海福Special

海福Special 觀塘東廣場入面好多隱世小店，而呢一間嘅秘製牛腩羊腩都非常出色，好多明星都讚好！我都係因為# 歐錦棠 先生嘅推薦而認識海福，食完之後我只覺得相逢恨晚！各位鐘意食腩嘅朋友仔就千祈唔好錯過！🐄🐑首先講講呢度係先俾錢後坐低，而地方都幾逼夾，建議去食的話最好唔好shopping完一袋二袋咁去~🫚 子薑皮蛋（＄35）平時食開皮蛋都係一份三十幾蚊一開六，而呢度嘅子薑皮蛋居然大大話話有成三隻皮蛋！天啊真係太抵食了！配料有子薑同青瓜粒，皮蛋無經過調味，蛋黃有少許流心，配上子薑同青瓜，軟滑而清新，口感豐富我有個小秘方就係落羹砂糖（枱面有！）連埋一齊食，風味更佳！🥘 新疆咖喱手抓羊排配餅（＄88）老實講價錢唔算平，但我覺得值得👍🏻一碗咖哩有四五件左右手抓羊排，配料有薯仔，再配兩塊薄餅，足料夠食先講咖哩，佢聞落好有咖哩嘅風味，熱食落我覺得個味道可以形容為咖哩味嘅沙嗲，花生香味豐富，香辣惹味，又唔會死辣渴喉，配薄餅食非常夾，會令人想追住食至於手抓羊排有羊香而無羊羶，肥瘦分明，脂肪部分香口得嚟唔會油膩，瘦肉軟淋入味，濃香過癮，好𡁻易咬，好味到想啜埋條骨😋🐑 新疆手抓羊腩麵（$66）呢度羊腩/牛腩都好出名，奈何暫時無法食牛，所以另一碗都食埋羊羊腩炆得夠腍！比起咖哩呢個就食得出有少少羶，有四五件大大舊，湯底清甜滋補，清清地之選因為好飽所以叫唔到其他食物啦！呢度嘅涼茶頗有水準，聽人講老闆娘以前係賣涼茶，整返杯清熱解毒都係唔錯嘅選擇老闆娘服務態度好，招呼不錯❤️…查看更多

午飯時間又到，唔想又一樓海南雞，隨機行到門口，阿姐一味嚷著入嚟啦乜乜乜其實都幾 😅，導致錯誤嘅抉擇 🤦仲話已經喺呢度好多年，都知好耐，但真係從來無食過，一食知道錯了，食完要懺悔 🙄柯打咖哩牛筋飯：飯乾得很，飯乾可以加水再煮擺得下嘅 🤦。咖喱太杰，甜度似花生糊，盲測根本食糖水咁 😒。牛筋無錯係好腍，但係咖哩還咖喱，五香牛筋做法囉，又係出餐前先合併埋一齊，一個煮法兩種出餐方式 🤦，薯仔都係啦，烚得都唔夠透，爛咗就無得搞 😏價錢都係考慮嘅因素。$73 真係永無下次，差得很 👎👎…查看更多

說起東廣場，就會想起「鴻師父」，當年因為鴻哥進駐這僻靜的商場，明顯帶旺了整個商場；之後也在這廣場發掘了幾間頗出色的食店，而這是其中一間。😋原來這食店曾在新蒲崗開業，之後搬到東廣場，前前後後也將近20多年；牆上掛滿多位來幫襯的明星相，細數原來真的不少；當日所見，大部份也是熟客，證明回頭率非常之高。😊我們第一次到來，是因為看到棠哥的推介，首選自然是棠哥介紹的「葯膳手抓羊排配白飯」，另加多一樣「新疆咖喱手抓羊排配餅」。葯膳手抓羊排一上枱，已聞到很濃烈的葯材香味，原來湯中加入北芪、淮山、杞子、紅棗、沙參、玉竹等，熬煮多個小時而成，味道香濃又滋潤，飲完後完全沒有口喝或不適感，証明真材實料，而且非常好喝；羊肉已煲至軟腍又入味，份量還要很多，少少哋兩個人分享也足夠有餘。🤭新疆咖喱手抓羊排，咖喱中加入花生醬，味道更加香濃，羊肉吸收咖喱醬後，更覺滋味；炸餅外脆內煙靭，淨食或配咖喱汁同樣出色，不過可能係油炸，食落頗為油膩；如咖喱汁中的薯仔，可以煮得再腍啲，應該會更加吸引。🤔套餐可跟普通飲品或涼茶飲料，我們選了銀菊路及夏枯草，飲品頗有水準，可能因老闆娘之前是開涼茶舖的。價錢優惠，水準出色，必定再來，咁下次食什麼好呢？海福Special(香港)地址: 香港觀塘成業街7號東廣場地下G16-17號舖電話: +852 21101580…查看更多

