去完慈山寺参学，就去《海港荟》饮茶，本身对海港都冇特别好印象，但周边得一间酒楼，唯有拣佢啦。正所讲冇希望就唔会失望，有时反而会有惊喜。「鱼茸酿尖椒」，一个我麻麻地嘅菜式，但佢个味道一改我对尖椒嘅睇法。鱼茸炸得够香同够惹味，配合香味浓郁而且带点微辣，咬落有啲爽脆嘅尖椒，爆发力惊人，对于我唔太好呢道菜式嘅人系有惊喜。「家乡咸薄罉」，呢个我觉得佢粉太多同厚，口感比较淋，有薄罉果种带点脆嘅感觉。味道系唔错，可惜我唔太欣赏呢种口感。「萝卜千丝酥」，金黄色嘅外表令人垂涎欲滴，咬落松脆可口，入面有大量嘅萝卜丝，清甜多汁，一软一脆嘅混合，中和咗外皮带干嘅口感。「百花酿鱼肚」，一个我几钟意嘅菜式之一，好钟意佢个鱼肚比鲜甜嘅清汤浸到好入味，加上爽滑弹牙嘅虾胶，加上爽弹嘅飞鱼子，三种唔同嘅口感一同爆发，完全系极致嘅美味。「长脚蟹肉水晶饺」，佢嘅蟹肉唔算话好多，食落都有蟹肉丝嘅口感，但虾仁反而有好多粒，而且粒粒都爽脆弹牙，加上极薄通透嘅外皮，视觉同味觉上双重刺激。「XO 酱炒肠粉」，又系我唔太喜欢嘅点心之一，因为我唔喜欢肠粉嘅口感。佢用XO酱炒到微微嘅焦香同好惹味，而且份量都唔少，最后呢个系唯一一个冇食哂嘅菜式。「蟹子烧卖皇」，虽然叫烧卖「皇」，但睇唔出有「皇」嘅气势，系顶头放粒虾仁仔，望落去比较大体啲，同多一分爽脆嘅口感。有一样要减一粒星嘅系，佢个外皮有啲肉酸，应该系我见过最肉酸嘅烧卖。埋单$311蚊，佢嘅食物质素都对得住个价，而且服务态度亦唔错，冇其他人讲得咁差。今次另外特别之处系三枱客搭一张枱，好耐都冇试过饮茶搭枱，呢个系香港特色嘅体验。…查看更多
，原来系逗利士，主人家太好人，但实在太夸张。一上完晒菜，大家都未走，外面仲有人摆酒，负责既曲发女待应已经急不及待要埋单，听到佢讲话咩“会唔会加d茶水，之后仲大声加句，唔系净系俾我架，系俾全部招呼你既同事”，心谂好惊㖞点解咁似收会费
，乜咁明目张担又咁唔要面，话晒系高级既海港，个餐系最贵，最紧要已经刞多人入黎拎左利士，果度都几百蚊啦，实际来去都只系得果3个招呼，只系食几围又唔系婚宴，听完真系连普通饭都唔敢去食。
如果人地觉得好自然会俾，何必好似要落人面咁，只系听到都觉得好过份。最后走果时，见到个收银又系闹人，可能个客张卡碌唔到，真系一山还有一山高，驶乜咁劳气，人地咪攞第张啰，最好笑系个经理企侧边食花生，唔话下个收银阿婶咁既态度，果时又冇人排队。总括黎讲，对呢个集团都好失望，之前都食开佢地其他分店，成日揾待应都揾唔到，当然sell卷果时就有好多
，仲谂住呢间高级d, 又贵d既唔同，但原来系咁招呼客人，如果想变强可以黎呢间，但如果想要正常既服务态度，真系千万唔好去，佢地d面口
，简直贴钱买难受，如果唔改善，都好难留住d客。
