行尖沙咀经过一间门口细细嘅餐厅，睇下个 menu 觉得几吸引就入去试下，座位唔多得 12 个，但坐得自在，主要系吧枱，另外高枱有几个位。今日时间尚早可以 walk-in，如果要嚟食建议预早 book 枱！食材新鲜系最大卖点，加上 Manager 本身系唎酒师，讲解清楚又细心。😋 北海道活北寄贝刺身 ~ 北寄贝肉身厚实，入口爽脆带少少甜味，咬落去有弹性，唔会腥，仲有淡淡海水味，好新鲜。 😋 真鳕白子 ~ 白子质感好似浓厚豆腐咁幼滑，而且保持住最原始嘅鲜味同奶油感，入口即化。食落去有种纯粹嘅鲜甜，无任何油腻感。配少少酸汁同葱花，令口感更立体，唔会单调。 😋 间八鱼柚子酢海葡萄沙律 ~ 间八鱼肉质结实，切得厚身，咬落去有弹牙感。柚子酢酸香清爽，衬托海葡萄嘅爆珠口感，一啖一啖咁好滋味。成碟沙律食落去清清地，系刺身之间嘅好调剂。 😋 特上寿司盛盒 ~ 有 12 件寿司，每件都好出色，其中海胆够甘香、三文鱼籽爆汁、真鲷清甜、油甘鱼油脂丰富、拖罗入口即化！😋 牛油果软壳蟹卷 ~ 卷身大大件，软壳蟹又炸得香脆，唔油腻，配埋牛油果，口感层次好丰富。 😋 海胆赤虾虾膏迷你丼 ~ 细碗但好精致，海胆同赤虾放埋一齐，鲜甜同甘香互相提升。虾膏浓郁，拌埋寿司饭食，成个味道好集中，唔觉唔觉食晒成碗。 呢度虽然规模唔大，但食材新鲜度同细致度都好有水准。由刺身到寿司、沙律到卷物，每道菜都做到有特色，整个用餐体验好好。…查看更多
