流口水重慶麵館 (圍方)

餐廳裝修普通，但都光潔明亮。🤔招牌米線麻辣火鍋湯底 湯底味道好似買返嚟一盒盒台灣鴨血嗰種麻辣味，但唔知點解覺得帶有少少羊嘅臊味喺個湯底度。不過好處係小辣真係唔係好辣，好易入口。材料方面就正正常常，大雜燴咩都有啲，但係又冇話特別出色嘅成份。有一啲炸咗嘅黃豆喺湯底度咬下增加口感。🤔招牌米線酸辣木瓜金湯 酸辣木瓜金湯嘅味道溫和，冇咩酸味，叫左小辣亦都好易入口。至於材料就極普通，午餐肉極薄，豬肝都係極薄，啲丸極粉。唔推介。結論係如果想食下國內嘅味道，湯底係可以嘅，但肉類材料就好麻麻。…查看更多

體驗感非常差！！！叫左一碗$68蚊麻辣全家福小麵 首先個麻辣火鍋湯底已經係唔辣 十分一般 然後配菜非常之少 食差唔多三份一既時候 望到隔離個menu 發現佢漏左幾樣配菜（牛肉、大腸、酥肉）都無比 甘就同返個姐姐講啦 第一個姐姐好大聲叫我講咩事 我話配菜少左 佢話我食左先講 然後就無理我走左 甘就第二個姐姐過黎問我咩事 我又陳述返話無呢幾樣配菜 佢就同返廚房講 甘全程其實我都好客氣 但係見到兩位姐姐個樣係極西 後期補返俾我既時候仲要特登補句 下次要早啲出聲同佢講 唔知係咪真係有少到🧐🤨唔明佢呢句用意係點 個客人會衰到為左幾樣配菜講大話甘樣衰咩？我又解釋我係第一次食 以為有啲料可能會係底到 正常應該你地係要比足料 我唔會仔細檢查你地邊樣無架啵 我都未講完個姐姐就已經離開緊（當時個場唔忙）然後答我得得得下次無架啦😅😅😅好kam 其實你做樓面出餐唔係應該檢查清楚碗野有無齊到咩 唔齊都唔緊要呀 洗唔洗懷疑個客人講大話呢？唔通我食左失憶或係呃你咩？同埋全程係一句唔好意思都無 反爾係我不停唔該前唔該後 仲要比人西面比人懷疑 $68蚊你少幾樣配菜我搵返你補返俾我都係我既權益呀😓全程食得非常唔開心 味道又一般 啲樓面又kick態度差 仲要收加一 完全唔抵…查看更多

剛剛睇完戲，見到呢間麵館，當時心中又未有計劃食乜好，就入咗嚟試。全程無招呼、無需交流, 放低張餐牌就俾我QR code自助落單。叫咗份疑似屬於招牌菜嘅‘’全家福火鍋麵‘’，湯要小辣，加配凍豆漿，大約十分鐘後上菜。湯底勁油，根本好難就咁飲一啖落口試湯味；但可以非常肯定唔夠熱，係即製湯麵嘅死罪小麵麵質又軟又腍，無需幻想有任何麵香可言。每樣配料係有數得出嘅兩至三件，但食完成碗$68嘅麵加埋$9嘅豆漿，都係未能解決飢餓感覺埋單$77，店員零禮貌作結，希望佢可以喺呢一個市道之下，仍然能夠繼續生存。故事教訓自己，喺進入餐廳之前，真係要先行三思🥲…查看更多

見佢開喺大商場同埋有時都有人排下隊以為實無死啦，點知好難食，態度又差，可一不可再！我下午茶時段去食，都已經唔係peak hour架啦，我去到完全無人理我，成個樓面得2個人，講緊成個場起碼2-30張枱。等左陣有個著黑色衫嘅男人出嚟，佢叫我排隊，下 我明明第一個到，態度仲要好差。跟住過陣入到去坐低左，嗌左碗麵，送到過嚟嗰陣個盤勁污糟，有我湯嘅色。咁住我食麵，好難食兼痴牙，毛肚好難咬，豆卜大量油膱味。救命，點解咁難食都有人排隊架。食完勁口渴，連杯水都冇，要加錢嗌先有。總結： 1.服務態度差：去到無人理，叫你再排隊但你其實已經係第一個，再加上語氣差。2.環境衛生問題：送餐用嘅盤有食物痕跡，呢個算好大個衛生警號。3.食物質素差： - 麵質「痴牙」、毛肚嚼唔開、豆卜重油味。呢啲係典型「出品唔新鮮」或者「廚房存貨管理有問題」。4.性價比極低：嘢食唔好食都算，仲要水都要加錢嗌，簡直令人翻白眼。…查看更多

