海港酒家

同家人食嘅生日飯，我地去咗藍田海港食晚飯。我地點咗9款菜式，包括有「花膠螺頭爵士湯」、「滷水鵝腸」、「干燒伊麵」、「海皇炆滑豆腐」、「青瓜海蜇」、「豉椒炒煙子皇」、「陳皮燒鵝皇」、「上湯焗澳洲龍嘏伊麵」同「濃湯魚腐浸菜苗」。我地好大幪點咗兩款唔同嘅伊麵，最後要打包個「干燒伊麵」。海港嘅食物質素有時比較參差，今次有好幾款菜式有驚喜。第一個頭讚嘅係「陳皮燒鵝皇」，雖然我冇食到有陳皮味，但佢嘅肉質夠瘦同夠鮮嫩，而且鵝味豐富，而且啖啖肉，唔係出面果啲全部都係啲下欄位。餐嘅另一道菜式係「豉椒炒煙子皇」，份量唔細之餘炒得夠鑊氣同惹味，蟶子嘅肉質鮮嫩可口，而且清潔得好乾淨，完全係冇沙。第二個我覺得讚嘅係「孖寶E」嘅「上湯焗澳洲龍嘏伊麵」，真係有斤半龍蝦，又係啖啖肉，佢個上湯帶有牛油嘅香氣，令到龍蝦嘅鮮味提升，加上伊麵，係一個好邪惡嘅配搭。可惜呢個餐敗响「濃湯魚腐浸菜苗」度，對我嚟講成個菜式都好䶢，至少淡3分1先比較理想。第三個覺得唔錯嘅係「花膠螺頭爵士湯」，呢個湯唔算話好平民化嘅菜式，自己亦都親自煲過呢個湯，雖然佢煲得唔夠我煲嘅咁好飲，而家唔係用蜜瓜煲，似係有木瓜同有一款講唔出名嘅瓜，同樣都帶出爵士湯應有嘅清甜嘅味道，並唔係加糖果種甜，都有啲驚喜。佢出嘅「孖寶」系列講真我覺得真心抵，加上佢嘅食物質素同味道都唔差(呢個要碰運氣)，難怪話餐飲業寒冬嘅巿況下，都可以座無虛席，以屋邨內嘅酒樓，實在好難得。…查看更多

老公想吃小菜和飲啤酒所以就到了海港在門外見到有個好抵食的晚市孖寶：半隻紅燒雞 + 豉椒蟶子菜上了果然真材實料半隻紅燒雞不細隻喎肉嫩肉厚不用點醬油都已經夠味剛剛炸起雞皮很脆而且雞皮很薄就算吃了炸雞食也不會有罪惡豉椒蟶子更加好肉厚且嫩肉都算豐滿還有青紅椒、洋蔥、九層塔非常惹味$158孖寶真係好抵另外又叫了老公喜歡炆柚皮蝦子花菇柚皮柚皮麻麻地雖然沒有苦澀味但是太稔寡口花菇反而又爽又滑整體而言不用$400三送一飯一啤酒不算貴呀不用北消費啦…查看更多

今日我去佐呢間酒樓，呢度環境好舒服，服務亦都好周到，我哋叫咗幾樣嘢同大家介紹一下先黑金流沙包呢個流沙包真係好正！一咬落去，流心即刻流出來，鹹蛋黃味濃郁，包皮又軟又滑，食完真係想再來一個！山竹牛肉球呢個牛肉球外脆內嫩，仲有山竹嘅清甜味，搭配埋一齊，味道好奇妙。肉質鮮嫩，咬下去有啲彈性，真係唔錯！鮮蝦菜苗餃呢個餃子皮薄餡靚，蝦仁好鮮，搭配菜苗，口感清新又不膩，食完心情都好好，真係想多食幾個！蟹籽燒賣皇燒賣皇上面放咗蟹籽，視覺上就已經吸引到我。咬落去，肉質鮮甜，蟹籽添咗一啲鹹香，成個燒賣都好有層次，真係好享受！…查看更多

過嚟探朋友，顺便嚟飲特價下午茶，特價點心種類唔多，炸類點心好多油，用纸巾印一下就知道，其他點心都比较普通，冇也特别，最好食就係义烧米线，D义烧入口即化，good。…查看更多

