港嘢家

小店不大，裝飾是懷舊的霓虹燈和貨櫃箱的牆板，餐廳播放八九十年代的粵語流行歌曲。豉汁龍蟠鱔煲仔飯：這是它家的招牌菜，鱔很肥美新鮮，倒入美味的醬油，香氣撲鼻，很好吃。招牌鐵板叉燒：第一次見到這種用鐵板盛著的叉燒，半肥瘦的叉燒在鐵板上不會燙得焦乾，反而鬆軟可口。腐竹豆漿浸時蔬：選了菠菜，新鮮、泡在豆漿里煮熟的，還有杞子、干貝配搭，味道很好。風沙雞：這個也是招牌菜，是即制熱辣辣上桌，雞皮脆、肉嫩，拌著炸蒜蓉，入味又不油。手打檸檬茶：茶味和檸檬味濃郁。店家奉送的例湯是雞湯，還有自助餐吧，客人可以取Twinings茶包沖茶、或者取橙汁、蘋果汁。店裡侍應年輕又有禮貌，一反傳統的茶餐廳模式。十分推崇這家小店，菜餚做得出色，而價格卻挺實惠的。…查看更多

近期大熱新開左哩間食煲仔飯裝修舒服又坐得舒服最重要係夠冷氣啱啱個星期六去左食晏叫左幾個餐 其中一杯餐飲要左凍檸茶點知飲左兩啖經理主動走過黎同我地講今日杯檸茶個色瀆左少少不如幫我地換過一杯首先係有啲突然好少可會有咁主動既服務起初我地都話可以唔洗 都ok但經理話做得唔係咁好幫我地換過杯於是就換左杯新既黎左第二杯飲左兩啖 經理又再走埋黎話不如我幫你地轉過第二杯野飲呀跟住我地本身都係話唔洗都ok但經理話佢試左個茶底 真係做得唔好所以都想幫我地換過另一杯態度係我幾乎未見過既超級誠懇所以最後換左檸蜜🙈好欣賞他們重視自己的出品比客人更在乎質素咁當然 我地唔係冇要求但正常唔會特別去為難人 除非真係好差好差所以這餐廳令我印象好深刻既然他們重視客人咁當然相對地 我都會重視這餐廳一定會成日幫襯☺️☺️☺️食物質素唔錯焗飯超掂煲仔飯都唔錯不過第一次食時就太燶🤣但經理又係超好 主動問我地要唔要換過但因為都食得七七八八所以就冇換食得開心好重要大家可以多多支持這樣有心重視質素的小店💪💪💪…查看更多

今日終於試咗港嘢家，主打【香港味道，等我嚟造】，什麼是香港味道？就係【手切鮮牛肉煲仔飯（蘭王蛋）】＄108價錢就真係好香港地道喇，但係個飯就好似去咗老人院煮俾啲公公婆婆食咁好淋又濕，做唔到粒粒分明，好似食BB糊仔飯咁⋯啲飯焦似上一手黐咗底嘅飯乾多過似飯焦，食唔出焦香味，見到都怕怕，落單嗰時就有好多選項，就係無得選啲飯唔要咁淋，太可惜😅就當係一次唔好嘅經歷啦！我都明香港味道嘅煲仔飯都應該唔會有呢個選項嘅！😉講番另一個《粒粒臘味煲仔飯》，這個煲仔飯正正常常。…查看更多

中秋節晚上，我和老公二人去新蒲崗搵食，可能中秋節原因，有部份食店都已經關門，最後選擇這間，我們是被他們的裝修吸引的。我們點選了秘製沙薑雞半隻，椰香咖喱牛舌焗飯。沙薑雞係用新鮮沙薑，市面真係比較少見，我覺得係有心製作的，雞係無骨，啖啖肉，唔肥膩，價錢係＄128, 我們覺得係值得椰香咖哩牛舌焗飯，味道係好香，牛舌係用牛舌芯，非常淋滑，但可能咖哩汁比較多，我們覺得比較重味和鹹，我有向老闆反映，並向他提出可否比多一點飯，溝淡一點，他立刻說幫我們更換或者取消，但我們不想浪費食物，所以多一點飯溝淡便可，而老闆之後亦送上一碟上湯菜作為補償，而結帳時亦給我們一個優惠，在今時今日香港食店，有這個服務態度，我相信少之又少，就因為這個態度，我相信我會再次幫襯，食物好係重要，但服務態度我會放在我首選，這店兩者都可兼顧。另外要讚賞這店另一誠意，就是每位客人會免費有一小杯熱騰騰雞湯，清甜，不油，是全餐MVP…查看更多

