海防串燒越南料理

隱藏喺石硤尾屋村入面嘅小店，望落唔起眼，但出品非常之嘅令人驚喜。除咗一啲傳統嘅越南撈檬同湯河之外，個人十推薦烤豬頸肉同烤牛肉飯。牛肉醃得非常之入味，而且烤得好嫩滑，一啲都唔會韌，肉嘅份量亦都俾咗好足料。如果嗌飯嘅話仲會有一隻煎糖心蛋同招牌蔥油淋飯上面，很是惹味。記得嗌老闆娘幫手加多啲蔥油，我覺得係呢個飯嘅精髓。小店嘅座位唔係好多，除咗幾個露天嘅座位之外，隔離有間好細嘅屋仔入面都有啲位可以坐。但係始終係屋村小店環境一定係冇咁好，主要都係食佢嘅味道。…查看更多

試過豬頸肉、串燒牛很香口，即時製作的，有品質保證，小小的小店，用心製作，叫餐後付款，由主廚、落單、送餐一手包辦，不介意門面的裝修，午市多學生的時候可能要坐街開枱才試到有品質的手工製作。…查看更多

Intro: 石硤尾出名多小店，而足球場附近有一間專賣撈檬同串燒嘅小店，而價錢都好平，堂食要喺小店門口開張枱食，係屋村小店嘅感覺。___________________🍽 雞絲撈檬 ⭐️8/10💰 39（加配OOHA汽水$5/6蚊）✍🏻 一大碗蓋滿雞絲，好滿足✍🏻 夏天嘅時候凍食好開胃✍🏻 雞絲易咬碎 少雪藏味✍🏻 OOHA好淡口 果味唔出___________________🏠 海防串燒📍 石硤尾偉智街38號福田大廈地下63號舖⭐️ 8/10…查看更多

石硤尾必食！性價比高！雞絲撈檬 $39係石硤尾諗唔到食咩，都會食呢間👍啲份量好足，絕對夠飽😁最近天氣酷熱，試左我以前唔會叫嘅撈檬（因為本人鍾意食湯檬多d)第一次食有驚喜喎! 打開個外賣盒，老闆例牌既澎湃雞肉出現！真係睇見都開心，之後見到好多生菜絲同埋檬粉👍打完卡試下味先！佢畀咗兩包撈檬醬我，酸酸甜甜好開胃，最底仲有好多蒜蓉添！正！個汁係好食到可以齋飲🤤🤤檬粉入面有d花生粒，炸蒜片，食嘅時候會有唔同嘅口感🤤🤤真係眨下眼就食曬成碗麵❤️之前都有食過其他飯麵，絕對無伏！我介紹過既朋友都會話好好食，同埋價錢只係39蚊❤️冇得輸！…查看更多

很想去試試的一家店，終於在週五去了，點了沙爹汁豬頸肉配雞翼飯，豬頸肉Q彈好吃，雞翼很入味，椰汁冰也不錯，串燒點了斯華麗腸和豆腐仔，味道也都很不錯，下次再試試別的…查看更多

由於在附近上班，所以也食過各種不同的菜式，野食都很香口，特別吸引學生。所以要留意，由於呢間價錢親民，又好食，午飯時間好多學生幫襯，而且店細，要係外面開幾枱，又有不少在等外賣的，但只得幾位員工，見到佢地都做到踢曬腳。放心，呢間好夜先山門，所以可選lunch以外時間幫襯啦。一開始係幫襯呢度既檬粉，後來發現飯都很值得推薦，特別是烤牛肉，香茅豬及雞中翼，很惹味～點飯的話可選豉油，咖喱及沙嗲汁，飯會再配一隻煎蛋和生菜。…查看更多

以前中學喺石硤尾讀，旁邊就係白田村，仲有好多平靚正嘅小店，完全係我地中學放lunch嘅回憶！今日剛好經過石硤尾，所以過來看看，回味一翻。短短幾年，呢度好多餐廳都唔同咗，所以想試下未食過嘅餐廳。離遠見到呢間海防串燒越南料理，店舖好細，但竟然有成四、五枱客，仲有人企喺度等緊外賣，好，一於試試呢間咁多人嘅餐廳啦！我地叫左一個香茅雞扒飯同一個香茅雞中翼飯。除左肉，每個飯有一隻蛋同少少菜。首先香茅雞翼同香茅雞扒都醃得夠入味，亦都係新鮮炸起，食落好熱好香口。另外，蛋大約七成熟，吉開剛好有少少蛋汁撈飯食，正！而飯亦有自家嘅豉油汁，唔係死咸嘅普通豉油，加上薑蔥蓉撈飯，整體食落去層次十足，味道豐富！雖然環境唔係好好，但呢個價錢食到呢個質素，不錯呢！…查看更多

