海港灣海鮮點心小廚

行過見到依間主要做點心的有茶餐廳早餐食，還有豬膶麵添便入嚟試吓。叫左個豬膶麵轉一丁加$4, 餐肉太陽蛋拼多士，凍奶茶。一食個豬膶便真的非寫過食評不可。豬膶又多又夠厚，剛剛熟多少少，還有蔥和蛋花添，並不是坊間那些幾出名，但件豬膶紙咁薄，個湯重係起灑泡的灼豬膶水🤨可比。相信喜歡豬膶麵的朋友一定鐘意。餐肉都夠厚和味道應該不是啲cheap cheap 餐肉，多士牛油足，太陽蛋和凍奶茶正常。真係喜出望外，下次再想食豬膶麵時都會再來。…查看更多

作為一個廚師，我只可以喺三四點出黎覓食…今次經過一間幾大嘅餐廳，又見有下午茶喎～入去試試先！嗌咗豆腐火腩飯，味道普通，好似冇落塩咁…勁清淡其中一嚿豆腐仲要有酸叔味…價錢都唔平吖要四十幾蚊…雖然係即炒嘅，但真係好一般，應該有啲蔥段又無…好齋見佢仲有點心紙可以揀，42蚊孖寶，可能點心會好食啲，下次比個機會佢再試試啦～杯茶走就正正常常啦…查看更多

朋友哋，有冇試過感覺啲普通菜變咗精品呢？今次去咗間茶餐廳，食物質素同味道令我驚喜到不得了！起頭食咗招牌粵菜，蝦干魚肚浸時蔬，鮮脆嘅西蘭花夾埋味醇魚肚，簡直係爆炸嘅組合😻！小菜一碟，已經攞到我半個肚肚嘅滿足。轉咗頭又撈咗燒鵝下庄，啲燒鵝皮脆嘅厚度同肥美，真係夠曬玩味，輕輕啖一啖，幾滋味！南乳蓮藕燜豬手，混入微微嘅紹興酒香，滿載傳統氣息，每啖都感受到滋潤。點心方面，我就最鍾意個「蝶豆花鮮蝦餃王」，精緻到爆，一啖㕑落去，滿滿蝦肉又甜又彈牙，錫晒口！「黑松露鵪鶉蛋燒賣」也係可以話係創意十足，所謂外脆內滑，一啖嘴即刻明白黑松露絕配燒賣嘅奧妙。正當你以為完咗，竹炭杏汁飽同竹炭菠蘿油就出場喇！黑白兩道，勁搶眼，味道又好match，玩轉普通嘅茶點，令人食指大動💗。實話實說，呢度啱晒尋找平民化又有質素食物嘅你，各位，真係不妨一試呀🥳！…查看更多

點心比酒樓好味 又大份成日見朋友話好食 一於入黎試下點知好有驚喜 每碟都大份 賣相幾好 又足料點心套餐 （可揀2個點心）餐牌寫$38 其實係$40 可能冇更新點心紙價錢💰不過食物真係好好💜牛肉球大粒好味😋💜叉燒包餡料足 叉燒係舊叉燒又多汁💚蝦餃就有少少咸💜鳳爪排骨飯大份新鮮蒸💜蠟腸滑雞飯勁正💯 好多雞 💜牛肉腸粉好滑又多餡💜粉果都係餡料極多 夠香口💚咸水角炸到口感香脆 餡料都好惹味 只可惜粉太多 似食緊湯圓/糯米糍咁📝整體而言:冇諗過一間茶記 都可以做到點心甘出色 會回頭❤️❤️❤️📍 海港灣海鮮點心小廚 (佐敦)佐敦吳松街42-52號大觀樓地下A號舖…查看更多