最鍾意係呢間店嘅門面同埋環境，未正式開張已經覺得期待，望住個名加上店鋪嘅裝修環境都令人覺得有種親切感，有種屬於香港特色嘅感覺，入到去環境都舒服，同埋佢哋嘅服務態度都幾好😚🍽️用餐人數：1▪️餓底早餐$98個陣食在太肚餓啦，猶豫咗好耐食咩好，最後都係叫咗佢哋嘅all day breakfast😂覺得入面咩都有啲都幾好😚食落就覺得係中規中矩嘅all day breakfast，最鍾意佢嘅多士配鹹牛油好好味😚…查看更多

練完琴咁岩經過 見到個招牌好eye catching. 決定入去試下！ 店員好好禮貌 好主動介紹. 未點餐 就已經有杯雞湯飲重好窩心叫我 趁熱飲見到隔離台叫左煲仔飯 林豉油落去 滋滋聲好香 令到我又叫左個煲仔飯 同 風沙雞. 招牌煲仔飯 好香好足料 飯焦都好出色！！佢個鱔真係好好食，食落爽口彈牙. 唔會好似其他餐廳咁林哂. 風沙雞 都唔錯. 雞外脆內軟 食到雞胸位 肉質依然嫩滑 咸蛋黃同乾蒜的配搭岩岩好 食落唔會太流. 整體黎講 味道不錯，價錢又OK. 下次想試佢焗豬扒飯！ …查看更多

手切鮮牛肉煲仔飯 $98我要求多飯焦，但飯焦是多了但有點燶，有點苦澀味道，是新鮮的牛肉，嫩滑可口，沒有經過醃製，加上有一小塊牛油及生雞蛋放在飯的面上，拎飯及牛肉多了淡淡的牛油香，只是豉油可以多給一點，因為是豉油煲仔飯的靈魂。鮮茄厚切豬扒焗飯 $98炒底的飯加上厚切豬扒味道是不錯的，很欣賞豬扒，差不多有1cm的厚度，很香濃的豬味而且鬆軟可口，烹調的時間也很足夠但沒有令豬扒變得很乾身，只是蕃茄的味道較甜，影響了飯的口感，但整體是不錯的。看似是很昂貴的晚餐，但是如果你沒有點任何的飲品，可以在水吧枱上自行選飲品，有 TWININGS茶或是蘋果汁或是水，來配合你的晚餐，而且飲品是任添的 中，所以這個價錢是配得起食物質素及飲品的選擇。 店鋪冷氣充足，沒有以前在街邊的時候一邊吃一邊出汗。…查看更多

近年因啟德發展下，鑽石山A出口行返新蒲崗方便左，飲食變得蓬勃。呢間主打煲仔飯真係超讚，價錢合理，食物熱辣辣之餘，食得出有心製作，裝修行老香港味，玻璃花同我死鬼姑媽屋企一樣😂播放住我哋個年代嘅流中文歌，音量剛好又不阻礙傾計，最重要係服務超好，好到唔似响香港，又唔係扮嘢喎，真心對待每位顧客，好有街坊情懷佢哋有嘢飲可叫㗎，但係竟然有果汁同埋飯後茶包，仲有少少一杯湯送，好好味喎😋真係估佢唔到價廉物美！鐵板叉燒，超級推介鍾意食鱔，不要錯過招牌煲仔飯，腐竹豆漿浸時菜亦必試。店長B哥哥仲好nice又靚仔😍當你諗起曾經光顧嘅九記牛腩、光速澳牛、西臉海港及所有入座加句用餐限時90分鐘嘅餐廳……….作為有返咁上下年紀嘅土生土長的香港人，你必須要來感受一下乜嘢叫做食餐舒服嘅晚飯😌p.s 不是打手，唔係試食🤣…查看更多

