海山板神

男友人NT約老公25-10-2025（Sat）朝睇“迷宮裡的魔術師”兼食飯慶生，咁我俾啲選擇佢啦，我話呢間芝士浸漢堡。佢話咁試新嘢，睇完戲啱啱係lunch time時間，再問NT係咪唔改食第二間？佢答係，食呢間。我哋嚟到唔多人，坐咗中間嘅卡位，睇完menu，NT都唔叫芝士浸漢堡同燒肉lu，佢叫個$98.00嘅鐵板牛脷拼澳洲牛肉餐少飯，飲熱咖啡。老公要$65.00嘅泡菜石鍋飯餐少飯餐，加$8.00要凍檸樂。我就要$78.00嘅鐵板牛肉雞扒飯餐，同$24.00嘅忌廉椰子紅豆冰。冇耐所有嘢都到齊，全部都有海帶湯同泡菜。先食泡菜，係正常酸辣同爽口，不過我都係唔食喇。我嗰份嘅牛肉係全瘦，亦唔算好多，不過都鬆軟；已切開嘅雞扒好厚，食落仍juicy唔嚡；飯有飯焦嘅；而調味就係黑椒，重落咗燒汁，覺得鹹同辣咗啲，不過我仍加蒜味燒汁食。3.5分海帶湯鹹淡適中冇問題。3分忌廉椰子紅豆冰呢？椰汁味夠，紅豆夠腍，成杯都唔算太甜。5分而佢哋嘅我冇試到亦冇問佢哋覺得點。其他：今次嚟到，見到每張枱上已放有一壺水同杯，唔使客人自己出去斟。而紙本menu同掃QR code後唔同，QR code嘅選擇多啲。上次食評係2025年7月21日提交嘅呢篇：https://www.openrice.com/zh/hongkong/review/%E6%99%82%E9%96%93%E5%95%B1%E5%95%B1%E5%A5%BD-e6132129）…查看更多

約左朋友食飯，揀左近期好多人讚嘅海山板神，併音名加上勁國内feel嘅餐牌，唔知係咪過江龍呢😆坐低掃code落單，唔知點解換左三張code都話唔work，換到第四張ok啦😆店員態度良好，換咁多次都唔會黑你面。⭐芝士瀑布咖哩牛肉飯朋友先點左份咖哩飯，要左極量牛肉😋真係好多牛肉片呀，旋風蛋再加上芝士汁同咖哩汁，勁多汁撈飯正呀。⭐鐵板芝士牛肉漢堡包配薯條自己點左漢堡包，超超超多芝士汁！！漢堡扒香口多肉汁，麵包鬆軟，好食呀。⭐特選漢堡扒牛肉飯朋友話唔飽再加單，今次要左漢堡扒牛肉飯，呢份感覺似pepper午餐個種食法，呢份無汁食落較乾身，朋友話應該兩份餐一齊叫中和下，一份勁多汁一份無，哈哈哈哈🤣⭐牛肉米紙卷最後仲叫左米紙卷因為想食下菜，全個餐牌唯一一樣有菜嘅食物😋生菜、紅蘿蔔、青瓜絲再包入牛扒條，清爽香口，點埋個酸酸鹹鹹嘅醬汁勁好食。⭐凍檸七 & ⭐熱檸茶估唔到杯凍檸七有擺盤喎😆幾靚仔。熱檸茶要左走甜，店員係放低包糖其間勁猶疑，最後佢都有比糖🤣食左咁多野都係三百蚊多啲，幾抵食吖。…查看更多

