温野菜 (2000年廣場)

因為身邊有個溫野菜愛好者朋友（食到變咗金會員好癲🌟)👩🏻‍🤝‍👩🏽 所以我都入咗坑🙂‍↕️最近要捉住 粟米湯之亂🌽 嘅尾巴，然後發現Set C 有新驚喜🤩 除咗有朱古力和牛，仲有幾款新菇菌，菇人表示係難以形容的興奮！！好想keep住有🥹 同埋希望友人唔好再笑我次次去到點咁多菜🥬🫜〰️去溫野菜就是要食野菜🙂‍↕️❤️‍🔥🪄 放題Set C （$498)日本國產牛 • 澳洲M8朱古力和牛放題粟米湯底🌽 (+$40)重點推介〰️❥ 粟米湯底🌽一放低已經有甜甜的粟米味😋 頭啖湯好濃好creamy，仲有幾嚿粟米可以咬～ 之後打邊爐湯底還好，我都係比較鐘意甜甜哋的壽喜燒😗❥ 菇菌🍄‍🟫有幾款少見嘅菇好好食！有款啡色好似珊瑚咁🪸嗰個叫龍爪菌，食落「嗦嗦」聲好爽口；另外白色一片片好似花瓣嗰個係繡球花，食落爽口但會再滑身啲，有啲似象拔蚌嘅口感🤤 然後除咗金菇仲有再有咬口啲嘅黃金菇 好正🤩❥ 澳洲M8朱古力和牛 🥩朱古力和牛食落甜甜哋，肉花好均勻好靚，肉質食落偏實同重肉味，幾鐘意呢款😻❥ 抹茶雪糕 🍵 雪糕得一球唔係任點，不過食完邊爐有甜品加分！🙂‍↕️（之前要另外加錢><) 抹茶幾濃唔算甜，放題嚟講好唔錯🙂‍↕️.一句總結⚡️CP值高！！溫野菜必食❤️‍🔥係奇形少見的菇仔！！🍄‍🟫温野菜 🥬📍銅鑼灣2000年廣場4樓🚙 泊車指數: 🤙🏻泊車最近可以泊時代廣場 （有免費泊車優惠〰️）～行3分鐘就到🙂‍↕️…查看更多

網上熱話黄金玉米濃湯，趕及最後食午市套餐，粟米濃湯底要加$40, 比例幾高。套餐主食澳洲和牛，菜和烏冬，綠茶，椰菜沙律，落單約10分鐘起鍋。粟米湯底比罐頭湯更甜和濃一點，但不至於咁神，粟米肉細粒，性價比唔高。枱上鼓油和麻醬味點牛肉和沙律感覺唔多好，蔬菜幾新鮮和嫩口，急凍烏冬煮熱幾滑。粟米湯底可能配豬肉和飯變粟米肉粒飯更好味。總體個午餐份量幾大，食得好飽。問貌似店長點餐佢唔多識，反而負責登記和埋單的員工服務幾好。…查看更多

呢排好hitttt嘅黃米粟米湯 🌽粟米愛好者表示Take my money !所以lunch 套餐+ $50 ； 晚市任食+$20個湯似重奶油味 、特濃粟米罐頭湯 和牛配粟米湯原來咁夾第一煲個湯係最濃好飲 所以一嚟一定係飲碗湯先😋😋Tip: 同埋要留起一碗當汁 ！！ 意外發生好食配搭： 1️⃣紫菜包粟米汁煮和牛再加少少飯2️⃣粟米湯煮年糕#銅鑼灣溫野菜 ⭐️銅鑼灣推介⭐️Causeway bay #foodie_miammiam 銅鑼灣…查看更多

父親節下午到訪，今次選了國產牛放題，內容包括美國和牛和多款日產蔬菜菇菌。雖然不是日本和牛，但國產牛肉質上乘，油脂分布均勻，薄切下鍋一拖就熟，添加店方秘製芝麻醬，入口即化，回味無窮，一點不輸和牛呢！這個餐提供多款鍋肴，我每次必點的有日本豆腐魚餅，芝士獅子狗和芥未貢丸，連同無酒精飲品，價位518/位，真心推介。…查看更多

