海東軒

用餐環境幾新淨，裝修乾淨企理。目測大閘蟹大概3.5至4兩，雖然唔算好大隻，但勝在夠新鮮。全晚冇漏單，服務仲出奇地好，侍應不停換碟，仲提醒我哋要趁熱食，整體用餐體驗非常正 👍。

3

大閘蟹任食有三款口味：清蒸、花雕蒸同油鹽焗，各有特色，不過花雕味唔算好突出。每次每人可以叫三隻，上蟹速度夠快，基本上可以無間斷咁食。公乸隨機分配，當晚主要係蟹公，隻隻都爆膏！食咗十幾隻只得一隻唔新鮮。

🦆 片皮鴨：鴨皮唔夠脆 味道普通

🍲 其他配菜（每位1份）：
最鍾意黃炆佛跳牆 超鮮甜！鮑魚亦炆得入味，爽彈唔韌。其他菜式就普通啦。

🍶 問過當晚免開瓶費，自己帶咗支花雕去，但原來現場有太雕賣（$88/支），早知就唔使特登帶啦。