海灣餐廳及海灣咖啡室

之前同friend 興起想食buffet, 大家也住港島南區，咁見d YouTube 有d 講得幾好食，就try try 依間，我哋經Klook 買二送一promotion $1937, 其實又唔係見好平，但是但la 😂😂入到酒店大堂有一個超巨型長筒型魚缸，但太暗睇唔d 魚🤣🤣, 由右邊扶手樓梯上一層就到，之後可以入到酒店內游水池區，酒店設計係所有building 圍住水池的，側邊就是酒店的餐飲區，見水牌就找到buffet 的位置⋯⋯其實自助晚餐大多大同小異，暫時近年未有一間感覺會好出色，好多有時上網睇好多都名過於實，但這間可以一試，只可說正常（ok la 😆）但有幾款值得推介…..（5粒👍為最好）刺身：帶子，油甘 ，蝦👍👍👍👍👍羊架 👍👍👍👍松湯 👍👍👍👍咸蛋芝士cake 👍👍👍👍Ice cream 👍👍👍👍 M 和 H 字牛扒 👍👍👍反宜主打的龍蝦🦞，又唔係太ok , 蒸得太老，size 都ok 大；清蒸鮑魚是晚又沒有，失望🤪飲品任飲係Ice lemon tea , coffee, 但麻麻，要soft drink 或酒類任飲加$100 (加10%）-要左😆😆Service 幾好，收碟快、有笑容、有服務…但啱一家大細來，小朋友有好多小糖果等等，和有個小朋友玩的地區.. 餐廳地方正常都唔算太迫夾。…查看更多

去年去過，今次再來食午餐，多帶兩個朋友，大家都覺得唔錯及值得的一餐。難怪入座後聽到有人講上個月來過，今個月又來了。冷盆有各款沙律菜、麵包蟹、翡翠螺、海蝦、青口、蜆，魚生有赤蝦、八爪魚、油甘魚、鯛魚、希靈魚，多款壽司等。日式冷盆有中華沙律、甜醬螺肉、煙三文魚。也有意大利沙樂美腸，麻辣火腿，煙火雞，蘑菇雞肉腸，芝士三款如藍芝士等。熱食有韓式泡菜炒豚肉，櫻花蝦珍珠貝炒飯，豉油蒸油甘魚，印度烤餅Roti、Nana配兩款咖喱，羊扒，豚肉扒，pizza，清酒煮青口，兩款粥。中式點心有灌湯餃、蝦餃、叉燒、雞。甜點有好多款式，包括萬德蓮、馬卡龍、朱古力、甜甜圈、雞蛋仔、檸檬蛋白撻、葡撻、芝士蛋糕仔、豆腐花等等。MOVENPICK雪糕都有幾款選擇。生果有西瓜、哈密瓜、菠蘿、蘋果、橙等。飲品有各款咖啡，凍熱檸檬茶，至於可樂或是紅白酒就要加錢才可以享用。總結，款式真係很多，寫也寫不晒預約時要求坐靜d位置，也能安排到，讚服務員有禮貌，收碟也收得快。地方大，地方乾淨。近期做推廣，買一送一，唔使$300一個人（已包加一服務費），咁多食物款式選擇，又食得開心，值得推介俾朋友。會再來啲！…查看更多

東南亞主題Buffet 網上平台買一送一超值之選🐼 環境：餐廳外以熊貓主題佈置，打卡位十足！室內空間寬敞，座位舒適無壓迫感，適合情侶約會或家庭聚餐。 🦞 主題亮點：東南亞風味海鮮盛宴凍海鮮區：長腳蟹腳、翡翠螺、大白蜆新鮮回本，蟹腳肉質飽滿無雪藏味！ 刺身檔：原隻赤蝦🦐+帶子必食！蝦肉爽甜、帶子厚切嫩滑，鮮度遠超同級酒店。 熱葷驚喜： - 芝士/辣汁龍蝦🦞（肉質彈牙！） - 🦀咖哩蟹濃郁惹味 + 花膠鴨掌膠質滿滿 - 即煮粉麵區+燉湯暖心胃 🍬 甜品控天堂✔️ 罕見馬卡龍（水準可比專賣店！） ✔️ 芒果糯米飯香甜軟糯 🥭✔️ Candy corner童心爆發 + Movenpick雪糕收尾🍨 …查看更多

