清心齋

本身買咗粢飯同椰汁糕，粢飯10分難吃，啲飯好硬，冇味道，配菜勁少，椰汁糕麻麻，原本想買其他糕試吓，但係見到個粢飯咁樣已經唔想再食其他嘢，唔明點解佢有咁多好嘅食評…查看更多

新都城2期開左間成日見排隊今日試下買左齋滷味＄30（偏甜，有種代糖味既甜，唔係幾啱自己口味）4件＄26紅豆糕（好挺實，有口感，但唔係幾啱自己口味）芝麻糕（好芝麻，都ok)椰汁盧薈（正常口感，甜水盧薈粒）紫芋糕（粉狀口感，好有芋頭味，呢個不錯）全部糕點都覺得偏甜，可以試下減甜。…查看更多

依家好多餐廳都唔做晚市，覓食艱難，剛好收工經過呢間清心齋，專賣齋菜，亦都有多款甜品及糕點，有桂花糕、芝麻糕、香芋糕、紅豆糕、見到糕點厚厚地、大大件，裏面又有各種不同的餡料，收工時分，居然仲見到有人龍喺度排隊，應該都好受歡迎，因為未試過，所以唔夠膽嗌太多，淨係買咗佢嘅黑芝麻糕，$8一件，大概手掌心嘅大細，買返屋企，隔咗一兩日先食，發覺糕點仍然煙韌，芝麻味濃，係真材實料，好好味，下次都想試吓佢其他嘅齋菜同埋甜點😋…查看更多

一開頭見到好多人排隊以為間野應該唔錯啦咁就買咗啲齋同糕點返去食齋我就覺得麻麻地 食齋既資歷尚淺 我就唔評論了但係啲糕點 一食真係把鬼火買咗6款糕點紅豆糕 馬豆糕 芝麻糕 紫芋糕 芒果西米同椰汁蘆薈糕先講馬豆同紅豆糕 真係好糕唔知以為呢兩份甜糕係要拎去煎返熱黎食得個死甜芝麻糕就偏硬無咩彈性芝麻味唔岀紫芋糕 我第一睇就話啲色好假 開飯喇評論就話顏色好假但好味跟住我就信咗照買啦點知一買返到嚟 味道好似溶咗嘅雀巢香芋味雪糕 自己諗下點喇芒果西米糕同椰汁蘆薈膏我都試咗一啖就冇食了沒有一件甜點可以繼續吃下去太嬲了…查看更多

一聽到呢個舖頭名就知道呢間餐廳，應該都係食齋㗎啦！間中食下齋都好既！一來可以減少二氧化碳排放！今次入到黎將軍澳。買咗包笑口棗食下，仲有一個芒果布甸！芒果布甸就唔記得影相！但係味道都唔錯！唔會話太甜！仲有啲芒果味Tim!買咗笑口棗返屋企！我個人就覺得攞個氣炸鍋炸返熱佢會好食啲！至於炸幾耐，大約兩三分鐘就可以！炸左之後就會脆口啲！更加好食㗎啦！佢嘅味道就適中嘅，唔好話太甜，而且又唔會太多粉。新年食真係一個好好嘅意頭！…查看更多

見到新開店，好多人排隊，心想有齋菜試吓先⋯⋯買咗酸齋和糕點。酸齋內有4種，太難食，個汁怪味，30元1份。未試過食一件已想送入垃圾筒。糕8元1件，試了芝麻糕和椰汁糕，太多糖太甜唔好食。食齋本來想健康一點，但糖太多太可怕。試一了次，不會有下次。…查看更多

本人係糕點控，係將軍澳區發現呢間鋪頭，見到寫住$24/4件，我買咗以下四款😋💜紫芋糕食落好香紫薯味，仲有淡淡奶香，口感滑溜👍🏻🖤芝麻糕芝麻濃郁，食落有彈性，甜度適中👍🏻❤️紅豆糕大大粒紅豆，口感香糯，清甜👍🏻💖紅棗糕口感煙韌，紅棗味濃👍🏻大大件，好抵食！🤓下次想食桂花糕、馬豆糕、馬蹄糕！😋…查看更多

將軍澳好彩有一間好好食又有良心既齋鋪豆腐花 豆漿 糕點都好出色 ! 特別係香芋糕真係要試腐皮卷都好正 仲要成日好快賣哂 真係好足料特別推薦 砵仔糕 !!!! 真係好開心叨加油呀…查看更多

