港味

晚餐点了一条豉椒蒸䲝鱼，䲝鱼来到后味道非常之咸，跟住服务员反映，答案是系咁㗎啦！你第一次食啊！我哋呢啲系咸鲜嚟㗎！跟住就走咗去。然后我再叫另外一位服务员来反映返问题，我话太咸根本食唔到 ，佢就话呢啲系你哋嗌㗎嘛！仲问我想点。真系嬲到爆，跟住立刻起身埋单走，以后不会再帮衬。现在还有这样的服务态度，香港真系死了。…查看更多

门口招牌写港味，好少见呢个名，无为意系边个集团旗下品牌。入到去见枱面就开估喇，原来系海港。价钱比海港平，款式都好多，除左酒楼点心烧味之外，亦有普通小菜，同卖两𩠌饭卖。点心有d新派，例如虾饺咁，揾极都揾唔到，原来系扮紧桔仔，不过似唔似呢? 同墙上幅相就有d唔同喇...其他点心味道都唔差，亦够热。 侍应态度就一般般啦....而舖头最劲既位，应该系有海景睇喇！…查看更多

今晚到港味吃饭，可以咁讲，价钱佢哋系好相宜，但系无论食物同服务都可以做好啲，否则，更平都冇用。蚝仔泡饭，蚝仔唔新鲜；其余嘢正正常常； 女楼面亦正正常常，本应觉得以咁嘅价钱，算是还可以；最劳气系最后埋单时，问收银员攞单睇，佢黑晒口面咁掟张单俾我。呢个收银员，上次已经系咁态度恶劣，本人行埋去埋单，佢一路做自己嘅嘢，我见唔系赶时间就等等佢，等到后尾越嚟越多人排队埋单，佢先开始理我。呢啲咁嘅服务性行业员工，简直系倒米，为香港饮食业悲哀。…查看更多

以前饮茶去过几次都已经觉得麻麻地，主要系屋企人成日都想试吓食佢夜晚，点知出晒事，呢世都唔会再去。😤⁉️冇态度我到先，我去攞位，唔知做咩咁爆，油塘真系冇嘢好食？😶‍🌫️俾咗张舖头中间嘅位，但系屋企人到之前有三张窗边卡位嘅人走，我就问「可唔可以调位呀？佢哋啱啱走，我屋企人都未到」，个阿姐即刻话：「啲枱都系一样嘅啫，我啱啱俾咗张枱你，你又调？」，我话佢哋比较钟意窗边位，佢哋未到，你唔使急慢慢，佢哋到咗都系一样会请求调位。跟住佢就口up up执枱，话我搞到佢又要执枱，我顶唔顺就讲咗句：「其实你系咪都要执枱，我都冇催你⋯」😠仲话：「茶壶同碗碟，你自己拎嚟啦」真系成肚气😡⁉️讲嘢1999落单系scan QR code，但做紧一个优惠系可以$1叫烧鹅或者鸡，我就见到上面呢两样都话售罄，我就去问吓。今次系另一个阿姐，佢话：「你要落咗原价先，我哋系要手写帮你改单」咁我就以为要落咗原价嘅烧鹅先，我就话但系个网上面话佢售罄我落唔到，总之讲完一大餐，佢意思系叫我落我其他原价嘅菜式，等我开咗张单，佢先可以手写帮我落$1优惠嘅嘢😇⁉️冇食物质素叫咗佢$1烧鹅，二至四人份量，佢声称系¼只烧鹅，嚟到有一半都系肥膏（图4）😀我哋反映希望换，个阿姐都望一轮犹豫再三先至拎返去换，换完返嚟冇特别好咗感觉仲少咗，张图少左两旧系我哋夹咗嚟食😹（图6）叫咗$45半打小笼包（图9），嚟到全部本身都系穿咗，我哋仲要等咗半个钟😀叫咗个金砖豆腐（图10），45分钟先至嚟到，当中我催过两次，而啲阿姐第一时间并唔系催促厨房，而系走去check我系咪真系等咗45分钟。上菜𠮶一刻阿姐竟然仲话：「一讲就到」😀啲嘢唔系特别好食，服务差到我真系唔会再去第二次，食物嘅选择都唔系多。…查看更多

入黎食前问左门口位姐姐，佢话所有点心计小点价，咁ok la入黎食坐左喺度，叫我地手机落单，话选左就得，之后会转做小点价。咁我地简左6样，其中，原来珍珠鸡系唔计落小点（佢地话蒸点㖞）系计30蚊（其他18蚊）咁就话取消，佢地先后黎2个呀姐，一个话点左唔取消得，而且蒸紧啦（好快😵‍💫😵‍💫）。另一个话要经理返黎先取消得（冇负责人在场㖞）转头就黎左珍珠鸡，我地问唔系话等经理返黎取消咩？个姐姐就话冇啦，出左野就冇得取消😑😑焗食啰食到咁上下再睇睇点既野有冇未上齐，发现原来取消左，再加返单🙄🙄即系点呀？上左点心焗你食，再做个样话可以取消，见你食左就话做左野呀？又话唔取消得既？3点半下午茶时段可以轻松入座（楼上十胜牛，连pizza jat都要等位）都做到咁，真系多乜谢，唔怪得差评多过正评👋👋…查看更多