前兩晚相約三個跳舞班的同學晚飯，由於同學買了萬豪卡，故提議到海洋公園萬豪酒店試試，反正其餘3個都未去過；雖然是晚大雨，但地鐵可直達、也算方便。餐廳地方不大，但顧客算不少，食物種類一般，最好的是有熱龍蝦、片皮鴨等，但壽司種類不多、魚生則幾新鮮，甜品種類也頗多，可惜飲品種類太少，凍的只有檸檬茶免費，汽水是要額外收費的，熱飲則有咖啡、檸檬水/茶、奶茶；總括來說都算合格，價錢略貴，如果沒有discount卡應該唔會想去😜因為冇乜特別吸引🤭…查看更多

食過好多唔同酒店自助餐，今次復活節假日預早係K 平台book Marina Kitchen 兩大人一兒童package ，包埋免費兒童遊樂天地。環境一進場已經見有特別大型圓桶旋轉雪糕櫃。甜品corner 仲有威威 同小紅熊公仔擺設。好適合小朋友。食物剌身有八爪魚，油甘魚，赤蝦，鯛魚同希靈魚，尤其最吸引係赤蝦👍，雖然要自己剝，但真係大大隻同鮮甜。冷盤仲有長腳蟹，面包蟹，凍蝦，青口等。此終午餐，唔好期望有蠔或赤貝。熱葷方面，款式尚算可以，有灌湯餃🎉，唔太鹹，點心蝦餃燒賣出數量同蒸時間控制好，唔太乾身。西冷牛扒係重點之一，肉唔可以太乾身太鹹，食過不錯👍👍，俾其他酒店自助餐牛扒所比，已經好好。此終同另一間慢煮牛扒無得相比。遺憾比目魚太雪藏味。驚喜係羊排即場燒得好好，兼且即場切排加調味。可以加分。甜品有各式糖果，朱古力同各款蛋糕。兼且有鷄蛋仔，豆腐花等．．雪糕我最近唔開心另一主題樂園有本地但難食軟雪糕。依間有movenpick 同 haagen dazs 有幾款選擇已不錯順帶一提，自助餐已免費提供遊戲環節，有時段給小朋友參加製曲奇餅給手畫顏料。最後服務態度也很好，給我一個很好的體驗。…查看更多

海洋公園是每個孩童都曾嚮往的遊樂園。封神的越礦飛車早前光榮退役，取而代之的是動感快車。另一邊廂，萬豪酒店的自助餐，食物貴精不貴多，照料每一位成人心中的內在小孩。熊貓主題海鮮刺身（雪蟹腳／麵包蟹／海螺）補給速度非常迅速。刺身款式有帶子、油甘魚、希靈魚、劍魚、甜蝦。比較可惜的是，用餐中段的油甘魚已經all sold。清蒸龍蝦不是常見的波士頓龍蝦，而是澳洲大龍蝦。除了尺寸的分別，肉質相對滑脆細膩，味道略帶香甜。師傅即席切開，不會令肉汁流失或吹乾。每次限取半隻，上餐效率高，應付人龍亦沒有太大負擔。（中式食品來說，私心推介燉湯。)甜品區域甜品種類多得令人意外。港式（雞蛋仔）兒童主題（甜甜圈、馬卡龍）海洋造型蛋糕ＨＡＰＰＹ ＢＩＲＴＨＤＡＹ～是日為家人慶祝，我是她青春裡的小偷。🫰🏻…查看更多

