海港薈

一家人過生日，老一輩都係喜愛中菜。屋企人訂左呢間酒叫左一席有埋阿拉斯加長腳蟹既套餐，本身個餐包4斤蟹，因為揀隻蟹都大隻，所以都要補錢。啖啖肉清蒸鮮甜蟹肉，食多D都唔覺heavy。人多所以大隻D都岩。蟹肉翅都好足料。另外因為我地人數多過12位，餐廳可以彈性按人數加單炸蟹鉗，壽包等等，感覺很好。乳豬都皮脆整體食物水準中上，室內環境都好清新。大家都過左開心既一晚。如果住附近，都或者會試下黎飲茶食點心。應該也是不錯的選擇…查看更多

訂咗位同我講冇訂位，完全冇人理勁差，服務安排好差! 仲要亂咁俾位人好差好差好差，好差好差好差好差好差，好差好差好差好差好差，好差好差好差好差好差，好差好差好差好差好差，好差好差！以後都唔會再光顧…查看更多

昨晚在愉景新城海港薈食超值全包宴慶祝中秋，回家才發覺跌了銀包。今早上酒樓查問，原來部長已經妥善交給樓面，非常感謝！這真是值得信賴的酒樓！昨晚酒樓比平時多人，但侍應人手充足，上菜仍算暢順。食物水準在大節日仍可維持。份量酒水都非常充足，我們13人也足夠有餘，是真正的超值全包宴！我們已經是多次在這裏和家人中午飲茶和食晚飯，因為這裏座位比較闊落，傾偈也容易，而且有很多種不同茶葉選擇，包括碧螺春及龍井，不會另外收費。我們一定會再來幫襯！…查看更多

原本食物質素已經一般，還要漏單。等了1小時，多，問侍應才發現漏單。點了一個椒鹽鮮魷，擺盤已經沒有食慾了，還要不脆口的，感覺放了很久。點了兩樣炸物都一般，鳳爪排骨也不是很新鮮。點了8樣點心要等1小時多，真是有點浪費時間，不會再光顧。…查看更多

這間中式餐廳的鮑魚冬菇時蔬味道不錯。鮑魚鮮嫩，冬菇香香的，時蔬也挺新鮮。因為我唔太鍾意食太多汁，所以用熱水沖淡咗啲汁，但味道依然可以接受。餐廳環境舒適，座位寬敞，適合同家人一齊，特別係老人家。光線明亮，氣氛輕鬆，食得幾開心。服務人員態度都幾好，隨時準備幫手。總的來說，呢道菜不算特別，但還是可以試試。呢一款連鎖餐廳，都係因為同屋企人先至會嚟食。如果去得自己同啲朋友嘅話，就唔會搞呢一啲餐廳會想試多啲特色小店多啲 。…查看更多

推介食物🦀【巨型皇帝蟹｜海味震撼登場】蟹控不能錯過！皇帝蟹上枱氣勢磅礴，蟹肉鮮甜扎實，單吃已經超滿足，真的很值得試～🐖【即燒片皮乳豬｜皮脆肉嫩的傳統儀式感】一上枱就聞到炭香味，金黃香脆豬皮＋薄薄脂肪超邪惡，配白糖、蒸餅一齊食，滿足得停唔到口！🧀【芝心炸蟹鉗球配沙律】金黃酥脆外層＋爆餡蟹鉗肉，咬開仲有絲絲芝士感，配清新沙律中和油膩，一大一小都啱食！🦞【焗龍蝦配腸粉底｜中西合璧的驚喜組合】一上枱已經香氣撲鼻！🧄🦞龍蝦肉鮮甜彈牙，焗得剛剛好，表層鋪上香濃醬汁，鹹香惹味💥最驚喜係底部——是腸粉！軟滑腸粉吸收龍蝦醬汁精華，每一啖都掛滿濃郁香氣，咬落去口感層次豐富，中西合璧，創意又美味！…查看更多

出菜慢，出左3個菜之後，等左成半個鐘未有下一個送，7:20起菜最後兩樣送係9:15左右先齊，全場當時只有十幾張枱，咁都控制唔到管理有啲差，要改善下，其次我要求要蓮蓉包、送黎既全係奶皇包單都落錯都唔緊要，我地問個職員佢話因為蓮蓉無貨所以俾左奶皇，如果係無貨點解唔同我地講聲先？點知轉個頭遲我地落單既其他枱上既就都係蓮蓉包，我明白係好小既一件事，其實直接講句唔好意思，整錯左，換唔倒咪得，咁講大話推搪個體驗好差，之前都試過差唔多情況，估唔到今次更差…查看更多

家人打算訂年初一晚四人枱晚飯，為怕滿座所以及早親身去留一張細枱，怎知女經理話過年只肯留大枱，你哋四個人留唔到俾你，到時你哋早啲黎睇吓有沒有枱。留張枱食飯原來人少啲都會被拒，都幾唔開心，難怪人人要北上。…查看更多

同屋企人做節首先，尋日打電話黎訂枱，問佢有冇羊腩煲，因為屋企人專登黎想食，佢話有，今日黎到落單時話冇，追問之下支吾以對，話個煲有問題 所以今日做唔到羊腩煲🤨19:22落單叫餸， 好快就上咗個龍蝦伊麵， 但係唔熱嘅 好明顯就係因為套餐所以 同其他枱嗰啲一齊煮完之後先拎出嚟 。。跟住再上埋個龍躉兩味， 然後嗰三個菜 就消失了， 追咗一個男部長一次，兩次。。。 男部長話整緊㗎喇一直等到20:35 嗰三個餸都係未嚟，同另一個女部長再追，佢都算積極我哋話再等多十分鐘，你唔嚟我地就埋單結果20:50都冇到，有個男經理解釋話之前有段時間廚房jam左單。。。whatever啦，前後追左三次都唔出菜！隔離其他枱上菜又冇問題喎🙄差！！！…查看更多