12月15日,我和我細佬去食呢間點心放題.訂咗11:30AM兩位,任食100分鐘.其實入到見冇咩人喺到食,甚至係點心放題.都已feel到有唔妥.先見點心放題纸上好多點心,炸物已被栅除,劃去.eg流沙奶黃包,炸春卷,鵪鶉蛋燒賣,擂沙湯圓等我山長水遠嚟呢到,冇機會試到,選擇好少.我問果個瘦嘅男人,應該係老闆.填寫點心數目.1籠？1粒？佢話點都會出返2人份量俾我哋.咁我就填12粒蝦餃,12粒燒賣.我仲寫埋個“粒”字.驚佢睇錯俾錯,其餘嘅叉燒包就填4,小菜eg.炒龍“等”球豉油炒蝦填3or4.燒鵝,义燒填4,5先講佢上菜速度超慢,蒸嘢都成半個鐘先俾到我哋食.但離譜到我叫蝦餃,燒賣各12粒,佢嚟得蝦餃2粒,燒賣4粒？這叫兩人分量？我一個人都食晒la.义燒包算係平價點心,我填4,佢就俾夠4個我.燒鵝,义燒超咸.炒龍“等”球又超油.食咗應該好快3高.再嚟佢話2人送嘅上湯龍蝦伊麵,蒸沙巴.龍蝦,超細冇肉食,伊麵又少,條魚又好似唔新鮮.唔好食.話就話送,其實係計埋你果$228放題錢內.只要唔俾d貴價點心你食,俾d平嘢,大件又易塞飽你個肚嘅你食.佢實有賺.兩個人嘅放題錢.好似你剔佢個炒飯超快到又大碟.唔駛等半個鐘.咁就冇瘾la.特登嚟食點心,食飽.結果係食炒飯,伊麵飽.俾呢d嘢塞飽個肚,幾唔底.之後都再填兩次點心放題纸.12粒蝦餃,12粒燒賣.情況都係一樣,2粒蝦餃,4粒燒賣,這叫佢哋講嘅2人份量.仲要等差唔多成半個鐘.我有問果個老闆.話我填咁多,你俾得果幾粒我？佢扮撞“隆”.聽唔到照入單.我細佬示意話走la,無論你寫幾多,佢都會俾多d你食la.你喺到只有無了期咁等.“真係等,寂寞到夜深,夜沾已荒涼,變黑暗”.結果我哋未夠100分鐘已埋單走人.真係留喺度一秒都嫌多.臨走果陣時個站櫃檯做收銀個女人仲笑笑口問我哋d食物點？我哋真係唔知點答你,應你.仲叫我哋下次再幫襯？唔好喇掛,當我哋水魚呀？白痴？食唔飽,又難食.之後我細佬話你見佢入面裝修簡陋,又冇乜人入去食,你就知唔對路la.佢叫我事前應睇openrice入面其他人俾佢嘅食評,咁就唔會仲招la.我話我有呀.我只係俾果d俾好評嘅人post佢哋d食物嘅靚相呃咗,一心以為有好多嘢食,可以食到好飽.點知又再仲招.$228我真係去食日式or其他平價嘅燒肉放題仲好.$200內有找,多選擇又飽肚,坐得又舒服.人哋又唔會特登漏單,俾少d嘢我食.起碼唔駛等成半個鐘先有嘢食.so,如果一心想去果度食點心又想食得飽嘅朋友,你哋諗清楚去唔去食喇？…查看更多

呢間小廚又賣點心，又賣茶記早餐，又賣炒粉麵飯同燒味，真係幾好嘢，價錢中等，一直都想試試「入座後發現環境唔太清潔，枱面好多水跡，餐牌有少少黏黏嘅感覺，另外有幾隻果蠅飛黎飛去。。。。仲有服務上唔係態度，而係聽力問題，隔離幾枱叫飲品都要重複講兩次先聽到😅」下午茶炒碟粉麵都係$38，真心抵食嘅，而碟頭睇睇下面就知魚香茄子炆伊麵好香好有鑊氣，茄子比較少，不過肉碎都多，鹹魚粒都係偏少，食到嘅都唔覺有味。。。勝在份量十足，我一個男士都夠飽，仲有埋茶啡，冇加一，你話邊度搵日式炒烏冬相對失色，睇色已經淡，味道亦好清淡，有適量海鮮搭救，蝦仁，蟹柳，魷魚，鳴門卷片，烏冬熟度唔錯，煮嘅時間可以再短啲，不過都仲有彈性，唔會淋到好難食燒味外賣雖然未試，但同區都算係平嘅當然價錢平就要有地方要讓步，所以大家去前都諗清楚自己接唔接受到先好去…查看更多

