约左朋友食饭,拣左近期好多人赞嘅海山板神,并音名加上劲国内feel嘅餐牌,唔知系咪过江龙呢😆坐低扫code落单,唔知点解换左三张code都话唔work,换到第四张ok啦😆店员态度良好,换咁多次都唔会黑你面。⭐芝士瀑布咖哩牛肉饭朋友先点左份咖哩饭,要左极量牛肉😋真系好多牛肉片呀,旋风蛋再加上芝士汁同咖哩汁,劲多汁捞饭正呀。⭐铁板芝士牛肉汉堡包配薯条自己点左汉堡包,超超超多芝士汁!!汉堡扒香口多肉汁,面包松软,好食呀。⭐特选汉堡扒牛肉饭朋友话唔饱再加单,今次要左汉堡扒牛肉饭,呢份感觉似pepper午餐个种食法,呢份无汁食落较干身,朋友话应该两份餐一齐叫中和下,一份劲多汁一份无,哈哈哈哈🤣⭐牛肉米纸卷最后仲叫左米纸卷因为想食下菜,全个餐牌唯一一样有菜嘅食物😋生菜、红萝卜、青瓜丝再包入牛扒条,清爽香口,点埋个酸酸咸咸嘅酱汁劲好食。⭐冻柠七 & ⭐热柠茶估唔到杯冻柠七有摆盘㖞😆几靓仔。热柠茶要左走甜,店员系放低包糖其间劲犹疑,最后佢都有比糖🤣食左咁多野都系三百蚊多啲,几抵食吖。…查看更多





