渝痴漁醉

為食🐑近期食過性價比最高（沒有之一）嘅任食雞煲火鍋❗️放題（90分鐘）！🐟烤魚•雞煲·羊蠍子·麻辣火鍋💰每位$118❗️（6點前離座） / $128❗️（6點後 / 2位起）先揀一個煲，為食🐑當然揀麻辣雞煲啦🔥🐔！雖然價錢好平，但味道一啲都唔馬虎～麻辣兼備，香濃惹味，雞肉都唔會太嚡，仲幾嫩滑㗎！最正係勁多火鍋配料任你揀，包括牛肉、豬肉、魷魚、各式丸類、蔬菜等等，真係應有盡有！仲有汽水、前菜、飲品全部任飲任食，真係超抵！令我最印象深刻嘅係：❤️韭菜豬紅 — 麻辣香口！💚炒油麥菜 — 鑊氣十足，味道濃郁！🍮甜品方面仲有中式糖水添，真係由頭滿足到尾！呢個價錢，絕對係我食過最抵食嘅雞煲任食！🤎滷水鵝肉 $98原來呢度除咗雞煲之外，亦都好出名做潮州菜式！所以叫咗個滷水鵝試吓～味道香醇濃郁，肉質滑嫩唔韌，滷得夠晒入味，質素竟然有驚喜！本身都好想試埋蠔仔粥，不過實在太飽啦，下次一定要再嚟試！✨呢個價錢食到咁多嘢，全部嘢都OK唔難食，有幾款味道仲幾好添！如果你要求唔高，但又想大滿足，一定好似我哋咁食得咁開心！σ`∀´)σ…查看更多

呢個酸菜魚店整既酸菜魚有啲似探魚咁有一個爐係條魚下面熱住啲魚，成個魚都會滾下滾下。啲魚好滑，蒜味濃。配菜都有好多，把配菜加入去滾，配菜都會吸收哂啲酸菜汁，最尾加啲公仔麵同薯粉落去，再吸收多啲湯汁。整個餐都好美味。…查看更多

銅鑼灣要搵到 $150有找嘅放題，仲要地點方便，有熟食、有烤魚、有火鍋、有啤酒飲，都真係好難。今日就搵咗呢間個人心目中嘅銅鑼灣性價比之王同大家介紹下，餐廳裝修簡單，唔係打卡型但坐得舒服，枱與枱之間唔迫，冷氣亦夠。自助區設計清晰，夾餸、攞飲品都唔會阻嚟阻去。揀咗皇牌烤魚放題（老壇酸菜魚）。魚係先煎後煮，肉質滑溜，湯底酸香開胃，唔會死鹹，食完魚個鍋底可以再落料打邊爐。熟食算不上多款，但唔Hea，有驚喜位。潮式煎蠔餅：外脆內嫩，唔會太多粉，食到蠔鮮味金沙雞翼：咸蛋黃味濃郁，炸得香脆唔油膩。仲有啲梅菜扣肉、栗子炆雞等等呢啲熱葷，全部都質素唔錯，唔係求其整嚟交數。自助火鍋配料基本嘅食材都有，例如貢丸、魚蛋、豆皮、粟米、雞件、豬肉片、粉麵等等，無話咩上等驚喜食材，全部都係貼地野，但呢個價錢，食完魚仲有咁多野可以食，都真係好OK。PS：提提大家6：30後經常要等位，最好提早預約。單據價錢比大家參考：…查看更多

勁耐無食過烤魚😆 今次約咗🐧🐧 朋友仔去銅鑼灣食烤魚放題🥰 每位低至$118, 即可無限任食90 分鐘🤭 除咗皇牌烤魚，仲有麻辣雞煲、胡椒豬肚雞煲、藥膳雞煲、原味椰子雞煲、秘製羊蠍子煲、山珍八味菌煲同埋重慶麻辣火鍋😍 選擇勁豐富超級邪惡✅ 除咗主打嘅鍋物，自助區仲有大量火鍋配料提供🌟 肉類、丸類、菜蔬、餃子等樣樣齊👍 真係超級豐富😋 自助區仲設有熟食、飯麵、糖水同埋飲品任添任食🤩 真係無得嘆🤤 每樣食D 都飽到上心口😆 超級滿足嘅一餐喲😘 …查看更多