因為我係附近返工，當日係父親節周圍都冇位，所以就試下呢間一入到去就聞到好大陣一滴香既味，係科技既味道原本已經有D退縮，但望到後面連M記都爆場，冇辦法啦，始終都要食飯我坐低QR CODE落單，先落左個梅菜扣肉飯同一個夫妻肺片梅菜扣肉飯感覺係預製菜先講下點先叫預製菜，怕有人誤會一般工廠製作好既醬汁/預先切好或煮好備用既菜&配菜/一D製作時間長需預先煮至半熟或當日預先煮定既菜以上既都唔算係預製菜預製菜可以係任何菜式，預先煮好調較好味道後進行真空包裝再冷藏一般可以保質數月至1年預製菜點分別??好簡單 肉類菜式肉質會有明顯分別，配菜都會非常軟淋，肉同菜同一口感同一味道，咁佢9成都係預製菜呢個梅菜扣肉梅菜非常軟爛，扣肉肉質同食罐頭完全一樣最終我食左2啖就冇再食之後係夫妻肺片四川風味香口膠........講完啱先講到個梅菜扣肉食左兩啖就冇食，咁我都要醫肚嫁所以就叫左碗麵全家福麻辣小麵麵質還好，配料正正常常但味道係好大陸既味 一滴香？？最後太口渴叫左杯豆漿，唔知係開粉定真係咁有料?我飲到底係有些少粉粉地既殘留物夜晚返到屋企去廁所個肚勁脹氣，放左個足足廿秒既屁🤢唔知關唔關事呢?…查看更多

嗰啲一人鍋 啲料勁垃圾俾啲零食鵪鶉蛋，乸到淋晒嘅牛肉，幾塊娃娃菜咁就90幾蚊加$9嘅酸梅湯仲垃圾 係水兑糖漿面係冇味 飲到底就勁甜 係超級濃縮嘅酸梅湯味店員根本冇服務要凍水話冇 要收錢 冰又冇所有客人話要杯碟碗筷都叫佢地去自助區攞有枱客一嚟到張枱已經俾冷氣幾滴濕晒要攞紙巾係咁抹👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻…查看更多

大圍圍方的重慶麵館實在令我失望。首先，店裡的麵真係唔好食，湯底味道差得爆炸，完全冇味道可言。再者，職員的服務態度亦差，感覺好像我打擾到佢哋似的。還有，餐廳放的音樂簡直難聽，唔單止係翻版音樂，仲喇叭有問題，音質差到想走人。進餐期間淨係覺得被嗲嗲聲擾著，真係好煩厭，根本享受唔到美食，唔會再光顧。…查看更多

同屋企人喺附近戲院睇完戲諗住試吓，堂食叫咗四碗面，用Mobile order食物，但同店員要求要幾杯水態度很差，好似阻住佢哋咁，佢哋唔係要服務啲客人嘅咩？店員送食物過嚟嗰陣又唔講邊碗打邊碗，劈低就走，雖然佢有個盤喺下邊啫，可能佢個盤就係for啲店員大力劈低嗰陣會整咗啲湯出嚟攞嚟盛住，啲面勁腍個湯勁油，大腸好多都係爛蓉蓉咁俾客人，同個店員講佢話佢哋啲大腸係咁嘅冇得換，態度十分差！真係貼錢買難受，呢間嘢唔會再有第二次！…查看更多

