淘園火鍋館

营业中

休息中

初春三月的星期日晚六點, 路經偉晴街, 本來想去順德魚鮮, 但今晚天氣寒冷, 最好吃熱食. 見到這間火鍋店裡面還沒有客, 就試試吧. 湯底叫了芫西(芫荽)皮蛋湯. 裡面有很多芫西, 皮蛋, 還有玉米, 豆腐. 芫西香, 玉米甜, 豆腐滑. 愛芫西的我吃得很開心.服務員拿了一盤調味配料來, 有炸香乾蒜, 生蒜, 生青蔥, 紅辣椒粒. 每人有一碟滿滿的醬油, 自己放配料.火鍋料叫了切牛頸脊, 味道甘腴味美. 本來叫了本地手切肥牛, 但未有貨. 後來有貨, 服務員拿了3片給我們吃, 味道卻不如切牛頸脊, 後者的價錢反便宜點.落單點了泥孟魚, 服務員後來說沒貨. 我們改叫脆肉鯇. 不久服務員又來, 問要脆肉腩定片. 我說要片, 心想是脆肉鯇片. 後來吃的時候, 發覺魚片不脆, 一問之下, 原來是只有脆肉腩, 片指的是普通鯇魚片. 早知是普通鯇魚片我就不要了. 他的問題真有點誤導.蝦丸, 墨魚滑味道很好, 像雪糕球般用碗上, 一片生菜墊底, 可惜份量真少.蘿蔔片($25)有十多片, 望上去還是濕的, 不是切定等客; 娃娃菜($25)一碟, 菜葉沒有黑邊, 材料新鮮, 份量可以.餐前小吃要了椒鹽雞

好姊妹結婚，難得邀請我做姊妹，我一定會盡心盡力地為她設計嫁衣裳，希望她穿着我設計的婚紗出嫁，能夠成為最漂亮的新娘子~她的未婚夫就是她的初戀情人，是我們學校的師兄，由中學拍拖到現在，十多年了，真的是很難得的，祝他們永遠幸福、快樂~今次聚會的目的就是姊妹團商討接新娘的遊戲，一邊傾又可一邊食，所以選擇打邊爐是最適合不過~新娘子叫了雙併湯底，是香辣的什菌蕃茄鍋配魚湯鍋，香辣那邊略賺不夠辣，如果辣些更好，魚湯那邊就比較清，湯底呈奶白，味道不錯~手切牛肉夠腍，但不夠肥美，偏瘦，也太薄，沒口感也不夠牛肉味~響鈴很脆很香口，放入湯中幾秒就夠，腍中帶脆，口感不錯~蔬菜併盤很吸引，放在一個藤藍中，感覺更為新鮮，藍中有不同的蔬菜及菇菌，生菜、白菜、絲瓜、粟米、蕃茄、鮮冬菇、秀珍菇、金菇，十分豐富，對於貪心的我，這是一個很好的選擇~魚腐比較油，魚味也不太夠~手打牛肉丸內有芝士，比較有驚喜，牛丸做得不錯，牛味夠之餘不會太硬，值得一試,但記得要食得小心呀，因為我不小心燙傷舌頭啊~鮮蝦雲吞的皮略嫌厚，味道可以~芋絲爽口，一如以往~水餃跟鮮蝦雲吞一樣，略嫌皮厚，但是味道可以~鮮木耳新鮮爽脆~貴妃蚌沒甚鮮味，只得爽口~

今晚一家大細一行9人去打邊爐,原本想試試個推介雞煲,可惜原來雞煲有少少辣,而我地又有細佬仔係度就無叫到啦~叫左個清湯底...我地都叫左好多野呀!!樣樣野食都ok啵...手切肥牛~(好有牛味)牛頸脊~(好淋,好味)炸付卷~(就咁食超鬆化,放湯都一流)鵝腸~白鱔片~午餐肉~手打墨滑+虲滑~(呢個一流,又彈)手打雙丸~(呢個又係好正)皇帝菜~烏冬~九菜餃~牛利扥~(第一次食,都ok啵)雞子~黑柏葉~另外,我地仲叫左幾樣小食tim..薑蔥魚皮~(嘩~好好味啵,我唔食魚既都食到,超爽)立魚刺身~生虲刺身~

