海東軒

一班老同学好耐无见，改期又改期，卒之约得成出嚟食饭，不过，只喺约出嚟饮餐茶而已，虽然，唔喺好叫齐脚，但每山次聚会都难能可贵。今次拣咗少少冷门大角咀区嘅「海东轩」，纯粹因为有旧同学晌附近工作，觉得环境唔错，食物又几好，午市亦可以订枱。整体格局同一般酒楼分别唔大，够光猛，午市时段坐满客人。我哋一行其实得7人，都预咗坐大厅，但估唔到安排咗个细房俾我哋，令我哋可以静静局倾偈无骚扰。除咗指定嘅点心纸之外，介有一张午市自选优惠套餐，包小食、3客点心、小菜、炒粉面，定价$328，食得过，再加几笼点心就够晒。顺带一提，茶钱收$12位，另收加一服务费。金砖豆腐 $48呢个算喺餐前小食，喺旧同学推荐，佢话同啲同事嚟食晏都不时会嗌。粒粒丁方大细，一口一粒，粒粒炸到金黄，入口外脆内软，有豆香，沾点喼汁，平衡番啲热气感，好食到一粒接一粒。海东轩虾饺皇 $48套餐无得拣虾饺、烧卖，同学又想食，散点番两笼过吓口瘾。分享笼虾饺皇先，外型都几工整，折纹清晰，而饺皮烟韧唔黏牙，鲜虾馅满清，仲非常鲜甜弹牙。蟹籽烧卖皇 $39个人嚟讲，烧卖皇比虾饺皇差啲啲，一来你见面头啲蟹籽都喺放得好随意，虽然唔影响食味，但做得靓啲食起嚟都会不其然开心啲。幸而啲猪肉馅唔太肥，又几松化。蜜汁叉烧（午市套餐）虽然唔喺咩烧味专门店，但店家所做嘅叉烧又确喺唔错，一来口感柔软松化，二来有甜甜蜜香，又有少少㶶边位，8分瘦2分肥，啱我，唔肥得嚟有微微油脂香。香煎莲藕饼（午市套餐）垫块竹叶，观感都好啲，块块睇到厚薄均一，而煎得甘香平均，咬落外层香脆，里面莲藕味突出，唔喺话劲沟粉𠮶啲。酱皇蒸凤爪（午市套餐）排骨呀、凤爪呀又喺近乎必点嘅点心，不愧叫酱皇，个酱汁好香浓，所以，套餐嘅炒粉面就嗌咗炒饭，捞埋啲酱汁就更好食。而凤爪炆得透，软腍易食。香茜牛肉肠（午市套餐）食点心又点可以无肠粉呢？套餐只有斋肠同呢一款牛肉肠拣，当然要后者啦！有别一般常见几3条肠粉叠起，而喺切好分成6件，仲塞满晒牛肉，非常足料，而加咗芫荽，更添一份清香感。豉味凉瓜牛肉（午市套餐）小菜类估唔到大家会拣咗凉瓜牛肉，事实上，既大碟，又炒得几好，几惹味，好浓浓嘅豉汁，凉瓜苦得嚟带甘，而牛肉肉质软腍，炒得够镬气，真心唔错。咸鱼鸡粒炒饭（午市套餐）炒粉饭面就由小弟揸主意嘅，因为，都好耐无食过呢款碟头喇。饭粒炒得爽身，食到尾又无话一碟底都喺油，加上好多鸡粒，咸鱼蓉隐身喺饭粒中，食到阵阵咸鱼嘅咸香味，却唔会咬到咸鱼肉而出现过咸嘅状况。红豆沙（免费）酒楼为咗吸客，对附近大公司嘅上班族都有啲优惠，上文都讲过，同行有位旧同学晌附「狮子」银行做嘢，出示工作证就送糖水，益大家有碗既免费，又起晒沙嘅红豆沙食，味道仲几清甜添。老实讲，今餐午饭志在一班老同学一聚，友情无价，食都喺其次，不过，当然啲点心、小菜、炒饭都好食，大家就更加称心啦！但愿呢啲聚会枕住有，证明大家行得、食得、瞓得。…查看更多

