添添

营业中

休息中

之前非常鐘意佢嘅炸魚柳早餐，大件、魚滑，無食一排有啲想食，點知黎到細，唔緊要，炸漿硬，啲魚仲好「諧」又乾黑松露滑蛋仲keep到，ok好食嘅，可能魚柳而家唔係一個好選擇，係失望☹️

元朗鳳群徑附近有好多餐廳，揀餐廳真係唔容易。最終我揀咗一間茶餐廳試下。茶餐廳裝修光猛，而且比較新。我哋點咗泰式肉碎炒飯 $62 同埋咸蛋黃金鮮魷 $98。泰式肉碎炒飯 炒飯味道唔算濃，但炒得好香配埋咸蛋鮮魷都唔會覺得太咸。咸蛋黃金鮮魷 雖然冇蛋黃醬淋上面，但炸粉已經有咸蛋味，夠晒味。如果有蛋黃醬反而會太咸。最後見到餐廳有流心芝士西多士 $30，其他餐廳比較少見。味道唔錯，西多士熱辣辣，芝士流心，作為甜品都唔錯。

之前就試過對面添添既兩餸飯覺得幾好食 水準都唔錯今次就襯住係元朗買完野一於試下有無分別🫶🏻🔹鹹魚雞粒豆腐煲鹹魚嘅獨特香氣同嫩滑嘅雞粒好夾豆腐嫩滑 吸收晒湯汁嘅精華 真係非常下飯😋🔹豉汁蒸鱔豉汁蒸鱔嘅爽脆口感令人驚喜蒸既火候同時間剛好肉質鮮嫩 保持到魚肉嘅鮮味搭配豉汁嘅鹹香 令到味道更提升😍🔹芒果粒粒果肉特飲充滿芒果既香甜 每啖都食到新鮮芒果粒甜度適中 冰涼解渴❤️呢兩道菜都表現都出色無論係味道定口感都令人滿意真係值得推薦✅

有朋自遠方來，去左元朗走走，同試試香港本地茶餐廳 。叫左一個馬拉炒貴刁 。茶記緊係要叫d 炒粉麵，試試佢既獲氣 。馬拉炒貴刁炒得乾身帶定微辣，食得辣既仲可以選擇加辣添 🌶️配料仲有蝦、火腿同叉燒絲都好足夠 。另外叫左個咸蛋黃金蝦🍤，套餐會跟白飯同湯，湯可以揀中湯/粟米忌廉湯 。咸蛋黃金蝦顧名思義有咸蛋漿包住隻蝦，食落咸咸香香，蝦輕輕走油炸過，可以連蝦殼一齊食 。整碟都有8/9 隻蝦，份量唔會都少 ，配埋白飯食岩晒！仲叫左杯檸檬茶同熱奶茶，奶茶唔嚡口同幼滑，仲飲到香濃既茶味👍🏻 香港茶記黎講算係唔錯！📍添添元朗鳳琴街18號玉龍樓3及6號鋪地下#hkfoodie #foodiehk #foodie #hkfoodstagram #hkfoodblogger #food #foodstagram #foodblogger #instafoodie #foodporn #香港美食 #香港必食 #香港探店 #香港打卡 #香港旅遊 #香港 #香港好去處 #假日好去處 #元朗 #元朗美食 #添添

每次經過添添，都好多人排隊，見到佢餐牌都好多小菜選擇，今日終於搵個下就時間黎食! 餐牌有好多選擇，炒粉面飯，小菜，咩都有! 位置坐得好闊落，環境幾舒服。椒鹽豬排飯呢到既椒鹽豬排係乾身款，香脆既炸蒜包住曬D豬扒，每啖都好惹味! 炸蒜配飯食都係一流! 豬扒肉質鬆軟，醃料入味，入口微辣，椒鹽既鹹香都好突出。時菜肉片炒河呢款係濕炒河，肉片份量好多，大塊但唔會韌。河粉唔會痴埋一舊，撈完個汁就可以做到掛汁效果，每啖都好夠味。整理調味唔會太咸!飲品選擇都好多，好多經典茶餐廳既飲品都有! 今次叫左柑桔蜜同埋凍咖啡，都唔錯。

在元朗雞地添添茶餐廳以其多款小炒和實惠的價格吸引了眾多食客。這裡的小菜好食又大份，唔怪之得一道飯市已經坐滿晒添添古法客家雞選用新鮮的雞肉，經過古法醃製，保留了肉質的鮮嫩。雞肉的表皮金黃酥脆，內裡卻十分多汁，令人垂涎。每一口都散發著淡淡的雞香氣，勁似返咗客家的故鄉，清湯牛肋骨湯品經過長時間的熬煮，滿滿胡椒香味，牛肋骨的精華完全融入湯中，味道醇厚而不油膩。湯色清澈，鮮香四溢，配上主到入晒味嘅蘿蔔成整碗湯更顯清新。每一口牛肋骨都軟嫩入味，我同朋友忍唔住飲晒成煲湯！添添茶餐廳元朗鳳琴街18號玉龍樓地下3&6號舖

