添添

营业中

休息中

又去元朗國，帶隻狗仔去寵物店剪頭髮，等的時間去食個早的晚飯，一家大細又唔洗等位。6 點入座，剛剛過咗下午茶時間，見到下午茶餐好抵食呀。單點小炒，肉絲炒麵$60 夠曬鑊氣，麵底係炸過嘅，脆卜卜，真係食唔停口呀。食下啲邪惡餸先，鹹蛋黃金蝦 $95 炸到連蝦頭都可以食埋，蝦肉身又好多汁，每一粒都新鮮，真係好味。添添小炒王$85 一上枱都好驚喜，因為有好多蝦乾，仲有脆魚仔 ，新鮮魷魚鬚，菜脯粒，係非常足料。蜜椒薯仔雞中翼$85 辣辣地甜甜地好正。仲有送例湯。

週末到了元朗逛街，行到有點餓意就過來鳳琴街覓食。朋友選擇了這間名為「添添」的茶餐廳。「添添」的座位都頗為寬落，幾好坐。留意到牆上的畫作就是元朗的街景，幾有心思。一向喜歡食茶餐廳的常餐，有麵有包又有炒蛋，頗為豐富。今次點了雞扒公仔麵，再加錢轉為出前一丁。雞扒煎香，但肉質就略乾了一點；公仔麵可以按個人口味選擇腍和爽麵。配上炒滑蛋和火腿，炒蛋滑溜creamy。下午茶粉麵餐幾抵食，$48大大碟肉絲炒麵。麵條經炸香，入口脆卜卜，而有部份則因為淋上芡汁關係而變得腍身。配上豬肉絲、芽菜和草菇等配料，整體味道可以，未有過鹹之感。2個餐都附送飲品。

周圍話飲食業不景氣但屋企附近有幾間成日要等位其中一間係添添，次次full house大件夾抵食，不乏捧場客質素真心係ok，茶餐廳格局Menu應有盡有，由茶餐到炒嘢作為茶記愛好者，三餐食佢都唔覺嫌我幾鍾意佢個港式all day吉列魚柳，大件到咁即叫即炸，上枱永遠係熱辣辣肉厚唔係薄切切嗰種，冇腥味配腸仔，兩片煙用，一片火腿茄汁豆加炒蛋，麻醬沙律菜多士更可以揀方包、牛油方包、牛角包、丹麥方包、蒜香丹麥方包、牛油丹麥方包連點烘底都可以揀港式茶餐廳真係冇得頂午市套餐$50左右包飲品蔥油系列我覺得幾抵食佢個蔥油幾香，比出面街深色啲雞扒加隻太陽蛋，人間美食仲比幾舊西蘭花，講真都幾有誠意啦熱奶茶加大會用凍飲杯裝住另外套隻黑白奶杯方便你拎住飲🤣每日唔飲過奶茶都開唔到工嘅人必叫加大影影下午茶個餐牌比自己睇吓下次食乜

做香港人最幸福既就係一落樓下就肯定會有間茶餐廳係附近☕️而呢啲本地文化緊係唔可以俾佢消失🫶所以我都好中意去探索各區茶仔，睇下會唔會掘到寶藏🏴‍☠️而今日同大家分享既係係元朗新開張無耐既添添。佢地係新式設計風格既茶餐廳🍴但店內都有一幅卡通版既元朗街景，坐得舒服得黎都不失港味🚟而食物方面份量真係好多，我地2個人食完之後連晚餐都無再食😂完全係一餐頂到兩餐既份量。🐒菠蘿油💰$13黎得茶餐廳點可以唔試菠蘿油呢，呢到既菠蘿油真係完全唔手軟，件牛油係勁厚🧈咁先稱得上係菠蘿油👅。🐒椒絲腐乳炒時菜💰$74👉🏻例湯(中湯)👉🏻白飯👉🏻凍檸檬茶雖然未到晚市，但都已經有小菜食，而佢地既小菜可以全部+$12跟套餐有哂飯，湯同野飲，所以好似我今日咁怕一碟炒麵唔夠飽都可以加set🤭結果就搞到咁飽😂。🐒馬拉炒貴刁💰$60👉🏻例湯(中湯)

