港味

晚餐點了一條豉椒蒸䱽魚，䱽魚來到後味道非常之咸，跟住服務員反映，答案是係咁㗎啦！你第一次食啊！我哋呢啲係鹹鮮嚟㗎！跟住就走咗去。然後我再叫另外一位服務員來反映返問題，我話太鹹根本食唔到 ，佢就話呢啲係你哋嗌㗎嘛！仲問我想點。真係嬲到爆，跟住立刻起身埋單走，以後不會再幫襯。現在還有這樣的服務態度，香港真係死了。…查看更多

門口招牌寫港味，好少見呢個名，無為意係邊個集團旗下品牌。入到去見枱面就開估喇，原來係海港。價錢比海港平，款式都好多，除左酒樓點心燒味之外，亦有普通小菜，同賣兩餸飯賣。點心有d新派，例如蝦餃咁，搵極都搵唔到，原來係扮緊桔仔，不過似唔似呢? 同牆上幅相就有d唔同喇...其他點心味道都唔差，亦夠熱。 侍應態度就一般般啦....而舖頭最勁既位，應該係有海景睇喇！…查看更多

今晚到港味吃飯，可以咁講，價錢佢哋係好相宜，但係無論食物同服務都可以做好啲，否則，更平都冇用。蠔仔泡飯，蠔仔唔新鮮；其餘嘢正正常常； 女樓面亦正正常常，本應覺得以咁嘅價錢，算是還可以；最勞氣係最後埋單時，問收銀員攞單睇，佢黑晒口面咁掟張單俾我。呢個收銀員，上次已經係咁態度惡劣，本人行埋去埋單，佢一路做自己嘅嘢，我見唔係趕時間就等等佢，等到後尾越嚟越多人排隊埋單，佢先開始理我。呢啲咁嘅服務性行業員工，簡直係倒米，為香港飲食業悲哀。…查看更多

以前飲茶去過幾次都已經覺得麻麻地，主要係屋企人成日都想試吓食佢夜晚，點知出晒事，呢世都唔會再去。😤⁉️冇態度我到先，我去攞位，唔知做咩咁爆，油塘真係冇嘢好食？😶‍🌫️俾咗張舖頭中間嘅位，但係屋企人到之前有三張窗邊卡位嘅人走，我就問「可唔可以調位呀？佢哋啱啱走，我屋企人都未到」，個阿姐即刻話：「啲枱都係一樣嘅啫，我啱啱俾咗張枱你，你又調？」，我話佢哋比較鍾意窗邊位，佢哋未到，你唔使急慢慢，佢哋到咗都係一樣會請求調位。跟住佢就口up up執枱，話我搞到佢又要執枱，我頂唔順就講咗句：「其實你係咪都要執枱，我都冇催你⋯」😠仲話：「茶壺同碗碟，你自己拎嚟啦」真係成肚氣😡⁉️講嘢1999落單係scan QR code，但做緊一個優惠係可以$1叫燒鵝或者雞，我就見到上面呢兩樣都話售罄，我就去問吓。今次係另一個阿姐，佢話：「你要落咗原價先，我哋係要手寫幫你改單」咁我就以為要落咗原價嘅燒鵝先，我就話但係個網上面話佢售罄我落唔到，總之講完一大餐，佢意思係叫我落我其他原價嘅菜式，等我開咗張單，佢先可以手寫幫我落$1優惠嘅嘢😇⁉️冇食物質素叫咗佢$1燒鵝，二至四人份量，佢聲稱係¼隻燒鵝，嚟到有一半都係肥膏（圖4）😀我哋反映希望換，個阿姐都望一輪猶豫再三先至拎返去換，換完返嚟冇特別好咗感覺仲少咗，張圖少左兩舊係我哋夾咗嚟食😹（圖6）叫咗$45半打小籠包（圖9），嚟到全部本身都係穿咗，我哋仲要等咗半個鐘😀叫咗個金磚豆腐（圖10），45分鐘先至嚟到，當中我催過兩次，而啲阿姐第一時間並唔係催促廚房，而係走去check我係咪真係等咗45分鐘。上菜嗰一刻阿姐竟然仲話：「一講就到」😀啲嘢唔係特別好食，服務差到我真係唔會再去第二次，食物嘅選擇都唔係多。…查看更多

