清真牛肉館 (打鼓嶺道)

細細個住黃大仙嘅時候，已經成日過嚟九龍城食呢間，嗰陣時真係成日排長龍，外賣堂食都要等好耐。好耐冇食，突然好掛住，今日專登過嚟懷舊一下～.唔知係好彩定係經濟唔好，今次晚飯時間竟然唔使排隊，直接行入去就有位！難得阿媽又鍾意食牛，就帶佢一齊嚟試吓。呢度主打牛肉同羊肉，其次係雞，冇豬肉㗎，清真嘛。.兩個人叫咗：✔️細牛肉粉絲湯✔️ 牛肉餅（2件）✔️ 羊肉小籠包✔️ 牛肉鍋貼.口味比較接近新疆風味，味道偏濃，如果食慣清淡嘅朋友可能要適應吓～.牛肉餅真係保持到水準😍 皮薄餡多，一咬落去肉汁即刻爆出嚟，勁juicy！不過小心啲食，因為肉汁真係會由餅底滲出嚟，甚至彈到落碗度～ 呢個真係回憶中嘅味道，好滿足！.牛肉粉絲湯湯底夠濃，粉絲索曬湯汁，牛肉粒好淋好滑，唔會韌。湯裏面有幾條菜，一人份量啱啱好。.羊肉小籠包同傳統上海小籠包一樣多汁，皮算薄，羊肉味偏濃，有少少騷味。如果平時食開豬肉小籠包，可能要試吓慣唔慣。.牛肉鍋貼煎得唔錯，皮算薄，牛肉味好突出。不過可能我哋叫得太多牛肉菜式，食到最後有啲膩，建議可以叫杯豆漿或者可樂中和吓濃味。.整體嚟講，牛肉餅依然係必食！其他菜式味道濃郁，適合鍾意重口味嘅朋友。懷舊又好味，值得再嚟～.…查看更多

呢一間小店位於九龍城，主打牛肉類食物，佢嘅牛肉餅就一定係呢一間嘅招牌，呢間店除咗喺網上都幾有名之外，有好多街坊都比較鍾意，攞過好多唔同嘅獎，仲係一個唔錯嘅聚餐選擇因為我去嗰陣比較遲，佢就嚟收工，所以只能外賣，今次試咗$25牛肉餅首先食咗佢個皮，佢個皮好脆，但係唔算好薄，咬落去都算有口感，食落去感覺係即嗌即煮，之後第二啖食到牛肉，啲湯汁流晒出嚟，簡直可以話係爆汁，好彩俾咗個外賣兜我，唔係嘅話一定勁狼狽，湯汁有少少熱，牛肉咬落去都幾嫩同新鮮，但係覺得有少少鹹整體嚟講雖然味道冇特別驚喜，但係呢一個價錢都值得一試…查看更多

早了來到九龍城，所以想吃點東西，然後就準備影九龍城日落，我提議來這間吃牛肉餅，因為真的很好吃，然後叫多了一個羊肉小籠包，我覺得這個可以不用試了，因為羊肉餡撐了整個小籠包，所以入邊嘅肉汁唔夠，食落去有點乾，沒有吃小籠包那種感覺，還是吃回牛肉餅和咖喱牛腩，只是因為朋友已經吃了午餐，所以他吃不下牛腩這一種，但牛肉餅真的是世一，咬下去牛肉肉質堅挺多肉汁，調味亦剛剛好，實在不知道怎樣形容，外皮煎得非常恰當，不會太硬，亦不會太腍，總之就是必吃的了。…查看更多

一直以來都好多人推介，加上次次來到都排滿人龍，當然就更加期待啦星期日2點來真係太多人，終於5點來 可以不用排直入 牛肉餅 $50 一份有兩件牛肉餅，基本上枱枱都會叫外皮有d 似老婆餅中間個層的餅皮，唔係脆口個d牛肉餅 juicy 爆多汁牛肉有香料調味，唔會覺得heavy而且餡料都足的羊肉煎餃（5隻） $60坦白講一上台有d 失望，一來覺得好dry，二來份量真係好少 (12蚊一隻, 但大約兩隻學生手指咁大)羊肉唔羶，重香料不過個皮真係覺得有d厚，而且唔脆，覺得少少太油，口感不太好唔太推介總結：價錢： total 110蚊，以份量來說cp值偏低味道： 味道一般般服務： 因為人流都多，所以明白服務算正正常常感覺人氣店，試過就可以…查看更多

揸車車太太去開九龍城買餸，咁樣就順路去呢度買返幾個牛肉飽回家做下午茶，車到門口落車見門口唔少人等位，於是入去櫃位買四個牛肉飽外賣，之後返上車等待十五分鐘見仲未得？落車去問問佢就話差唔多、再過五分鐘見都等咗20分鐘冇理由咁耐，阿姐睇吓個落單時間就自己答：係喎點解咁耐嘅？再追之下又多7-8分鐘先有！四個牛肉包要25-6分鐘等唔等得真係自己諗下吧😝😝😝…查看更多