#鼠尾草食飲玩 #sagefoodiehk人氣🔥 × 抵食😍 × 冰室🇭🇰住喺元朗嘅朋友仔，一定唔可以錯過呢間餐廳😋！平日嘅晚市嚟到，舖頭都坐滿晒人，因為呢度嘅港式小菜真係夠晒抵食🙌🏻。沙拉豬排大大份，豬扒同埋沙律醬都好足了，夠晒邪惡又滿足🔥。豬扒嘅口感都好好。黑椒茄子牛仔骨煲個價錢有兩種享受，一個煲裏便又有黑椒牛仔骨，又係茄子煲。黑椒嘅香味啱啱好，而且茄子同牛仔骨口感都夠軟腍，好好食😍。小菜仲可以加$12變成套餐，包埋飲品、飯、湯，呢個價錢係外面可能只係嗌到散叫嘅小菜👍🏻。香炸雞中翼配薯條啱晒share你食，雞翼新鮮炸起，超級脆卜卜，薯條亦都好酥脆，唔會炸定咗冧晒🙂‍↕️。💰沙拉豬排($85)💰黑椒茄子牛仔骨煲($85)💰加$12轉套餐💰香炸雞中翼配薯條($28)

今次出返元朗鳳琴街食野，果個位一向成條街都係餐廳。見佢又有茶餐廳又有三餸飯，一於試下佢有咩食。其實見佢D飯餐都幾吸引，叫左個精選晚餐清蒸游水海斑 HK$128即叫即蒸，新鮮熱辣，魚肉非常滑，好似係酒樓食咁。再叫埋芒果粒粒果肉特飲都係加$6，不過就淡左少少，唔太有芒果味。子薑話梅鴨（半隻）HK$98肉質都幾好，個汁就厚左少少，酸酸甜甜咁，幾開胃。加經典紅豆冰都係$6，呢個抵加呀，紅豆同奶都好有份量。

入口苦澀難聞，冇奶味冇茶味亦冇咖味，想飲個下午茶，去隔離啲紅x或者其他茶記好過。🫥飲兩啖想嘔。叫杯凍奶茶少甜，連甜味都冇， 咁你唔好畀人揀有得少甜呀。唔怪得冇乜客。個侍應送餐放角落頭hea到😒冇下次

🇭🇰元朗添添茶餐廳，享受港式高水準下午茶- 裝修好用心，牆上掛咗關於元朗嘅卡通壁畫，增添了不少趣味。啲凳坐得好舒服，食嘢都坐得好啲1️⃣ **蔥油叉燒蛋撈麵** 🍜 - 蛋熟到剛好，非常之滑，蛋汁令撈麵濕潤，豉油味道唔會過鹹，叉燒切得大大塊，肉質軟嫩，真係好味。2️⃣ **炸雞髀配薯條** 🍗🍟 - 外皮炸得香脆，咬落去好滿足。薯條有多種口味選擇，例如原味、孜然等，我哋揀咗海苔味，味道獨特，增添了驚喜。3️⃣ **經典紅豆冰** 🍧 - 奶味香濃，紅豆份量十足，食落去好滿足，甜而不膩，夏天食正好。4️⃣ **凍檸檬利賓納** 🍋🥤 - 檸檬同利賓納嘅配搭好match，清爽可口，解渴又提神。🚩元朗鳳琴街18號玉龍樓地下3&6號舖#元朗 #添添茶餐廳 #蔥油叉燒蛋撈麵 #炸雞髀 #紅豆冰 #凍檸檬利賓納 #香港美食 #食評 #元朗茶餐廳 #香港探店

一向都聽聞元朗嘅📍添添🫶🏻好出名，佢哋提供多樣的美食和輕鬆的用餐環境。食客來來往往，服務員忙碌穿梭，這種繁忙的氛圍讓人感受到香港的活力。今日終於可以探店，感受吓啦💪🏻［食後感］📝1. 公司三文治三文治夾有餐肉、蕃茄和蛋，口感柔軟，搭配香脆的麵包。吃完後，充滿能量。2. 全日早餐（香脆吉列魚柳）魚柳外酥內嫩，搭配黑松露煎蛋、香腸和焗豆，營養均衡。吃完後，感受到豐富的口感層次。3. 美式什扒飯有多種肉類，豬肉、雞肉，配上香濃的醬汁，飯粒吸收了肉汁，十分入味。食後讓人回味無窮，滿足感十足，啱晒大胃王。4. 香炸雞翼配沙律外皮金黃酥脆，配上清新的水果沙律，形成了完美的對比。吃完後，口感上的平衡令人愉悅，既能滿足味蕾，又不會感到過於油膩。5. 黑白西多士外層脆脆的，內裡充滿了香濃的奶香和巧克力醬，食後的甜蜜感讓整頓餐點畫上完美的句號。##總結茶餐廳的食後經歷不僅僅是用餐，更是一種社交和文化的體驗。你哋仲唔過嚟試吓😍