銅鑼灣溫野菜（On-Yasai）是日本知名涮涮鍋專門店，位於2000年廣場4樓！雖然旺場時段需等位，但食物質素與環境絕對10分！餐廳提供多款秘製湯底，如骨膠原柚子鹽湯和秘傳月見壽喜湯，清淡而不失風味。佐賀A5黑毛和牛西冷入口即化，鹿兒島茶美豚肉眼鮮嫩多汁，搭配產地直送的新鮮野菜，健康又美味。特色放題套餐（$328起）任食和牛、海鮮，性價比高。餐廳裝潢典雅，木質設計營造溫馨氛圍，適合聚會或拍拖。服務細心，店員會主動提醒湯底成分，確保顧客需求。甜品如杏仁豆腐清新解膩，為用餐畫上完美句號。雖需預約避免等位，但整體體驗令人滿足！…查看更多

銅鑼灣溫野菜牛肉放題火鍋店真係火鍋迷嘅好選擇！佢哋嘅牛肉質素超掂，牛肩、牛小排同和牛片肉質嫩滑，油花分佈啱啱好，涮一涮入口即化，牛味濃香，點少少醬油同蒜蓉更加正！湯底選擇多，昆布湯清甜養生，鮮味十足，完美襯托牛肉嘅鮮美。配料新鮮豐富，海鮮、菇類同蔬菜應有盡有，食到好滿足！環境好舒服，坐位寬敞，燈光柔和，氣氛輕鬆溫馨，坐得真自在。服務態度一流，服務員親切有禮，隨時幫手加湯、拎料，仲會主動問你有咩需要，效率高又貼心。價錢合理，CP值超高，牛肉質素同服務完全值回票價！想喺銅鑼灣食高質牛肉火鍋放題，溫野菜真心值得一試，食完真想即刻再book位！…查看更多

自從知道銅鑼灣分店係任食 我就好鐘意過海黎嗌左期間限定既紅酒和牛 唔知幾時完 幾好食🫢🫢🫢個餐全部國產牛同澳洲牛都包埋😽😽😽覺得紅酒牛排第一 M9和牛第二紅酒牛肉味整體濃郁啲 我地應該嗌左十幾碟鰻魚都夠肥美 好少見任食邊爐有 仲有要瘋狂嗌既日本菜!!!!!如果佢再多啲日本菜就好了 不過應該真係會比我食到傻😂😂😂My favourite日本菜😂😂😂平時其他分店我要就住咁嗌依度可以食到癲 仲要堆埋拼盤出餐😂😂😂個菇大推…查看更多

以前食過温野菜，除左食物質素唔差之外，覺得食物同餐具既presentation 做得細緻，所以今次帶埋朋友黎食。今次想讚銅鑼灣溫野菜既職員。打電話訂枱即日八點，不出所料full booking，唯有訂住九點同時早d到walk in。接電話既職員聽到我諗住排隊walk in ，就介紹可以download app Kuba Pass攞籌，咁就唔洗咁早到。隔左幾個鐘後，收到電話話八點有vacancy，可以幫我改八點。好欣賞職員識企在客人角度諗。晚上去到餐廳，我同朋友都叫set A豬肉餐，同諗住叫蒙古炎湯同藥膳湯。招待我地既職員好醒目，問我地係咪宗教原因唔食牛，我地答係，之後佢提醒我地叫既湯底可能有牛肉成份，佢幫我地check check，咁就幫大家省去麻煩浪費。(無牛肉成份既湯底：昆布湯、豆乳湯、壽喜湯、鰹魚湯。）多謝職員咁細心照顧客人。…查看更多