慶祝寶寶生日，再一次黎到海洋公園旁的「海灣餐廳」慶生食自助午餐，預早於網上K 字頭平台買二送一，包埋免費進入兒童遊樂天地，人均$382，決意大快朵頤。有多款刺身：油甘魚赤蝦鯛魚八爪魚希靈魚，老實講，樣樣都好新鮮，最正係原隻赤蝦刺身任食唔嬲，坊間好少見咁豪爽。海鮮方面：長蟹腳、青口，麵包蟹，翡翠螺、海蝦，真心保持一貫質素，長腳蟹十分新鮮鮮甜，基本上食長腳蟹都回本，而且係肥美並非瘦削，不得了。仲有壽司同埋冷麵冷麵上面有熊貓獅子卷，太可愛了吧！熟食方面：幾欣賞佢有叉燒、燒鵝、車仔麵檔點心灌湯餃，蝦餃、燒賣、雞包仔等等，老人家都好啱食，當然唔少得有咖喱牛肉、印度薄餅🍕、薄餅，仲有粉嫩的西冷牛扒，可以配多款醬汁，欣賞仲有提供埋餐包餐湯，一啲春卷炸墨薯餅啱小朋友食。仲有豬腳薑、炒飯，炒秋葵等，好有誠意。甜品方面：小巧精緻，每樣細細嚿唔怕食唔晒，最驚艷鹹蛋芝士蛋糕，紅絲絨蛋糕、歌劇蛋糕、泰式奶茶蛋糕、因為做緊東南亞主題仲有珍多冰芒果糯米飯，同埋任食H字頭雪糕，大癲！而且仲有即席烹調雞蛋仔，豆腐花，朱古力曲奇糖果等，小朋友最愛。飲品方面：最正係有咖啡機，檸檬茶任飲，仲可以自己沖檸檬茶港式奶茶等，而且唔需要額外收費。總結：食到捧住個肚走慶生聚會🎈好地方…查看更多

🐼熊貓館相呼應位於海洋公園酒店自助餐酒店周圍充滿了可愛熊貓的裝飾和擺設🦐🦞🐠🐟🐬豐富的海鮮選擇 海鮮Fans最愛🦀有超長長長長長長長腳蟹，肉質鮮甜🍙提供多種日式風味壽司和刺身三文魚、吞拿魚、甜蝦、帶子多款特色沙律/亞洲食物🌮印度烤餅配咖喱口感柔軟有嚼勁🍲大大隻原隻鮑魚燉湯經典蛋糕甜品：🍦🍰🍮capcake、慕斯杯、雪糕、焦糖布丁、朱古力蛋糕、芝士蛋糕 甜品Fans必去‘-‘-‘-‘-‘-‘-‘-‘-‘-‘-‘-‘-‘-‘-‘海洋公園萬豪酒店自助餐📍地址 : 黃竹坑黃竹坑道180號香港海洋公園萬豪酒店海灣地舖🏰環境: 9/10🙇🏻‍♂服務: 8/10💰價位: 中高價⏰用餐時段: 晚餐飲‘-‘-‘-‘-‘-‘-‘-‘-‘-‘-‘-‘-‘-‘-‘#為食控 #hkfoodie #hkfoodalog #hkfood #foodiehk…查看更多

🔹️去海洋公園玩🦭🐬🐼 便安排埋晚餐🍽 經KKday以買一送一優惠到海洋公園萬豪酒店Marina Kitchen ~ Dinner Buffet😍 餐廳主打熟食海鮮, 以龍蝦🦞鮑魚最受歡迎😋 環境舒適🌿 廚師用心烹調👨🏻‍🍳🧑‍🍳 服務稱心👨‍💼👩🏻‍💼 🔸️除了龍蝦🦞 鮑魚出色外, 長腳蟹🦀 蝦🦐 也不錯, 唯獨沒有刺身🍣 和生蠔🦪 還有多款甜品選擇~ 有我摰愛的馬卡龍🧆 食得開心😁😁…查看更多

老公生日， 今次帶埋小朋友去海洋公園玩完之後梗係嚟呢度食buffet 晚市嘅選擇亦都比較多buffet有六點半食到十點， 食完真係滿足曬熟食片皮鴨🦆整得好香好好味龍蝦大大隻🦞好多肉牛扒🐂燒得好香 長蟹腳鮮甜☺️☺️刺身 帶子好香甜， 三文魚都好新鮮， 總括離港所有刺身都好好味😋😋甜品 有最喜歡食嘅häagen-dazs雪糕， 又有馬卡龍仲有囡囡最愛嘅cupcake， 最後當然有送到老公嘅生日蛋糕整體自助餐嚟講都好滿意😊😊 下次都會帶屋企人嚟再食， 報告完畢…查看更多

