海達魚蛋粉麵

大埔海達魚蛋粉，之前好多網上食評都話好食決定嚟試一試！由於當天河粉賣晒，唯有轉粗麵🥲魚蛋彈牙鮮甜，魚味重，口感好好！配埋大大碗粗麵，吸滿咗湯汁嘅鮮味，湯底清淡而鮮甜，配埋招牌魚皮，魚皮酥脆，極高性價比嘅一碗魚蛋粗😋份量足夠，價錢又親民，大家絕對要試下！😋另外再試一試呢度嘅招牌酥炸雲吞，咬落去完全沒有雪藏味道，蝦肉豬肉鮮甜，而且炸得剛剛好，熱辣辣食起上嚟真係好滋味，價錢又唔貴，大家可以試下食魚蛋粉再食埋炸雲吞，滿足感十足！美食能容天下事😋…查看更多

話說今日過去同朋友打機，叫佢帶我食好西，咁又想平平地，佢就帶咗我去一個叫廣福里嘅地方，呢間嘢嘅門口賣好多蒸嘅嘢，仲有點心叫。朋友好推介呢間嘅魚蛋同牛腩，於是乎咁就叫咗一人一碗腩河，加咗碟菜share。講返碗河粉啲牛腩煮得好淋好入味，肥瘦適中冇咩根，啲河粉都好夠味，真係好好食油菜個賣相都唔差，份量就唔算多…查看更多

第一次光顧係朋友推介，話魚蛋好好食，就買了一斤魚蛋，感覺十分普通而且偏貴，所以一直未有再幫襯。前排有網友推介大埔三間粉麵：欽記 海達 蔡潤記剛好經過海達，就入去再試多次。點幾鐘全場坐滿，慶幸有個搭枱位，因為覺得魚蛋普通，所以叫了一碗牛腩魚蛋河，唔使等太耐碗麵5分鐘左右送到，賣相靚仔，有一件炸魚皮，略嫌重味，魚蛋OK啦！反而魚片好好食喎！有啲喜出望外。牛腩肥瘦均勻，望見已經好想食，師傅炆得有水準，而且味道十分之好，真係估佢唔到咁好食，我呢個牛腩控，以後又多個開飯嘅地方。是日消費：魚蛋牛腩河$50 凍檸茶(跟餐)$9共$59…查看更多

叫了魚蛋粉及凍奶茶，魚蛋冇魚蛋味，碗河粉都係冇味。凍奶茶好淡冇茶味，餐廳環境好迫，張枱好細，一入去就會問你食咩即刻落單，做嘢啲阿姐好嘈大聲傾偈，基本上冇一樣嘢係會令你再想嚟幫襯呢間舖頭。…查看更多

每次到大埔墟公園仔，心思思又會去海達食碗粉。裝潢衛生一般，環境擠迫，價格尚可，墨魚粉我由30蚊食到而家38蚊一碗，份量大，墨丸粉佢有加菜，魚蛋粉加炸魚皮，湯底清甜唔太鹹，辣椒油都好正，這裏仲有盅頭飯及點心，此店盅頭飯不大合我意，好少食。…查看更多

出邊企喺門口扎馬尾阿姐就點你去比錢，收錢就快，之後個門口扎馬尾阿姐掛住企喺度傾偈講咗好耐！已經有成兩三個人企喺佢後邊佢都係仍然繼續喺度傾緊！完全唔理比左錢等外賣既人。等咗起碼有成10至15分鐘之後，先有另一個阿姐行出嚟，當我哋問嘅時候，個札馬尾啊姐先話係佢做，然後仲要好無禮貌話：你唔講我點知！呢啲屋村餐廳冇禮貌就預咗嫁啦！個個好似等退休咁。所以如果係接受到呢一啲人，而且又唔係好食，係度浪費時間既話，都可以去食！早呢間舖早日執笠，啲啊姐可以早提退休！…查看更多

食物不贵，而且有不同的饭菜，很快就做好了，而且很新鲜。你可以看到人们真的为了钱而努力工作。我喜欢这里的食物，我会更频繁地回到这里。有史以来最好的鱼丸餐厅。我认为这是一家不错的餐厅，气氛很好. 我真的很喜欢在那里的实验，食物很美味而且制作得很快。有时因为人群拥挤，你不得不和其他不认识的人坐在一起，但这在那里很正常。你也可以去tiolet。员工非常友善并且尊重每个人。他们每天都非常努力地工作，我认为这真的很特别…查看更多

今午很熱,家人要去海達食牛腩魚蛋,兼外賣魚片,墨魚,雲吞.全場滿,5分鐘可以入座,冷氣不足,滴着汗吃.家人食牛腩魚蛋紫菜粉,試了一件牛腩和1粒魚蛋,都好味.我吃金牌牛腩(本地)粉,牛腩,濃味和夠淋,保持水準,好味.湯底普通.自從舊年群記結業,去大埔食牛腩轉來海達.茶走,今次差咗.…查看更多

