海底撈火鍋 (海之戀商場)

成日返大陸食海底撈，今日第一次响香港食。試吓港版服務有幾貼心。😁星期日中午12點前基本上都係唔駛排隊，而家經 open rice 訂位，下午5點前結賬仲有8折。抵喎！一入座就有萍果+零食禮物包（有瓜子，飯焦，薄脆），好開心呀！自助醬料區，好乾淨企理，有粥有湯水，雖然冇我鍾意食嘅冰粉，但都OK 啦。涼拌菜只有海帶、蘿蔔、雞脾菇，冇涼拌魚皮有少少失望。湯底揀咗招牌蕃茄鍋，麻辣鍋，花膠雞鍋，清水鍋。蕃茄鍋同深圳一樣，服務員會幫客人調一碗牛肉蕃茄湯俾你，老實講，我好鍾意飲，酸酸甜甜，每次都飲3碗。花膠雞鍋就麻麻地，偏鹹，雞肉（1/4隻雞）另上，雞肉新鮮，唔錯。麻辣鍋中麻少辣，打邊爐剛好。基本上全部食材都落晒去麻辣鍋入面。😁火鍋料叫咗毛肚，牛栢葉，牛肉，豬肉，豆皮，食材新鮮，好嘛。金桔檸檬水$15 無限添飲，服務員不停加冰，添飲服務我覺得啱啱好，有需要時會主動幫忙，但又唔會打擾到客人傾計。仲會主動介紹優惠，折扣，贈送小禮物。今日食得好開心，下次仲會再嚟。…查看更多

最近去海底撈用餐，服務態度真係無得輸👍😉員工不停微笑，主動幫我加水，仲會細心介紹菜式，感覺好親切💗🤍。最開心係佢哋送咗小禮物，包裝得精美😍，令我覺得受到重視，心情好好！食物方面，火鍋新鮮又多樣，特別係肉類，質量一流，湯底味道濃郁，配料也十分新鮮，令人食得津津有味😋🤩。整體來講，無論係服務定係食物，都令我好滿意，真係值得推薦！下次一定再來！…查看更多

失望至極的一次體驗1. **環境吵鬧到崩潰：** 整個餐廳吵雜程度堪比街市！最離譜的是，我們座位附近至少有**十幾個小朋友**在瘋狂尖叫、奔跑追逐，音量之大讓人完全無法交談，帶住降噪耳機都冇作用，甚至感到頭痛煩躁。這絕對不是正常的用餐環境應有的噪音水平。2. **店員服務嚴重失職：** 最讓人無法接受的是**店員的處理態度（或說根本沒有處理）**！我們多次向經過的店員反映小孩過度喧嘩的問題，希望他們能稍微勸喻家長或管理一下秩序。然而，店員只是點點頭，嘴上說「好的好的」，**轉身就沒有任何實際行動**！小朋友的喧嘩奔跑完全沒有改善。3. **消極應對，拒絕協助：結賬我們向門口黑衫同事反映情況，他只是點頭回應，沒有其他表示，連基本話會改善都沒有，連表面功夫都不做，留左意見書，他表示會回復也沒有回復，這應該是全港最差的海底撈…查看更多

昨天預訂了一家中餐廳，享受著日落美景，同時品嚐打邊爐；而爭取到這特別位置的訂位確實不容易，早早已透過Openrice預訂的。湯底選擇了我們喜愛的蕃茄湯和菌菇湯，口味出色。餐廳的火鍋設計有四格，另外兩格可自行從調味Bar選擇口味，這複雜的任務由我的千金擔任，味道出奇地不錯。菜式多樣，如脆肉鯇魚、墨魚仔、菌菇蛋炒飯等，只可惜缺乏特色蔬菜。然而，黃金脆奶卷口感稍遜。最後品嚐了椰椰柚子冰淇淋，椰子風味吸引，配上少許芒果肉和西瓜，甜美怡人，為這次聚餐畫上完美句號。P.S. 海底撈各分店的服務態度均一樣，確實超級服務周到，大家都感十分滿意！…查看更多

透過網上Openrice訂9點後有8折優惠。由於只係同老婆2個人食 (而老婆又要湊住BB)，所以並無叫好多食材。整體食物質素係滿意，而且有“半份”的選擇對小家庭顧客亦十分體貼，可以叫多幾樣都唔怕食唔晒浪費。除食物品質，亦必須讚揚整體員工的優質服務。香港大把地方食火鍋，但以海底撈的食物質素及服務標準，以價錢來講確實係收得合理及值得。食火鍋來講牛肉固然重要，今次叫咗2款牛肉，滑牛肉相對較有肉味而且口感亦唔錯。…查看更多