秋天來了涼涼的，便相約朋友們打邊爐去也...看到之前其他朋友在FB的食評，便來到這新開的火鍋店一試....裝修不算怎樣..沒有什麼豪華瑰麗就簡簡單單...一至五人不算太多等了五分鐘左右吧...侍應便招侍我們進去....就問問有什麼推介的...老闆就介紹我們來個炸腐皮卷....甫放下本來覺得又是普通腐皮卷....怎知道原全低估了它的....熱騰騰鬆脆蕉香鬆化....完全忘了要幫它拍照留念......細問之下才知是即叫即炸的...好..吃罷湯底上場...叫了個魚翅雞湯底......完全足料...雞亦鮮嫩無比...好想當湯把它喝掉....手打魚滑那口感難忘...脆肉鯇魚新鮮爽甜......原來還有剌身供應就來一客吧...亦有日本料理的水準清蒸花甲...咁大個女未見過咁大隻～手掌那麼大,味道更是好味得想流淚...鮮味無比....店主也給我們推介了他們的豬頸肉...當時聽他說得眉飛色舞...以為他唬弄我們....怎知道第一份食評就被這個豬頸肉的味道感動而誕生了...肉爽滑有點像照燒汁但還比這種汁還要香甜...我不懂用文字形容它的美味了,假使有緣來到....必定要試試...現在還在幻想有一碟在眼前

＂淘園乾雞煲＂先乾食，後加水轉打邉爐，兩食法有新意。＂手卷炸付皮炸＂得好脆店主話係師傅即叫即炸。＂手打芝士牛肉丸＂又係肥仔店主推介，又估佢唔到咁特別（可能係我鐘意食芝士關於）。見個師傅炸物了得就叫多客＂椒鹽九肚魚＂，俾十個掂佢，無骨鬆脆到無得頂，食完再叫多客。打邊爐又點可以唔叫牛肉，同班牛魔王食又點可以淨叫一碟，係lee個時候肥仔店主極力推薦＂牛頸脊＂肉質入口溶化。再叫多碟＂新鮮牛肉＂好有牛味，但滾得耐略嫌韌，滾2下又好似生得滯，有待改善。仲有8位有𩶘魚刺身送抵，但魚肉略韌。魚骨可以放埋落湯，又可以兩食。總結值得再去，不過美中不足無BB椅，全程抱住阿仔食。

班friends話想打邊爐 突然有人提議去這家新開的火鍋店 抱著懷疑心態去到 一坐低店長就過黎推介下有咩好食 首先當然係諗下要咩湯底先 佢話佢地通常介紹D客食豬骨湯底 事關係自己熬嫁喎 見店長咁誠懇就試試佢 一來到就被佢既size 嚇親 真係好大煲 d料堆到好高呀 而且有陣陣白胡椒味 好香 當我地滾牛肉時先發現 原來個煲內仲有雞腳,白蘿蔔,栗米,好幾根超大豬骨 足料! 唔怪得D湯咁奶白 我d friends 把豬骨的肉拆來食 食到唔停口 佢地都話好入味 個湯應該係敖左好耐 由於我地太肚餓既關系 先點碟薑蔥魚皮 其實我個人唔太好魚皮 怕腥味 到左之後見其他friends 都話好食 我免為其難試一塊喇 點知一試就覺得好正 佢地整到好爽呀 唔會有腥味 而且有薑蔥沙薑拌 好鬼惹味 跟住 就要講下D配料叫左一份牛肩脊 我地個個食完之後 都靜左一兩秒 然後講"好味呀" 因為真係好嫩 牛肉味濃 會停留係口中 大家都同意encore其實食左頭幾樣野已經半飽 因為d份量都幾足 不過當侍應拿條活魚刺身過來 我又忍唔到口 繼續作戰 條魚真係好生猛佢的口和尾仲識郁 郁到我地食完d肉都未停 雖然我地都覺得有點殘

上星期同朋友渣車經過佐敦見到前面成百人塞o係條街唔知做乜~原來有間火鍋店開張..平時o係深水埗老三&大角咀骨煲打開邊爐o既我~過2日就過左去試下~一坐低..肥仔老細就推介我地食佢最出名o既麻辣雞煲..仲話食完可以加返d濃湯落去打邊爐~一鍋兩用~再睇睇張A3 size o既點菜紙..火鍋材料應有盡有..可惜我只係2個人去~有好多野想食都叫唔到~最後叫左9樣野..碟碟都好足料...根本可以4個人食...=.=...店舖裝潢跟一般火鍋店沒有兩樣..都係簡潔為主~D枱比較大張~幾闊落幾舒服~侍應服務尚可接受~可能剛開店數天還未適應~見佢地做野都幾雞手鴨腳~有待改善!!1.雞煲 : $98(半隻)2.三文魚刺身 : $88 (肥仔老細送俾我地)3.厚切牛頸脊(小) : $1284.牛利托 : $685.炸響鈴腐皮卷 : $306.鯪魚壤豆卜 : $387.脆皮魚片頭 : $428.椒鹽雞軟骨 : $459.脆肉鯇魚腩 : $42