入黎食前問左門口位姐姐，佢話所有點心計小點價，咁ok la入黎食坐左喺度，叫我地手機落單，話選左就得，之後會轉做小點價。咁我地簡左6樣，其中，原來珍珠雞係唔計落小點（佢地話蒸點喎）係計30蚊（其他18蚊）咁就話取消，佢地先後黎2個呀姐，一個話點左唔取消得，而且蒸緊啦（好快😵‍💫😵‍💫）。另一個話要經理返黎先取消得（冇負責人在場喎）轉頭就黎左珍珠雞，我地問唔係話等經理返黎取消咩？個姐姐就話冇啦，出左野就冇得取消😑😑焗食囉食到咁上下再睇睇點既野有冇未上齊，發現原來取消左，再加返單🙄🙄即係點呀？上左點心焗你食，再做個樣話可以取消，見你食左就話做左野呀？又話唔取消得既？3點半下午茶時段可以輕鬆入座（樓上十勝牛，連pizza jat都要等位）都做到咁，真係多乜謝，唔怪得差評多過正評👋👋…查看更多

禮拜日，男家長輩話去大本營飲早茶。九點到達，客人不多。一行五人，獨佔一圓枱，無需搭枱。點了孖寶和特價系列，慢慢等點心來到。 蟹籽燒賣皇  上海小籠包   味道很正常，沒有太大的感覺。 香茜牛肉腸   白色粉口感滑滑，牛肉碎只係陪襯品，但希望有更多的芫荽。 皮蛋瘦肉粥       軟綿綿，杰撻撻，一pat pat，無牙阿婆都食到。奈何自己不食皮蛋，就交給他人處理皮蛋粥。 陳皮牛肉球    鹼水味不明顯，跟一般酒樓點心味道有不同，很喜歡這味道。 鹹魚肉餅飯   <含綺your 炳>是小米至愛，白飯有澱粉質，足以為小米大半天的活動提供能量。壓碎<含綺>，跟肉餅和白飯混在一起，大啖大啖食，小米很快就把一盅蒸飯消滅了。 <鼓>汁蒸排骨   餐牌果真這樣寫呀！！<鼓>汁蒸排骨呀！！哇哈哈!!  哇哈哇!! 哈哈哇！  排骨肉質實在，乸得不太嚴重，仍嚐到豬肉應有的味道。一枱五人飲茶，星期日早上二百有找。飲茶後，再去附近超市商場。…查看更多

2024年4月20日星期六下午4:52分，在油塘大本型商場2樓港味買咗1斤脆皮燒腩仔$98，及一盒咸菜豬肚$18，所謂嘅脆皮燒腩仔，皮又淋，又韌，下面仲要全部都係白色嘅肥膏，搵舊肉都很難，簡直係垃圾食物，超差，超差，超差，重要嘅野要講三次，咁樣嘅食物仲可以出街賣俾客人，不知所謂，即時打電話投訴然後叫我返去換，請問如果住得遠嘅，難道又要搭車返去換，咁樣做法，以後都唔使幫襯，食物質素超差，生意態度更差…查看更多

今日同朋友二人去飲茶，唔使排隊，入到去坐低喺近玻璃窗的卡位。個侍應同我講，2個人坐呢度要收三人茶錢，我打個突😰 真係第一次聽。咁算啦，我自願調位，坐另外一度。（大前提係當時有3張靠窗的卡位係冇人坐的！而當時亦都冇人排緊隊！）我換咗位一陣，見到有一個工人姐姐推輪椅🦽推住一個八十幾歲的婆婆，扶婆婆坐返頭先我坐個個卡位。當然，個待應都係同婆婆講，要收三個人茶錢先可以坐喺度。婆婆行動不便，見到佢要慢慢起身，再慢慢由工人姐姐扶住換位，我覺得呢間野真係太不近人情，其實係咪可以酌情處理呢？（重點係當時係有3張靠窗卡位係吉嘅！！酒樓亦都唔full! ）你哋可以講婆婆大可俾多一個人茶錢而唔換位，但係重點並唔係呢度，而係本身呢種處理手法已經好有問題！！！我終於明白點解而家個個鍾意返深圳食嘢，你哋望返香港嘅服務態度同質素？待應態度又惡劣！完全唔helpful 又黑面🌚呢間真係black list! …查看更多

