海陸香

一直都知道呢度抵食又好食，同朋友快手點咗兩個午餐，嘩個例湯真係好夠味，絕對唔係“例水”我朋友好搞笑，將八吋芝士焗牛柳粒飯，切咗個笑哈哈出嚟，真係好睇又好食而我個XO醬黄袍蝦球飯，更加冇得頂色香味俱全，滑蛋炒得而靚又滑，蝦球新鮮彈牙XO醬係神來之筆簡單嘅餐飲都又濃又香，兩個餐$102，快靚正好👍…查看更多

先不論我早前對呢間野印象如何！早餐還是第一次幫襯！早餐牌隱約有六至七款粉麵類比你揀！然後就一定要配蛋類 及 麵包一款！蛋類就問你食乜野蛋！然後麵包就 白麵包 同 牛油 麵包收36至38蚊，凍飲另外收費！講真句，紅橋早餐舖頭真係好多，麵包種類可選擇款色更加多！配兩款或以上餸菜！ 大家價錢相約，點解呢度會咁孤寒？粉麵類份量十分少，味道又唔係特別...就算隔離舖頭都比佢飽肚....我真係對呢間舖十分失望！賺錢唔係咁樣賺的....…查看更多

近排屋企樓下開咗新餐廳 我同老公就走去試吓佢個早餐啦 入到去早餐有好多款式揀 早餐時段仲做到11:30 啱晒我哋呢啲遲起身又要食早餐嘅人 最先嚟到係熱朱古力 飲咗一啖已經知龍與鳳 極濃朱古力味 完全冇偷工減料 之後嗌咗個出前一丁我食麵最怕煮到腍啤啤 佢嗰個彈牙係100分食咗一啖已經覺得誠意滿分 完全喜出望外個湯嚟到係熱辣辣嘅 粟米同火腿都正常份量唔係Hea做 仲有包出前一丁麻油俾我落☺️仲有得揀要餐包定方包仲配埋煎雙蛋我今日呢個餐只係$36 出前一丁加咗$3 即係原價只係$33 一個早餐價簡直完勝…查看更多

難得呢個舖位又轉手，當然黎試試啦初初開舖難免會有人手出錯既情況，可以理解！初初黎食味道都唔錯，但食耐左一排就發現有問題首先廚師炒野越炒越咸其次就係出餐越黎越遲...試過最遲25分鐘先出一碟飯...再黎就係紙飲筒，每次飲到中間時，紙飲筒中間就會斷開...老闆娘四眼妹個樣永遠都黑口黑面....另外開舖時，老闆娘都話叫套餐時飯可以任食每次我都係要求多一碗飯先夠飽，唔係食得多！講真一個套餐都150蚊左右，味道質素真係一般！仲有就係老火湯，初初開舖時味道好濃味而家越黎就越淡，淡到我寧願拎黎洗餐具算..到上星期老闆娘就話每碗飯要10蚊...我同老婆及朋友都話呢間餐廳唔值得再幫襯越做越差 紅橋好味抵食既餐廳大把…查看更多

第一印象好緊要本人第一次食，見佢個menu幾多野揀，價錢又合理，就輕輕買個餐試吓。餐廳入面有唔少人，但都未算坐滿，仲有一兩張枱。眼見大部分客人都食緊或者食飽，心諗應該我個外賣都好快。天氣熱，間舖個位置曬到應一應，加上都等咗好一陣，真心有少少躁底。望入去得兩個伙記都無謂躁。但！佢兩個分工認真麻麻地，一個出咗野飲，另一個轉頭先識拎飲筒同搞搞棍…🤯一個執外賣一個拎膠袋…感覺係一個揸筆一個撳紙…食物方面其實ok嘅味道唔錯，份量亦足夠純粹希望外賣仲度可以改善…查看更多