平時間唔中都會去清心齋買吓小食，佢嘅食品一向質素高，價錢抵，所以一見佢過年前有糕賣，就訂咗底素年糕，只係$68咋。呢個真係平到震，仲要係新鮮食材無防腐🥰🥰🥰屋企太少人，否則會訂多幾底💪💪到咗揀好嘅日子去拎糕，舖頭伙記好貼心咁提醒我哋食法同儲存方法。由於有真空包裝，無防腐放雪櫃都可以擺十零日，但係開咗就最好三日內食曬喇🤗初一跟吓習俗食吓齋，所以就煎咗少少糕嚟試，甜味清，一煎就好快軟身，質地好順滑，我哋都食得好開心，反而仲好味過百幾蚊買番嚟嘅糕🤣抵讚！…查看更多

$23 四件 第五件$6買了紅豆2件。紫芋1件。椰汁蘆薈1件。芝麻1件。紫芋糕看似紫得有點假。但吃下去不覺得假椰汁味都重。但芋頭味都出。幾香。甜度還行。不過份。芝麻糕都重芝麻味。質地不會硬。不錯的。紅豆多而粉稔。不過甜。椰汁蘆薈感覺比較普通。再去TKO的話會encore…查看更多

睇相仲以為年糕好靚，點知好容易就打開咗年糕嘅膠盒蓋，年糕冇真空密封好懷疑係咪可以放到過年 . . . . 最嬲係打開蓋見到年糕是凹的，仲話無問題，真係第一次見年糕是凹的，阿媽話唔使過肥年，老公又話我買埋D cheap嘢…查看更多

其實之前已經試咗佢嘅豆腐花同埋豆漿，豆腐花係好滑，而且價錢亦唔算貴，豆漿亦唔算好甜，豆味都好重！經過後得呢個賣嘢食嘅地方幾次，每一次見到啲高點都好想買，不過始終唔係直接返屋企就難啲，所以今日決定喺返屋企之前買佢嘅糕點，而且今日終於見到前幾次都見唔到嘅紫芋糕，所以我買咗紫芋糕x2、 紅棗糕x1同埋芒果西米糕x1，四件加埋都係$23，即係唔洗$6件，抵食！芒果西米糕同我預期嘅一樣好食，呢個芒果西米露嘅組合本身就冇得彈！紅棗糕亦唔算好甜，棗味都好香！最令人驚豔嘅係紫芋糕，佢濃郁嘅紫芋係令人係想一食再食！正！另外，我亦買咗一盒齋返去，大盒都係$30，抵食！由於我唔太鍾意咖哩齋，所以我其餘都有要，盒齋整體OK，最鍾意都係食酸齋！…查看更多

放假出去行完街，返到將軍澳經過厚德商場，心思思想睇下有啲咩小食可以今晚加餸😊經過清心齋見到有我最鍾意食嘅酸齋即刻買番一盒先😍 細盒15蚊應該只可以裝到三四件 ，大盒30蚊係大盒好多，咁梗係要買盒大啦👍🏻要咗酸齋加少少齋鴨腎，酸齋係比平時出面食到嘅酸但因為我本身鍾意食酸嘢同埋佢唔似出面有啲齋舖有好多芡咁，所以我好鍾意齋鴨腎有口感，味道濃淡適中👌🏻見到好多人都黎買豆腐花，下次可以試試其他食物🤔…查看更多

下午茶食得養生啲罪惡感都小啲。8蚊一碗豆腐花，12蚊一碗芝麻糊豆腐花簡直係月尾的人間抵食美食！！！豆腐花滑就梗架啦！仲有濃香豆香，襯埋芝麻糊簡直係一絕，芝麻糊一食就知唔係用粉hea沖，味到香濃得黎又唔會搶左豆腐花的豆香！必食必食推介！怕熱，仲可以揀涷豆花，但個人黎講就覺得熱食香啲。仲有各類糕點賣，$23有4件，芝麻糕同椰汁馬豆糕又係我嘅必食推介！要食真正中式甜品，我覺得尼間絕對好食抵食過x嫂N倍！…查看更多

我覺得呢間似中式甜品舖多過齋舖，兩櫃子的食品，除了酸齋，幾乎都是中式糕點、要不就是豆腐花，芝麻糊、豆漿等等。每樣糕點了一件，叫埋其他豆漿豆花布甸，生長水遠外賣到家，重甸甸的也不用100元，真係好抵。糕點分量十足超大舊，非常重，中式糕點一般都頗甜，吃了幾件後我味覺開始出錯，覺得每件都是甜，反而吃不到真味，都係一次買幾件好d，但正面地看，我這不像是在吃中式糕點放題嗎🤣。看糕點實的的就知真材實料。我還是喜歡較清甜輕盈的桂花糕。豆花，糖可以選擇當時落或分開袋，是最貼心的服務了。睇番相才知豆漿原來可以揀少糖、無糖，當時職員都無問我。我最怕這些看些去色素甚強+凍食的酸齋，從小到大也不吃，這是給媽媽的，媽媽說水準可以。可惜今次食唔到腐皮卷，非常失望。…查看更多