地點好易去屯馬線元朗站行過去都只係5-8分鐘講起食茶餐廳的話，舒服好坐我都一定會黎食添添，佢地中菜係好有火候，重點係另一半都好鍾意食添添沙薑雞 $ 98$98有半隻雞，同埋本身隻雞都有沙薑味唔係淨醮汁！雞都好大隻，所以視覺效果都好誇張！雞皮幾滑！肉質結實有雞味！送飯一流！凍檸檬茶＄3小冰、走甜椒鹽牛仔骨 $ 85牛仔骨嘅份量都係十分驚人，加埋椒鹽同炸蒜 非常香口！牛仔骨容易咬開，仲帶住微微嘅牛骨髓香，好好食加$12轉套餐凍檸檬茶

邊個話放假一定要北上消費?呢度星期六嘅晏晝都人流不絕呢度牆身仲有一大幅充滿元朗特色情懷與味道嘅壁畫係真心愛元朗嘅表現！♥️呢度餐牌選擇都好多，例如：是日午餐、常餐、下午茶、炒粉麵飯、焗飯、扒餐、小炒等等用QR code落單好方便，一目了然，有咩要求都可以揀，例如小冰、小小冰、走冰、多甜、小甜、多奶、茶濃、少飯......完全可以tailor made，依足自己嘅喜好，細心又貼心🥰📌午餐：豉椒鮮魷炒麵+粟米白菌忌廉湯🦑🍜🍲鮮魷新鮮爽嫩，配上淋上醬汁嘅香脆炒麵底，入口一半脆口，一半柔軟入味，口感非常豐富忌廉湯係我至愛，非常creamy！📌常餐：雞扒+通粉+火腿奄列+牛角酥+凍檸檬茶（小冰+濃啲）🐔🐷🥚🥐🧊🍋🍵餐包嘅選擇多羅羅：丹麥方包、方包、牛油方包、蒜香丹麥方包...估唔到呢度竟然有牛角酥嘅選擇，作為牛角包控，一定唔會錯過香港人最愛嘅常餐，快、靚、正！📌下午茶套餐：吉列魚柳配薯條+凍檸檬茶🐠🍟🧊🍋🍵（小冰+小甜+濃啲）脆炸雞脾配薯條+凍咖啡🐔🍟🧊☕（多奶+小冰+小甜）經典西多士+凍檸檬茶🧇🧊🍋🍵（小冰+濃啲）下午茶嘅份量竟然咁大喺一大塊吉列魚柳同脆炸雞髀下面係海量嘅薯條意想唔到仲有大半碟嘅

添添茶餐廳黎到雞地搵食，想食小菜，黎到呢間餐廳試吓😎 入門口見到添添皇牌滑雞想試下，點知入到去已經賣曬😂😂 見到隔離枱叫左好似好好味咁，下次要早啲黎先得😂見到餐牌都好多海鮮選擇，我地叫選左2個海鮮，加個小菜。我地叫左蒸斑，個火喉控制岩岩好，魚肉勁滑，非常新鮮👍🏼👍🏼 我地成條食曬咁濟😆另外叫左個枝竹火腩大鱔煲，呢個菜有肉又有魚，枝竹火腩啖啖肉勁好送飯，大鱔非常新鮮，加埋一齊加好食👍🏼👍🏼我地叫左個通菜，食埋個椒絲腐乳通菜，非常滿足😍最後我哋叫咗兩個特飲，兩杯飲品都沖得好靚呀，打卡一流餐廳環境闊落，夥計友善，推介大家過嚟試吓😇

元朗是出了名的美食打卡點，無論是雞煲住家飯火鍋等等都有很多選擇，今天逛街經過這間小菜飯館，便決定進去試一試～店舖的名稱很有趣——添添😋進場後發現很多食客，生意爆棚，卡位滿座，好在我們不用等位，剛好便能入座。看到餐牌後，發現很多菜式選擇和類別，有小炒、有雜扒、有小吃⋯而且價錢都合理不貴^_^晚飯時段當然是選擇套餐啦，加$12便可升級為套餐，既送餐湯又送飲品，還有一碗白飯✌️添添玫瑰豉油雞$98餐廳的豉油雞作為招牌菜，必須要嘗試一番，豉油的調味剛剛好，不鹹不膩😋雞肉很鮮嫩，份量很足，應該有半隻，性價比很高，真的是不錯的選擇。食肉獸一定要試試了！川式宮保蝦球$85另外我們亦都選擇了一款宮保蝦球，每個蝦球都爽口彈牙，用了西芹作為配菜，又脆又多汁，配上醬汁料理，十分入味餐湯有不同的選擇提供，中湯和西湯。豬骨蓮藕節瓜湯，湯內足料，有豬肉蓮藕和節瓜，味道好純～另外龍蝦湯也有驚喜，龍蝦味濃郁，作為主食前的調味也很恰當。芒果粒粒果肉特飲/草莓粒粒果肉特飲跟套餐加配價只需$6，便宜划算，有很多粒果肉，甜度合適。添添 (元朗)元朗鳳琴街18號玉龍樓地下3&6號舖