海天薈 (荃灣店)

营业中

休息中

返大陸已經係香港人消費習慣，價錢優惠服務好所以平時係香港晚飯都求求其其食就算，但有日同爸爸阿姨荃灣搵食，爸爸話試吓呢間嘅晚餐因為之前飲茶都都唔錯，所以去睇吓佢咩料，首先講吓環境枱同枱之間不會太迫裝修都唔錯，三個人嗌咗個套餐，開頭以為套餐細細份招架得住，誰不知上菜就知錯啦，先講份量總共9個餸嗰隻長腳蟹三食已經飽飽地，仲有半隻雞，六隻蝦大嗰隻，唔係Mini蝦喎，咕嚕肉，仲有個羹最後炒飯加個菜，正常六個人都食唔晒，至於味道方便我可以講話係情理之內意料之外，好味過大排檔，但係佢嗰種小鹽少糖唔鹹嘅情況非常適合一把年紀嘅爸爸阿姨去食，食到最後打包咗三個盒走，總結就係呢排喺香港食晚飯荃灣呢間都排第一二～ 有時間大家去試吓真心CP 高，最後小弟給予他九個舐脷 Lo

我最近去咗海天薈，特別想試佢哋嘅名物片皮鴨 🍽️，真係完全冇令我失望！一上桌，鴨皮金黃香脆，散發出誘人嘅香氣 😍，令人一見就想立即品嚐。用刀輕輕一切，鴨皮同肉質分離，鴨肉嫩滑多汁，每一口都充滿咗濃郁嘅風味 😋。食用方法就係用薄餅包住鴨皮，加上香蔥同甜面醬，咁樣口感層次分明，無論係鹹香嘅鴨肉，定係清新嘅蔬菜，都令整個味道更加豐富 🌈。餐廳嘅環境亦非常舒適，燈光柔和，令人放鬆，適合與家人朋友一齊聚餐。服務員嘅態度亦非常好 👍，佢哋會細心教你點樣包片皮鴨，讓你可以享受到最正宗嘅食法 🥢。整體而言，海天薈嘅片皮鴨真係值得一試，無論係味道定係享受，都令我感到非常滿足 ❤️。如果你鐘意中式美食，記得要去試下！

同好耐冇見嘅中學同學食飯，佢哋話想食中餐，咁喺荃灣唔知去邊好，咁就求其行咗一間酒樓度。本來冇乜嘢期望，但係啲嘢食真係好高質，我敢講個燒鵝好食過鏞記，同埋個咕嚕肉又係超正，咬落口好香口，又脆又有肉味，同埋佢咕嚕汁又整得好出色，仲有個桂花糕又係好吸引，一食就食得出唔係中央工場整定。今晚仲撞到佢太子女落單，估唔到又幾好傾，好少見咁熱情嘅女孩子，我哋由討論有咩好食傾到大家鍾意嘅電影同音樂，希望下次去都撞到佢啦

同班商會朋友時常要食下飯，傾下生意，今次就下荃灣區嘅朋友，係荃灣海天薈食中菜，去咗大鴻輝8樓嘅海天薈粵菜酒樓格局，經理介紹食住燒味飲下啤酒先，等齊人再上菜，就叫咗叉燒同燒腩仔，兩樣都好得，叉燒鬆軟香口，燒腩仔皮脆肉嫩，加埋其他小食，送啤酒非常好整體嚟講，煎炸野控油唔錯，香口唔油膩，豉椒炒蟶子大隻無沙嫩滑，好約款小菜都唔錯人多訂房仲有電動麻雀打，一班老友去飲飲食食的好食抵食

同屋企人或者朋友黎食都係唔錯選擇。叉燒肥瘦啱啱好椒鹽九肚魚外脆內嫩咕嚕肉酸甜開胃XO醬炒腸粉滑溜，XO醬香氣扑鼻，味道濃郁飲飲食食舒服侍應服務都周到價錢如果再平少少就更好