📍🇭🇰 海防串燒.跑完步梗係要食野醫返個肚先！來到晚上，吃咩好？又發掘石硤尾的美食時候，今次來到吃海防串燒加越南料理😋 店舖做平民抵食生意，份量又足又好味。但店子小小的，係店出面只加一至兩張枱，等位同堂食都要d時間。如果想快又想靜靜地又唔想坐係出面吹風就試左外賣拎返屋企吃！都多人排隊外賣走，要預留時間。今次叫左兩個餐，同朋友一起返屋企食！外賣仲要唔收額外費用，真係抵食加平民化市場！呢間重點係串燒，下次燒返幾串來試下先！😋.📌 香茅豬排撈檬 {HK$35}另加飲品HK$3好大碗另配有兩包撈檬粉時尊用的醬汁，味道夾又好吃！.📌 咖哩汁香茅雞排飯 {HK$43}另加左支樽裝汽水HK$6雞排整得好入味，咖哩汁帶有蒜香味，辣得來又幾特別！…查看更多

去開賽馬會手作展，順道試下附近食店。那裡開了幾間文青店，可惜內裡的所謂文青客人，支支喳喳，環境空間太細，如此價格，不值，我走開了。在橫街見到這間地道越南快餐，走近看食緊的人食緊乜，好掂！立即坐下。這環境 比在文青店還開陽，又靜d。感覺自在。85分的豬扒飯！香！脆！熱！仲有煎蛋！豉油是甜甜的！好味好味好味！凍O茶，有75分，甜酸適中，但當然始終不及茶餐廳的茶味啦。這店仲主打串燒，我叫了個青尖辣，咁多！面頭還有惹味燒汁，加酸辣汁！好有誠意！以那店人手及價格來說，服務其實不錯。也衞生。會encore! 一邊食，見到好多人走來買外賣，電話落單也不少，看來食店的環境，影響不了食物的吸引力！仍然回味那碟豬扒飯！…查看更多

試完石硤尾好出名既手撕雞飯之後，就到呢間人氣好高既越南小店喇。點解話佢人氣高呢，因為每次經過都見到門口坐滿人，又有好多人企係度等外賣，感覺上質素應該幾好。選擇都算幾多，而且價錢係33-36左右，呢個價錢對於物價高漲既香港黎講算好平，係旺角閒閒地食個午餐撈檬都要4 ，50。而我第一次食就嗌左朋友推薦既「豬頸肉撈檬」$33豬頸肉比得好大方，而檬粉既份量都好多，仲有大量青瓜同生菜絲，吃起來十分清新。豬頸肉唔會太肥同乾，咬落去有肉汁，燒得剛好，軟硬適中，帶有香矛味，係好正宗既越南味道👍🏻下次黎會試下佢個春卷同烤牛肉😋…查看更多

現今香港社會中🇭🇰🇭🇰🇭🇰🇭🇰可以去那找到33塊大碗又多料又好吃的越南撈檬？在石硤尾的海防串燒越南料理就可以找到💕💕💕我點的是烤牛肉撈檬，牛肉很嫩，帶有香茅的香氣，和青瓜絲清爽、花生的香很撘！朋友點的是豬頸肉撈檬，也是33塊，豬頸肉是即點即做的，調味很適中，外面炸的很酥，內面很軟👍🏻不得不讚是撈檬的汁，和平常在外的很不同，顏色是淡黃，味道較酸和重口味一點❤…查看更多

平日下午茶時間到店，客人不多，想叫串燒但係老闆娘竟然話唔得閑燒，算數，叫個香茅豬扒湯檬加青檸薄荷梳打試吓檬粉先上，質感正常唔會過硬，但湯底就非常鮮味，味精嗰隻鮮味，食完都幾口渴，豬扒正常size一件，肉質偏乾，而且基本上係冇香茅味，完全不是一件合格的香茅豬扒再嚟青檸薄荷梳打，說好的薄荷葉一片也沒有，反而有淡淡的香茅味，再者梳打基本上極少氣（有圖有真相個杯基本一啲氣泡都冇）一係梳打水開咗罐好耐或者係加得太多水，呢杯要加8蚊嘅特飲真係完全中伏唔俾喊面純粹係為咗支持小店，有機會再嚟試吓d串燒，希望會好啲…查看更多

冇得輸 食過一次之後就成日黎食！好好食 而且好平無論係烤豬肉定豬頸肉定牛肉都好好食好夠味！通常黎都係食飯個飯除咗有肉仲有煎蛋 餸飯一流都只係三十幾蚊咋仲有食檬都唔錯架仲有串燒都係即叫即做 價錢都好合理真心推介！❤️…查看更多

小店位於白田,白田是一個比較窮的區域,連鎖食店比較少,所以附近的食店多數都是小店!此店真的很細,只有2至3人!老闆娘是越南人,嫁了比香港人!二公婆開了這間小店!香芧豬排食, 賣相就一般,但豬排做得很出色,很腍和有肉味!正!春卷和蝦餅蒙因是即叫即煮, 味道頗佳!青檸梳打味道都可以,但不是上佳之作!…查看更多

好耐無去石硤尾搵食，心思思掛住這間店，星期三晚終於頂起心肝去了，而且夏天悶熱想食清涼的，就終於去了海防。是日好多人，叫了香茅豬扒撈檬，一上檯，豬扒只有4 件，而且係得頭尾兩件骨(好似係左併右併比剩的），另加一件肥膏和終於正常有肉的豬扒一食，豬扒好似無醃，沒有香茅的香，但只有挺重的鬆肉粉味失望丫⋯⋯ 本想支持小店，但好像出名，多人後幫襯後，水準不能保持，而且感覺好像材料也強差人意呢，希望質素也要保持呢⋯⋯…查看更多