嗌咗個午市套餐椰子雞等咗半個鐘先上到嚟見到啲師傅喺度食緊原來係冇人做嘢冇時間招呼啲客不如閂門啦走過嚟幾個服務員冇嘢做，就拎住人哋個iPad係咁睇唔知睇乜，呢間以後都唔會再嚟嘢都未食係咁我問人哋使唔使上主食…查看更多

返深圳成日排隊嘅海底撈～喺香港竟然唔使排隊仲可以Walk in免費美甲！上次我喺荃灣海之戀等老公收工～最好坐嘅地方就係海底撈啦！又可以等埋個美甲一齊做埋！我見佢哋嘅lunch set都好抵$150已經可以一人打邊爐，入到去座位第一時間排隊美甲。先揀咗湯底，我揀咗四公格三個清湯一個蕃茄湯底係化算嘅湯底攻略😋因為lunch套餐係唔包湯底嘅價錢嘅！帶埋小朋友仲有好多玩具送俾小朋友添，亦有BB凳、兒童圍巾等等提供～定時定候會比驚喜你！零食、酸梅湯無限提供😆食到差唔多時間差唔多做埋美甲，我上次等咗大約一個鐘多啲都算叫做快😆大家不妨平日嚟試吓啦～…查看更多

男服务员太多次来我们枱骚扰，又多次按安裝在低位(近腳位置）的大火小火制制，感到尴尬，永遠唔會再惠顾！昨晚约九点,与女朋友人去惠顾，一开始，男服务员已经隻手擺來擺去，似因為我外表問題，借意在我們面前走來走去，一個小碗又收，很快一个小蝶有走来收，几分钟来一次，又在枱底近腳的位置多次按大火小大制，感到好煩，而服务员自己没有发觉有问题！…查看更多

🐑羊肉套餐$98🐖豬肉套餐$108每一個套餐都可以揀一個九宮格嘅火鍋配菜，一個公仔麵或者飯或者寬面（如果揀呢個仲最出名嘅面條表演）仲可以揀多一杯嘢飲 如果加多15分鐘可以加多一款小食但係午市呢一個套餐就唔包湯底同埋醬料費（$18）就要自己額外加我就揀咗一個蕃茄湯同三個清水其他三個清水就自己溝湯底又好玩又平啲肉都幾新鮮，略嫌羊肉有少少蘇媚但係九個配料都好多份量，基本上加埋個面就一定好飽同埋估唔到食午市套餐我仲有得可以整指甲💅真係幾抵食😋…查看更多

今日同一個小妹妹慶祝生日，揀咗有人唱生日歌嘅海底撈。今日係星期日，一早book咗位等嘅時候我哋排咗做美甲同護手，未有位就排到我做美甲喇，做緊嗰陣就已經可以入座。真係第一次喺香港食，整體感覺唔錯，仲送咗玩具比小朋友，最後職員拎咗我哋預備嘅蛋糕加埋道具唱生日歌，最緊要壽星妹開心。牛肉唔錯。田雞就普通，食得出唔係新鮮劏。點咗個長壽麵比生日妹妹，職員即場拉。咩都點啲。有三位小朋友送咗三個奶黃包，應該係bb食，完全食唔出甜味。美甲三日就甩。…查看更多

今日口痕想食打邊爐，帶住個仔唔使諗，都係海底撈。係得海底撈可以令小朋友坐定定。揀左去海之戀因為附近就有荃灣體育館，之後可以比仔仔放電。每次由外國翻香港都一定會想去海底撈，真係咁多年都keep到個水準。叫左個午市套餐，包一份主食(我揀左撈麵)，蔬菜盤(都算多，午餐肉都比半罐你，蟹柳有六條！)，不過唔包湯底，但都係$35/quarter埋單$237，我自己有gel甲、隊左兩碗銀耳羹、兩個橙、一條大青瓜、一堆蕃茄仔、兩碟海帶、有員工Fing拉麵(我其實叫佢就咁上)、有玩具(仲要次次都好精美)、有蒸水蛋、有奶皇包、有牛小排好有牛味！仲有餐肉蟹柳食唔晒拎走員工又friendly，自動波比瓜子、雪米糍、玩具。性價比無得頂。所以成日都間唔時就想去下！…查看更多