### 美國牛板肩壽喜燒鍋美國牛板肩壽喜燒鍋是一道令人驚艷的火煱，美國牛肉的獨特風味與壽喜燒的甜美醬汁完美結合。牛板肩肉質柔嫩，油花分布均勻，經過輕輕一煮，肉質瞬間變得鮮嫩多汁，入口即化。當我將一片牛肉放入鍋中，看到它在熱湯中微微變色，心中不禁期待。搭配壽喜燒特製的醬汁，這種醬汁由醬油、糖和米酒調製而成，甜中帶鹹，讓牛肉的鮮味更加突出。鍋中還可以加入新鮮的蔬菜、豆腐。這些配料吸收了醬汁的精華，讓整個鍋的味道更加豐富。每一口都充滿了層次感，讓人不禁想要再來一個篤冬，將醬汁淋上，### 日本宮崎縣和牛壽喜燒鍋相比之下，日本宮崎縣的和牛壽喜燒鍋則是一種奢華的享受。宮崎和牛以其極致的油花和細膩的肉質聞名，當它在鍋中輕輕煮熟時，肉的香氣彌漫開來，令人陶醉。每一片和牛都如同藝術品般，肉質滑嫩，入口即化，伴隨著壽喜燒醬汁的甜美，讓人感受到一種無與倫比的奢華。搭配新鮮的蔬菜和豆腐，整體的味道更加圓潤，讓人每一口都充滿幸福感。這道料理不僅是味覺的享受，更是一種視覺的盛宴，讓人感受到日本料理的精緻與用心。### 日式關東煮日式關東煮則是一種溫暖的家庭料理，將各種食材如魚丸、豆腐、蔬菜和雞蛋放入清湯中慢慢煮熟。湯底清淡卻充滿了食材的鮮味，讓人感受到一種家的溫暖。每一口都能品嚐到食材的原汁原味，特別是在寒冷的天氣裡，這道料理更是讓人倍感舒適。關東煮的魅力在於它的多樣性，都能帶來不同的風味，讓人每次品嚐都有新鮮感。這道料理不僅是味覺的享受，更是情感的寄託，讓人感受到家的溫暖與幸福。海山板神 (荃灣)荃灣楊屋道18號荃新天地2一門町市場地下J1-J3號舖…查看更多

位於荃灣荃新天地二期的一門町市場向來都是平民美食集中地，最近新開了主打日韓料理的海山板神，餐廳環境開揚，QR code下單就有專人送餐。餐牌除了主打招牌鐵板飯、還有壽喜燒鍋、韓式石鍋、瀑布芝士咖喱飯及輕食等，鐵板飯低至$56起，不收加一服務費，價錢大眾化，上菜時鐵板夠熱，滋滋咋咋，香氣四溢，從頭吃到底都可保持熱燙溫度。韓式芝士牛肉漢堡包（配薯條）$63把漢堡包對半切開，放進高溫鐵板內的滿滿芝士醬內，組合在一起形成最罪惡的快感，包身鬆軟有彈性，漢堡扒口感扎實，剩下的芝士還可以用來蘸薯條。黑椒蒜香牛肉飯 $69 熱辣辣鐵板牛肉飯，混合黑椒香蒜尤其惹味，底下還有香口飯焦，可免費選擇加飯，份量驚人，在飯中央加入牛油，方便在鐵板上拌勻白飯及食材後，令食材味道更香濃，也可以防止黏底。瀑布芝士咖喱雞扒飯 $73鐵板的熱力使醬汁沸騰，直冒泡泡，香味也隨之飄揚，無骨雞扒嫩滑多汁，將滑蛋捲成旋風狀，仍有蛋汁掛在蛋皮之上，份外滑溜，飯粒吸飽日式咖喱醬汁。鐵板炒烏冬 $69集合鹹香、微甜、帶點焦香的經典日式風味，麵量十足夠飽肚，每一條烏冬均勻沾上味道濃郁的和風醬汁，口感順滑Q彈。韓式芝士炸雞桶 $79無骨炸雞大件厚肉，外酥內嫩，炸得乾身不油膩，還可點上濃稠的拉絲芝士，香氣加倍且滲出奶香。關東煮拼盆 $39一客拼盤集齊日式魚餅、褔袋、四方魚腐、雞蛋、魔芋、魚板串、海帶結和蘿蔔。每客鐵板飯另加 $6就可選配飲品。…查看更多