以「珍惜」為題，清真牛肉館承載著一代又一代食客的記憶。入口爆汁的牛肉餅，濃郁肉香瞬間充盈口腔；再嚐羊腩，外層微酥，油脂分布細膩而不覺膩滯，帶來獨有的肥美滿足；至於咖喱牛腩飯，香料與牛腩的交融更是經典，香氣撲鼻，滋味厚實，而白飯則完美吸收醬汁精華。二十多年來，這些味道始終未曾改變，即使分店與兄妹店馬家莊已相繼結業，留下的卻是一脈相承的真味血脈。這樣的堅守在時代流轉中格外可貴，它提醒著我們，很多時候平凡的一餐，正是最值得珍惜的情感連結。珍惜，不只是對味道的留戀，更是對一段歲月與傳承的敬意。Islamic Beef Restaurant embodies decades of culinary memory. The juicy beef patty bursts with flavor, the lamb brisket offers crisp edges with satisfying richness, while the curry beef brisket rice fills the air with spice and warmth. For over 20 years, these cherished tastes have remained unchanged. Even after the closure of its branches and the sibling shop Ma Ka Zhuang, what endures is a living bloodline of flavor—something to treasure deeply, as it carries both heritage and time.…查看更多

今日同老公嚟咗清真牛肉館食晚餐叫咗招牌牛肉餅,咖喱牛腩,牛肉水餃,清真小籠包,同埋上海粗炒牛肉餅100分 好食多汁 牛肉餡料多咖喱牛腩辣 適合食得辣既人牛肉水餃同清真小籠包都好好食,皮薄餡靚,多汁上海粗炒好味 有鑊氣價錢唔平 但絕對值得下次再嚟食推介招牌牛肉餅,咖喱牛腩,牛肉水餃,清真小籠包一定要試下…查看更多

🧭 清真牛肉館•九龍城🍴九龍城打鼓嶺道33-35號地舖今次去九龍城唔食泰國野住，食下好耐無食既清真牛肉館先。但今次趕時間就叫外賣食😆- 牛肉餅 黎到必食既牛肉餅，入面好足料，而且好多肉汁。一個都已經好夠飽。😋- 牛肉鍋貼 呢個第一次食，但都有驚喜 個皮好薄 煎得岩岩好，小小脆。而入面仲有好多汁🥰- 炸銀絲卷 一見有銀絲卷就必叫，唔錯 但唔同平時上海舖食到既感覺。- 瑤柱蛋白炒飯 同男朋友一致認為個飯係最好食！以為普普通通 但炸到粒粒分明，而且好多瑤柱同蛋白添。- 奶油津白 正常發揮，以為火腿係上面，點知原來有啲係菇粒黎😝幾特別。但唔知係咪呢排啲菜唔靚，有幾啖有小小苦味。…查看更多

這家店在九龍城經營多年，深受食客喜愛，無論是午餐或晚餐，總是人潮洶湧。清真牛肉餅館的牛肉餅真係世一！每一口都能感受到外皮的酥脆，與內餡的多汁完美結合。牛肉餡鮮嫩，味道濃郁。…查看更多

呢間餐廳喺九龍城已經開咗好多年，可以話係呢個地區嘅標誌性餐廳。我食過好多次，每次嚟都係叫差唔多一樣嘅招牌食物。牛肉餅成間餐廳最出名嘅菜式，蔡瀾都介紹過。佢外皮香脆酥軟，餡料鮮味多汁。食嘅時候要好小心，因為啲汁好熱又會爆出嚟，最好用碗接住佢再飲返唔好嘥。咖喱羊腩飯可能因為呢間係清真食店嘅關係，佢煮嘅羊肉特別鮮味。咖喱調味又剛剛好，唔會太辣。薯仔夠香柔軟又入味，用啲汁送飯真係一流，唯一就係啲汁少咗啲唔夠喉。…查看更多

九龙城老字号名店，光看饭点排队情况，已经察觉出几分实力不俗。一进大堂人声鼎沸，各种奖项证书密密麻麻挂了一墙，本地人和穆斯林都在吃，更是充满了期待。·【咖喱牛腩】不同于偏爱椰奶椰浆的泰式和印度咖喱，这儿的出品更接近巴基斯坦咖喱。·油光发亮的酱汁看似油腻辛辣，但实则辣而不呛，混合香料的咸甜滋味伴随着温厚的辣意在味蕾深处铺展，唇齿留香。·半浸没在酱汁中的牛肉大块新鲜，份量比想象中足。炖煮得既软腍入味，又不失嚼劲，好比老火汤里的食材那样恰到火候。·【麻油雞】葱油鸡、豉油鸡、醉鸡吃过很多了，不妨试试这款麻油切鸡。淡淡的麻油香气不会喧宾夺主，却又恰到好处地浸透了细韧的肌理，鸡皮不肥，好评。·【酸辣汤】 去的那天飘着细雨降着温，一口热乎酸辣的汤羹简直还魂！食材丰富量足，不过酸笋味太浓，过于抢戏。·【蒜子上湯浸時蔬】 虽然新鲜脆甜，但难以掩盖它是86港纸一盘的青菜刺客，价格快赶上肉菜了。…查看更多