自從OpenRice唔出我嘔心瀝血嘅負評之後，好耐無喺度寫食評，但係今日都要試下喺呢度再試出一篇警世文，*希望出到街。萬豪酒店，一向口碑唔錯。再加上有上網睇過食評，位於海洋公園嘅萬豪JW自助餐都係深受各位嘅歡迎。不過因為book唔到JW嗰邊，就book咗隔離呢間海灣餐廳，相信同一集團，應該唔會太伏。　訂位嘅時候已經睇過晒食評，知道食物選擇少，但係當中都有幾樣signature 嘅嘢嘢食，即係燒龍蝦🦞，鮑魚等，算幾吸引，所以同友人傾過，就算選擇唔多，但有一兩樣高質好食嘅嘢都無乜所謂啦。點知原來係個極度惡劣嘅體驗。去到嘅時候早咗少少到，搭一左右，接待員就叫我哋6:30先入，都冇乜所謂，就去咗對面嘅威威遊樂場俾個小朋友玩吓，返嚟嘅時候6:30 ，可以入座。座位雖然算寬敞，但係一啲都唔好坐。自助餐方面，啲嘢食主要擺喺三個corner第一部份就係喺我哋座位附近嘅一個前菜區？有啲泰式沙律，沙律菜，麵包包同埋有個冇乜嘢食嘅麵檔，另外一個就係喺餐廳出邊(戶外)嘅燒烤區同埋熱食區，最後就係喺牆邊嘅一個小小甜品corner。可惜因為天氣唔好嘅關係，自助餐開始咗幾分鐘就開始落雨，本身出邊個燒烤區的員工都無諗住郁，點知雨越落越大，員工們先好狼狽咁樣將啲嘢搬返入室內，但係入邊嘅位置都唔多，佢哋本身應該都無預會落雨，所以無後備方案。因此有一段時間，燒烤區嘅龍蝦鮑魚大蝦等等係唔見咗嘅。熱葷區嗰啲嘢最後搬咗大門附近，但係啲牌係完全錯晒嘅，安排混亂。去到中段，龍蝦開始出現返，但係鮑魚都係唔係好見影蹤，由於都係無位，佢哋就換咗個做法，將啲燒烤類食品喺廚房度做，然後搬返去熱葷區隔離有個細枱，由廚師喺度夾俾食客。食物質素方面，由沙律開始講起，大蝦沙律唔見有大蝦，木瓜沙律我見到一條條木瓜同埋其他配料係樣樣嘢分得好清楚，完全冇撈勻，點成為一個沙律？然後麵包又乾又硬，淨係得牛油，又冇得烘熱，完全係勁Hea。麵檔，正如一開頭咁講，無咩得揀，兩款麵：油麵同埋金邊粉，湯底有兩款：雞湯同蒜湯，配料：蝦，魚蛋，豬肉，肉丸就係咁多到我最期待燒烤區，亦係佢哋即場燒的龍蝦，鮑魚，大蝦，魚。第一轉去拎龍蝦鮑魚蝦嗰陣，明顯係一早燒定，第一，一啲都唔熱，只係微微地有溫度，第二，明顯燒過龍，蝦同龍蝦鮑魚都勁韌；第二轉再拎嘅時候，已經變咗室內嘅版本，即係喺廚房做完再拎出嚟嘅版本，拎咗兩個半隻龍龍，有一隻梅梅哋，另一半又係韌；第三轉再俾機會佢，質素明顯已經變咗，肉質係完全死實實冇彈性，似係用凍龍蝦燒嘅燒龍蝦。鮑魚，第一轉都係勁銀，第二轉拎都係勁銀，然後就見唔到第三轉。蝦方面，因為佢燒得太老太韌，拎咗一次就冇再拎。燒魚方面，都係見到第一轉之後，就見唔到第二轉。燒烤區比較好食嘅，應該就係燒番薯，番薯幾甜冇渣，粟米個樣好正常。熱葷都係令人幾失望嘅，有個比較吸引嘅炒魷魚，味道係惹味嘅，但係成盤西蘭花炒魷魚入邊，係一隻魷魚都冇嘅，後尾換咗炒牛肉，都係得幾塊牛肉，然後啲牛肉係淋淋爛爛咁樣。然後有個魔鬼魚熱葷，勁腥。燒雞翼冇拎，燒牛肉睇個樣都已經唔想拎，後尾仲出埋燒豬扒。主食方面主要有兩樣：一個係白飯，另外一款係伊麵，但係伊麵喺搬咗入嚟之後，就已經消失咗。另外有湯供應嘅，粟米羹，普通。到甜品區，款式唔多，但係都冇一樣特別好食。普遍都係偏甜，可能真係切合返泰式嘅主題，所有嘢都偏甜，有個奶茶撻嘅物體，淨係食到甜味，完全冇泰式奶茶嘅味道，紫米露會啱口味啲，冇咁甜，同埋都真係有食到紫米。雞蛋仔脆，但係冇蛋味中間亦不煙靭。雪糕，有Häagen-Dazs提供，一條Häagen-Dazs嘅榛子雪條，士多啤梨雪糕同另外隻味，唔記得咗咩味。最後餐飲方面，除咗一杯水，同自助餐包嘅一杯餐飲外，自助區係冇任何一啲飲品可以提供嘅。咁都唔緊要，我哋一入到去口渴，就想搵職員落咗杯茶茶先，點知個職員好似唔俾我哋落，搞咗一輪，先至俾我哋落嘢飲，嘢飲方面選擇都唔多得檸茶檸水咖啡，果汁都冇。…查看更多

