由於事前完全冇心理準備，我一入到去覺得好意外，佢似姜濤後援會多過係食嘢嘅餐廳，成間舖頭每一個角落都係姜濤嘅應援物，就算啲嘢食好唔好味都好，我諗如果係佢嘅粉絲嚟到都一定會好開心!
好彩雖然我冇特別鍾意姜濤，但佢食物質素都令我滿意，足料大大份，一口接一口嘅芋泥真係太正了
同埋由於芋頭都係澱粉質，所以記得唔好食太飽過黎，如果唔係就試唔到太多款嘅食物，好彩我哋有三個人所以可以叫多啲唔同嘢試吓(但其實我哋三個都冇一個係鍾意姜濤，純粹誤打誤撞嚟咗，成件事實在太搞笑
) 總括嚟講餐廳位置好方便，所以無論鍾意姜濤又或者鍾意芋頭嘅人都值得嚟食吓
4
