海東軒

早前見到優惠訂購平台有「大閘蟹無限時放題」優惠，網上啲相全部都係爆膏、靚靚啲蟹，評語又唔差，心諗：「算啦，就算一般都唔會太差啩？任食都無咩好輸啦！」 結果我真係中伏中到盡頭。一開始去到，服務員態度好熱情，主動介紹，仲話頭一輪會上齊所有大閘蟹俾我哋試味，之後想食邊款可以再叫，聽落好專業。點知所有嘢包括蟹同其他小食係半個鐘內就堆滿晒張枱，啲嘢熱辣辣未食已經變晒凍，根本唔可能慢慢嘆，心入面已經有啲唔舒服。不過我心諗：「算啦，最緊要都係食大閘蟹，其他食物點都係陪襯啫。」 點知真正嘅惡夢由拆蟹開始——每一隻打開都係黑色、霉樣、又乾又核突，真係嚇親！我即刻反映，職員都肯再換，但再叫都無太大分別，有啲唔黑但又唔熟透。最誇張係，有一轉我一口氣開咗五隻蟹，竟然全部都又腥又臭，臭到要直接掉晒！嗰下真係嬲到想即刻走人。成枱人望住啲蟹個個都無晒心機，食幾隻已經開始想放棄。我唔認輸，堅持叫多幾轉，心諗總有一隻正常啩？點知由六點坐到九點，拆咗五十隻蟹，竟然連一隻正常、味道OK嘅都搵唔到。啲蟹係咁無味，仲成隻都係異常顏色，真係感覺自己比人玩咗一餐。最灰係，唔止我哋一枱咁，望住隔離幾枱都係同一個情況，大家嘅表情一樣失望無奈。明明話任食無限時，結果全部人都提早走晒。我哋堅持到最尾，完全係死心不息，但最後都只係換嚟徹底失望。$2,000四個人，換嚟咁嘅經歷，真係嬲到講唔出聲，感覺自己畀人呃咗，錢損失事小，成個心情都比埋落去。以後真係唔會再信呢啲網上評價，呢次經歷真係徹底打沉晒對大閘蟹放題嘅期望。…查看更多

新開酒樓老人優惠----用樂遊卡全日長者茶錢都係 $1.00，好抵呀~~~11:30前下單為早茶價格，中午茶都唔貴，比起黃大仙中心個幾間真係平好多，而且等位又不用等太久。食物質素中規中矩，誠意推介: 點心拼盤(有燒賣、叉燒飩、粉果、菠菜餃、蝦餃)，每款各有2只。服務也可以接受，有人幫手加茶的。晚市都唔錯，2人套餐有3-4樣可以選擇，其中一樣唔知乜野斑，埋單$4XX，出面食都差唔多。有興趣的朋友可以去試吓。…查看更多

下晝兩點半坐低，三點半叫我埋定單，三點四十四分收枱，將我枱上食物、碗、筷子收晒，只留下茶壺同茶杯。女侍應收碗時完全冇問你要唔要繼續食，男部長知道情況還不停係收錢處吹水，是默許？難得跟兩老人家來飲茶，老人家開心點了很多食物，趕不及食就要走了。飲茶原意就是想傾下計，如果我不在只有老人家來，那他們就不會知道自己應有的權利吧！這酒樓我只來過幾次，但就轉了幾次名，支持留港消費的，市道已經唔好，體諒老闆經營狀況艱難，但員工心態不提高就好難捱落去了。…查看更多

住黃大仙，真係好多野食，今日（27/6/2025）又去試新野，早茶價錢便宜，聽街坊講抵食又好食。點了五個點心都唔錯蒸飯$13.8，都好大份，上枱時熱辣辣，排骨好夠味韭菜鮮蝦角，剛炸起，比較油蔥花炸兩腸，中間油炸鬼好脆，但有些硬蟹籽燒賣皇，好大粒，好足料，好食柚子蜜脆麻花，好大份，又多柚子蜜在底，要攞多碟，先放二件到另一隻碟，再弄散放在碟的一件，先嘗到更多的柚子蜜，味道清甜，但兩個人食，有點多。服務很好，店員好有禮貌早茶，茶錢，每人$8…查看更多

這裡的美食各有特色，服務態度很好，炒飯的味道恰到好處，甜品甜度適中，點心最有驚喜的是雪山叉燒包，點心最好的是招牌流沙包，甜品最好吃的是班蘭椰汁軟糕，這間茶樓的質素非常好，交通好方便，幾分鐘就可以行到地鐡站。大家值得一試！…查看更多

{🍽️ 香港搵食 🍽️｝ 海東軒今次食到去黃大仙區，由黃大仙地鐵站行去只需要幾既時間，非常方便。一話低就勁好service，睇到餐牌真係覺得好抵食呀！！大刀片皮鴨只係$198炸！！ 大大隻鴨由店只拎出黎係你面前片，片完上碟仲係熱辣辣架😍😍 海鮮就叫左游水東星斑同埋芝士龍蝦🦞 伊面，超新鮮！！ 望下門口有個大魚池，唔怪之得d海鮮甘新鮮啦！！ 仲有小菜$298孖寶套餐分別你蜜汁叉燒皇同埋薑蔥爆新鮮魚卜，魚卜用薑蔥爆到勁香，連少少腥味都冇！！！食小菜當然唔少得有湯啦，店員推薦螺頭燉湯，呢個湯超甜！！仲會計埋湯渣一齊上枱，真材實料！！臨尾食埋紅棗糕同埋斑斕椰汁糕 😍😍 蒸完出黎熱辣辣即刻食，甜度剛剛好，而且煙韌彈牙，正！！ 食完大滿足攬住個肚腩走😂😂😂 📍黃大仙睦鄰街8號現崇山商場2樓201號鋪…查看更多

第一次嚟呢頭，本身想行去第二間飲茶，但入錯海東軒，而且咁啱唔洗等位。叫咗蝦餃、燒賣、春卷、叉燒腸、瑤柱蛋白炒飯同魚肚湯，全部都啱食，好味！樓面侍應態度有禮，會推薦其他人嚟食 👍🏻…查看更多