湘川滬 (粉嶺中心)

襯國慶和中秋一連幾日假期，提早和家人聚餐。一行六人訂了枱，唔使等位。我哋點咗八個餸。頭盤四式涼菜$118，份量一般，但有特色。北京填鴨(半隻)$88，加埋配菜醬汁包住食，唔油膩好好味。花雕醉雞$78，酒香雞肉嫩，份量足。懷舊魚香肉絲(跟薄餅)$80，炒得好夠鑊氣，小小辣好惹味。腿茸奶湯津白$85，一般啦。招牌小籠包六隻$72，熱辣辣好好味。三鮮鍋貼四隻$48，煎得香，唔會太油。甜品:高力豆沙六隻$69，好大隻，唔太甜啱啱好。最後仲送埋紅豆沙。呢間餐廳性價比非常高。啲嘢食又有水準。下次會再幫。…Read More

8號風球！突然多左一日假！近近地落樓下同屋企人去左「湘川滬 」食飯。四式涼菜雞絲粉皮 - 麻醬落得足，粉皮滑溜撈勻食超開胃 鎮江肴肉 - 凍食啱啱好，水晶狀肉凍睇得又食得 蔥油海蜇 - ，蔥油香唔會蓋過海蜇鮮味 ，海蜇爽脆雲耳青瓜 - 青瓜食落清爽，食完即刻胃口大開！北京填鴨片皮鴨即叫即片，餅皮蒸得熱辣辣，夾住青瓜絲同甜麵醬，鴨皮脆而不膩招牌松鼠鱸魚鱸魚起骨炸到金黃，個茄汁甜酸度平衡得啱啱好仲要冇骨啖啖肉，脆香魚皮黃金蝦黃金蝦超大隻，而且仲剝埋殼，鹹蛋黃黐滿每隻蝦，最正係連魚皮都炸到薯片咁脆。上海粗炒鑊氣夠又唔會太油，粗麵咬落有彈性，肉絲同椰菜份量都足，穩陣之選…Read More

朋友去咗間川菜館，真係食到好滿足。第一味就係水煮牛肉，一上枱嗰陣紅油翻翻，香味好夠衝。牛肉好滑，唔會死實，加埋啲芽菜同寬粉，吸晒辣油精華，越食越惹味，唔覺意就食到出晒汗。 跟住係**田雞乾鍋**，啲田雞肉鮮甜嫩滑，冇腥味，辣香混住啲乾椒、花椒，香味好立體。鍋底仲有啲薯仔片、蓮藕片，吸晒汁，又香又入味。邊食邊加熱，保持住乾爽熱辣嘅狀態，好過癮。 最後試咗**蒜泥白肉**，呢味係涼菜，正好用嚟中和之前啲辣。肉片薄得嚟仲有少少脂香，入口即溶，配上香濃蒜泥同微酸嘅調汁，好開胃。食完唔會覺得油膩，反而想再嚟一碟。 整體嚟講，呢餐嘢辣得夠勁，但唔係死辣，有香有層次。三道菜各有特色，水煮牛肉重口味，田雞乾鍋辣香過癮，蒜泥白肉就清爽解膩，配埋白飯簡直停唔到口。下次一定會再去！ …Read More

閒日中午見呢間上海店有點心又有上海客飯套餐 幾多選擇~點心叫咗蝦餃 菜苗餃 金錢肚陳川粉 煎蘿蔔糕 同排骨菜苗餃雖然有一粒爛咗 但勝在同蝦餃皮一樣有咬口 皮亦唔會好厚 餡都豐富😁金錢肚正正常常 但陳川粉就一pat野咁 癡埋一舊我食嘅時候每塊分開返一塊一塊食🤣煎蘿蔔糕略為煎得唔夠脆口 但味道都幾好😊排骨都正正常常~我哋另外叫咗碟上海粗炒 有得少鹽少油😆 每條麵都沾滿色 口感好味 麵食落唔會淋 又有菇同肉絲 好食~最鍾意食呢間嘅小籠包 繼續皮薄多汁😍😍 每次黎都一定叫😆點心11:30前落單平啲(早茶價錢) 茶位每位$10~…Read More

區內比較高價嘅上海菜餐廳，午市有套餐，晚餐嚟試覺得不過不失雞絲粉皮：有花生醬香，粉皮都幾有咬口，加埋青瓜清爽冇咁膩🥒糖醋魚塊：呢個認真唔錯，魚塊唔厚粉炸得啱啱好，酸甜醬同菠蘿更添滋味🍍瑤柱蛋白炒飯：炒得幾香，份量唔少小籠包：有驚喜，薄皮多汁，而且幾大隻🥐價錢比較高價位，要加茶位同加一，性價比略為低啲…Read More