依間鋪都開左好多年以前經過觀塘附近都會入黎食下不過都好多年冇黎 平時都係一碗米線就算今次叫左碟手抓羊 皮蛋 蘿蔔 仲有碗藥膳湯但其實佢個羊本身都會跟碗羊湯兩大碗其實一個人一定唔會飲得哂 所以都唔洗特登嗌多個湯個手抓羊呢就不過不失 唔特別好食 有啲過鹹份量唔多 都係靠個湯塞飽你個皮蛋就溏心既 味道唔錯 仲配有酸薑份量都係偏少個蘿蔔就普普通通咁 都食得下咁個湯就冇影到相 都係普普通通咁 都唔洗特別加感覺上 依間鋪係有少少名過於實叫個麵食都抵食既 分開叫餸食就貴左啲囉…查看更多

今日過來觀塘, 本來想試Mos Burger, 点知裝修中, 經過見到依度有位又未食過, 不如試下, 見到佢有下午茶餐, 原本有d想試藥膳羊腩, 不過80多元始乎有d貴, 之後不如試下佢🐑羊肉配米線送凍豆漿, 等左一陣, 碗粉送到, 賣相似乎都唔差, 心諗点解隔離店又係羊肉🐑佢又係羊肉🐑但依度比較少人d😅 飲啖湯先, 又唔係太差, 有d甜味, 湯亦唔算太肥, 之後再食米線, 份量都唔少, 佢d米線比一般幼, 但質地都唔係太差, 味道都ok👍👍 再食羊肉, 佢又有d羊腩🐑, 又唔係太有so味, 份量也唔少, 味道都唔係好差😸 再飲杯豆漿, 夠凍唔係太甜不過唔係豆味太濃, 但都好飲😻👍…查看更多

嚟到海福小舘，簡直係一場平民版的味覺盛宴嚟㗎！我今次嚟試最潮嘅牛腩撈麵，啲牛腩腍得嚟彈牙，滋味滿分！齋食已經夠正，再淋上隻燉得濃郁滿點嘅藥膳湯，真係舒服到不得了，好似喺味蕾上面跳支探戈噉，每啖都有種滿足感溢出來。搭配嘅藥膳豬潤湯都唔馬虎，藥材嘅甜味同豬潤嘅鮮味完美融合，飲一口已經覺得身體暖笠笠。而且啲豬潤腍得嚟唔肥膩，真係幾得意㖭！個南乳豬手，啦啦哋皮肉分離，隔離都聞到南乳嗰種惹味香氣，啃一口簡直難以抗拒！收工嘅時候嚟一杯涼快嘅冰檸檬茶，提提神，夠晒開心😄！這間餐廳，真係每次嚟都有新發現，食完個人暖笠笠，心情都跟住好起來。快啲帶埋你啲阿朋友嚟試吓，保證你會嗌好正呀！🍜🍲🐄…查看更多

本身俾佢嗰啲羊腩以及爽腩吸引，不過後來看到餐牌，羊腩或是一份牛腩都要70-80 ，甚至特別的位置可能要過百，算了，打消念頭，叫返個最平價的下午茶牛腩河。😂原來張食物相影唔到河粉份量都算非常多，不過那些牛腩就是最基礎，好像出邊普通麵店的牛腩一般，雖然叫做有四大舊，不過四件都是非常質素一般的牛腩，只是輕輕的連着皮，但格非常煙韌，亦都難以咬得開，下邊牛腩的肉亦都又乾又容易碎成一絲絲，因此難言美味。辣椒油的味道都算香，不算太嗆辣，味道來說都只是一般。另外凍檸茶的茶味欠奉，即使檸檬帶點鮮味，都普普通通。以這次經驗來說，這兒的牛腩絕對說不上好食，下次要麼就試試它的羊腩，否則都是吃返這商場的漢堡，或是其他日式店比較穩陣…查看更多

今日外賣嗌左個皮蛋肉碎粥，卑錯左皮蛋肉片粥都算，食食下發現皮蛋蛋黃上有啲不知明物體，味道正常，但係有啲野係度我仲點樣食，我都懶得再落去追究，大家要食注意下。另外，外賣杯野飲都好細杯，店務員既態度都好一般，你買完被左錢就唔理你，答覆問題好唔耐煩，之後瘋狂再Sell隔離經過既人，價錢都唔係平，但係質素就係咁樣，極之無奈。😅😅😓😓😓😓😓😓😓😓😓😓😓😓😓😓😓😓😓😓😓…查看更多

