海天堂

大概10多年前，我已經有這個發現，早兩日食嘢咬到自己嘴唇，唔信邪，冇理到，點知再繼續咬損多兩次，尋晚9:30用美團Apps諗住叫外送，點知已經休息！終於扚起心肝，今朝叫咗兩樽海天堂龜苓膏，因為擔心買太少嘢冇優惠，買多一支五花茶，點知好抵！有七五折，運費$26中減$25，即係收一蚊，全張單$96.75。海天堂龜苓膏比鴻福堂和恭和堂及仁和堂嘅龜苓膏冇咁苦，但係次次我大牙肉腫痛及今次整個口嘅牙肉腫都係食完佢之後4小時就會康復，而且用美團送來屋企食好抵！…查看更多

見呢排火, 咪行行下街入去食個龜苓膏, 點知食完仲火!入到去, 見兩個呀嬸仲傾緊計, 都無見到我行入黎安排我坐, 我咪自己搵位坐低! 之後揮極手佢地都無理到我, 我就行出去自己叫個龜苓膏個龜苓膏好淡, 講真$20都俾多佢, 仲要收$5x... 加上俾人無視, 火上加火!…查看更多

依排有啲熱氣，又唔係成日有便便，今日經過海天堂諗住飲杯廿四味降降火，點知賣晒，終於一時即興叫左碗龜苓茶坐低飲，原本以為會好似龜苓膏咁又黑又苦，點知原來幾好飲，好似媽媽煲既住家湯咁，龜苓茶附送一包幼鹽，落鹽前飲一啖原味，有啲鮮甜味，之後覺得好清涼，一啲都唔苦，之後落左幾粒鹽調味，味道更似住家湯，好味!…查看更多

清明節假期新城市周邊商場照舊人來人往，而這間位處沙田中心的海天堂則佔盡地利，店舖面向沙田廣場及好運中心商場的行人天穚，不少行人會經過這涼茶店，我們3人好運的找到店中唯一的桌子，那就不用等位LA~每次去海天堂也選熱的鮮製龜苓膏($50)，龜苓膏味甘苦而且質感很杰，感覺上用上真材實料，總是覺得熱的龜苓膏療效更顯著，不知有沒有根據的呢?!而且近幾日吃了太多煎炸熱氣食物，希望清清熱氣LA~個人而言雖然這裡的龜苓膏價錢較貴，但現在吃一份甜品也要是$4X多元，若果想吃甜又健康，不妨吃中式龜苓膏加少量糖漿，那來得更健康呀!…查看更多

因為朋友想試下龜靈膏,所以我地一行3人就黎海天堂度試~~只因為佢廣告賣得行...又好記得鬍鬚佬咋~but佢d野幾好都好...服務都好緊要0家!!咁樣樣既態度唔洗人地再幫襯囉!一入去冇位,要自己搵位...仲要d阿姐真係唔憂做咁..好鬼寸囉!!見到有一個婆婆一個人霸左4個位..就諗住等佢0個張桌啦!點知後來就似乎俾另外一個熟客咁既物體坐左..都算啦!咁我地3個人就sit 2張櫈...迫到爆...後來後邊有位...佢地見到我地咁迫都唔叫我地換位..真係好衰..完全冇服務可言~for product來講...試左龜靈膏 & 龜靈膠...不太試到分別~但個人喜歡龜靈膏多一點~…查看更多

是日飲料:- 五花茶平時都有飲開枝裝, 今日路經叫了一碗.涼茶真係好搵, 執d生草藥就可以煲到一大煲了.跟住一碗又賣5蚊, 怪不得d健康飲品呀, 涼茶店開到通街都係啦~講番杯茶, 冇枝裝咁甜,飲完唔覺得好清熱,易入口.…查看更多

行過呢度...見到佢岩岩裝修好...就同朋友入左去坐坐啦合桃糊: 阿姐拎黎係用膠碗裝...平時食開明明用白色瓷碗裝...奇怪個糊表面好一patpat...嚇親我...但食落係冇事既...味道一樣香夾滑...好味唔知係咪岩岩裝修好...個運作出現左d問題呢如果係..希望佢地快d改善下…查看更多

面上又有暗瘡, 最佳方法當然是吃龜苓膏要了一個熱龜, 現在秋天, 吃熱也沒問題, 夏天還是凍較好, 個人一向不加糖, 海天堂的真的是甘而不苦, 不加糖也沒問題, 吃完感覺良好個人不知大家姐和它那個更好, 但吃龜苓膏還是這些老字號較好, 許留山/鴻福堂那些根本不能和它比這間店位置好人流也極多, 難怪可以在旁邊商場開新店…查看更多

龜靈膏 ~ 個人喜歡食開都係原汁原味唔加糖漿 , 真係食到甘苦味道 , 而且感覺上每食一啖就好似清左一d毒咁 , 重點比呢個價錢食到唔似涼粉既一碗龜靈膏係值得。 五花茶 ~ 好多時候經過見口渴都會買返杯黎飲 , 一方面解渴又可以清心去肝火 , $5一大杯真係好抵飲。…查看更多