温野菜 (海港城)

🌽✨ 最近大熱的粟米湯終於試到啦！從6:30排到9:30，足足等了三個小時，但我沒有放棄，終於入座！真心感受到粟米湯的熱潮非常勁！💰 幸運的是8:30後可以點75折Menu，性價比高得驚人！粟米湯的味道很不錯，類似日本的罐頭粟米湯加上雞湯，簡直是完美搭配！原本沒想過來打邊爐，結果這個配搭真的沒有中伏。🍖 肉類和配菜也都很棒，放進粟米湯裡食用，根本不需要再加調味料！不過之前有看到推薦將膠碗飯放進粟米湯飯，我覺得這個不太好，味道有點淡，還是選擇烏冬更好，可以更好地吸附湯汁。🕒 建議大家如果想食就早點預訂，差不多時間到就最好！如果要我再排隊，我想我可能不會再來了。不過這次的體驗還是很值得的…查看更多

經開海港城，順便食埋夜晚飯，本身又未食過，所以試吓…..舖頭肉類的質素不過不失啦，但佢嘅優點重點係快、易入口、價錢中等，如果8:30先入座仲有折頭添，今晚平日見到都有八成坐滿….雖然成晚每張枱都係得一枱客，但依個時勢平日生意算係咁啦⋯⋯叫咗一個牛肉拼盤，另外一些雜項，叫咗一個牛奶鍋底同一個蕃茄鍋底，食法完全日式風格，感覺上以肉類為主，但食落去都清清地唔錯⋯⋯臨尾叫咗甜品2個雪葩，食完都算幾圓滿…..…查看更多

13:00前到餐廳不用等位，叫左自選二款$178（英國牛小排同丹麥豚梅肉） 昆布湯 烏冬 芥辣豬肉丸 黑松露芝士魚腐送既椰菜沙律比較生，可以放埋落湯度煮食黎食就好昆布湯冇咩味 加左柚子醋點黎食都唔錯 下次不用點昆布湯餐包埋既菜全部都新鮮好食烏冬 芥辣豬肉丸 黑松露芝士魚腐 必食推介總括係值得一試，但性價比不夠高…查看更多

本人跟朋一行8人在3月28日晚上七時半到LCX店用饍遣下私人物品冰種及保溫袋，但在29/3 12:37分打去該店表示想取回；但接聽電話的員工說已被掉棄。連24小時都未到就掉棄，是否草率了一個點。#不會再光臨…查看更多

今日同朋友放咗工去咗尖沙咀溫野菜食壽喜燒我本身都好鍾意食壽喜燒，而呢一間$300內可以埋單晚餐覺得超水準因為呢套餐裏邊有蝦有牛有菜，仲有蕎麥麵同埋沙律包你食得飽同埋啲牛呢係超級滑同埋嫩口小貼士- 在香港有多間分店，不過我最推薦的是海港城分店，強烈建議提前預約，尤其是想要窗邊位置的話！- 餐廳有提供不同價位的套餐，可以根據自己的需求選擇。（午市套餐最實惠）- 記得帶相機！📸 這裡的景色真的太適合拍照打卡了！下次我都係依然會喺離海港城食…查看更多

有日心血來潮，好想食壽喜燒知道溫野菜一人火鍋同壽喜燒選擇所以就入咗去食舖頭唔算太大 如果得兩個人好多時都係有塊板隔住兩張枱然後四個人坐喺四人枱 有塊板隔住但係如果三人或以上就冇呢個情況餐單有五六款主食選擇今次揀咗和牛套餐 仲有個牛加豬兩個都係食壽喜燒 所以除咗有壽喜燒湯底仲有個月見汁(醬油加生蛋)另外見到好多人會揀火鍋底 有蕃茄火鍋 會有原舊蕃茄肉類總共每碟會有4-6片 (薄薄地但係都叫大塊)肉類就真係要睇吓自己揀啲乜嘢 和牛套餐嘅牛就真係好有牛味入口即溶 但係普通嘅都唔係太差之後每日都會有一盤菜 (冇豆腐🥲) 另外配菜都可以另加套餐仲會包兩款小食 叫咗個餃子 丸類同埋蟹柳 除咗餃子有兩件其他都係一件一個餐唔算太多嘢但係都會飽嘅如果諗唔到食咩都可以去食吓…查看更多

食材新鮮可口，高品質的食物和良好的用餐環境。在這裡嘆了一個美味的火鍋，點了個夠特別的藥膳湯底，切成薄片的牛肉很棒，放在餐桌上的火鍋裡烹調，幾秒鐘就熟了。嫩滑美味的黑毛和牛肩脊肉和牛肩胛眼，入口溶化，無筋無腥味。藥膳湯底鮮甜可口，香濃好飲。大蝦夠鮮甜，是寶藏級的美食。沙律醬青瓜卷作為前菜，清新可口。肉丸都好好食，爆哂粒。麵條爽口，滑溜溜的，口感夠晒特別。正所謂一分錢一分貨，這間高級日式火鍋店的價錢雖然較貴，但勝在肉類和蔬菜都非常新鮮可口，而且配菜如冷麵、南瓜、黑木耳、涼瓜，肉丸等食物品質優良，絕對物超所值。特別推薦藥膳湯，另外我個朋友叫咗個鰹魚湯，但稍為鹹。…查看更多

