港澳義順牛奶公司

已經好多年冇幫襯過 細個去澳門會專登去食今晚食完飯諗緊銅鑼灣有咩糖水舖突然醒起佢加上同行朋友未食晚餐佢又有通粉三文治食.晚上八點幾接近九點時候去到舖頭全場都坐滿咗九成 餘下兩張六人卡位座位但上面擺咗「留座」嘅牌仔.店員原本叫我哋三個人同一個人搭枱事實上個位都真係幾逼夾 同埋嗰一位客人都擺咗佢嘅物件喺其中一張凳上面於是我哋問佢可唔可以坐卡位啊？店員話可以不過你哋坐埋同一邊坐同一邊我哋都覺得冇問題 咁就坐咗同埋叫做舒服啲.我哋一坐低 店員就即刻攞一塊板擺喺張枱嘅中間位置其實望返落去都真係幾迫 （張相wide angle 影得闊)於是朋友將嗰塊牌褪前少少 轉個頭掂完即刻移返喺中間好驚我哋過界 🤏🏻 呢個舉動認真有啲唔舒服～～坐卡位好似坐咗佢嘅王座咁樣 成間舖趕住翻枱好驚你坐得耐🙂‍↔️講返食物點咗兩碗雙皮奶 （$40碗） 同埋要咗一碗餐蛋通粉 （$38碗 加煎蛋 $7）.我覺得我係食緊少少童年回憶雙皮奶一碗熱一碗凍凍嘅食食下會比較漏熱嘅會好啲啲 .至於通粉就正常發揮啦～味道就因為服務都影響咗，所以都未必會再嚟食了 成個體驗有啲差😑😵‍💫.食食吓後邊有七個中年人士入嚟食燉奶店員叫佢哋七個人四三咁樣坐過六人卡位聽到都覺得有啲迫分享完畢😐…查看更多

港澳義順牛奶公司係澳門開業多年的甜品店，之前去澳門試過佢同 The Cotiz 聯乘嘅牛奶雪糕雙皮奶覺得好好食。有一晚係銅鑼灣食完晚飯，行過見到就想入去食碗雙皮奶。舊式老店的經營方式都好有趣，落完單會有一張印滿銀碼嘅卡紙用嚟結帳。有趣嘅係有啲數字係無嘅。………………………………………………凍雙皮奶 ⭐️⭐️⭐️⭐️⭐️⭐️奶味好濃郁，甜度剛剛好，口感又好滑，好好食，值得推介！………………………………………………原來香港得返銅鑼灣依間義順，希望咁好食嘅雙皮奶可以繼續係香港食到啦。…查看更多

今日行經銅鑼灣，心血來潮想食燉蛋，即刻就想到義順。可惜……. 碗燉蛋真係跌咗watt😌賣相睇落OK，入口就知唔對路。蛋香淡咗，口感水汪汪，甜得嚟有啲「虛」，完全冇咗以前嗰種濃厚滿足感。記得舊時細個跟阿媽嚟食，碗燉蛋香濃到食完成個口都仲有餘韻。而家？食完都唔記得自己食過咩。唔係話難食，但真係普通過普通，已經唔係記憶中嘅味道。情懷不再，有啲失落。…查看更多

這家甜品店的紅豆雙皮奶真是令人驚艷！雙皮奶口感細滑，奶香濃郁，入口即化，讓人一試難忘。上面的紅豆煮得非常軟糯，甜度剛好，不會過膩，與奶香完美融合，每一口都充滿幸福感。擺盤也很講究，白瓷碗搭配紅豆色澤，視覺上就讓人食指大動。除了甜品出色，店員的服務也非常值得讚賞。他們態度親切有禮，主動招呼客人，送餐時面帶微笑，讓人感受到溫暖與尊重。整體用餐體驗非常愉快，不僅味蕾得到滿足，心情也被店家的用心照顧。下次一定會再來光顧，推薦給喜歡傳統甜品的朋友！…查看更多

多年沒有幫襯義順，早年旅遊業盛行的時候。由朝到晚排長，身為港燦嘅當然不會排隊啦。今日路過，長龍已經消失，即管入去重拾當年的味道，可惜，味道強差人意，冰花燉蛋好稀，好淡，這麼簡單的傳統食品，品質都維持不了。實在令人極為失望。除了食物品質外，服務亦強差人意，侍應粗聲粗氣。相信我也不會再幫襯了。…查看更多

Yes shun milk company is an institution in Hong Kong. Unfortunately they had to close down two other shops in Hong Kong, but this one left.We ordered hot steamed milk pudding, cold coffee pudding, egg/sausage sandwich and Macao pork chop bun.The interior is classic retro Hong Kong style. The visible fridge is full of pudding deserts and can be also seen from outside. On weekends you can expect queues waiting to get seated.The puddings are tasty and not too sweat. The sandwich and buns are fresh and accomplish the deserts. However yew shun is more of a desert place. We have been here several times and always gladly come bqck for a desert.…查看更多

雙皮奶食物味道普通，$40碗，完全唔值嗰個價。侍應態度惡劣，我地入到去Menu都唔俾，無人理。有個大媽侍應對住外國人烚熟狗頭咁，問佢攞Menu就一句得埋嚟話「你識睇咩？」極度無家教無禮貌，明明個侍應大媽個look都成個大陸婆咁，居然咁都學人歧視唔知大陸人定香港人，最後搵左另一個侍應落單。食左百幾蚊食到一肚氣，食物又唔係好食，呢間野blacklist唔會再去，侍應態度咁差咁鐘意奶鬼佬鞋底真係建議早日執笠。…查看更多