今日同朋友經過雞地, 見到間新餐廳添添入面座無虛席, 等左一陣間, 好快入得去, 一坐低, 侍應好快拎例湯比我地👍蜜椒薯角雞中翼蜜椒雞翼一定要叫, 好重蜜糖黑椒味, 連薯角都係, 好食到停唔到口, 雞翼控必點😋💯添添小炒皇侍應潮向我哋位置端上黎前, 一陣陣咸香既味道, 好有鑊氣, 裡面好多配料有腰果, 魷魚, 菜莆, 而我最鍾意既係蝦乾😂😂好夠味啫啫滑雞煲雞肉質鮮嫩, 份量多, 而且裡面既洋蔥蒜頭都煮得好冧 好食🤤咸蛋黃金蝦用咸蛋炸既蝦，好重咸蛋味，蝦亦夠新鮮, 呢個配搭無得輸, 夠哂滋味👍👍什果冰/紅豆冰正常發揮, 食小炒一定要飲😝

一向都有係添添買開兩餸飯，近日見佢係對面舖開左茶記，每晚都坐無虛席，是晚就同屋企人黎食個便飯先。等左一陣就有枱，坐低後睇下食咩先，有晚餐、小菜、常餐等，價錢親民。⭐豉汁蒸大鱔叫左份晚餐蒸大鱔，晚餐係包例湯、飯同餐茶的。碟鱔好大碟，厚切，肉質鮮味彈牙，豉汁味濃，送飯一流呀😋呢樣勁受歡迎，落完單一陣就話售罄了。⭐椒鹽白飯魚另一樣叫左香口野炸白飯魚，白飯魚咁大條嘅，正喎，炸得乾身香脆唔油膩😋⭐添添小炒皇發覺無叫菜，屋企人話加份小炒皇，嘩嘩，好足料呀🤤有大蝦、魷魚、蝦乾、白飯魚乾、蘿蔔乾、韮菜花等，鹹香鮮味有鑊氣，好好味噃🤤⭐例湯 & 白飯例湯超熱又多料，飲落鮮甜。白飯勁大碗，食一半已飽左。⭐凍鴛鴦 & 熱利賓納餐飲要左凍鴦同熱賓，menu有少少甜揀，黎到真係微甜，啱口味正呀。叫太多食唔晒，打包啲餸留返聽日帶飯先🤭

天氣太熱啦😖，真系熱到個人都唔想食嘢～幸好行行嚇街見到有間個牆壁畫得好靚👍🏻嘅茶餐廳。忍唔住入去住坐低咗😂😂。 （5⭐️最高）沙拉豬扒飯（4.5⭐️）份量都好足，而且配有西蘭花做配菜。 😋豬扒件數都有四-五件。而且每一件都均勻地搽上橙色沙律汁。食入口酸酸甜甜，好開胃啊～必食-黑白西多士（5⭐️）同傳統西多士唔同，不是配糖漿，而是配朱古力醬。🩷但內里仍然都系有碎粒花生醬😗咬落有脆口既感覺🤩～吉列豬扒配薯條（5⭐️）大大塊豬扒配上菠浪薯條🍟，其實下午茶餐又會跟一杯嘢飲真系好消暑啊～🤤扒芝士吞拿魚三文治（5⭐️）我好喜歡呢個🩷，因為佢用芝士再加上三文魚之後面攞去焗一焗，令到有溶芝士嘅感覺😋～

新開茶記，平日晚市都唔少人，晚餐選擇多，有12個，睇都要啲時間😅。一睇到魚就想食，因為屋企少整🙈，有烏頭，馬友。見係雙檸蒸元朗烏頭，特別想試。🍽️是日晚餐：🐟雙檸蒸元朗烏頭 $88勁大條，雙檸係咸檸+鮮檸，好清香。烏頭一啲泥味都無，肉質結實唔韌，腩位軟滑油香，啲汁有淡淡生果味，少少甜，唔小心撈左飯🤤。🐔蜜椒薯角雞中翼 $88名堂較普通，似西式，點知食落好有水準。雞翼即炸，蜜汁甜度剛好，配上黑椒嘅香，完全唔膩。每舊薯角都沾滿汁，正。茶記特色係快，烏頭一到就顧住食魚，到尾先食埋啲雞翼仲好脆，真心好食。🥦西蘭炒花牛柳 $88賣相同酒樓一樣😯，老細話廚房之前係酒樓做，唔怪得擺盤咁睇得啦。可能雙檸太鮮，牛柳被比下去😆。🍹凍檸茶少冰少甜+$3好耐無飲過甜度啱茶濃檸香都咁平衡嘅凍檸茶，可能形容得誇左啲，但真心好飲。🍹凍奶茶少冰少甜+$3茶夠濃，甜度啱，不錯。如果想飲奶香滑，我諗熱飲會更好飲。🌟食食下發現斜對面有間同名兩餸飯勁多人排隊，好奇下問姐姐，佢話都係佢地㗎，最好食係雞翼，下次加餸可以靠佢啦👍🏻。