長輩壽宴，選擇酒樓慶祝總是最傳統也最穩妥的選擇。這次，親戚們一同聚首藍田的「海港酒家」，選擇了價值$1988的超值全包宴席，包含十道菜 （十二位），性價比極高 🍑🎂當晚酒家的客流量不算多，水晶吊燈映照下，整體氣氛明亮且溫馨。這次宴席的菜式多樣，整體表現不俗，以下挑選幾道菜式來深入點評 😋1. 海港燒鵝皇 👑作為酒家的招牌菜之一，「海港燒鵝皇」果然名不虛傳。鵝肉外皮烤得酥脆，色澤金黃，入口時帶著獨特的焦香味。略微不足之處在於鵝肉偏肥了一些，可能會稍嫌膩口。但值得一提的是，燒鵝底部配備了一個小火爐，這樣貼心的設計能夠保證整道菜在宴席全程都能保持溫熱，這點非常加分🔥2. 柚子蜜蝦球 🦐這是一道令人驚喜的創新菜式，取代了以往常見的燒味拼盤，給人耳目一新的感覺。柚子蜜的酸甜味道恰到好處，與蝦球的鮮甜形成絕佳搭配，令人食慾大開。更值得讚賞的是，這道菜的份量相當足足，居然有十八粒蝦球，完全不用擔心不夠分 🤭3. 百花炸釀蟹鉗 🦀這道菜堪稱宴會的經典之選，無論是視覺還是味覺都非常出色。外層炸得酥脆，內裡包裹著鮮甜的百花餡料，咬下去層次感豐富。蟹鉗的肉質鮮嫩，搭配上炸漿的香氣，令人回味無窮✨4. 蒸龍𧄌班 🐟蒸魚作為壽宴的必備菜式之一，自然少不了「蒸龍𧄌班」。這條魚的份量相當充足，肉質鮮嫩細膩，簡單的蒸製方法最大限度保留了魚的鮮味，火候掌握得恰到好處，搭配上豉油味道不錯🌟5. 壽桃 🍑壽宴的壓軸甜品當然是壽桃——蓮蓉和奶黃，每個壽桃都大得驚人，造型精緻，寓意吉祥。蓮蓉餡料香甜綿密，而奶黃餡則帶有淡淡的奶香味。兩種口味各有千秋，滿足了不同賓客的喜好😉總的來說，這個全包宴用不到$2000 的價錢提供這麼多高水準的菜式，確實是高CP值之選 👍🏻🌟 每道菜不僅用料十足，且在賣相與味道上都下了功夫。如果想為長輩慶祝壽宴，「海港酒家」絕對是一個值得考慮的選擇。…查看更多

好耐無食過咁差既豬潤燒賣，食物比我想像中更差，豬潤粒都不如，完全係碎上。再問吓經理佢睬都唔睬我，扮傻，佢夠竟唔識聽中文，定係失聰。救命，今時今日咁既服務態度及食物質素另我難以接受，以後都唔會再幫襯。…查看更多

平日嚟食啲嘢係熱既，今日星期日食，個鮑汁鳳爪完全唔入味，仲要開頭嚟果3個點心都係凍既，叫左8個點心，嚟得6個漏咗1個1個等左成個鐘都未整，建議平日嚟食比較好。星期日食其他…查看更多

父親節同爸爸來到啟田的海港酒家飲茶。😂孝女的我12點來到預先攞位，人頭湧湧，幸運地等了45分鐘便有位置了~🍍拉絲咕嚕肉 份量唔少，酸甜醬汁，啖啖肉，炸皮厚左少少。🥟紅油抄手 大大粒，微辣惹味🌶🌶XO醬炒蘿蔔糕 比較辣，蘿蔔糕實啲，過下口癮都不錯。🍤沙律明蝦角 滿滿彈牙蝦肉，外脆內嫩👍🏻~🍤蒜蓉蝦春卷 有啲失色🥲，蝦肉較少，但有濃香蒜蓉味。 春卷炸得香脆不油膩。🐔沙薑雞腳 有沙薑味但唔夠咸味，可惜可惜🥲。🥯雪山叉燒包 今次燶左啲，內餡都多。 好彩🧔🏻爸爸今次都收貨~…查看更多

節日一家人去食，職員服務態度極差，食物質素普通，食飯期間有個職員喺側邊大叫😓當堂嚇咗跳，有啲菜好耐都未上，要追咗成個鐘頭先上到菜，總括而言，極度不推介這間酒樓…查看更多

今年新年團拜，在這裡book 了2圍，有間細房，但非常迫，明既，新年！題外話，當日我親戚派了些利是給相熟部長，怎知所有員工即刻放低碗筷衝入來討利是，連廚房都出來，尤如餓狼，非常可怕 （但之後想揾個人沖水都難，服務質素就不評了吧）講返當日菜色ok, 是standard 新年酒席，但居然忘記蒸魚，攪到等好耐。龍蝦面不錯，蟹拑好正。待應是不足的，每人大概500元，新年來說有龍蝦有鮑魚蟹拑，算不錯…查看更多