傳統和牛名區非神戶牛莫屬，日本對出口牛霜降度同肉質都有嚴格規定，所以本身我哋特登走去試A4神戶紅酒牛放題呢個餐嘅時候都對肉質有一定期望去到waiter就有簡單介紹呢隻牛係食紅酒渣所以有呢個名，不過有食開和牛嘅人都應該大約知道呢個名嘅來由，但坊間的確好少地方有得食呢種牛嘅放題餐廳首先上咗兩人份既A4神戶紅酒牛，同埋我哋自己點嘅M9和牛肩胛肉，啲油花真係好靚😂湯底方面本身waiter介紹可以跟返清啲嘅湯，因為可以食到最出嘅牛味，但去到溫野菜都係忍唔住叫咗最經典嘅壽喜燒湯😂結果一淥塊牛，再點蛋汁，真係好食😂塊牛係好腍，然後啲油花分佈好適中，即刻忍唔住encore多10碟😂之後有再叫返其他牛款，因為放題包咗好多款可以任叫，但神戶紅酒牛同埋M9肩胛肉都真係最好食，食過返唔到轉頭😂同場加埋個清酒同溫野菜雪糕，成晚好滿足🥰…查看更多

好朋友外國返黎 咁難得先見到面就食好啲👯‍♀️我地揀左大家都好鐘意嘅溫野菜打邊爐本身諗住食set D 但店員同我地講有新嘅神戶紅酒牛set 推出 咁就一於食呢個新野！🤪.💫A4神戸紅酒牛放題 $758前菜方面有泡菜芝士、麻醬菠菜、爽脆粒粒螺片、麥粒味噌青瓜最推薦泡菜芝士 夾埋一齊食味道一流🧀.今次嘅重點係食牛肉 🐮所以揀左可以突出牛味嘅壽喜湯 仲有好靚嘅月見蛋🍳🌟A4神戶紅酒牛肩脊肉🍷店員話呢個新推出嘅牛肉用左A4 神戶牛 呢種牛平時食葡萄渣🍇 所以味道都會有啲唔同一試之後覺得驚為天人！🎇牛肉味重 而且油脂分布均勻 入口柔軟 油香特別濃郁之後再同店舖嘅鎮店之寶黑毛和牛比較都食得出分別好有質素 係物有所值👍🏼.🌟日本產黑毛和牛肩脊肉🌟澳洲M9 和牛肩脊肉另外呢兩款高級牛肉亦都係必食之選日本和牛嘅油香較為突出 而澳洲M9和牛就較重牛肉味但食起黎都覺得肉質軟腍 有好平衡嘅肉同脂肪比例.至於其他肉類都唔錯🐷🐔例如有美國產牛肋肉、鹿兒島茶美豚梅肉、美國牛頸脊、熊本火之國豚腩肉、豚肉眼同雞腿肉等等相比之下呢啲肉類會比較少油脂但係肉質依然優質 唔難咬開呢個套餐仲可以點海鮮🦐🦪我地每樣點左少少試下例如象拔蚌、鰻魚、白蜆、虎蝦、帶子、廣島蠔店員好細心咁同我地講每款建議淥嘅時間咁就食到最鮮味嘅海鮮我地仲點左其他食材例如墨汁墨魚丸、芝士燒魚卷、竹笙、仿蟹柳芝士燒魚卷一咬就有芝士流出 真係芝味十足！🤤溫野菜嘅菜仲會標明產地 好多都來自日本🇯🇵有好多款式嘅菜同菇🥬🍄‍🟫我地就點左生菜、啡金菇、舞茸菇 新鮮爽脆加多$38就有啤酒放題 朋友話歐洲好難搵日本啤酒🍺黎到要飲返夠本！我地仲點左溫野菜雪糕🍨抺茶雪糕加上黃豆粉同黑糖簡直係絕配！.放題用QR code下單 方便快捷店員仲好用心介紹唔同嘅餐店同食法 真係值得一讚☺️…查看更多