我本身喜愛藥材湯水，於是冬天便必來此店吃碗藥膳湯暖身。是日叫了藥膳湯牛沙瓜米粉。老闆說每早6-7點便餚湯料。湯料是原片藥材，不是碎藥粉湯包可比。今次午間到來，湯水清甜入味，特別喜愛內有杞子和紅棗，但湯味明顯是晚上濃郁得多。問老闆為何湯內有冬瓜? 他解釋冬瓜可中和，使此湯滋陰不燥，夏天亦有客捧場。老闆說全港不超過5間檔有全副牛沙瓜。這是牛的第4個胃，怪不得吃起來似豬肚，爽脆彈牙啦。米粉量亦足夠。此店的牛腩是整塊炆好,然後才切給客人。於是牛腩肉紋清晰，牛味濃郁，結實不散，賣相很好! …查看更多

觀塘放lunch隨意食，記得同伴喜歡食羊，又諗起呢間曾經見到有新殭手抓羊提供，就俾個機會試吓佢。點了最基本嘅手抓羊肉湯河，份量算ok啦，羊帶少少羶味，都正常嘅，預左食羊就係有羶味㗎啦，但羊肉又廋又鞋，真係唔合格囉，加上湯底完全冇特色，明明有芫荽但係唔香，普通過普通，好難俾正評佢喎！價錢盛惠$58，加埋涷飲加$6，一共$64。雖然不算特別貴，但呢啲價位喺觀塘大把選擇啦，回頭指數係零。其實唔算最差，只係平庸之惡吧😆…查看更多

平時去呢個商場成日都見到呢間鋪，昨晚行晒成場，睇完餐牌，寫到D羊係幾好食、又藥膳湯推介，咁就同朋友一齊試下。企門口的阿姐態度 正常，但落單的高大操不正中香港口音的阿姐態度就差，悔悔氣氣的，好似得罪左佢咁，我地叫左藥膳崩沙腩米線、秘製羊肋河。崩沙腩好明顯雪左好一段時間、又韌、完全無崩沙腩的牛油香味；羊肋騷味重又得幾件，河粉厚薄適中，但湯超重味精，藥膳湯當然有飲，都只係飲了半碗，賣單$14X，真係實在唔值！一個鐘後，兩隻手皮膚敏感，從未試過，都唔知用左咩味精！？總括係劣評，服務差、食品質素差！…查看更多

一心黎食藥膳豬腰米線點知.....賣晒左主要係見豬腰而家唔常食到呢度個藥膳湯都叫OK就想黎呀結果點左牛什米線米線份量其實算多湯底還好既我都飲左幾啖呀牛什呢...我覺得可以處理得好少少既有D位我覺得有少少腥味但唔算嚴重既總括黎講....正正常常呀…查看更多

一年多無黎食過 再黎試下個羊肉麵 發覺差左好多明顯個湯無乜藥材 係落得重味精 食完無耐就好口喝其他okay係加價加好多印象中好似一加加左$4 會唔會太過分？其他服務正正常常咁觀塘黎講有更好的選擇之前食開牛 個朋友今日試就話尚算正常…查看更多

疫情嚴峻，午飯時間第一次光顧，見店內一人一枱都坐滿人，於是決定堂食，點了新疆抓羊肉米粉，羊夠腍，有羶味，有四五件羊肉，份量都算多，湯夠清，冇味精，亦無乜藥膳味，冬天滋補暖身之選，好啱我，值得下次再幫襯！…查看更多

<手抓羊肉>係會吸引我眼球嘅4個字，話說我曾經有一段短時間喺中國西北逗留，嗰段時間接觸同認識與南方很不同的文化、環境，當然都包括食物，而<手抓羊肉>就係第一次係嗰陣時品嚐到仲記得第一次食嘅時候驚為天人外表平平無奇，但係藥材嘅香味已經完全融入到羊肉當中，而且已經炆到好淋，非常非常好食返到香港當然都會睇吓邊度有得食啦，但係唔係成日都見到，所以每次見到嘅時候基本上我都會去試～哈哈由於見到好興奮，所以我決定要咗一整份手抓羊肉，另外加一份米線。呢度個手抓羊肉都算好淋，而且啲肉連埋個筋膜位一齊食都幾好味，但係藥材味就比較薄弱，唔係好完全入到個肉嗰度，而且呢度好似出名食藥膳/藥材等食品，所以食落去嘅時候同期望有些少出入哈哈…查看更多