平時一大班人食飯成日想搵間有獨立房間乾淨企理嘅酒樓唔係咁易朋友介紹去咗荃灣大鴻輝海天薈酒樓，因為有一個好平嘅蟹餐原價$3680，openrice 優惠$1680，食物多到我哋八個人食都食唔晒。要讚嘅係佢一蟹多食，可以試到唔同煮法好有驚喜。拔絲咕嚕肉皮脆多汁豉油王蝦碌夠晒鑊氣，蝦肉新鮮同彈牙我哋仲少咗一份叉燒，燶邊半肥瘦，超級好食💗💗每人三舊幾水抵到爛仲有個片皮鴨都好抵食，下次都想試下總結，地方有好多房，適合一家人或一班朋友、公司團體來食飯，但記得訂枱先有靚房

今晚一家七人初次来海天薈,未試過如此難食的酒楼随便点了幾道菜,白肺猪肚湯不夠熱,片皮鸭没有鲜味皮太硬,鹵水鹅肠是用鸭肠朦混一食便知,魚頭煲魚頭茨汁太重蓋過魚鲜味,西兰花柚皮太淋没有口感,准山菜苗不新鮮,最差是服务態度,落單經理居然説厨房有什么菜就俾什么菜,而不是向客人推介當令菜,最後送些甜品糖水可惜渣渣係溝水,红豆沙不起沙,這次用餐係花錢買難受肯定没有下次,今時今日香港餐飲每况月下是自食其果,👎👎

琴晚做冬，去大鴻輝試新野，就係海天薈，個門面幾靚裝修得幾好的。叫咗一席圍餐，價錢唔算平，同周圍差唔多啦。其中我哋將蓮藕餅轉咗生炒骨。坐低10分鐘齊人，叫上菜。一上第一碟就係生炒骨留意番生炒骨喺個餐牌度應該係第六樣嘢？？明白啲菜式未必係順序，但係都應該先食頭盤？不過生炒骨幾好食，炸得脆，又唔多肥膏，係全餐最好食嘅餸。跟住開始嚟料，2分鐘上一碟，仲要即刻上飯、麵 蝦、鮑魚，可以發現佢嘅菜式係真係唔順序，但係有冇見過燒味頭盤都未食就上飯麵比你？而且完全冇理你食唔食得切，就2分鐘上一碟，枱面根本都唔夠位擺。所以我淨係影到生炒骨嘅相，因為之後2分鐘上一碟 ，又忙住食又忙住幫佢搬碟，根本冇時間影相！嚟個蒸魚，成枱乜都未食晒，佢自己都識講嘩冇位喎，我哋話你知就好啦咁上法點食呀，冇位你條魚比下一個先囉，佢仲話冇位都要上，乜都逼你轉細碟。半個鐘食8樣，成餐10樣嘢，頭半個鐘食8碟，之後終於有時間影吓啲空碟啦，點解呢？因為要等佢個燒味頭盤，頻密上菜後，淨返燒味頭盤同貴妃雞，催咗3次，空等25分鐘後，終於嚟燒味”頭盤”，睇落都令立立好油咁，中間豬手係超油，叉燒偏瘦但還算淋，燒肉唔脆了。而空等期間因為冇菜需要

平時外父主要飲酒，但係今次嘅食物讚咗兩次，第一次喺嗰唔知乜鬼豆腐煲，夠豆腐炸過， 調味做得好好，第二次係鹹魚雞粒煲仔飯。佢話邊條鹹魚好靚用料足，好少見佢會潻食。今次竟然食咗兩碗。2024年嘅情況之下。價錢合理，餸菜美味，值得繼續香港消費