之前在英皇看完電影，順道在這商場逛逛，已看到過這一家店，其壽喜燒定價很相宜，今次就約朋友專程到此吃一頓壽喜燒鍋晚飯。開放式鋪面，一眼就看到整間餐廳佈局，環境闊落，樓底亦算高，一室藍灰相襯，加上少少山海裝飾，感覺幾寫意。大大張餐牌底面兩面，已包了多款輕食、招牌鐵板飯、瀑布芝士咖喱飯、韓式石鍋、壽喜燒鍋、飲哈，定價大眾化，採用掃碼下單，小程式裡面還有好些加配選項，最喜歡是沒有加一服務費。本來就只一心打算吃吃壽喜燒，但看見好些關東煮，又想試試看。選了一份「關東煮組合B」（$25），包含牛丸、海帶結、黑木茨糕、魚腐，每款食物都有兩件，海帶結更有多件，味道不錯，很有日本風味，正正作我們的餐前小食。剛好我們對牛舌都情有獨鍾，就額外點了一份「牛舌」（$45），燒得外層焦脆甘香，塗上醬汁，撒上黑椒，惹味好吃，口感煙韌有嚼勁，做得十分出色。食火鍋、壽喜燒又怎可以沒有汽水助興，要了「Meko檸檬茶、七喜」（+$6），選少冰，大大杯的只是六元，算得上很划算。壽喜燒鍋共6款選擇，由$108-$188，豐儉由人，我們選了「美國牛肉+日本黑毛豚肉壽喜燒鍋餐」（$138）及「美國牛板肩壽喜燒鍋餐」（$148），每一款鍋餐都包了蘭王蛋、泡菜、帶子裙邊、烏冬（或白飯）及蔬菜籃，非常豐富，而且，3款肉色澤亮麗，都非常高質量。先以牛油起鍋，可以先直接把肉放在鍋內燒香而吃，吃來更香口美味。繼而再放壽喜燒甜醬汁湯來涮肉，另一壺是清湯，用作加湯之用。美國牛板肩果然好吃，軟腍具肉香，美國牛肉亦不失禮，嫩滑而油香十足，日本黑毛豚肉看似肥，入口卻出奇不膩，此外，蔬菜籃亦包含了多款蔬菜，吃得出用料新鮮。蘭王蛋可以生吃，把灼的肉蘸上蘭王蛋吃，口感更滑溜，不過，我不敢吃太生的，所以，灼為半生熟來拌烏冬。至於泡菜及帶子裙邊既來作為冷盤吃吃，也可以到最後，加上蘭王蛋，成為一碗雜錦烏冬或雜錦湯飯來吃，風味絕佳。真估不到百多元的壽喜燒如此高質，份量也很足夠，招呼亦十分好，想吃得便宜點，又可以選鐵板飯、咖喱飯、韓式石鍋飯。怪不得只是平日晚上，都有七、八乘滿，就算9:00pm後都仍有幾枱新客。…查看更多

突然好想食壽喜燒，又唔想出尖沙咀嗰啲咁遠，諗住近近地試吓依間啦，入到去一個客都冇😅心諗會唔會伏……點知好好食！ 服務態度又好，份量有啲多得制，去到最多兩件牛夾埋食🤣張枱又大，坐得舒服嘅。整體嚟講都係👍 就係唔明點解會冇人…查看更多

海山阪神有好多唔同款式食品，包捨有壽喜燒、石鍋飯仲有芝士面～今次點左壽喜燒鍋仲有石鍋飯，份量好足，食完好滿足！日本宮崎縣和牛壽喜燒鍋烏冬（$228），和牛油花分布均勻，輕輕涮煮後入口即化，壽喜燒湯底甜鹹度平衡，不會過膩。烏冬選用粗身款式，吸附湯汁後依然保持彈牙口感。隨鍋附贈的蔬菜拼盤新鮮清甜，與和牛搭配得宜。泡菜雞肉石鍋飯（$79）上桌時熱氣騰騰，石鍋形成的飯焦香脆可口。泡菜辣度適中，雞肉嫩滑入味，將溫泉蛋拌勻後更添滑順口感。值得一提係店員會教埋我地有咩特別方法去煮個壽喜燒，好貼心～…查看更多