喺鬧市銅鑼灣區，竟然俾我搵到$58任食十餸飯放題😵😵😵真係喺附近打工仔嘅糧尾福音🤣加多少少錢，$118仲可以食埋雞煲、烤魚打邊爐任飲任食添😍今次我哋叫咗椰子雞煲🥥🐓，個湯底充滿椰子嘅清甜香味，啲雞肉都幾嫩滑添出面仲有好多火鍋配料任你夾，仲有肥牛、腩肉同雞肉添👍仲有多款飲品啤酒都係任飲🍺記得留返個肚試埋佢最近推出嘅十餸飯放題🔥個套餐$118竟然仲包埋👍真係超抵🔥如果唔打邊爐，淨食十餸飯放題都係$58🔥🔥梅菜扣肉鹹蛋黃雞中翼潮州蠔仔烙--推介👍🔥蒜蓉炒時蔬韭菜豬紅秘製紅蔥頭雞蟹柳蒸水蛋泡椒炒牛肉糖醋雞柳咖啡肉碎燜豆卜脆香小酥肉粟子香菇雞粒飯仲有老火湯、糖水、豆漿同熱茶任飲💕喺銅鑼灣鬧市$58呢個價錢真係超值👍性價比超高👍…查看更多

係銅鑼灣竟然可以搵到間$128雞煲烤魚任飲任食火鍋放題，仲有十餸飯可以任食，真係夠晒特別🫢呢個價錢仲要免加一，18點前離座更優惠只需要$118😱你可以揀皇牌烤魚、招牌雞煲、重慶麻辣火鍋、秘製羊蠍子煲、原味椰子雞煲同胡椒豬肚雞煲等等，另外每日有十款唔同既小菜可以比你任食，例如梅菜扣肉、鹹蛋黃雞中翼、菠蘿咕嚕肉、豆豉鯪魚臘味飯、鹽焗手撕雞等，仲有老火湯同糖水，真係好多野食可以揀其實90分鐘都真係唔係好夠🤔—————————————————————————————♦️皇牌烤魚（老壇酸菜味）：選用沙巴魚大條又多肉，肉質嫩滑唔多骨，烤魚亦曾煎過味道更香，辣度揀左BB辣我覺得岩岩好，帶有少少辣味唔會過辣，酸味都突出口感過癮😋湯底再用黎打邊爐夠晒正♦️十餸飯放題：潮州蠔仔烙每次一出爐就好快比人拎晒，想食既就要睇住佢幾時出爐啦😂外皮香脆蠔香味十足～另外仲有鹹蛋黃雞中翼，夠晒大隻雞翼唔會炸到乾柴～韭菜豬紅、咕嚕肉、手撕雞等等味道正常，個人推介豆豉鯪魚臘味飯，飯底粒粒分明而且索晒醬油、臘味油脂及豆豉味係幾好味，豆豉鯪魚既鹹香味加埋落臘味飯中又幾夾～老火湯方面今次係蓮藕豬骨湯，鹹度適中♦️自助區：配料款式都幾多肥牛、雞肉、豬肉都有，肥牛既肥瘦都幾均勻～丸類都有數款可揀如牛丸、墨魚丸等等，蔬菜類都有唔少，呢個價錢有咁多野食真係抵食🤩另外仲有細細粒啫喱小朋友一定中意💖♦️飲品區🥤：款式都算多有可樂、雪碧、芬達、忌廉、各款盒裝飲品，特別要推介粒粒葡萄，望個樣以為好甜但飲落去唔甜，同埋味道唔似好假果種糖漿味，入面有勁多蘆薈👍🏻📣而家做緊優惠4人同行1人免費，優惠適用於星期一至四全日🤩評分🖍️(滿分為5個🌕)抵食指數：🌕🌕🌕🌕🌗服務質素：🌕🌕🌕🌕🌑環境：🌕🌕🌕🌗🌑味道：🌕🌕🌕🌗🌑…查看更多

最近在銅鑼灣發掘到呢間性價比不錯嚂既川菜火鍋放題，主打雞煲、烤魚、羊蠍子任食放題。食火鍋放題送埋10餸飯放題，真係雙重享受，抵到爆呀。皇牌烤魚（老壇酸菜味）：選用沙巴魚既烤魚，肉質細嫩骨小，食落啖啖肉，湯底酸香濃郁，食完烤魚就可以加湯食火鍋。10餸飯熱食區：有炸雞翼、咕嚕肉、梅菜扣肉、炸蠔餅、糯米飯、炒飯、蒸蛋、菜芯等 。調味適中，整體都幾好食，個人特別欣賞炸雞翼，外皮酥脆咸香。自助區：火鍋配料選擇多，肉類有肥牛、豬肉、雞肉等；火鍋配料有蟹柳、芝士腸、墨魚丸、龍蝦丸、牛丸、海膽丸芝士年糕、腐皮串、芋頭塊等飲品有汽水、啤酒、紙包飲品任飲，真係食得夠盡興呀。…查看更多

