深井陳記燒鵝 (已結業)

同屋企人行完街，打算買個外賣回家食，走到入去見環境幾好，（一個客都無）不過小朋友眼訓都係要外賣。叫左個燒鵝下庄，其他小炒要乜無乜，都入到黎就是但啦！叫個菜，抄河又無，咁叫個炒飯終於有啦！點菜未試過要咁有腦力！等左廿幾分鐘，明明無客都咁長時間。返去，打開外賣期望既燒鵝香味！無！！燒鵝係無味！唔知係咪凍左，又硬又干，完全唔似深井出品，其他品牌外賣都好好食。炒飯係濕炒，菜得幾條！打電話去投訴，覆返黎一句：係咁架！食物同服務都完全無水準是但交貨咁。一次性餐廳有品牌但最基本既野都做唔好！價錢正常，不過質素參差無性價比。…查看更多

2021年，路經又見到有下午茶，咁就行咗入去。👆下午茶餐牌都算平，兩份餐加埋壹舊油多dd，其實咁嘅價錢，唔太離譜基本上都讚好，但⋯⋯👆豬扒炒公仔麵，其實真係幾好，又炒得乾身，又唔太咸。👆燒鵝配出前一丁，真係為咗呢個組合入去幫襯㗎，睇賣相都幾好睇㗎吖，但係呢⋯⋯碟燒鵝白裏透紅：～白嘅係肥膏，👎👎👎～紅嘅係鵝肉未熟。👎👎👎👎👎👎👎👎👎同店員反映，即時換過碟；仲要係肶位，不過上枱時凍冰冰，又咸，我哋對深井陳記印象其實唔係太差，係深井老店食過燒鵝新鮮熱辣，但係呢間分店就破壞晒陳記燒鵝呢個招牌，希望積極改善。…查看更多

三個人食左咁多野就知好好食😋😁首先個蟹勁香又多肉🦀 由於做緊優惠 268就有埋燒鵝🦆 不得不說 好耐無食過咁啱我口味既燒鵝喇🤪皮脆之餘仲有蜜糖香味 忍唔住越食越多囉🤣叉燒同雞都正常 俾我就會prefer叫小炒 因為試左條魚同蜆都好正 原本以為得燒味食架 點知有驚喜 蜆肉彈牙兼爽 唔同一般大排檔做法咁 好多時都好油又咸😅 條魚睇落普通但食得出好新鮮又無多餘調味 簡單俾辣椒豉油我地點仲好 所有野都唔會落太多調味料又唔油 減緊肥都可以大食一餐😆…查看更多