點解生存到？梅菜焨肋骨嚡熠熠片皮鴨皮吾脆肉肉好似梅曬酸菜魚吾入味，唔單止無酸味好似冇落鹽咁瑤柱賽螃蟹無色無味宮廷崧子松鼠魚個汁甜味酸味都冇黑醋排骨，排骨硬過石頭，無醋味酸豆角炒肉末無酸味唔知係咩鹽物價貴？所有食物都淡而無味好難食😫😫😫😫請都吾會再去一定要俾負評，無下次餐廳裝修似茶記但收你茶錢🥲又貴又爛食，…Read More

新年期間去拜年兼食晚飯，今年好多地方都訂座滿額，終於訂到粉嶺中心呢間川菜上海菜，一行十幾人訂咗7點半，最後等到8點幾先入到座。鮑汁花膠元蹄元蹄炆得好入味，唔會好油膩，肉質鬆軟。花雕醉雞+重慶口水雞花雕酒味好香，酒味唔重，調味合適。口水雞都幾辣，唔食得辣搞唔掂。雞係凍食肉質實淨有雞味。北京填鴨我地叫咗兩隻，份量好足，鴨皮有油香好飽滿，皮脆肉嫩。招牌松鼠鱸魚魚肉嫩滑，醬汁酸酸甜甜。酸菜魚魚肉正常，唔會好酸，唔太辣，薯粉好滑溜。紅燒獅子頭又係叫咗兩份，味道唔錯，可惜裏面有類似豬毛嘅嘢，夾一角都有幾條，我個人唔係好接受到，幾好食都無用。除咗獅子頭，其他餸菜都認真唔錯。Ps:高力豆沙賣晒無得食。…Read More

今日又過來食上海菜, 比安排坐卡位, 今次叫左一個砂鍋雲吞雞🐔, 一個蒜茸🧄炒福花菜, 一個三鮮炒拉麵, 叫左一壺人參烏龍🍵, 等左一陣, 蒜茸🧄炒福花菜先到, 好香蒜茸味🧄, d菜食落都好甜, 但忘記叫少油😅, 份量一般, 個碟就似乎太多油了😱, 再之後送來三鮮炒拉麵, 入面有雞肉🐔蝦🦐同花膠, 也是忘記少油😆都係比較多油🫣, 麵份量也唔少,味道都ok, 有d芽菜, 不過食落蝦🦐同雞肉🐔一d味道都無, 再之後送來一個砂鍋雲吞雞🐔, 雲吞有幾粒, 食落味道也ok, 有d旺菜🥬, d湯飲落都有味, 都唔算太肥, 雞🐔比半只, 味道還可以, 不過要去皮好d, 塊皮好厚🤣, 但飲完d湯都有d口渴, 之後店員送上兩碗陳皮紅豆沙🫘, 食到陳皮香味, 有d蓮子, 食落唔算好甜, 反而依個係最好😜, 整體味道都係屬於一般, 亦覺得款式選擇比較少😅, 不過叫做坐得舒服😊…Read More

好耐無來依度吃上海菜😋許多選擇, 有d心多😜, 叫左雞絲粉皮🐔, 小籠包😍, 火腿津白🐽🥬同嫩雞🐔煨麵🍜, 等左一陣送來雞絲🐔粉皮, 嘩, 好少見敢大碟😁, 上面有d青瓜絲🥒, 亦唔係用日式芝麻醬😄, 汁都好多😗可以完全包住d雞絲🐔同粉皮😜, 幾好食😗, 之後來火腿🐽津白, 都好大碟😛不過d金華火腿🐽勁咸, 係咸得過份誇張, 食左一件都唔敢再食😆😂, 之後再送來小籠包, 雖然凍左, 不過入面都食到好多湯汁👍味道唔錯, 再之後送來嫩雞🐔煨麵, 又係好大碗😀味道也不錯, 麵都好滑, 入面除左🐔雞絲, 另外有d冬菇同小棠菜粒😉, 原來最後埋單先知星期一至五有85折🤪唔怪之得坐滿人客啦😅😂…Read More