今次去咗海港飲茶，實話實說，嗰碗豬腳薑仲要即叫即煮，溫度掌握得剛剛好，入口即溶，醋香而不過酸，薑味夠融入隻豬腳，正！叉雞飯嗰叉燒啃落去又甜又香，肥而不膩，啖啖肉實在過癮🍖。牛肉腸粉滑得黎又腍，蘸嗰醬汁一流啊。菜心又夠鮮，夠脆，青菜本色全都露。飯局上來，黃金流沙包唔多唔少咁個流心，啖啖幸福感，外皮鬆軟，咬落去那一剎，簡直幸福爆燈💥。哦，仲有隻小龍包，湯汁鮮甜得很，皮薄到差點以為自己真係喺天堂🥟。總體來講，响呢度食，舌尖上既感受真係由心入味，雖然有啲小插曲，但美味點心終究俘虜咗我呢個美食博主嘅心❤️。傾計飲茶，就係要咁滋味，下次再試其他點心，期待一樣嘅驚喜。…查看更多

之前去4樓飲茶，入面好似無冷氣咁，而且味道又普通😂今次去3樓呢間試下，正常酒樓，2個人飲茶都預左搭枱，環境幾闊落，即使一張枱搭左幾枱人都唔會好逼。點心方面就唔算叫得多，但每款味道都唔錯紫心香芋丸 ($19.8) 其實就好似出面果啲香芋地瓜丸咁😂正正常常，起碼係熱既擂沙煎堆仔 ($17.8) 入面充滿黑芝麻，熱辣辣，幾好食醬汁蒸鳳爪 ($18.8) 好夠味，腍得黎又唔會軟爛鮮竹牛肉球 ($19.8) 都幾大粒，牛味都ok，不過不失蟹籽燒賣皇 ($28) 超大粒，蝦又夠爽口彈牙，豬肉餡都唔係好肥膩四寶滑雞扎 ($29.8) 夠大件，有雞肉，魚肚，芋頭，火腿。魚肚索晒湯汁好入味…查看更多

屋村酒樓抵食海鮮火鍋～我見到平時去開屋企樓下茶樓晚市有火鍋任食，一個人百零蚊就有得任食真係幾抵，所以都冇話特別高要求，但係都有驚喜。海鮮拼盤係冇得任食嘅，但係兩個人食都好夠，有蝦蟹魚貝殼類種類都好多，但係就正常質素，對得住個價錢，一開始第一碟牛係跟餐嘅，比較靚，之後想嘅就係普通肥牛，但係都唔差，唔會話好韌，其他嘢食都係落單嗌嘅，份量有啲多，嘢飲喺出邊自助吧有得任拎，有時夜晚諗唔到食咩落嚟打個邊爐都幾方便，好似冇限時間。…查看更多