服务态度咁差，举手多次没人理都在做自己的事举手多次 举到看别人台的服务员才过来帮忙无语上菜慢 小菜加的慢 都不知搞乜嘢 本就是图方便气氛来海底捞食饭 氛围搞的咁差劲 好不抵 既然这样都去内地食饭好啦:(:(好不满意令人失望 一些员工当着客人的面大喊大叫多影响客人食饭 食饭好不舒服好不满意 都不知怎麽培训d？忙着同其他客人吹水 不注意自己的本职工作，搞d唔系想呢边食饭口音说的不标准我同朋友听不清将乜嘢鬼。讲不清楚可以讲普通话啦，好不满意的一次海底捞食饭。之前在内地食饭都好开心近期不会去海底捞食饭…查看更多

海底撈火鍋 (海之戀商場) (荃灣)荃灣大河道100號海之戀商場地下G07-G08號舖嚟到海底撈，梗係叫鴛鴦鍋㗎，我就叫咗香濃蕃茄同大骨菇湯底😝，其餘兩個就係清水，雖然話就話係清水，但係佢都會放啲紅棗同杞子喺入面㗎！蕃茄向來係我嘅最愛喺未放食材之前店員會細心咁問你需唔需要飲碗蕃茄湯，仲可以加啲牛肉粒同埋蔥等嘅材料然後一碗熱辣辣香濃嘅蕃茄湯就呈現係你眼前啦😍次次嚟到海底撈梗有人生日嘅，真係總有一台係你附近，🎵傻嗨嗨…職員嘅服務態度依然咁好，女仔仲可以排埋美甲服務添💅🏻自從比朋友洗腦打邊爐要食鵪鶉蛋之後次次嚟到海底撈都要嗌🤣一啖一粒超級爽。鴨血口感好特別，我一個人食晒成碟🤣唔識得形容嗰種口感值得讚賞嘅，就係蝦滑，每一啖都充滿住蝦，淡淡都係蝦嘅鮮味🦐另外醬爆芝士牛丸亦都係我好推介嘅食物之一，咬開啲芝士汁好似洪水咁湧出嚟🧀，另外到咗我最鍾意食嘅沙巴魚🐠，啲魚好腍，仲要冇骨超級正😍，次次必定叫㗎，最後都肥牛，味道都好重牛味肥肉同牛分布平均😍總括嚟講海底撈係我每次同朋友出街食打邊爐嘅必選之一😘#美食 #香港美食 #美食介紹 #美食博主 #飲食 #飲食推介 #香港 #內地 #澳門#foodporn#foodpics#foodiegram#snapshot#discoverhongkong#delicious#yummy#instafood#foodphotography#eat#eating#香港美食#香港#美食#吃貨人生 #吃貨 #吃貨日常 #吃 #吃吃吃 #吃到飽 #美食推薦…查看更多

雖然在香港食過好多次海底撈 但還是很想念內地的 就是感覺香港的食材好像差點什麼🤔而且價錢也好像貴了一點最近愛上了 撈派巴沙魚片 特別滑嫩鮮味 絕對推薦寬粉愛好者的我 真的特別喜歡海底撈的 有多種選擇 有幼的、粗的 還有個土豆薯粉 全部都好吃😋 感覺特別幸福🥰試了酸菜湯底 只有一個字形容：鹹沒其他詞語可以形容了蕃茄湯底這個隱藏食法 真係不得了！一試便愛上 肉碎+香菜+芹菜粒+蕃茄湯底 絕了！現在每次去都一定要食這個👍🏻🥹入到去食唔夠10分鐘 生日歌就響起了真係差不多枱枱都有 勁洗腦😂…查看更多

平日晚刻同同事約佐放工之後去荃灣呢間海底撈食飯。提前book佐位，過到去就可以入去。唔駛等呢一點幾好👍點佐幾多款嘢食，為佐試多幾款嘢，我地都係點半份半份咁。點佐首《分手快樂》俾「失戀」同事，佢地竟然淨係推個音箱🔊過來之後就走人。服務方面，覺得佢地唔夠人手，唔多主動照顧客人。舉手加湯都要等➕提多次。今次體驗比較一般。調味料收人頭18蚊，飲料收人頭15蚊。收佐➕1之後，我地最尾三個人盛為1115。…查看更多