朋友话订左枱在荃新天地的渝川廷食火锅放题,佢话扫到广告见$268一位劲多野食,咪黎试下啰。个餐包一份烤鱼或鸡煲、海鲜并盘、龙虾每位半只,仲有烧味、点心、火锅料任食,除加一外无其他杂费😋⭐烧味 & ⭐炖汤落完单最快上系烧味同炖汤,正常烧味店货式啦,好味系几好味,但同打边炉有啲唔夹🤣炖汤劲好饮,是晚系虫草花炖鸡,推荐😍⭐蒜蓉粉丝蒸龙虾龙虾可选堂灼或粉丝蒸,都几好,虾肉爽口弹牙。⭐香辣烤鱼我地拣左烤鱼,一大条鱼,配料有豆卜、大荳芽、红薯粉等,食到呢度基本上都饱左大半。⭐麻辣汤并清汤汤底拣左鸳鸯锅,清汤几鲜味,麻辣汤略微不够辣。⭐海鲜盘自选六样海鲜,点左白鳝片、龙趸片、鲍鱼、北极贝、蛏子、台山蚝,上到枱送多左两只元贝🤔全部都好鲜甜🤤食得出系新鲜货,个人至爱白鳝片同龙趸片,鱼肉超正😍⭐各式火锅料火锅料选择都算几多,相反自助区蔬菜同丸肠就偏少😂朋友狂点海鲜食,个人则觉得牛肉片同羊肉片正。⭐饮品一般罐装饮品都有嘅、茶、汽水、啤酒等,雪柜自取,想饮唔冻可问店员拎。晚市客人唔多店员亦只有一人,不得不赞那位当值员工,劲好服务态度做野爽手,有救必应👍直头想挖角度自己公司添😆…查看更多