渝痴漁醉佢哋有雞煲放題～ 今次我哋就叫咗個原味椰子雞煲🥥 估唔到呢個價錢嚟講都幾鮮！除咗雞煲之外 個價錢仲包埋出面嘅10餸飯放題😹 真心超癲！ 其實就算係本身淨係食出面嘅10餸飯放題都好平！ 幾十蚊就可以食到飽到傻….🧐🧐 仲要啲嘢食真係幾好食…🤣🤣🤣仲有多款火鍋配料任攞 性價比勁高當然啦 啲食材唔係嗰啲咩咩A4++牛肉咁癲但係小編覺得 佢真係對得住錢+任食喎大佬😂🐷原味椰子雞煲
椰子雞湯底清甜，雞肉嫩滑，飲落有淡淡椰香，唔會太膩。 喺呢度食到幾唔錯嘅雞煲真係好surprise，火鍋配料選擇多，肉類、蔬菜、丸類、粉麵任攞🐷10餸飯放題
每日有10款唔同小菜，仲有老火湯可以飲！全部都幾有鑊氣，味道夠地道。推介鹽焗手撕雞、潮州蠔仔格、豆豉鯪魚臘味飯 同梅菜扣肉，全部都幾香 甚至有啲真係拍得住出面大排檔賣百幾蚊一碟嘅餸… 但係呢度任食先至幾十蚊🥹🥹小菜款式會轉，唔怕悶！ 啱晒想食多幾味嘅人🤣 🐷鹽焗手撕雞
雞肉夠嫩，鹽焗味道滲晒入去，唔會太鹹，手撕雞口感好有層次，食落唔會柴。🐷梅菜扣肉
之前聽人講佢哋嘅梅菜扣肉有驚喜，果然唔錯～ 肥瘦黎講唔算好瘦嘅，但又夠香！ 梅菜味道都算濃郁，扣肉入口即溶🤣🤣🤣🤣 送飯一流！🐷 潮州蠔仔格呢個真係有驚喜，呢個價錢嚟講，佢哋嘅數量可以話係超級多，而且真係脆卜卜！！ 好香😂😂當然啦呢啲油炸食品食得多唔健康，但係佢又真係好食！ 🐷豆豉鯪魚臘味飯小編一向好鍾意食臘味飯，佢哋個臘味飯都幾多臘腸同埋臘肉，個味道都OK！🐷潮州糖醋麵
呢個係必試！ 呢度好多潮州菜可以食😂😂😂麵條煙韌 不過偏鹹少少，糖醋汁酸酸甜甜，岩岩好balance返，都唔會太膩嘅！.渝痴漁醉
📍銅鑼灣記利佐治街1號金百利廣場8樓R1號舖.#吃貨日常 #香港 #中餐 #堂食 #好西 #食 #香港美食 #hkfoodie #foodiehk #銅鑼灣 #銅鑼灣好去處 #銅鑼灣美食…查看更多

對於任飲任食既字眼係唔會放過既，呢到原來係有烤魚、雞煲、羊蠍子等等火鍋任食$128位之外，仲有十餸飯放題$58一位，大癲！🤯一上到去已經見到有人喺門口等位，終於入得去揀，今次揀左烤魚微辣🌶️因為朋友唔係好食得辣～一上個烤魚已經好香，之後見到條烤魚🐟尺寸好大條，條烤魚係煎香過，有脆邊～而且魚質好嫩滑，啲魚肉吸哂啲湯汁🤩愈食愈惹味另外仲有勁多火鍋配料揀，會推薦俾大家揀手打牛根丸🐄，真係粒粒都咁彈牙同埋薯粉吸哂啲湯汁～食埋個十餸飯放題🍛，足足有十款餸揀，只要胃口夠大一定試得哂，唔洗煩惱揀咩餸，最推薦係潮州蠔仔烙🦪，食落唔係太重粉醬味但粒粒蠔仔都好飽滿。呢到既飲品類料都好多🧃，但有一枝必飲就係粒粒葡萄，勁多蘆薈～呢個價錢絕對值得，可以約埋啲👯朋友一齊食任食又可以暢所欲言，夫復何求？…查看更多