(奧噴歪嘩鵝舞肉距唔比哦甫喎～美麗新香港)由當初仲係大埔墟熟食中心新開既時候食到依家，愈做愈叉呀！食物質素每況愈夏，價錢就不斷家。配料蕭咗，湯頭譚咗，招牌辣椒油偷工監料等等，以為冇人知，其實熟客一食就食得出囉！環境又宅又烏遭，令人舞胃口！最恐怖入面嘅冷氣機，一開大d就噴白霧！入座安排混暖，遲遲都舞位，仲有地方已經世就唔好放人入去等啦，收銀人龍加等位既人，真真正正經既人碧人！猿公都有好大敏提，新一批完宮質素真係極品，經常胡暖安排客人入座，落坐單同客人鬧搞等並不少見，做嘢唔醒水太度仲要好差！收銀一樣做嘢鰻態度叉，除現金外其他支付方式都靜好奈，百噠通機仲要成日懷！外賣又萬又叉，不如早日休息啦，我真係恭喜你呀！…查看更多

上網特登搵吓大埔有啲咩出名食😆就咁啱有一段YouTube片專介紹魚蛋粉嘅，見到好多人都會介紹喺呢一間度食魚蛋粉😙雖然魚蛋粉唔係啲乜嘢特色嘢食，但係竟然咁多人介紹，梗係嚟試吓啦！🍀魚蛋片頭河基本上魚蛋、片頭、同埋魚片都可以任搭，但係個人比較鍾意食魚蛋同埋片頭多啲！😆感覺上有咬口啲呀嘛🤪魚蛋嘅份量都正常，但係嗰個河粉嘅份量就超級大碗！男士嚟到都一定會食得飽😙好鍾意呢度啲辣椒油！嗯我覺得比較似嗰種潮州嘅辣椒油🌶️🍀牛腩河呢一間嘅牛腩河我覺得係我食過最好食嘅牛腩河🥹牛腩煮得好淋！😍份量仲要好多，超級喜歡👻但係就比較偏肥，如果想要冇咁肥或者瘦啲嘅話就可以同姐姐講聲先😙我個人會覺得牛腩河好食過魚蛋片頭河！抵食 :❤️❤️❤️❤️🖤好味：❤️❤️❤️❤️❤️…查看更多

食物好普通，坐得唔係好舒服，係極度唔舒服！6個人迫一張圓枱仔，仲要6個係互不相識！但最緊要係服務態度！惡劣情度，一試難忘！未食都卑啲阿姐鬧左先！仲要價錢唔係特別平！…查看更多

下晝去大埔虛做野，有dd時間食個快飯，之前去開對面民華，今次就試試海達，望下餐牌一眼見到牛腩炸醬撈面，另一半叫左排骨飯加牛肉球。五分鐘唔夠就到左，佢地既牛腩唔係全瘦肉果款，而係有1/3脂肪連住，所以淋個湯入去就好有油香唔會乾乾的。份量都算大男士都夠食…查看更多

🧊牛腩河 $39中意碗麵一嚟到嘅時候先會試左啖湯先，湯底味濃，但唔會食落成口味精，蔥花加入湯後會令其他野多左蔥既香味。面質軟滑而唔易爛，牛腩燉炆得夠淋又唔會好鬆散，半筋半肉組合更易食到牛腩既油脂同肉味既配搭。不過碗入面條菜就過淋可能會有少少失色。食到最後可以連湯都飲埋都唔會覺得湯太咸。如果大家入到嚟大埔都想試下中式粉面，呢間都幾推薦嚟食下嫁。人均消費💵： $30-50性格比： 7/10好食程度😋：8/10回頭指數💓： 8/10…查看更多

之前看網路上推薦這一間大埔魚蛋河粉排名前三的店！今天終於過來吃了～很奇妙的，雖然店名叫魚蛋河粉，但是我反而覺得他們家的牛腩河粉不錯吃！湯也很好喝！…查看更多

同朋友玩完水上活動，勁肚餓，住大埔嘅朋友建議去大埔墟搵好嘢食，我一口答應！大埔墟好多街坊老字號，朋友推薦幾間，最後揀咗我最愛嘅魚蛋麵。間店平時人山人海，我哋下午5點半去到冇乜人。佢哋出名魚蛋、墨丸、牛腩，我哋點咗牛腩粉和魚蛋米線，每碗$35。牛腩粉果然好有驚喜！牛腩湯底清甜，河粉口感啱啱好，搭配一流，平時食麵鐘意加辣椒，都唔捨得加，唔想影響味道。牛腩炆得夠冧夠味，食落有質感，又唔癡牙，仲食到淡淡奶香味，其他清湯腩專門店$70一碗的牛腩都未必做到咁好味！不過湯麵的幾條菜心就失色，煮到好冧。魚蛋米線魚蛋米線都好正！有魚片、魚蛋、魚片頭和魚皮，同一種味道但唔同口感。彈牙，爽口，但魚味少咗啲，不過整體上唔錯！奶茶唔算有驚喜，但都唔錯。整體上，值得再嚟！…查看更多