諗住睇戲前嗱嗱臨食個飯，入去叫咗個酸辣粉（HK$48），湯底唔酸唔辣，剩係得好厚一層紅油，成碗粉剩係得啲肉碎都夠膽賣HK$48，最離譜係啲紅薯粉淋到我以為浸咗兩日，完全冇咬口，應該係一早煮好咗放好耐，如果唔係落單後幾分鐘後上菜，冇可能煮到咁淋。同行友人叫咗碗自選粉，豬潤唔新鮮，鴨血薄切過牛餐肉，真係第一次見！入去嘅時候係午餐時間，入面剩係得一兩枱客，無生意係有原因嘅！入到去又完全冇服務，冇職員過嚟，想攞杯水又話水機壞，呢啲舖頭執咗轉做夾公仔鋪都唔可憐，簡直不知所謂🤗建議大家如果趕時間睇戲，可以去食隔離麥當勞，呢間垃圾雖然唔算好貴，但俾幾十蚊佢都覺得後悔，垃圾都不如！…查看更多

食辣麵嘅時候連水都唔俾人可以抹下啲餐具，連水都要收錢，服務質素有待提升，員工好多時都唔理人由佢啱啱開業到而家，食物嘅質量冇提升過，食物嘅份量反而少左，味道好一般冇咩特色。:(…查看更多

大圍呢間流口水重慶麵館，叫左佢哋嘅招牌麻辣火鍋湯麵，香菇滷肉飯同自選小麵麻辣火鍋湯麵真的是超好吃！那湯頭麻辣又香，吃一口就讓人暖和起來，麵條吸滿了湯汁，滑滑的口感讓人停不下來。再來一碗香菇滷肉飯，滷肉醬香濃，搭配香菇的鮮味，飯粒吸收了所有的精華，吃起來特別過癮。這兩道搭配在一起，簡直是絕配…查看更多

餐廳裝修幾靚幾次嚟圍方都想試吓終於試到 點知真係好難食我食咗幾啖就冇食可能係屋企自己煮碗麵仲正…完全唔值呢個價首先安排坐位已經混亂味道好似求其煮完就上D餸似浸咗好耐 入口散晒 🥹我究竟食咗D乜完全唔推介 如果你好彩睇到我留言 可以直接過隔離麥當勞/ 其他食肆 …查看更多

佢剛開去試一次 望menu貴 而且同下面街外賣店啲野食味道一樣 叫罐可樂 。黎到自己開 。狂嘔泡 頂 你搖完先比我？？我已經好耐無見過開可樂會嘔泡…仲要無店員留意到 我要不停叫先叫到有店員幫我接走罐可樂…碗麵同外面店買既一樣味 但貴好多 料少好多 出面仲好味啲 。所以無下次啲丸切開一半扮多..寫咩一百二百字食評 。已經無野寫。唔知點解咁貴 但食丸呀果啲 無野好食 唔值唔值 唔知點解咁貴 但食丸呀果啲 無野好食 唔值唔值 唔值呀 。大圍小食附近都有檔涼皮 涼皮我覺得唔好食 但啲料同調味..即味精味粉不錯 哈 比呢間抵…查看更多

光頭佬勁無禮貌，問野又唔彩淨係識收錢，諗住唔駛等位咪食多次囉，態度都仍然態度咁衰。重慘過唔駛收錢咁。義派，講真咩特別嘢食，都唔係特別平。免費都唔會再去。成個場最差食店…查看更多

第一次寫食評，估唔到係因為啲嘢太難食⋯⋯首先要講佢哋嘅食物：鹹到癲嘅豌雜麵同埋油饐味極重嘅「招牌」米線⋯⋯印證咗一樣嘢，米線好易整，但唔係個個都可以整得好食⋯⋯跟住要講下佢嘅環境：可能因為舖位本身比較窄好困聲，所以入面完全係環迴立體咁聽住咁多枱嘅對話（可能係因為我哋坐喺中間？），然後佢個喇叭又開到超大聲😵😵😵服務同衛生係無問題嘅，不過不失。不禁要慨嘆一句「劣幣驅逐良幣」！食完睇返呢度啲食評同評分，先知原來呢間嘢劣評如潮，只怪自己無做下research⋯⋯下次一定唔會再幫襯😀…查看更多