到不得了要坐到去鋪頭出面叫左幾款推介既甜品 賣相好好OREO 同TIRAMISU不過不失 但OREO都幾特別既其他地方都未必搵到嫁但係個栗子WAFFLE同BARLEY同心太軟就值得一試栗子WAFFLE好特別 有淡淡既栗子味 唔會太漏個BARLEY既甜品幾有新意 BARLEY味唔算太重 恰到好處心太軟都唔算太甜既仲有好多野都未試晒!!! 下次會再幫襯…查看更多

溏苑大概係我大學時期去得最多的甜品店，以前成班莊員住HALL，都會走黎呢度食糖水!仲記得第一次黎見佢牆上有個留言板，支莊一人一張留言貼到佢滿晒!估唔到咁都畢左業兩年，好似畢左業之後就無咩黎過!今日同以前其中兩個莊員食飯，突然間話不如去溏苑食下野，就走左黎啦!以前成日都差唔多收鋪先黎，估唔到飯後時間咁多人! 好在都係等左3個字左右就有位，黎到溏苑梗係要食一食心太軟!心太軟好似比以前好食左，一如以往都係賣相咁靚!成個心太軟都好朱古力既顏色，外層又好靚好滑!無論係外層定個心都有好濃郁既朱古力味，而且佢個心係比較漿，唔會一切開流晒就咩都無第一次食果時唔係咁識欣賞架，不過一個識整野食既莊員話，如果要流心其實好多cream!個莊員話呢間野應該真係放左好多朱古力響入面先會有呢個效果!睇佢個MENU話呢個係完熟心太軟既特色，其實整野食我就唔係好食，不過真係好好味!再叫左個OREO木糠布甸，我一向都好鍾意食木糠布甸，鍾意佢呢度咁有創意整咁多味道既木糠布甸!呢度個布甸口感好好，唔會好軟，又唔係好似雪糕咁硬，恰到好處!而且佢唔會一食就散晒，因為出面好多一係就係硬得滯，一係就係林到一食就散!食落口好重OREO味!因為佢唔係用一般果D餅乾做個餅，而係用左OREO!佢個賣相仲好靚，好似一朵花咁!久別種逄，估唔到溏苑質素有加無減，下次應該叫番成班莊員黎莊聚!!題外話，唔睇佢地MENU唔知，原來佢地就係我之前去左食既甜牙牙既始祖…有D野就真係咁”橋”!…查看更多

食完泰式放題後, 我地轉戰甜品! 我和友人都想試下窩夫..最終搵左溏苑, 原來又係同甜牙牙同一集團。這間甜品店的地方不大,客人亦可選擇坐外面。而服務員的態度感覺也不錯!打開餐牌後, 發現這個「巨無霸挑戰站」..挑戰成功可以有證書同免收費..不過只限一個人食, 我相信食完後應該會飽到想死..哈!我們三個人, 最終我叫了夏日鮮榨果粒奇異果汁($21)! 個名真係好長呢!杯奇異果汁份量不少, 而且入面仲有粒粒奇異果肉呢, 飲落好fresh! 出面買杯鮮榨橙汁都要十幾蚊杯(仲要普通紙杯裝)...所以小妹覺得呢個好抵飲!士多啤梨窩夫 ($43), 配上雲呢拿雪糕及糖漿。賣相真係幾靚呢! 不過我地卻嫌窩夫唔夠熱, 如果熱D應該會更加好味!這間甜品店感覺不錯, 而且有不少新式甜品/糖水! 有機會一定再幫襯!…查看更多

係Facebook 見到有朋友po左張圖出泥話係溏苑只要45分鐘內挑戰9層窩夫成功就可以免費我同朋友本身都幾大食加上對甜品都幾有興趣 就約埋出左去試傳說中既waffle去到廣華街 發現除左溏苑 仲有間甜牙牙 原來甜牙牙係分店泥, 2間d 裝修都幾舒服最後揀左係比較少人的溏苑坐底一坐底打開份menu 就見到傳說中既九層仲見到其他甜品好似都幾靚幾有特色最後緊係點左個九層啦 個店員話要等半個鐘左右點知好快就泥左啦!一開始食落都覺得無乜野 係d cream多左少少點知食食下發現原來個waffle 得好少生果食到個口好乾 同埋d waffle整到太硬 好難入口上層有d 士多啤梨都仲好少少食到下面就開始有d oreo, 手指餅... 食到條利都損埋最後緊係食唔哂 仲有d反胃總括泥講 九層免費只係少少宣傳卓頭勸大家都係唔好去挑戰 佢既其他甜品睇落都唔錯, 希望我有機會再去試下:(ps. 佢令我以後都唔想再食waffle …查看更多

係旺角行行下街好想食甜品,就去左呢度啦!四五點啦都唔算話太多人,唔洗等位!呢度裝修幾好喎,坐得舒服,空間夠大!仲有個board可以比人留言添嫁! 哈又幾得意喎! d waiter服務都幾好,會推薦我地有咩好食!去襯甜品店,當然要試一試佢既心太軟啦! 價錢適中,OK!於是就叫左個classic 心太軟! 等左15分鐘到啦, 好正常!外形真係好靚好有心思, 唔似其他甜品店咁剩係得一個心太軟同一舊雪糕!呢度既心太軟同其他個d好唔同! 佢係由兩種唔同既朱古力整出黎既! 所有會有雙重口感!個皮就用苦d濃d既朱古力,而入面個流心就無咁苦既, 我覺得好特別!而且食落唔覺得好heavy, 無好膩既感覺! 真係值得一試!加埋d雪糕一齊食又香又濃真係唔錯!雞蛋裡挑骨頭既地方係雪糕溶得好快!PS: 因為太急不及待食無影到相, 剩係影左個menu咋,好後悔!我朋友就試左個焦糖脆蕉! 賣相好吸引,有D朱古力醬同埋脆脆伴碟!D香蕉好甜,唔太硬又唔太軟,岩岩好! 而外面D焦糖又唔會太厚,包住D香蕉一齊食, 好正!兩隻味好夾! 加埋旁邊D雪糕一齊食,簡直係夏日首選!仲有側邊會有D芝麻脆脆之類既野, 加埋一齊食都好好食!呢個甜品仲要唔係周圍有, 所以有機會去一定要試試!鍾意食香蕉既朋友又豈能錯過呢!!!!!!! 總括來講, 呢間甜品店係食完會再去食既!一個字: 正! 推推推推推推!!!!!!!!!!!!! …查看更多