海達魚蛋粉麵

大埔海达鱼蛋粉，之前好多网上食评都话好食决定嚟试一试！由于当天河粉卖晒，唯有转粗面🥲鱼蛋弹牙鲜甜，鱼味重，口感好好！配埋大大碗粗面，吸满咗汤汁嘅鲜味，汤底清淡而鲜甜，配埋招牌鱼皮，鱼皮酥脆，极高性价比嘅一碗鱼蛋粗😋份量足够，价钱又亲民，大家绝对要试下！😋另外再试一试呢度嘅招牌酥炸云吞，咬落去完全没有雪藏味道，虾肉猪肉鲜甜，而且炸得刚刚好，热辣辣食起上嚟真系好滋味，价钱又唔贵，大家可以试下食鱼蛋粉再食埋炸云吞，满足感十足！美食能容天下事😋…查看更多

话说今日过去同朋友打机，叫佢带我食好西，咁又想平平地，佢就带咗我去一个叫广福里嘅地方，呢间嘢嘅门口卖好多蒸嘅嘢，仲有点心叫。朋友好推介呢间嘅鱼蛋同牛腩，于是乎咁就叫咗一人一碗腩河，加咗碟菜share。讲返碗河粉啲牛腩煮得好淋好入味，肥瘦适中冇咩根，啲河粉都好够味，真系好好食油菜个卖相都唔差，份量就唔算多…查看更多

第一次光顾系朋友推介，话鱼蛋好好食，就买了一斤鱼蛋，感觉十分普通而且偏贵，所以一直未有再帮衬。前排有网友推介大埔三间粉面：钦记 海达 蔡润记刚好经过海达，就入去再试多次。点几钟全场坐满，庆幸有个搭枱位，因为觉得鱼蛋普通，所以叫了一碗牛腩鱼蛋河，唔使等太耐碗面5分钟左右送到，卖相靓仔，有一件炸鱼皮，略嫌重味，鱼蛋OK啦！反而鱼片好好食㖞！有啲喜出望外。牛腩肥瘦均匀，望见已经好想食，师傅炆得有水准，而且味道十分之好，真系估佢唔到咁好食，我呢个牛腩控，以后又多个开饭嘅地方。是日消费：鱼蛋牛腩河$50 冻柠茶(跟餐)$9共$59…查看更多

叫了鱼蛋粉及冻奶茶，鱼蛋冇鱼蛋味，碗河粉都系冇味。冻奶茶好淡冇茶味，餐厅环境好迫，张枱好细，一入去就会问你食咩即刻落单，做嘢啲阿姐好嘈大声倾偈，基本上冇一样嘢系会令你再想嚟帮衬呢间舖头。…查看更多

每次到大埔墟公园仔，心思思又会去海达食碗粉。装潢卫生一般，环境挤迫，价格尚可，墨鱼粉我由30蚊食到而家38蚊一碗，份量大，墨丸粉佢有加菜，鱼蛋粉加炸鱼皮，汤底清甜唔太咸，辣椒油都好正，这里仲有盅头饭及点心，此店盅头饭不大合我意，好少食。…查看更多