星期三朝早9點左右諗住食下點心🧆見到間寫住海鮮點心小廚，就滿心歡喜諗住入去食起門口有張寫住精美點心既餐牌📋揀左幾款心頭好，其中就有黑金流沙包同有機栗子焦糖蛋。行到入去收銀同個阿姨落完基本嘅排骨鳳爪之後，同佢講要焦糖蛋，佢話我地冇焦糖蛋，我追問係其他甜點都冇定淨係冇焦糖蛋，佢回覆係我地一直都係得桂花糕我嗌流沙包佢又話冇阿食奶皇包啦之後起收銀隔離有啲外賣紙我就拎黎繼續睇下仲可以嗌咩，見到寫住牛栢葉我就叫啦，佢話：咩牛栢葉，我返工咁耐都冇聽過有牛栢葉咁我指比佢睇，佢話你唔好睇呢張囉跟住隨手拎左其他人既落單紙比我睇最後求其嗌左個金錢肚就算態度好差餐牌上面好多野都冇又唔熟手要係咁問人呢樣係咪有架擾攘左勁耐…查看更多

第一次嬲到寫食評，話說係HKTVMALL買咗4個大閘蟹套餐，訂7：30 4位，首先上菜已經超慢，差不多8點先有第一樣野上，個餐寫蟹是4-4.5両一隻，都預咗唔足磅，但質素差，蟹糕有苦味，蟹肉無味，招牌燒鵝得1/4隻，蟹肉燕窩羹根本無蟹肉無燕窩，花膠浸時菜，花膠變咗魚肚，蠔皇扣鮑魚超細隻，大廚炒飯已經算正常，麻辣雲耳及雪蛤膏都無上過， 所謂的任食小菜，我地只追加過一次鮑魚仔之外，未到9點已經話廚師收咗工，乜都無啦，只有炒飯可追加，9：15時未食飽就已經要埋單，我返到屋企仲要食野，仲要whatsapp反應情況但已讀不回，永遠無下次…查看更多

朋友推介點心火鍋放題，去到門口見到片皮鴨一食$88二食才$128，於是點了片皮鴨二食，涼瓜炆鴨件，再加上點了薑蔥魚腩煲，先來薑蔥魚腩煲，魚腩整得剛剛好，加上薑蔥蒜子炆魚腩又不會太乾，超正👍👍👍片皮鴨上來燒得卜卜脆，特別用心炸蝦片墊底，不會太油，再加上麼麼生蔥同青瓜一齊包起來吃，超好味😋也不用叫白飯。涼瓜炆鴨仵，味道非常入味，超讚👍👍👍而且又計茶錢和加一，真是價廉物美，超抵食🙏🙏…查看更多

又是飯敍的日子,因在youtube睇介绍這餐廳並説很不錯,所以ㄧ行3人去吃,地方都好易找就在油麻地永安百貨後面隔離。環境就好一般,清潔都好ㄧ般,店内都有很多附近街坊所以比較嘈,如情侶去就不太建議了。食物小菜拍照都可以,但味道就没有對面的大排檔的夠鑊氣及好味了。…查看更多

星期日小編陪屋企人飲茶去了這間位於佐敦的海港灣海鮮點心小廚，裝修平平無奇像一般茶餐廳，估不到竟然有新派點心。最驚喜是除了中式點心，更可以同時吃到茶餐廳美食，還有西式甜品，真是一次過滿足一家大大小小的口味。蝶豆花蝦餃皇$32 😋😋😋/5蝦餃皮加左蝶豆花汁，還加上一道金粉，打卡一流。蝦餃皮夠薄，蝦肉略欠爽口。脆皮海皇蝦腸$32 😋😋😋/5熱騰騰腸粉皮包住新鮮炸起的蝦春卷，多重口感。黑金流沙飽$22 😋😋😋😋/5小編最愛流沙包，餡料夠多又流沙。北冰龍皇蝦春卷$32 😋😋😋/5又紅又綠的春卷皮，未食已經眼球被吸引了。小倉抹茶紅豆布甸$18 😋😋😋/5法式焦糖蛋$18 😋😋😋/5最令小編驚喜係飲茶都可以食西式甜品，岩哂好似我喜歡甜點的朋友。整體而言，食物質素尚可，點心創意可嘉，嘆住凍檸茶食點心都是第一次，的確是有趣的體驗。…查看更多