好耐無落元朗食飯，估唔到餐廳變化好大，新舊交替，鳳琴街人流旺，係不同食肆必爭之地💪🏻今晚三個人想食小菜晚飯，就試左新開不久嘅添添，雖然多人等位，不過都好快入座。當晚精選晩餐$78起好精彩，有班球、馬友、大鱔等。晩餐包老火湯，白飯，熱飲/凍飲+$3/紅豆冰+$6沙薑雞 $88見到好多人叫，估唔到份量有半隻雞，雞肉保持嫩滑，烹煮時間控制得好好👍🏻金銀蒜蒸斑頭腩$98粉絲墊底，索晒蒜汁同鮮味，變得最搶手🤭斑頭腩啖啖肉，蒜味突出，呢個價錢抵食🥰蜜汁欖角蒜香骨$88排骨炸得香脆，肥瘦勻稱，蜜汁惹味，好好餸飯。金銀蛋肉碎浸菜心$75諗住咁多肉叫個菜，點知碟頭比想像中大，比酒樓份量仲大😝差啲食唔晒。除左小菜，餐廳仲有碟頭飯，西餐，常餐等茶記基本款式。

今日放假入元朗探朋友，喺佢屋企附近開咗一間新嘅茶餐廳，就同個朋友一齊去試下。呢間係傳統嘅茶餐廳，主要提供多款港式風味嘅懷舊茶記菜式，湯粉，西多士，三文治，雞髀，薯條，炒粉麵飯和中式小炒。我哋叫咗✨乾炒牛河 $60 因為係即叫即炒，上枱時熱騰騰又有鑊氣，牛肉份量都多，好足料牛肉大大塊，而且不會肥油油。✨紅豆冰 (套餐+$6)紅豆粒粒飽滿又煮得夠淋，唔會太甜，好飲。✨蜜桃咕嚕肉 $95呢度嘅蜜桃咕嚕肉醬汁好掂，酸酸甜甜，好開胃。而且咕嚕肉嘅份量都好多，重點係炸得鬆脆香口，裏面可以保持到嫩滑。其他嘅配料亦都好好食，做得出色。✨杏仁霜 (套餐+$6)杏仁霜味道濃郁，極好飲。✨例湯蓮藕排骨湯，湯底鮮甜，個湯好足料，飲咗唔會口渴。(套餐+$12配例湯，白飯及飲品)總結:店員有禮貌，服務非常好。燈光明亮，環境寬敞，座位好舒適，食物質素唔錯，價錢又合理。餐廳:添添地址:元朗鳳琴街18號玉龍樓地下3&6號舖

🥘新開咗一段時間 一直未有機會幫襯 今晚加完班唔想煮 就啱晒😛 平時都幫襯開佢哋對面嘅三餸飯 都好有質素 今次一於試下佢哋堂食茶記👏🏻 環境光猛 新淨整齊 晚市都爆滿人 好在等位唔算耐🤭😋樣樣都想食 貪心之下揀咗三個餸 估唔到都幾大碟😝🤭💁🏻‍♀️咸蛋黃金白飯魚 $85一上菜個下 陣陣嘅咸蛋黃香味已經攻入鼻🤤 熱辣辣放入口 酥脆嘅外層 彈牙嘅白飯魚🤩 精神晒😛 好味過油尖旺個啲出名小菜館 仲要份量都幾多👍🏻 💁🏻‍♀️黑椒牛仔骨煲 $85用煲仔上菜 真係特別惹味🤩 熱辣辣出晒煙 聽到渣渣聲 未食已經流口水🤤 黑椒味濃👍🏻 多肉 而同且肉質腍嫩😍 💁🏻‍♀️添添小炒皇 $85真材實料 蝦乾 魷魚 蝦球 腰果 ······ 👏🏻超多 👏🏻超豐富👍🏻 好香好惹味 性價比超高👍🏻 💁🏻‍♀️例湯 真材實料🤩 爽口蓮藕 大大嚿腍滑豬肉 仲有少少果皮香味 正👍🏻💁🏻‍♀️以上小菜💛+$12 有例湯 有白飯 有飲品 💛+$3 凍飲+$6 特飲💁🏻‍♀️特飲 ～ 紅豆🫘冰 椰汁味濃 紅豆🫘煮得剛好軟爛 仲有紅豆香 甜度適中👏🏻💁🏻‍♀️特飲 ～ 檸檬🍋利賓納 清甜可口 配合惹味小菜 解渴解膩😚