Lunchtime去咗呢間大排長龍嘅餐廳，試咗佢嘅招牌櫻花蝦肉餅同鹹魚肉餅，仲有水蒸雞同麻婆豆腐。😆佢真係冇改錯名，啲飯真係太大碗食到好飽，而且套餐仲有涼菜同雞湯飲，整體嚟講有肉有菜好均衡。👍🏻首先肉餅整得好好食，煎得啱啱好，帶鹹香味送飯一流，個人覺得櫻花蝦味肉餅好食啲😂，好推薦大家去試吓！水蒸雞味道比較清淡，建議可以加配肉餅套餐入面嘅甜豉油😂好少見出面餐廳整麻婆豆腐，試完覺得都唔錯，但好似唔係平時食開嗰隻味🤔總體嚟講呢間餐廳食物質素又好又抵食，仲要裝修咁靚，唔怪得有咁多人排隊，支持！PS.見到隔籬枱好多人點忌廉湯通粉，下次都試吓先！…查看更多

大大個霓虹燈牌，以為是一貫打懷舊牌的食店，想不到半小時體驗了的不單止份量足有熱度的早餐，熱誠的店員和超出想像的服務，是久違了的舊香港人情味。懷舊廣東歌很親切，全店上下有禮又主動，免費自助水吧絕對是驚喜，幫襯完不禁想講句加油打打氣，下次必再來試煲仔飯。今日柯打：杞子豬潤米粉配反蛋蒜多沙律菜+熱朱，完全對板。推！無入鏡的餓底餐（all day) 及板燒三文治（䓤花蛋沙牛）有賣相有實力超額完成！祝老板生意興隆！請繼續加油！…查看更多

搬咗嚟Airside 返工都接近一年。今晚夜咗放工，去開嘅食店已經閂門。經過呢間新餐廳，店內嘅店員誠懇咁走出嚟問幾多位，都見到幾多人食，所以就坐低。小店主打煲仔飯，全日至六點有茶餐，都有其他港式風味嘅飯麵同小菜。我哋叫咗焗豬扒飯、煎肉餅、梅菜蒸菜心、同埋爆檸檸檬茶。份量不算太大，但係夠二人食啱啱好。煎肉餅尤其出色，甚有驚喜！焗豬扒飯都好有小時候嘅味道。 味道偏淡，但係食完唔口渴 - 讚 店員告訴我哋店內嘅水，果汁同埋茶都係自助免費。誠意十足。 全店播放八、九十年代嘅粵語流行曲，非常港式情懷。下次一定要再嚟試吓佢嘅煲仔飯。#香港美食 #港式情懷 #hongkongfood …查看更多

星期日去新蒲崗吃brunch，路過看到一家裝潢港風的新店，便入去試新。點了二個套餐均附送青瓜小吃和一杯雞湯（我想是浸完雞的湯奉客）味道也是濃郁有雞味。1.足5両香煎肉餅煎蛋飯大澳咸魚香氣樸鼻，肉餅份量十足結實彈牙，有少量薑葱油放飯面配上甜豉油，好吃。煎蛋也可以選太陽蛋，反蛋，或熟蛋。2.古法去骨沙薑雞配菜飯冰鮮雞也做得肉滑，少少紅，配新鮮沙薑蓉味道不錯。但下面的汁稠，不合我個人口味。下次試試醬油雞看看。有免費的橙汁蘋果汁附送自家製的辣椒油也不錯。下次晚上去試試他們的煲仔飯和小炒。是一家可以回頭幫襯食店。…查看更多

Lunch行過幾次都見到好多人排隊，咁有一次就2:30pm左右去食第一次，坐低左之後想叫一份口水雞飯，點知有個5號靚仔就同我講今日所有雞都賣晒，我就問佢點解預咁小貨，佢就同我講公司嘅方向就係想賣晒都唔想留到隔離，咁樣就日日都有新鮮雞食，之後我就叫左麻婆豆腐飯$48唔包野飲，有自助水吧免費飲果汁，個飯都幾好食⋯⋯就係咁我就更加想食個口水雞，終於擒日食到，肉好滑，雞脾起骨，可以再辣小小，總體都好高分。…查看更多

今晚行過Mikiki，見到對面開左間新餐廳，門面幾吸睛就入去試吓，叫左個臘味煲仔飯好鬼死香，半隻風沙雞，雞皮炸到好香口，竟然雞胸位都好滑員工服務好好，介紹我飲伯爵茶，話茶裡面有佛手柑嘅香味，食完煲仔飯消滯最啱⋯⋯整體都好滿分，會介紹比其他朋友…查看更多