用餐环境几新净，装修干净企理。目测大闸蟹大概3.5至4两，虽然唔算好大只，但胜在够新鲜。全晚冇漏单，服务仲出奇地好，侍应不停换碟，仲提醒我哋要趁热食，整体用餐体验非常正 👍。大闸蟹任食有三款口味：清蒸、花雕蒸同油盐焗，各有特色，不过花雕味唔算好突出。每次每人可以叫三只，上蟹速度够快，基本上可以无间断咁食。公乸随机分配，当晚主要系蟹公，只只都爆膏！食咗十几只只得一只唔新鲜。🦆 片皮鸭：鸭皮唔够脆 味道普通🍲 其他配菜（每位1份）：最钟意黄炆佛跳墙 超鲜甜！鲍鱼亦炆得入味，爽弹唔韧。其他菜式就普通啦。🍶 问过当晚免开瓶费，自己带咗支花雕去，但原来现场有太雕卖（$88/支），早知就唔使特登带啦。…查看更多

今日同朋友试左大闸任食，首先无限时已经要赞，我拆蟹慢，无限时可以慢慢食第二赞系服务，收碟超快，基本上食完一只蟹就有人黎换碟，楼面好有礼貌跟住任食片皮鸭不停出，见姨姨不停片，鸭热好食大闸蟹小笼包最好食，一咬全部汤汁重点大闸蟹，上枱快，最满意系每次都热辣辣，食过好多间酒楼任食，好几间D蟹黎到系冻架！今餐全部蟹公多膏，唯一要弹架系3种味其实差唔多，分唔到边款系清蒸，边款系花雕/盐焗总结系：我暂时食过任食最满意的一间，连加一$500哩1位，绝对会再帮衬…查看更多

本身就唔系你呢间酒楼食晚饭，但系出咗啲意外另一间新开嘅餐馆停电，所以就揾上呢一间酒楼食饭。其实之前同屋企人饮下午茶，同老板食中午饭都觉得佢唔错，就系未试过去夜晚啲𩠌菜如何？可能近商业区，夜晚人流唔算多成个场都系得唔够十枱客，反而坐得舒舒服服食得清静。叫咗个三宝，另外加咗小炒皇同埋乳猪。最钟意叉烧厚切，咬落去有口感唔算肥肉质都几好，起码唔会硬柴柴。另外个蚝烙，唔似潮州档𠮶啲炸到过晒火又超热气嘅感觉，有少少湿润食落去又唔会有腥味。条鱼刚刚好，呢啲唔系太大条嘅鱼喺出边酒楼整好容易过火，但系呢度就冇咁嘅情况。另外个乳猪真系BB猪最有肉都系近颈𠮶几旧肉，跟住𠮶啲就比较奀猪少少，但系个味系几唔错，啲肉都好嫩。另外个小炒王都几有心，起码爆香返啲腰果食落去系脆嘅，里里除咗虾干之外，仲有干贝相当鲜味。食完饭仲有绿豆沙，我老窦最爱！唔太甜，草青味都几重。呢间酒楼夜晚都几有水准，希望佢做得住啦。食饭唔想同人迫，真系可以考虑嚟呢度。…查看更多

海东轩 新九龙广场今早睡醒时已是十时多 ，我们去新九龙广场 1楼海东轩酒楼饮茶； 去到酒楼 ，已经坐满了茶客， 由此可知，海东轩什受附近居民欢迎。我们叫了普洱茶，自己带了菊花； 因为在香港酒楼 ，饮菊普茶另外要加钱， 不值得。首先，我们点了一份香茜牛肉肠，香气四溢的牛肉肠外脆内嫩，搭配香茜的清香，让人垂涎欲滴。接著，我们又品尝了蚝豉排骨粥，粥底绵滑，搭配新鲜的蚝豉和嫩排骨，汤汁鲜美，十分暖心。最后，我们不能错过蜜汁叉烧酥，香酥的外皮包裹著甜美的叉烧，咬上一口，令人心满意足。这样的早茶，让我们在忙碌的生活中，感受到一丝悠闲与幸福。至于 酒楼服务 ，知客和侍应的服务 可以接受 。但想提一提哪位女收银， 服务态度有待改善， 客人已经自己走埋去付钱 ，女收银 收完钱后，目无表情 ，多谢都冇一声，如能改善 ，客人一定会更加开心。…查看更多