午餐去左食十餸飯$58（唔駛加一）用餐時間50分鐘所見即所得9個餸連臘味飯 共10個今日配蓮藕湯同馬蹄甜湯味道正常唔會話凍凍地係熱的蠔仔餅意外地幾大隻手撕雞就柴左啲Refill都快 唔會話等好耐同場仲有火鍋任食不過人唔算多所以味道唔算好勁總結：58蚊免加一可以好貪心食幾個餸又未去到想食到回本…查看更多

依間渝痴漁醉放題可以揀原味椰子雞煲/秘製羊蠍子煲/山珍八味菌煲/藥膳雞煲放題，就揀咗椰子雞煲！椰子水的自然甜味與雞肉的鮮美相結合，形成獨特的風味。椰子的香氣在煲中慢慢釋放，讓整道菜更加誘人。雞肉經過長時間的燉煮，變得非常嫩滑。湯底清澈而不油膩，喝上一口讓人感到舒適。配菜: 通常可以搭配一些蔬菜，如蘑菇、丸類，增添口感和營養。滷水鵝拼盤鵝肉嫩滑，肉質緊實，滷汁的味道入味，帶有淡淡的香料氣息。📌依家食雞煲烤魚放題都可以食十餸放題😍…查看更多

餐廳位於銅鑼灣金百利樓上，氣氛輕鬆，適合朋友聚餐或家庭聚會，價錢大眾化，特別位於銅鑼灣地段，性價比高！ 座位空間寬敞，讓人感覺舒適。這裡的烤魚和椰子雞煲是招牌菜，因為朋友不吃辣，點了椰子雞煲，以椰子水作湯底，湯汁清甜，雞肉鮮嫩，十分入味。火鍋配料有肥牛/響玲/魚腐/午餐肉/蟹柳/牛丸和大量蔬菜⋯⋯這家餐廳的任食放題非常划算，食材多樣化，特別推介他們的任食十餸，菜品多樣，如果你在銅鑼灣，這裡絕對值得一試！…查看更多

今日同老公出銅鑼灣行街，晚飯決定到金巴利廣場如痴如醉食潮州菜。店內坐滿客人，我倆等左一陣先有位，呢度仲有烤魚、雞煲等美食，今次我地揀咗幾款，潮州菜，味道都不錯，下次有機會試吓呢度嘅雞煲先胡椒鹹菜豬肚湯 $88胡椒鹹菜豬肚湯非常適合今晚凍凍的天氣，Keep住火爐，保持熱湯溫度，湯底味道香濃，豬肚肉質幼嫩，好味又暖胃鹽焗手撕雞 $68鹽焗手撕雞啖啖肉，鹽焗夠惹味:)香煎蠔仔烙 $88香煎蠔仔烙外層金黃酥脆，蠔仔都幾鮮甜，如果蠔仔份量多些會更好潮州砂鍋粥 $98潮州砂鍋粥口感濃稠綿密，配有鮮蝦、蠔等配料，非常不錯…查看更多

銅鑼灣渝菜新增潮汕系列💠💠渝痴漁醉💠💠🔹潮式凍馬友 （半條）$88肉質緊緻，無骨啖啖肉，微鹹魚鮮味幾突出🙌🏿🔹滷水鵝肉片拼粉肝 $118鵝肉滷得幾入味而且冇腥膻，切得工整均勻入口啱啱好，同埋唔會太過肥膩👍🏿，粉肝口感微微帶粉完全唔腥～🔹韭菜花炒鮮魷 $88韭菜無渣🫶🏻，魷魚鮮脆爽口🔹潮州砂鍋粥 $98配料有蝦同蠔，熱辣辣🙌🏿，米粒再濃稠綿密啲會更好～🔹豆花奶茶 $28幾好飲🫶🏻豆香濃郁，奶茶好香好滑𖤥 渝痴漁醉𖤥🗺️ 銅鑼灣記利佐治街1號金百利廣場8樓R1號舖…查看更多

✨ 銅鑼灣鬧市中搵食，我哋去咗金百利8樓「渝痴漁醉」，這裏有火鍋、粉面套餐、潮州菜任君選擇，而且價錢非常合理，值得推介比身邊朋友。***** ***** ***** ***** ***** 我哋主供潮州菜：潮式凍馬友🐟馬友夠新鮮，啖啖肉無骨。鹽焗手撕雞🐔手撕雞份量好大，好抵食。濃湯大芥菜湯🫕有排骨同芥菜同黃豆，材料豐富，芥菜有好多。清湯蘿蔔牛肋條🍲蘿蔔夠腍又入味，清湯牛肋條係我最鍾意嘅美食。總括來說，店子人流十足，食物份量好大，價錢又合理，一定會再來訪。…查看更多