佢地既牛肉餅係九龍城都幾出名🤭好多年前食過 唔記得幾錢嚕淨係知宜家貴左好多⋯⋯🫣但都依然唔少食客捧場 就當日平日中午 等位等左十分鐘到啦～眼見除左本地local客 亦不乏慕名而來既遊客哦 ❙ 牛肉餅 ❙ $50一份兩件既牛肉餅係招牌！基本上枱枱都會叫 要小心夾！唔係就好似我咁啲汁流晒出黎😩襯熱食仲係微脆外皮唔算薄 好彩充滿住肉汁雖然好食 但就貴咗啲🫣 ❙ 咖哩牛腩拌麵 ❙ $68只要有咖哩😚無論飯/麵/麵包都可以輕鬆ko麵跟咖哩係分開上 要落幾多就隨自己喜好咖哩搵個細碗裝到滿一滿 好似好多🤪牛腩夠軟稔 好味既薯仔都係鐵腳 咖哩香濃 有辣度 仲係愈食愈辣果種 食到我流晒鼻水🤣麵有少少似米線總體唔錯但表現唔出眾 ❙ 嫩雞煨麵 ❙ $60由於娘親本身係大愛嫩雞煨麵呢味所以一見到已經唔洗諗賣相係少少hea既😗實際就正常發揮雞連帶少少脂肪 對我地黎講要咬走麻煩啲而且娘親偏愛好稔既煨麵 呢方面就主觀啲喇…查看更多

🐂牛三拼牛肉牛筋牛肚 $146 🌕🌕🌕🌕🌕第一次凍食牛肚，同熱食果d 好唔同，雪凍仲彈牙咗。牛筋勁晶瑩剔透，滿滿嘅骨膠原，正。牛肉都好食，唔靭唔梅。做再點埋佢嘅秘製辣油，有d蒜香味。yummy!雖然價錢唔可以話好平，但佢真係畀足你，大大碟，無呃秤。🐮牛肉餅 $25／件 🌕🌕🌕🌕🌕每次嚟都必點，同傳說中一樣多汁，食咗咁多年都一樣質素！🐃咖喱牛腩 $98 🌕🌕🌕🌗🌑咖哩似印巴咖哩，但唔夠正宗印巴好食。牛腩有d 痴牙。🍚瑤柱蛋白炒飯 $85 🌕🌕🌕🌗🌑正常蛋白瑤柱香，正常發揮。不過本身叫係因為想撈咖哩食。…查看更多

呢間清真店好多年前已經開始幫襯，每隔幾個月就去幫襯一下，最近見啲KOL又講下，咪平日下午未夠5點去食，點知入一去已經坐滿人要搭枱，有冇咁好生意，晚飯時間呢間日日都要排隊對上果次有叫牛肉餅食，但已經越縮越細個亦冇以前咁好食，今次冇叫，就叫咗個剩咖哩羊腩，同葱油餅，咖哩羊腩等咗一陣就到，羊腩都幾多舊，但食落問題出現，乜啲咖哩汁咁稀，仲要好啖味，係咪客多得濟煮唔切啲汁要搞到溝水？咖哩香味亦欠奉，另外羊腩亦好麻麻，最大果幾舊韌到到口較，搞咩最出名嘅菜退步到咁？之後等咗成十幾分鐘啲葱油餅先到，但啲咖哩汁都凍哂，而且太稀根本好難黏上去葱油餅一齊食，不過個葱油餅就整得唔錯，唔會太厚，外皮少少烤脆皮感覺，但裡面軟熟，葱油味香好味，不過啲咖哩汁咁搞到剩食葱油餅仲好味但最出名嘅咖哩羊腩同牛肉餅都大不如前，講真冇下次了…查看更多

呢間喺九龍城幾十年嘅清真牛肉館 有住不一樣嘅食物 係我好喜歡去嘅地方 每次去到都會叫我好喜歡嘅酸辣湯 同埋牛肉餅 佢嘅牛肉餅好似小籠包一樣 咬起嚟會漏汁 有好好味的湯喺入面 酸辣湯當然唔使講 而家已經好難搵到咁好味嘅酸辣湯 另外仲有佢嘅蔥爆羊肉 銀絲卷 都係非常之惹味 由於佢生意太好 好多時去都要等位 而且坐嘅位置亦都唔算係太舒服 如果真係有心食 就要預留時間排隊 但係間中去食一次咁好味嘅食物 排下隊都值嘅 九龍城而家有屯馬線直達 交通上算便利 只要喺宋王台站出嚟 行大概幾分鐘就可以到喇…查看更多