湘川滬真係一間好正嘅中菜館呀！😍🥢首先講價錢，真係平到你笑！💰😄 對於想食好嘢又唔想大出血嘅食客嚟講，呢度簡直係天堂！我個人推薦必食嘅有酸菜魚、水煮牛肉同埋小籠包。🐟🥩🥟 呢啲菜式嘅味道真係正宗到爆！👨‍🍳👌酸菜魚酸香開胃，啲魚新鮮又夠嫩滑，配埋香噴噴嘅酸菜，簡直係絕配！😋🐠水煮牛肉辣得過癮，啲牛肉嫩滑多汁，辣中帶香，真係食完都想再嗌多份！🌶️🤤至於小籠包，一啖咬落去湯汁四溢，皮薄餡靚，真係冇得輸！🥟💯講到環境，真係坐得幾舒服㗎！🏮🪑 裝修雖然唔係特別豪華，但係乾淨整潔，氣氛都幾好。侍應嘅服務都幾唔錯，態度親切又有禮貌，落單嘅時候仲會細心介紹，等你食得更加盡興。😊👍我可以話佢係我喺粉嶺最鍾意嘅川菜館啦！🏆🌶️ 每次去完都覺得超值，而且啲嘢食真係好好味！不過呢，因為佢位處火車站隔離，所以成日都好多客！🚉👥 尤其係晚飯時間，真係會坐都坐唔到㗎！所以我建議大家最好提前訂位啦，咁先可以保證有位食到。📞✅總之如果你想食正宗又抵食嘅川菜，又啱啱喺粉嶺呢邊，一定要去湘川滬試吓啦！😉👍 相信你一定會同我一樣愛上呢間小店㗎！❤️🍽️下次約朋友食飯，不如就去湘川滬啦！但記住要早啲book位呀！🕰️📅 我敢保證，你哋一定會食得開心，仲會想再來㗎！🎉😋…Read More

平日lunch行經粉嶺，見到呢間酒樓有多種類食物，主打湘川菜，但餐牌同一般酒樓差吾多，有點心蝦餃燒賣，炒粉麵飯，午市有套餐幾吸引😆⭐️黃金蝦仁炒飯黃金即係咸蛋黃，蝦仁很少，好在有雞蛋同咸蛋黃一齊炒，無咩料😅😅好少餸，但叫做炒得正常，無咩油⭐️蝦餃蝦餃好大隻，賣相令，蝦彈牙爽口😆👍⭐️香煎蘿蔔糕十分普通，無咩蘿蔔絲，太多粉無料，要點醬料食😅⭐️生煎包無咩特別😅吾係脆皮底，只係普通一個包煎一煎個底。。不要有期望😅😅…Read More

今晚同同事食飯，大家都揀咗粉火隔離嘅湘川滬🤭除咗相入邊嗰兩度餸之外，我哋仲嗌咗香醋豬軟骨煲、火腿津白，上海回鍋肉粗炒、京蔥爆牛肉同高力豆沙。由於其他餸菜冇影相，我就係用文字描述一下啦🤭香醋豬軟骨煲真係必叫之選！佢原鍋直上，上菜時香噴噴；豬肉煮得好淋，軟骨亦都好好咬，送飯一流🤤🤤火腿津白啲菜煮得好入味👍🏿上海回鍋肉粗炒，粗炒出色好味。驚蔥爆牛肉啲牛肉都煮得好入味，亦都係送飯嘅一個好選擇。高力豆沙作為飯後甜品亦都不過不失，配埋佢嘅糖粉連埋豆沙一齊食，係好滿足嘅一餐。…Read More

好耐冇食過上海嘢，所以就約咗屋企人一齊去吓呢間上海嘢食啦，雖然唔係第一次食啦。我哋都係叫啲傳統嘅上海菜，例如炸銀絲卷，水晶肴肉，小籠包，嫩雞煨麵等等😀小籠包都算多汁。炸銀絲卷一貫嘅外脆內軟，幾好食。水晶肴肉，就鹹咗少少不過都好好味呀。嫩雞煨麵就清清地作為主食，幾好。我其實都好中意食上海野，由區內缺乏食上海嘢餐廳，所以呢間店經常都勁多人，人流多同埋比較短時間可以用膳。餐廳裏面嘅裝修都算可以，如果四個人就可以坐到卡位…Read More

有日，同朋友去粉嶺行完山，之後晩餐去了這間酒樓食晚飯！聽個名字還以為是食川菜！但我就覺得佢哋唔係主力做川菜！其實是做粵菜！或者是我誤會了！食物質素一般般，不過不失！但見侍應對街坊食客，公公婆婆幾有禮貌！…Read More

和家人去完和合石掃墓，中午諗住近近地返粉嶺揾嘢食，見到要間酒樓，終於揀咗這間湘川滬。中午時段原本打算飲茶，不過餐牌見到有些小菜就即管叫嚟試下，可惜實在未如理想。蒜泥白肉：最另人失望的一碟，肉只得幾塊放在上面，下面全是粉皮。肉又唔入味又韌，蒜又得少少，真心唔得。其實下面個粉皮幾好食，可惜我叫嘅係蒜泥白肉，唔係粉皮...雪菜肉絲炒年榚：淡淡地，唔算難食，不過肉絲少得過份，而且年榚太厚，好難咬。順德鯪魚球：這個值得一讚，雖然質感爭少少，但鯪魚球配上胡椒粉，實在不錯。至於其他，不過不失：…Read More