荃灣新天地新開嘅《海山阪神》真係驚喜滿滿！趁住新店熱辣辣去打卡，點咗A5和牛壽喜燒同雞肉壽喜燒雙拼，簡直係食肉獸福音～A5和牛真係肉眼可見嘅高質！大大塊足足有五六塊，雪花紋理靚到似藝術品，脂肪分布均勻。放係甜甜嘅壽喜燒汁度輕涮十秒就熟，裹上日本蘭王蛋液，入口即溶，脂香同醬汁鮮甜完美融合，絲毫唔油膩。雞肉壽喜燒都好出色！雞肉厚切彈牙，吸飽咗濃郁嘅壽喜燒汁，咬落juicy多汁，鮮味十足。配菜仲有豆腐、香菇、茼蒿，吸盡湯汁精華，解膩又爽口。店鋪位於荃新天地2期門町市場，環境乾淨企理，新店人氣旺但服務好快手。圍住熱氣騰騰嘅鍋邊邊煮邊食，暖笠笠超適合依家嘅天氣。呢個性價比真係冇得彈，下次要試埋佢哋嘅燒牛兩食，鍾意壽喜燒嘅朋友快啲沖～…查看更多

出街我最鍾意就係荃灣，要嘅嘢全部齊晒，當然唔少得食！荃新天地一門町勁多嘢食呢間餐廳有刺身、壽喜燒同鐵板飯等等，勁多嘢食。日本宮崎縣和牛牛板肩壽喜燒鍋啲牛勁靚油花多😊由於係靚牛，所以記得要掌握好火候唔好煮得太熟。最好就係小小粉紅色，入口最嫩，同時有陣陣牛脂香。壽喜燒汁係精粹，因為我想食濃味少少，所以職員幫我落咗少少糖。雜菜有金菇、娃娃菜、蘿蔔等等。定食仲有溫泉蛋，配埋烏冬真係一流😊澳洲和牛壽喜呢個價錢抵食，啲牛肉肉味比較重，咬落去好香牛味易入口。由於牛肉味道好出，好快就有牛肉香。食咗幾片壽喜燒之後，可以加少少清湯落去做火鍋。前菜都正㗎，有帶子裙邊、泡菜，帶子裙邊好好食😋店員好有禮貌…查看更多

今日就同朋友去左海山板神餐廳環境開揚，除左鐵板飯外，仲有多款鍋物選擇一人海鮮套餐每份套餐都配搭泡菜同帶子裙邊2款小菜，仲有蔬菜拼盤，有齊新鮮蔬菜同豆腐; 海鮮包括帶子，海蝦，鮑魚，蟶子，沙白，整體新鮮鮮甜，配搭豐富，鮑魚肉質彈牙壽氣燒鍋共有6款選擇 我就揀左黑毛豚拼澳洲和牛壽喜燒鍋(配烏冬)和牛脂肪分布平均，牛味香濃，慢慢索滿甜甜地既壽喜燒湯底，再沾上蛋汁，入口鮮嫩多汁，更加香滑; 豚肉肥瘦適中，肉質滑嫩…查看更多

📍 海山板神 (荃灣)荃灣楊屋道18號荃新天地2一門町市場地下J1-J3號舖今次去咗海山板神，真係俾我感受到超級好嘅服務！店員對客人非常有耐心，特別係見到有小朋友同行，都主動關心佢哋需要，仲送咗小禮物，真係好貼心！✨澳洲和牛壽喜燒鍋💰178呢個鍋真係唔錯，肉質非常嫩滑，味道濃郁，搭配嘅配料好豐富，有蘭王蛋、新鮮蔬菜、芋絲、豆腐、冬菇同埋蘿蔔，每一口都好滿足！前菜仲有泡菜同帶子裙邊，開胃又美味。跟餐選擇: 🫶🏼烏冬彈牙，湯底清甜，配合壽喜燒鍋嘅味道，簡直係絕配！🫶🏼蘭王蛋紫菜飯💰20呢個飯好特別，紫菜同蘭王蛋嘅搭配，味道香濃，米飯煮得剛好，食落口感好舒服。🫶🏼凍檸樂💰8同凍檸檬水💰3飲品方面，凍檸樂清新可口，凍檸檬水都夠酸夠爽，非常適合配搭重口味嘅食物。回頭: yesss，總結嚟講，海山板神唔單止食物質素高，服務態度亦一流，真係值得再來！…查看更多

