行尖沙咀經過一間門口細細嘅餐廳，睇下個 menu 覺得幾吸引就入去試下，座位唔多得 12 個，但坐得自在，主要係吧枱，另外高枱有幾個位。今日時間尚早可以 walk-in，如果要嚟食建議預早 book 枱！食材新鮮係最大賣點，加上 Manager 本身係唎酒師，講解清楚又細心。😋 北海道活北寄貝刺身 ~ 北寄貝肉身厚實，入口爽脆帶少少甜味，咬落去有彈性，唔會腥，仲有淡淡海水味，好新鮮。 😋 真鱈白子 ~ 白子質感好似濃厚豆腐咁幼滑，而且保持住最原始嘅鮮味同奶油感，入口即化。食落去有種純粹嘅鮮甜，無任何油膩感。配少少酸汁同蔥花，令口感更立體，唔會單調。 😋 間八魚柚子酢海葡萄沙律 ~ 間八魚肉質結實，切得厚身，咬落去有彈牙感。柚子酢酸香清爽，襯托海葡萄嘅爆珠口感，一啖一啖咁好滋味。成碟沙律食落去清清地，係刺身之間嘅好調劑。 😋 特上壽司盛盒 ~ 有 12 件壽司，每件都好出色，其中海膽夠甘香、三文魚籽爆汁、真鯛清甜、油甘魚油脂豐富、拖羅入口即化！😋 牛油果軟殼蟹卷 ~ 卷身大大件，軟殼蟹又炸得香脆，唔油膩，配埋牛油果，口感層次好豐富。 😋 海膽赤蝦蝦膏迷你丼 ~ 細碗但好精緻，海膽同赤蝦放埋一齊，鮮甜同甘香互相提升。蝦膏濃郁，拌埋壽司飯食，成個味道好集中，唔覺唔覺食晒成碗。 呢度雖然規模唔大，但食材新鮮度同細緻度都好有水準。由刺身到壽司、沙律到卷物，每道菜都做到有特色，整個用餐體驗好好。…查看更多