我哋3人去食甜品，要坐一張卡位嘅一邊，坐得唔舒服，已經掃興咗一半！我哋每人都點咗燉蛋，完全唔香冇蛋味，食到一半更出哂水，已經唔想再食.以前係好味嘅. 而家覺得環境唔舒服，燉蛋唔好食，應該冇下次！…查看更多

餐廳主打就係做雙皮奶非常出名，雙皮奶全部都係每日新鮮製作，一直堅持用最傳統嘅方法🥰🥰馳名雙皮燉奶，真係將雙皮奶嘅精髓發揮到淋漓盡致👏濃郁嘅奶香味撲鼻而來，用匙羹輕輕一兜，上層嘅奶皮完整又有韌性，完全唔會一兜就爛。入口奶皮口感煙韌軟滑，嫩滑如豆腐花嘅奶凍，入口即化。奶味醇厚濃香，甜度又控制得剛剛好，甜而不膩😍😍再試試紅豆雙皮奶，除咗雙皮奶本身嫩滑嘅奶皮同入口即化嘅奶凍之外，加入嘅紅豆更是畫龍點睛之筆。紅豆煮得軟綿綿，入口即溶甜滋滋嘅味道同雙皮奶濃郁嘅奶香完美融合。每一啖都可以同時感受到嫩滑雙皮奶同軟綿紅豆嘅雙重口感，真係食極都食唔厭😚😚…查看更多

同班friend嚟玩，晚上唔知食咩嘢，见到哩间店好几次，就嚟试下，人都几多，要排队，睇个装修应该都开咗好耐，估计啲嘢都唔会难食到边度，结果一坐低睇咗菜牌发觉贵到惊人，以前住屯门以为都係二卅蚊，结果呢度一碗就要40蚊甚至往上走，罗柚都未坐𤓓又唔想走跟住就试下。我点咗碗姜汁炖鲜奶，我个friend点咗碗双皮奶，上餸速度就好快，但係一入口失望到爆，姑且不论姜撞奶是否等于姜汁炖鲜奶，完全冇姜味，而且一睇就知做咗好耐放喺保温层，食过真正嘅沙湾镇嘅姜撞奶就知，完全唔係呢阵味，简直坤街坊啦。…查看更多

在這次用餐經歷中，我發現坐位偏小，讓我和朋友不得不緊貼坐在一起，感覺十分不舒服。此外，職員的態度非常惡劣，語氣冷淡，完全無視客戶的需求，這讓整個用餐氛圍變得不愉快。最讓人失望的是，40元一碗的雙皮奶價格偏貴，與其質量並不相符，讓人感到物有所值的期待並未達成。總體來說，這次的經歷真是一般。…查看更多

落座后看到桌面有前人留下的滴落双皮奶 提醒她擦一下 不料她拿起点单的纸片铲起 飞落在地上点了双皮奶 还OK 但41块 你是认真的吗？点了c士多 问她要餐具 她反问道：“要什么餐具？！” 随后“给”我两把叉子 她用屁股对着我一甩手给出两把叉子 如果只是一位店员如此差劲 尚可理解 也许她不凑巧心情不好 但仔细观察 基本每一位都这样也以为她们区别对待 发现也不是 讲广东话的也一样见过服务差的 但这么差的很少见 不想做生意可以不做 越想越生气 一定要来写个差评 …查看更多

長話短說，1行3人，朋友行快D，我們只是緊隨其後，負責安排入座的伙計非常緊張的問人齊未，未齊在外面等，理解，但態度可以改善。入座後，伙計站在枱旁非要等到你落單為止，我已表態我們不是常來要睇睇，這人依然企係度，氣場非常不耐煩，如果你間嘢係唔俾人諗的話，咁唔該取消餐牌，每人入來就上一碗雙皮奶，咁未夠快囉。再講，最重要是3碗嘢，30秒上枱，好食極有限。奶因為不停在熱住已經不滑。薑汁那個不是薑汁多就是好，完全冇平衡，死辣，過火。試問這碗甜品點解會值40+。店內大部分是遊客都是慕名而來，但其實無論香港人又好，遊客又好，都唔應該再俾人搵笨吧！…查看更多

今晚叫惯常的薑汁燉奶，但質素好差，除咗面頭嗰層似燉奶，第二羹巳喺水，好似食薑汁奶水，同樓面反映，佢見到我碗嘢笑笑口話可能D薑唔靚，唔喺咁無常識吧。畀錢時同收銀反映，收銀姨姨聽完無反應，當聽唔到，只喺收錢，一粒聲都無，我好似同空氣講嘢，咁樣服務真喺好差，喺咪諗住主要客源喺遊客，就可以咁呢？以後唔會再幫襯。客人向你哋反映都喺想你哋同師傅講，等你哋知今日出品有問題，咁既態度同出品，喺咪等笠呢？今時今日香港，做食店服務人員同食物出品喺咪應該更加認真呢？…查看更多

今日星期六食完個晚餐差不多九點，銅鑼灣很靜，看到以前排長龍的義純牛奶公司見不用排隊就有位馬上入去重溫一下雙皮奶，叫了一個凍的雙皮奶質素保持以前的味道，最重要是馬上有位即刻有得食這才是必須的，如果好似以前要排隊，我一定會走咗去其他地方，幾好食都係假，如果要我排半個鐘先有得食😅…查看更多