環境乾淨， 坐得舒服， 多房方便喜歡寧靜的食客. 在荃灣比較難找到這樣安靜乾淨的酒樓. 1680元長腳蟹套餐連加一服務費， 每人只三百多元，真是超值. 長腳蟹三吃、蟹是新鮮的，花雕蛋白蒸蟹蓋， 一送上枱就有清香花雕味，蛋白夠滑， 蟹羔很甘香，最欣賞個椒鹽蟹腳， 惹味得嚟又有蟹肉甜味，蒜蓉蒸蟹腳都好好食， 最好食係墊底啲粉絲、 吸晒啲蟹汁味道👍🏼👍🏼👍🏼😅😅😅；吊燒雞有雞味，雞皮夠乾身脆口；招牌拔絲骨做得非常出色；不能不提那個普普通通的炒飯， 粒粒分明都有蛋漿包住， 又夠香口同乾身. 一個炒得非常出色嘅炒飯👍🏼👍🏼. 這家店主打食食物原味， 在荃灣吃到這種質素， 實在有意外驚喜， 太多在荃灣吃到的都是偏咸， 味精太多😅😅

坐位明明大廳有位，死都話無，迫你入房！入房唔緊要，你都俾個人嚟沖水啦，叫咗三次都無人理，如果唔係帶住老人家，一早就走咗啦。落單叫咗孖寶，明明酒樓落錯單，淨係落咗個點心，追返個麵，話無落單，叫我重新落，仲要孖寶咁落，點解你錯就迫我叫多個點心？食物一般，唔算好好食，亦唔算難食，款式係有嘅，但唔想再叫，因為一肚氣，費事一陣間錯單又迫我叫多個！其實，成棟商場都好多酒樓，因為見到佢無angry face先嚟，點知….

同屋企人嚟過兩次，都覺得呢度舒服乾淨，唔會好嘈。食物都好用心，價錢又實惠，飲啖茶傾下計，唔限時真係Veli nice.🍲排骨鳳爪煲仔飯有埋飯焦老人家都鍾意🍐呢個梨型鹹水角都幾得意 個牛柏葉用左薑蔥好野味😋之後會再來，keep住呀

今晚既飯局係因為父親節食過一次覺得好好食想encore 而黎既，今晚之後相信會有第三次四次甚至更多👍🏻👍🏻😋😋因為佢地實在太靜冇咩生意，好驚佢地會捱唔住🥹🥹所以先想透過OpenRice支持下佢地啦🧡佢地既出品真係用心製作‼️拔絲咕嚕肉 ⭐️⭐️⭐️⭐️⭐️真係拔絲架，外皮薄脆肉又唔肥好好食小炒王 ⭐️⭐️⭐️⭐️⭐️好足料椒鹽鮮魷 ⭐️⭐️⭐️⭐️⭐️誠意之作，炸得好好食魷魚肉又厚又彈牙好新鮮籠仔飯 ⭐️⭐️⭐️⭐️好意外個蟹仔咁細好鮮又有肉食，蒜香飯又唔會好濕，好食我地仲叫左炸子雞同燉雞湯，相比之下就一般啲但係都係唔錯既👍🏻佢地有好多set都幾抵食，我地4個人人均200蚊多啲，滿足😌

家人推介午市點心出色初嘗晚市小菜片皮鴨晚市優惠 全隻都係$128份量非常多 鴨皮香脆 值得一試椒鹽魷魚鬚炸得好鬆脆酥炸桶蠔更係店長推介隻隻都好似拳頭咁大🦪不過燒鵝就好失望食得出係一早整定 而且有啲騷有待改善

We didn’t know what to eat in Tsuen Wan, and randomly stumbled upon this newly opened yumcha place which was SO VALUE FOR MONEY! 🤭Even for the weekend, they had a deal where you could order two dimsums at the price of $46 with service charge included. It turns out that they hire actual dimsum sifu to make their dimsum, that’s why I thought each dish was so good! My favourite was their 菜苗餃 and the classic 叉燒包. Their 煎堆 and 鹹水角were shaped very funnily - like a lychee and a pear. Would come back ag