原本叫咗長腳蟹,遲遲沒有上枱！佢話15分鐘又15分鐘,總共等咗一個鐘！最終逼我們取消！怕攞上枱果隻都不知道是否我們計重量的蟹！？雖然他們都有道歉及取消一些菜單！但最終原本一心想品嘗蟹宴就不歡而散！…查看更多

朋友响海港薈擺酒，菜單上所有食物都好好食。🔸乳豬皮脆肉嫩、肥瘦適中！🔶龍蝦有炒腸腸墊底，好特別、好好食呀！🔶仲有個金湯海皇燴花膠，味道濃淡適中，又足料，我飲左3碗！正！🔸炸蟹鉗係新鮮熱辣上枱，外脆內軟啖啖肉，又有彩色星星點綴，真係色香味俱全，擺盤又靚，小朋友食得好開心。🔸燕窩蛋白燉奶都出色，清清地，燉蛋白口感好滑，唔會太甜，好味🔸炸子雞個皮真係脆架，勁有雞味好juicy,好好食!成餐飯食完好滿足P.s 侍應服務殷勤，手腳快…查看更多

問題一：上菜太快問題二：乳豬又乾又硬又冇味問題三：龍躉球不新鮮，只有腥味問題四：節瓜瑤柱脯的瑤柱，食完想吐出來，根本唔知自己食緊乜問題五：櫻花蝦炒飯，櫻花蝦又腥又臭，難食到嘔問題六：服務員不專業，要講幾次先明白雖然價錢優惠，但食物質素非常差劣，浪費顧客時間去酒樓食這餐，希望酒樓好好檢討，否則唔知幾時執笠。唔怪得咁多人返大陸吃喝玩樂，香港的酒樓諗住賺到盡，用最低成本畀劣質食物給顧客吃，但沒想到人哋食完一次唔會再返轉頭，到頭來得不償失，希望三思。…查看更多

做節飯，我同老公仲有另外5個屋企人約左去愉景新城海港薈食。我同老公先到酒樓，然後老公去魚缸揀隻5斤半長腳蟹，由於其他屋企人未到齊，老公特地同部長講咗話唔好蒸住。返到埋枱見到另外一個侍應問我哋揀好未，我哋話揀好跟住都係同佢哋講唔好起隻蟹住。其他餸就等屋企人到齊先落單。不可思議既事情開始發生，坐低20分鐘左右突然見到隻應該未蒸得但蒸好左既蟹上桌，嗰時我仲有另外4個屋企人未到齊。不可思議2: 舉手搵侍應搵部長，我地枱應該進入左隱形mode，個個都我地唔到。終於時運低果個見到我地話會跟進，但係認完一句就冇再過黎。後來我屋企人喺隻蟹上枱後8分鐘到達，於是拿拿聲落埋其他餸叫佢哋可以起餸。但張枱喺風口位，佢哋嚟到我哋一齊食蟹腳嘅時候就已經凍左一半。到食蟹身時已經成隻蟹凍晒。不可思議3: 由落單叫其他餸到食完隻蟹，呢35分鐘入面其他叫既道餸一樣都未黎過（有2樣仲要係燒味）忽然有個職員走埋嚟問其他餸係咪可以叫廚房起。果下真係不可思議，唔識火滾既我開到大火咁滯，犀利。6）餸既事已經嬲爆。其他不可思議，8隻茶杯有一半都有污漬，小污漬都算自己洗，有一隻真係太污糟叫佢地換一隻過嚟，前後叫咗三四次⋯等咗20分鐘都冇人拎到嚟⋯7）啤酒玻璃杯其中一隻完全裂開嘅照擺上枱8）叫酥炸桶蠔，同落單個侍應講咗三次要酥炸，結果都係黎咗薑蔥桶蠔，真心勁！我都懶得再反映，因為唔知叫佢再整又要等幾耐侍應真係有好大問題，唔明白落單侍應會話唔知乜野桶蠔，叫啤酒同佢講完要藍妹轉頭又問係咪百威。提早上隻蟹果下我真係著左燈，但難得屋企齊整食做節飯飯我先冇發癲。唯一得一個男仔頭短髮部長後黎幫手跟進追餸，先叫最後食得安樂。總結：我都係第一次咁有心機出po，賀下自己經歷左咁多不可思議既事都要啦…查看更多

難得一家人想去食，又見新開就試下。點知去到，門口個阿姐直接唔理我地。我望到入面得三兩枱客，又唔係有婚宴，就走去問佢：我係咪直接入去坐低？佢就望都冇望我，問我幾多個，我答佢我4個人。佢依然唔望我答：咁少人，冇枱呀！咁嘅態度，又唔想我地入去，咁我地走囉。冇下次。諗住轉左做海港好啲啦，結果仲衰過上一手。…查看更多

嗌咗一個芒果糯米糍（$15/3粒），一聞有陣酸宿味，同埋食落去都係酸酸怪怪，好似變咗咁。之後叫咗經理重新上一碟，都有嗰陣味，應該係成盤糯米糍都壞咗🤡🥲。經理仲肯定話冇壞，但係真係好酸（唔係酸奶嗰種）。之後仲見到經理將成盤糯米糍揼咗落去個垃圾桶，肯定有問題🤨We ordered the mango glutinous rice balls (priced at $15/3 pieces). The moment the dessert arrived there was a sour odour that spread throughout each piece of the dessert. We asked for a new plate and the same odour could be detected, moreover the manager still insisted that the rice balls had no problem, though the odour was very unique to expired foods. After we left, we caught a glimpse of the chef throwing away the whole tray of rice balls. There was definitely something wrong with the food 🤨…查看更多