最近去咗荃灣海山板神食晚飯，餐廳環境舒服，食物水準高，價錢合理，啱晒同朋友聚餐😉🥩 黑椒蒜香牛肉飯牛肉啱啱好，唔會太乾，仲有少少肉汁滲入飯粒，夠晒惹味！黑椒唔會太辣，啱晒鍾意香口嘅人。飯粒分明，唔會黐埋一舊。🍲 日本宮崎縣和牛壽喜燒鍋配烏冬和牛油花靚到不得了，落鍋一煮就香氣四溢，入口即溶，肉味濃郁！壽喜燒湯底甜甜地，配埋烏冬一齊食，滑溜又吸晒湯汁！ Set入面仲有蔬菜拼盤、泡菜、蘭王蛋，蔬菜新鮮爽口，泡菜酸辣開胃！🥚 蘭王蛋 $10/隻蛋黃超濃郁，撈飯、撈烏冬都一流🥤 飲品我哋叫咗凍檸茶同可樂，凍檸茶茶味夠濃，檸檬切得厚，唔會太澀；可樂就係標準爽口，配壽喜燒啱晒！…查看更多

一人鍋海鮮套餐的選擇可謂是十分豐富與美味。套餐中包括鮮蝦、鮑魚、沙白和聖子，這些食材各具特色，為這道鍋品增添了海洋的鮮味。鮮蝦肉質彈牙，鮮甜可口，是海鮮中不可或缺的明星；而鮑魚則肉質韌勁十足，帶來獨特的鮮香，讓人一口接著一口。而沙白的肉質滑嫩，滋味鮮美，搭配聖子的細膩口感，真是讓人回味無窮。這些海鮮在鍋中與清湯交融，瞬間釋放了海洋的精華，至於美國牛板肩套，則是肉食愛好者的理想選擇。牛板肩肉柔軟多汁，特別適合用來做鍋物，入味後更加美味。搭配新鮮的什菜藍，讓整道鍋品的營養價值大增，還能中和肉類的油膩感，讓人吃得更為安心、舒適。什菜的鮮脆口感和多樣的色彩，讓整個鍋物看起來極具食慾。海山板神 (荃灣)荃灣楊屋道18號荃新天地2一門町市場地下J1-J3號舖…查看更多

今日同朋友試咗呢間餐廳嘅午市套餐，選擇都幾豐富，有鐵板、燒肉同壽喜燒等等。最後我哋揀咗澳洲和牛壽喜燒，整體體驗唔錯！套餐內容：・澳洲和牛8大片・蔬菜拼盤同粉絲・韓式前菜・日式雞蛋（用嚟點牛肉）・烏冬・跟餐熱飲和牛肉質軟嫩，油花分布平均，輕輕一淥已經好入味。搭配日式蛋漿更加滑溜！蔬菜同粉絲吸晒壽喜燒汁精華，烏冬煮到尾聲加湯落鍋，飽吸湯汁好滿足。店員好細心講解壽喜燒煮法，中途主動幫手調節火候同加湯汁，服務態度值得一讚。午市套餐包咁多嘢食仲跟熱飲，以呢個質素嚟講算係合理，適合想輕輕鬆鬆食餐好嘅朋友。…查看更多

這次捨棄了最貴的$228日本和牛套餐，選擇了$178的澳洲和牛套餐。日本和牛雖然誘人，但對我們來說油脂感較重，澳洲和牛肥瘦比例更適中，是個聰明的選擇！【獨特食用步驟】📸牛油香煎」第一步非常特別：在鍋中放入牛油，將澳洲和牛片輕輕煎香。牛油遇熱融化的香氣瞬間爆發，牛肉表面呈現美麗的金黃色！壽喜燒汁燉煮煎香牛肉後，倒入店家特調的Sukiyaki汁。滋滋作響的聲音超級療癒，醬汁的甜香與牛油香完美融合。蛋液包裹魔法」煮好的和牛片蘸上新鮮蛋液——這一步絕對是精髓！蛋液讓熱騰騰的牛肉瞬間降溫，形成順滑口感，同時提升肉質的鮮甜度，味道層次大升級！烏冬與雜菜收尾最後放入彈牙烏冬和新鮮雜菜，吸收所有精華湯汁，為這頓美食畫上完美句點。性價比極高！$178能享受如此品質的和牛體驗非常難得服務附有詳細步驟說明，新手也能輕鬆上手環境乾淨舒適…查看更多