行過油塘商場，"港·味"呢間餐廳閃閃生輝嘅招牌吸引住我，心諗，就試吓佢嘅手藝啦！入到去，空氣中飄來陣陣誘人嘅食物香味，真係叫人垂涎。🦐 黃金萬両鮑魚元寶一上枱，嘩，靚到不得了，金黃嘅 "元寶" 鮑魚上面，點綴住啱啱好嘅甜粟米，鮑魚Q彈，粟米凍香口，一啖係招財入寶嘅感覺！🍲 美顏花膠螺頭湯嘅滋味，嘩，飲一啖，濃濃嘅海洋味道喺口腔四溢，花膠跟住入口，啖啖肉，感覺佢哋真係用心燉，富有彈性又润澤。🍜 鮑羅萬有幾多料？嘿，真係滿滿匙，菜心、花菇、北菇、蚵豉，雜錦又和諧，好似一盤平民版嘅盆菜，惹味又暖胃。🐟 乾邑香煎龍躉扒，光睇個色就曬眼，外層炸得香脆，但入口，佢嘅肉質仲保持住嫩滑，這揉合真係夠晒玩味！🥘 鮑魚紅菜汁炒飯色香味俱全，鮑魚、蝦、帶子，每樣材料都係大器，一啖米飯，帶住海鮮嘅鮮甜，逐粒分明，滋味無窮。😋 網紅沙皮狗，糯米製嘅小狗實在太搶鏡，外表緻密，咬落去就轉化為細膩嘅口感，又惹味又好玩！最後嗌咗個剁椒龍躉蒸豆腐，豆腐軟滑，龍躉爽口，加咗新鮮剁椒，辣香四溢，喺唔過分搶味嘅同時，帶出龍躉同豆腐嘅幽香。完場，個恩愛天鵝酥出場，美滿又心花怒放，酥皮金黃又香脆，入口即化、內餡鮮甜——一個完美收尾。坦白講，呢間"港·味"，真係帶俾我滿滿的幸福和驚喜，搞到兜唔到轉頭，以後重過嚟，必須再試！…查看更多

走進依家港式茶樓，咁窩心既布置，真係拉近哂每個人距離嘅！今次點左幾樣港人心頭好，第一口就試咗個「金桔🍊蝦餃」，鮮嫩彈牙，真係叫我食指大動！外皮晶瑩剔透，入口即化，簡直係😍。炸脆奶真係跌破眼鏡，唔似平時嗰啲甜得發膩，這個外脆內軟，香濃奶味，絕非浮雲，搞到我一邊嘆茶一邊點心大開殺戒。鮑汁鳳爪，滷得足，肉質鬆軟，鮑魚味鮮明喺舌尖輕輕旋轉，實行食得我停唔到口👅。仲有個炸蝦卷，脆皮包藏住內裡既鮮蝦，咬落去「嘶嘶」作響，再配返個甜辣醬，美味程度，真係一試難忘。雪山叉燒包表現都不錯，叉燒醬味夠香，肉又黏牙。最後，茶仔都值得一讚，用茶包自助式，可以揀返自己鐘意飲既，一啜暖笠笠，真係正！總之，依間茶樓既點心風格新穎，口味秉承正宗，真係值得再來！🥢🍵👍🏻食評結唔到300個字,重寫過。…查看更多

今日同家人第一次去食茶，食到咁上下，成張枱已累積了很多點心龍及碟，冇侍應主動執枱，於是我舉手示意叫侍應，佢哋又扮睇唔到，然後有個侍應行過，於是我叫佢執枱，佢執咗兩個點心籠之後走咗，無再繼續請理張枱，然後我同個侍應講，我想搵佢經理，佢話經理未返工，咁我再問佢，我想搵負責人，佢話呢度冇負責人喎。後來我透過收銀員，才知道邊個係負責人，原來負責任一直都在我附近，但無主動幫忙，一樣扮作睇唔到，真是上樑不正下樑歪。呢間食肆服務真差，以後我都唔會再幫襯。…查看更多