今次同老公黎慶祝結婚週年紀念。第一次黎食自助晚餐，非常有驚喜！性價比超高。食物種類多不勝數，而且樣樣都超有水準！樣樣都好好味！今次仲要klook買一送一真係超價沙律🥗各種配料都有，如煙三文魚，ham，各種cheese。。仲有細碟冷盤非常精緻。剛好就到萬勝節，各種擺盤都很有節日氣氛！刺身。壽司🍣非常新鮮！有大大粒帶子，大大隻生蝦，各種魚，八爪魚等。。仲有壽司同冷麵另一邊仲有即炸天婦羅燒烤🍗串燒，香腸，蔬菜，燒菠蘿等都非常美味後來仲有燒蟹蓋，滿滿既蟹膏龍蝦🦞當然唔少得回本必食既即蒸龍蝦🦞好新鮮好爽，旁邊仲有幾種汁選擇，我選擇原味旁邊仲有水煮魚，勁好味仲有剛剛炒好的蟹也是超水準燉湯太好飲，飲左3盅仲有粉麵，蒸小籠包甜品剛好萬勝節，幾款特別造型的甜品仲有雪糕雪條係Haagen-Dazs，無得輸提前同酒店講，仲有小蛋糕送樣樣都好好味，下次一定再黎食…查看更多

午市自助餐，第一次去，也我男友正日生日，提前致電餐廳，送了一個小蛋糕，小小儀式感感覺非常好🥰🥰。安排也很好，大力推介❤️。環境： 空間利用很好，不會很迫近，取食物的地方很多。 乾淨，清潔不錯。服務：做得很好，收盤子很快，服務員很多，隨時也找到人幫忙。 口味：午市自助餐我覺得非常好，性價比高，暫時沒有可以挑剔的食物。灌湯餃湯很濃郁。雖然刺身沒有三文魚，但有赤蝦。大力推介粉麵，菜心好味到飛起。另外，推介一下甜品，太多選擇，而且很好味。非要說只可以說午餐選擇不算多，但這不會太影響。 …查看更多

週末中午自助餐，有燕窩灌湯餃， 好味嘅蝦餃燒賣， 嫩滑嘅燒牛肉 ， 長腳蟹 ，種類多到食唔曬，樣樣都好食。刺身雖然冇三文魚， 但有赤蝦同好鮮味嘅油甘魚，呢個好特別。甜品簡直世一，每樣甜品都好食， 仲有Macaroon，朱古力係Godiva嘅質素,啱晒甜品 控嘅我哋。雪糕係Häagen-Dazs同 Mövenpick，一次試曬兩大牌子，呢餐感覺完美！…查看更多

見呢間食評個個都話好好食，於是專登帶屋企人慶祝生日。冷盤都有好多種類。當然即食一定食蟹腳，蟹腳好鮮甜，而且都好大隻👍仲有凍蝦，螺都好正😊熟食最吸引人嘅莫過於龍蝦，每次每人限我半隻。龍蝦係即刻煮即刻拎起斬俾你，仲要清得好乾淨。肉質係勁彈牙，我都起碼食咗兩隻🤣🤣抵晒條數🫢🫢仲有片皮鴨燒牛同串燒全部都好吸引👍甜品區種類非常多每樣嘢都做得好精緻，重點味道係好好食。又唔會好甜👍基本上每種甜品都有食到🫢🫢曲奇餅都冇放過整體呢間都好抵食，如果做埋會員即時仲有折👍…查看更多