晚飯拉同事試吓這間茶餐廳，近期佢哋有點心放題，不過今晚我哋想食小菜多啲，裡面環境光猛乾淨，係佐敦來講已經好好，我哋兩個人望過餐牌，於是乎想試吓脆皮燒腩仔，椒鹽鮮魷再加碟菜 西芹炒蝦仁，例牌份量足夠，皮脆如果瘦返少少會更加好鮮魷大大碟外層炸粉好簿而且唔會咬落去成口油，鮮魷好爽口彈牙，味道唔錯最後就係西芹炒蝦仁，算係整晚比較失色的一道菜，先講蝦仁好多而且新鮮彈牙，唯獨是西芹唔靚仲要帶點點酸，整體上小菜同燒味都有一定嘅水準，下次再試試佢哋出名嘅點心🙏…查看更多

咁岩路過，出邊又熱咁就入去食啦⋯⋯入到去服務態度非常好即刻有位而且個個都好親民 仲送咗糕點😃講吓嘢食方面啦，嘢食喺呢啲平民區來講都算幾突出，每樣點心都拍得住真係酒樓嗰啲，分分鐘仲好食過酒樓！而且價錢方面非常合理仲偏平。平民得黎又高水準，嚴重推介大家！！！…查看更多

路過，入去試下，店內好多人，幾乎滿座。睇左餐牌，發覺食物種類選擇繁多。有燒味飯或粉麵，價錢合理。有茶餐，多士個類輕小食。又有點心套餐。價錢係相宜，甚至比出邊茶樓係平。仲有各類炒粉麵飯。我地兩人點左炆米同炆伊麵。都係$35。於是一齊分黎食，個份量係普通，剛剛好夠食。味道係不過不失，上枱係炒得夠熱。但................有一點，我有些介意..........個熱呵力既杯係無耳。所以職員係手指握住杯既邊緣擺係枱。當熱飲緩緩放係枱既時候，我內心係有點兒.......特別熱飲係直接口沿杯飲，真係飲到抹枱布既怪味。我唔係話要求幾乾淨，或者你會話出得街食，預左架喇，想要幾衛生啊？但我諗，呢個非常時期，可以的話，熱飲杯轉為有耳會較安心。不過職員服務係有禮、友善的，值得一讚。…查看更多

同朋友商量過吃什麼後就舉手落單。職員A過來，我們叫菜，但我們說到一半姖就一聲不響轉身走了，我哋O曬嘴囉？我哋落單一秒都無停過，都未講完，姖就無啦啦走去出菜，九唔搭八。之後職員B又過來幫我哋落單，我哋叫咗一半，姖又無啦啦走左去收錢，我哋又O多次嘴？？結果我哋落咗四次單先成功落完。我呢生人食過咁多次野，呢次落單真係令我大開眼界🙄。正常落單係客人講完之後職員仲會問你仲有冇其他需要先至會行開。魚香茄子炆伊麵，味道一般，一d都唔香。后面的金絲香芋酥，我覺得呢個幾好食。瑞士雞翼拼薯角，雞翼凍又唔入味，薯角正常。其實可以揀沙律但職員冇問就比左薯角我哋。燒賣，鳳爪味道都正常。甜品就真係完全唔掂。擂沙湯丸，我食咗一粒就投降。栗子焦糖蛋，冇栗子，我都只係食咗一半。我哋仲遇到飛碟嘅慘痛經歷，我朋友件衫就係噉遭殃😭😭......…查看更多