服務態度奇差！大清早兩家人來飲早茶，店員安排我們到了一張已執好碗碟的枱就坐，但這個位置剛剛對着冷氣出口， 十分凍，在旁邊還有另外一張枱，但還未執枱，於是我們想調往鄰近的枱， 於是叫服務員執枱，明明他沒有事做，但可以視而不見，拒絕執枱，還說他的領班叫他不要執，之後又反口，說沒有講過不執枱，只是叫我們等一陣，把責任推落我們身上，這是什麼服務態度？如果當初他說等一陣，我們絕對沒問題喎，明白他們工作也辛苦，但不要一句說來：「不執枱！」奉勸大家不要幫襯！…查看更多

夜市，唔多人，最尾想嗌個糖水食，個阿姐好似趕收工咁款，又扮睇唔到，又扮聽唔到，大聲咁樣嗌咗幾次唔該都唔理我，然之後好大聲咁同佢講要一個楊枝甘露，佢噏完頭就繼續行去廚房，完全冇幫我落單，大佬，趕收工都唔好咁明顯，你最搵多另外一個阿姐幫我落單姐，然後其他員工又唔識落單，個個好似第一日返工咁樣，又唔識落單，叫佢過嚟落單，佢叫返我哋用QR code落單，問題係佢冇比QR code我哋吖嘛。總括嚟講，係一次好唔愉快嘅食飯！…查看更多

其實每逢星期六日都留係油塘，咁啱20/11朋友幫手拎左Ekin演唱會飛，好啦，去飲個茶，交收啲飛，朋友極力推介港味，住咗咁耐都冇試過，一於試下！咁啱星期五（25/11）婆婆又話想飲下茶，真係諗都唔諗，都係揀港味😋😋😋我個小朋友最鍾意雪山叉燒包，我自己就鍾意個枯仔蝦餃，婆婆就鍾意燒賣😋😋😋唯一唔好就係好凍，因為坐正風口位 ，所以食完已經急急腳走人！見到門口有啲餸做外賣，下次決定試下先😍😍…查看更多

【油塘抵食中菜🥡+1蚊燒鵝🦢😋】前日朋友生日🎂 佢話好想食菠蘿咕嚕肉 我地就走左去油塘食中菜 原本見open rice評價麻麻 以為唔好食 點知唔係 仲好有驚喜！茶位 每人$28咕嚕黑豚肉🍍🍑 $88呢個真係好食 d配菜 桃 菠蘿 三色椒🫑搭配得好好 酸酸甜甜 配埋個肉 煙煙韌韌 好脆 感覺有驚喜 想叫多一碟～松露藜麥蛋白海鮮炒飯 $78唔知係咪我太肚餓 我覺得好好食 d飯炒得好爽 唔會林曬 配埋松露藜麥蛋 好新鮮嘅搭配 都好想叫多碗🥣漁香茄子煲🐟🍆 $78呢個麻麻地 不過不失 感覺有d咸 唔推薦晚市限購-港味燒鵝皇🦢（1/4隻）$1呢個真係抵食 我原本以為講笑 朋友send係谷有$1燒味 btw張相有塊鵝髀比朋友夾左 無影到😂 但真係好食 脆 多皮 不過我地叫嘅時候好多送都無左 如果唔係下次可以搶下有無一半鵝或者成隻食！沙律明蝦球🦐 $88呢個都好好食 有醬係蝦球上面 係甜嘅 啲蝦球都好好食 咬落鬆脆 健康開胃～金磚豆腐🧱 $42炸得好岩火侯 感覺好似食緊炸鮮奶🥛咁 豆腐嫩滑 入口即融～香芒布甸🥭 🍮 $19見朋友食得幾開心 楊枝甘露 🥭 $23 正常水準 但係好食嘅 尤其食左咁多肥膩嘢 幾開胃甜品黎講 網紅沙皮狗🐶 $23我地研究左呢個好耐 到底係咩黎 d侍應姐姐話 似啫喱 又話係阿華田做嘅 朋友好好奇 到底如何網紅沙皮狗法 最後叫左 味道一般 口感都一般 結果發現 似啫喱粉味道多 食唔到d阿華田 感覺中伏哈哈哈！總括黎講 係個好開心嘅生日🎂飯 希望有機會再幫襯～～📍 港味 (油塘)油塘高超道38號大本型2樓214號舖…查看更多