餐厅：清原地点：铜锣湾白沙道菜式：芋头甜品餐牌：人气芋头冰、蔗糖剉冰、招牌仙草冰、雪花冰、特色甜品、热汤系列、串串系列，古早豆花系列，芋头饮品、芋头冰沙、鲜奶饮品、奶香饮品、特色饮品、茶、冬季热饮等等。好多食品饮品都改左个特别既名。芋见幸福热恋中 $62呢款芋见幸福热恋中系热汤系列，材料有红豆，多色芋圆，芋头球，烟韧珍珠同西米露。个甜汤滑溜少甜，材料丰富，味道口感都唔错，热食我觉得更好味。芋见幸福 $62芋见幸福系人气芋头冰之一，基本上就系芋见幸福热恋中冻上，可以见到材料超级丰富，多到满泻咁滞。大量滑溜芋头冰配有红豆，芋头球，多色芋圆，珍珠同西米，款款材料同芋头冰都好夹，味道唔会太甜，解暑解渴一流。如假包换，食嗮见到碗底。芋见泥珍好 $62芋见泥珍好好大杯。饮落味道微甜，食落有超多烟韧珍珠同小芋圆，带有红豆同西米露，好有口感，层次丰富。今餐所有甜品饮品都好味道，好有特色，而且唔会太甜。餐厅装修唔错，干净企理。店外系一片浅紫色，好易认。…查看更多
由于事前完全冇心理准备，我一入到去觉得好意外，佢似姜涛后援会多过系食嘢嘅餐厅，成间舖头每一个角落都系姜涛嘅应援物，就算啲嘢食好唔好味都好，我谂如果系佢嘅粉丝嚟到都一定会好开心! 好彩虽然我冇特别钟意姜涛，但佢食物质素都令我满意，足料大大份，一口接一口嘅芋泥真系太正了
同埋由于芋头都系淀粉质，所以记得唔好食太饱过黎，如果唔系就试唔到太多款嘅食物，好彩我哋有三个人所以可以叫多啲唔同嘢试吓(但其实我哋三个都冇一个系钟意姜涛，纯粹误打误撞嚟咗，成件事实在太搞笑
) 总括嚟讲餐厅位置好方便，所以无论钟意姜涛又或者钟意芋头嘅人都值得嚟食吓