藍田啟田海港酒家 • 出色街坊小菜咕嚕肉•櫻花蝦粉絲煲•泰式炸蝦餅📍海港酒家 𝑽𝒊𝒄𝒕𝒐𝒓𝒊𝒂 𝑯𝒂𝒓𝒃𝒐𝒖𝒓 𝑹𝒆𝒔𝒕𝒂𝒖𝒓𝒂𝒏𝒕🧭藍田啟田道50號啟田商場3樓301號舖💰人均消費: HKD195平時係度都係食套餐，今日心血來潮散點試下！💯新鮮菠蘿咕嚕肉 $118𝑺𝒘𝒆𝒆𝒕 𝒂𝒏𝒅 𝑺𝒐𝒖𝒓 𝑷𝒐𝒓𝒌 𝒘𝒊𝒕𝒉 𝑷𝒊𝒏𝒆𝒂𝒑𝒑𝒍𝒆咕嚕肉堅得！肉炸得勁香脆，個咕嚕汁做得剛剛好，唔太酸太甜，色澤又靚！好耐無得過咁出色嘅咕嚕肉！💯櫻花蝦椰菜粉絲煲 $98𝑭𝒓𝒊𝒆𝒅 𝑽𝒆𝒓𝒎𝒊𝒄𝒆𝒍𝒍𝒊 𝒘𝒊𝒕𝒉 𝑺𝒆𝒓𝒈𝒆𝒔𝒕𝒊𝒅 𝑺𝒉𝒓𝒊𝒎𝒑𝒔賣相比我想像中靚！火喉十足，粉絲超級乾身惹味，加上椰菜絲增加口感，而有櫻花蝦更加香口⭐️馬友魚香海鮮豆腐煲 $138𝑺𝒆𝒂𝒇𝒐𝒐𝒅 𝑻𝒐𝒇𝒖 𝑷𝒐𝒕 𝒊𝒏 𝑻𝒉𝒓𝒆𝒂𝒅𝒇𝒊𝒏 𝑺𝒂𝒖𝒄𝒆 上枱的確幾香，馬友香唔係好濃，海鮮有帶子、魷魚，豆腐吸晒啲汁，好正！⭐️海港小炒皇 $98𝑺𝒕𝒊𝒓𝒓𝒆𝒅 𝑭𝒓𝒊𝒆𝒅 𝑪𝒉𝒊𝒗𝒆𝒔 𝒂𝒏𝒅 𝑫𝒓𝒊𝒆𝒅 𝑺𝒉𝒓𝒊𝒎𝒑𝒔飲酒最好就叫小炒皇！好味！好多蝦、腰果同油炸鬼！如果多啲菜脯仲正！💯泰式炸蝦餅 $98𝑻𝒉𝒂𝒊 𝑫𝒆𝒆𝒑 𝑭𝒓𝒊𝒆𝒅 𝑺𝒉𝒓𝒊𝒎𝒑 𝑪𝒂𝒌𝒆六件大大件炸蝦餅！ 熱辣辣勁香口惹味！ 咬落好彈牙，又啱晒送酒！⭐️招牌燒鵝皇 $238𝑺𝒊𝒈𝒏𝒂𝒕𝒖𝒓𝒆 𝑹𝒐𝒂𝒔𝒕𝒆𝒅 𝑮𝒐𝒐𝒔𝒆 燒鵝有少少超出預期嘅！個皮燒得好香，鵝一啲都唔好肥，肉質仲要香嫩，幾好幾好⭐️燒汁牛柳粒 $158𝑫𝒊𝒄𝒆𝒅 𝑩𝒆𝒆𝒇 𝑻𝒆𝒏𝒅𝒆𝒓𝒍𝒐𝒊𝒏 𝒊𝒏 𝑩𝒓𝒐𝒘𝒏 𝑺𝒂𝒖𝒄𝒆牛柳汁好嫩好香，咬落有滿滿嘅牛肉香係口！啲椒同洋蔥都好好味！⭐️黑椒牛仔骨煲 $128𝑺𝒉𝒐𝒓𝒕 𝑹𝒊𝒃𝒔 𝒊𝒏 𝑩𝒍𝒂𝒄𝒌 𝑷𝒆𝒑𝒑𝒆𝒓 𝑺𝒂𝒖𝒄𝒆牛仔骨上枱好香，肉質都算香嫩，但入口略嫌唔夠黑椒香！🆗薑蔥焗美國桶蠔煲 $198𝑼𝑺 𝑶𝒚𝒔𝒕𝒆𝒓𝒔 𝒘𝒊𝒕𝒉 𝑮𝒊𝒏𝒈𝒆𝒓 𝒂𝒏𝒅 𝑺𝒄𝒂𝒍𝒍𝒊𝒐𝒏大大隻美國桶蠔！拉油做得唔錯，個汁都可以，可惜生蠔有啲鯹🆗蜜味欖菜骨 $108𝑷𝒐𝒓𝒌 𝑹𝒊𝒃𝒔 𝒘𝒊𝒕𝒉 𝑷𝒓𝒆𝒔𝒆𝒓𝒗𝒆𝒅 𝑶𝒍𝒊𝒗𝒆 𝑳𝒆𝒂𝒗𝒆𝒔 𝒊𝒏 𝑯𝒐𝒏𝒆𝒚佢個味其實做得好好，個骨食落有淡淡嘅蜜香，但可個骨炸過火咗🆗上湯浸菜心 $88𝑪𝒉𝒐𝒚 𝑺𝒖𝒎 𝒊𝒏 𝑩𝒓𝒐𝒕𝒉唔似上湯🤣12人再加8枝啤酒，人均$195真心抵食！水準的確超出預期！#MFJ藍田 #MFJ中菜#mfoodjournal #foodie #hkfoodie #foodblog #hkfoodblog #chinesecuisine #chinesefood #lamtinfood#相機食先 #藍田美食 #中菜 …查看更多

今晚一家四口去藍田海港食飯，樣樣餸都係凍冰冰，招呼十分差，叫極都冇人應，食完啲碟又冇人收，舉手叫啲侍應，個個都當睇你唔到！上菜上得慢，個個好似唔願做，叫咗碟粉絲元貝，結果一個鐘頭先至嚟，上枱啲元貝係凍冰冰的，啲粉絲係乾爭爭的，應該係個廚房整好啲餸，冇人傳菜，擺咗好耐，先至送去我哋張枱，所以大部份餸都係凍冰冰嘅！一碟乳豬件，唔夠十件，仲要係好細件，投訴又無人理！只有條魚係正常啲，其他所有都認真差！差到極！…查看更多