初一第一餐lunch揀左食溫野菜。之前食過印象中幾好，坐得舒服，所以今日行過經過諗都冇諗就入咗去啦。我叫咗自選三款（豚肉，牛頸脊，同埋牛胸腹肉）set，男朋友叫咗和牛set。食咗佢和牛（澳洲M9+日本黑毛和牛）之後，我發現我三碟完全比唔上，好大分別。兩款和牛入口即溶，日本果隻味道更加一流。我既就厚啲實啲，三款嚟講得牛胸腹肉比較OK，另外兩款麻麻地，感覺唔係咁值。湯底叫左月見壽喜燒同蕃茄湯一齊share，感覺係淥肉既就壽喜燒湯好啲，淥菜就蕃茄湯好啲，菜係壽喜燒湯會比較咸，同埋淥肉後浸雞蛋汁增加口感👍🏻👍🏻甜品加咗一個雪糕黑糖抹茶，好食又抵加錢（$10），比我想像中大球。整體來講唔錯喇～…查看更多

已經食過佢哋幾次，好鍾意佢哋嘅湯底有好多唔同嘅選擇，最鍾意食佢哋嘅壽喜燒湯底味道甜甜地配上肉類同蔬菜一流另外佢哋嘅年糕福袋亦都每次都會叫，而且餐廳環境亦都舒服乾淨。…查看更多

溫野菜一向以靚日本牛肉豬肉主打，價位中上，但午餐就好抵食。平時夜晚起碼百幾蚊一碟肉，其實都唔係好食得飽，可能靠狂飲湯先飽。但午餐，有3款肉、野菜盛合、烏冬、飲品、湯底、鍋肴只係198，金會員照有85折，乜都有得食而且食得好飽。前菜沙律，有啲硬，後期扔埋落鍋煮飲品ginger ale烏冬野菜盛合，有五品是日鍋肴，2款，冇得揀，呢日係芥末貢丸，三文魚魚腐芥末貢丸好香，但芥末味都幾勁三文魚魚腐都唔錢，不過好快淋唔好煮太耐一個套餐有3款肉，我哋2個餐6碟分別叫咗4款牛肩，好嫩彈牙牛肋肉，冇咁嫩但好香牛胸腹，最嫩豚肉，都好嫩唔鞋每人198好豐富加湯係加番原本嘅湯，所以加左幾次都唔會越嚟越淡會員coupon日本黑毛和牛肩胛肉當然最油香最軟熟好食…查看更多

呢間同日本嘅「溫野菜」完全唔係同一間嚟嘅。菜品唔同、服務又差。壽喜鍋冇雞蛋，牛肉係成舊冰咁就上台。冇咩食、埋單竟然千六蚊。真係搵笨，唔會再嚟幫襯，各位自己睇路、自求多福。…查看更多

😍星期一至五晚市限定😍-本身諗住去九龍塘又一城嗰間不過咁啱想去海港城有嘢想買所以就去咗海運中心食即日訂枱都有位去到唔使等！-全部都係用QR code落單叫人幫手埋單都係自助-我同朋友叫咗兩個晚市定食$255 x 2😎夠$400！可以用埋張會員coupon[溫野菜消費滿$400送黑毛和牛一份]-定食好多嘢可以揀～有一份牛可以揀西冷或者肉眼再有一份豚肉或者係雞髀肉我哋2個人當然試曬佢-湯底可以轉正價$29以下佢本身預設係配壽喜湯底仲送雞蛋一隻，平時要加價架～呢個湯底係超好食！愈煮愈濃，配肉配菜都好入味尤其係烏冬其他有咩揀可以睇相，有details！-全部肉都好好食非常之薄唔會un淥一陣就可以食得趁肉仲熱嘅時候點生雞蛋汁蛋汁完全係掛咗喺啲肉上邊必試！必試！😋😋😋…查看更多

味道很不錯，定食餐也很豐富。牛肉新鮮很靚，只是蔬菜並不好，尤其是沙拉。但是壽喜湯非常正宗。plus穿白襯衣戴眼鏡的店員態度非常差，會裝作聽不到。講話也傲慢無禮。…查看更多

今日突然間想打邊爐，就去左一直以嚟都想試試的溫野菜啦！平日夜晚兩個人唔洗等，可以直接入座🥳！本身以為呢間都係任食，點知原來係單嗌嘅！不過唔緊要，橫掂我哋都唔係食得多🤰🏻Overall都唔錯，特別中意佢個柚子骨膠原火鍋！勁濃稠，加熱先變返稀，用嚟烚咩肉都有一種去油膩嘅感覺😋正啊！相對而言就唔覺得佢哋個藥膳湯底唔係咁出色了🥲另外要提一提嘅係佢肉嘅種類都幾夠！而且每一種肉都真係食到唔同口感味道👅雖然食完之後唔係話好驚艷🤔埋單每人$350，計埋餐廳環境都叫唔錯啦！…查看更多

平時行街見到一直想試，但次次排長龍令我好卻步。咁岩工作完經過見到唔太多人等，即刻去試下!!湯底揀咗骨膠原柚子塩湯，有淡淡嘅柚子香味，成個湯底好清新，好適合唔鐘意油膩嘅朋友仔👍🏻套餐包咗4片A5和牛西冷🥩，薄薄地但油脂分布均衡，入口即融，好有牛味，雖然分量唔多，但勝在夠高質。另外豚梅肉無豬肉嘅臊味，味道正常，不過不失。竹筒免治雞肉同蔬菜都好有驚喜!雞肉加埋雞軟骨，好有咬口，雞肉彈牙雞味濃。蔬菜唔洗講，十分新鮮。食完套餐包嘅蔬菜之後要再追加一份油麥菜🥬🤩豆腐夠濃味又夠滑，反而丸就無乜特別。整體黎講，成餐飯都覺得好新鮮，雖然價錢比一般火鍋店貴，如果食量唔太大，又想食得高質啲，溫野菜係唔錯既選擇。👍🏻…查看更多