牛角嘅集團旗下有好多唔同打邊爐嘅品牌，平時求其食就會去食牛涮鍋，想食好啲嘅話就會去溫野菜，今日就同朋友嚟溫野菜食set lunch，最鍾意佢係一人一鍋，同朋友嚟食就方便好多。-兩個人嚟食就可以叫唔同set share食，可以叫齊豚肉、雞肉同牛肉試吓，另外仲有個蔬菜盤包埋，湯底就叫咗壽喜燒。整體嚟講各款肉類嘅質素都唔錯，雞肉都幾滑，豚肉亦都唔嚡口，好香油脂味，而牛肉就不過不失。整體質素係好過牛涮鍋，想食好啲，不妨嚟呢度食lunch幾抵食～…查看更多

平時呢喺一田或者Donki 會買啲二百幾蚊一碟靚啲嘅牛打邊爐嘅咁食都要就住就住咁食啦經朋友介紹之下呢就試吓呢一間溫野菜啦今日嚟到就係食呢個嘅鹿兒島黑毛和牛任食套餐佢嘅黑毛和牛質素真係好 同平時喺一田買嗰啲二百幾蚊一碟嘅和牛一樣油脂分布平均 入口即溶但係嚟到呢度係任食 雖然價錢都唔係好平如果食到5碟嘅話，絕對回到本而我呢個和牛控嚟講，一食就食咗八碟啦另外仲有一啲日本嘅蔬菜 都幾特別另外佢個蓮藕都好爽但係大家要記住溫野菜得銅鑼灣先有放題㗎咋…查看更多

本身我坐個冷氣位冇風出，第一次反映情況，當時職員就話佢哋會再重新較一較個冷氣。但過咗20分鐘都冇改善，同佢哋第二次反映情況，佢哋又話再較較個冷氣。最後聲稱有咩事事後可以喺張單QR code下面個email反映情況，但同佢哋customer service溝通簡直係惡夢。所謂嘅「調查」敷衍了事，只係回覆冷氣機冇事，亦指冇客人反映類似情況。都過咗幾日，冷氣機出風位整返好正常。同埋佢地係咪真係有問當日曾經坐同一位置既客人情況？完全唔合理。食物質素雖然OK，但服務令人非常失望。價錢同服務完全唔成正比。每人700幾蚊，但就擺出呢種愛理不理嘅態度。…查看更多

以前一直都想試溫野菜, 由於價格偏貴, 所以一直都不捨得食, 直至知道銅鑼灣店 有放題 提供, 於是便趁機嚐嚐, C餐 日本國產牛．火之本豚食之放題 ［６５品］店舖裝修非常日系，全店簡潔高雅，以木為主調卡座有竹簾隔開，私隱度高，而且環境不會嘈吵，用餐時可以舒適和靜靜地享受美食，｛環境舒適度一流｝湯底：北海道昆布湯秘傳月見壽喜湯＋＄１０仙人果柚子梳打味道清新而不會太甜肉類質素與預期中差不多，保持集團一貫水準…查看更多

由於小弟因為飯量比較大成日食放題，每一次食食之前都會上唔同嘅網站睇吓餐廳嘅評價。但有時發覺好似好少人會屎窟痕食最貴嘅放題套餐。所以決定更新吓呢方面嘅資訊，俾大家可以參考吓呢間溫野菜放題其實食咗好多次，今次見佢做期間限定所以決定再嚟食下一嚟到果然有驚喜，今次期間限定嘅熊本和牛肉眼有啲料到，有別於平時食嘅牛肩胛同埋其他次一等嘅部位，肉眼呢啲一線嘅牛肉部位果然係唔同啲入口即溶，但相對地都係比較肥膩，不過我揀得食和牛就係鍾意呢啲感覺。湯底嘅話個人都係推介返壽喜湯攞嚟配和牛真係絕配溫野菜比其他餐廳好嘅地方就係你係咁refill佢啲牛質素都唔會有特別多嘅下降。其他海鮮都幾出色特別係個帶子好大粒解凍都做得幾好。不過生蠔就質素一般入口有苦澀味。小弟第一次寫食評有啲乜嘢不足嘅地方請多見諒…查看更多