活一鮮

营业中

休息中

之前聽過朋友推介過呢間日本餐廳 話價錢合理同埋好好食 所以就同左男朋友去試下 一入到去就隨心叫左個 「鮮」壽司 日本岩蠔 厚燒玉子+網燒牛扒 同埋櫻花蝦餅試下 「鮮」壽司: 一盤裏面有唔同嘅壽司 每款都只係得一舊 啲魚生唔會腥 連平時有少少怕魚腥嘅男友都幾鐘意食 食落去明顯俾迴轉壽司餐廳嘅壽司高質日本岩蠔: 我自己本身都好鐘意食生蠔所以就即刻嗌左 隻蠔好大隻好肥 配埋檸檬汁真係超鮮甜 下次再黎一定會再食！厚燒王子+網燒牛扒: 個厚燒玉子好香口 加埋蔥花食落去個感覺好fresh 好重蛋香味 而個網燒牛扒個汁好撘舊肉 肉質都唔錯唔會韌櫻花蝦餅: 佢個賣相幾吸引 炸得啱啱好 好夠脆而食落去都唔會覺得油 點埋佢個汁會覺得冇咁熱氣 我個人推薦呢個蝦餅🙆🏻‍♀

朋友鍾意食壽司,上網睇話呢間活一鮮性價比好高,就book位黎試下特級刺身拼盤- 外表好吸精,有幾款魚,蝦,帶子,八爪魚,仲有成板海膽,再望一望個價錢,未食落口都覺得抵食!「鮮」壽司- 一set 12件,有唔同種類既刺身,仲有玉子,外表幾精緻, 全部刺身食落都好新鮮,非常唔錯!日本岩蠔- 手掌咁大隻,好creamy,非常新鮮!抵食!另外叫多左”柚子面豉燒雞扒”同”網燒牛扒”做下酒菜柚子面豉燒雞扒- 好多肉汁,雞皮少少脆, 柚子面豉唔會太重味,就算空口食都唔會覺得太咸網燒牛扒- 燒得剛剛好,有少少咬口但又唔會”鞋”, 牛味好濃,加有炸蒜同蔥,調味適中,而且份量都幾足,唔會話得好薄一兩舊就收你幾十蚊總括黎講呢間野真係性價比高, 刺身類抵食又高質,熟食質素都真係唔差,值得一試!

今日拍拖拍到來西環, 見到呢間活一鮮唔錯, 一於來試下, 果然有驚喜呀🥰 我地叫左加原板海膽，芒果三文魚天婦羅卷同黑松露海膽蒸蛋。12點幾來到, 但已經有幾台客. 我超鍾意食海膽. 佢見到隔離枱叫左, 個樣都好新鮮, 所以我地都即刻叫返板. 原板海膽-- 嘩, 海膽片片分明, 入口甜美中帶有少少海水味, 鮮甜味係口腔溶化, 好鮮呀, 🤤正呀. 我就係芒果控, 我就緊係叫芒果三文魚天婦羅卷啦. 芒果夠甜,😋三文魚又新鮮, 就算點左豉油成舊飯都唔會散, 真係唔錯呀. 黑松露海膽蒸蛋—呢個我第1次食👉🏻👈🏻，熱辣辣, D蛋又夠滑🥰蒸蛋上面嘅黑松露+海膽😋真係好match👍🏻。

活一鮮响西環係數一數二平靚正日式食肆，星期六當晚例牌大排長龍，但幸好等候25分鐘就安排入座，不過叫冧碼果位姐姐態度就好差，我由始至終都無離開過，亦無聽到佢叫我冧把，因為佢叫得好細聲，所以我有加倍留心，只見佢不停叫熟客仔入去，當我忍唔住入去問我要等幾耐，佢就話啱啱有叫我冧把，仲叫咗幾次，如果唔係阿媽肚餓，我真係會同佢理論......海膽手卷 $30⭐️⭐️⭐️⭐️因為幾抵食所以叫咗個，海膽由面層食到底都仲有，海膽味道濃郁，所以唔需要點太多醬油，而紫菜無比飯氣焗腍，仲非常脆口，推介軟殼蟹手卷 $30⭐️⭐️⭐️軟殼蟹算大隻但無膏，炸完非常油膩食到成手油，失色咗d，幸好紫菜同飯都好味挽回些少分數野菜天婦羅 $58⭐️⭐️⭐️⭐️有秋葵、冬菇、金菇、本菇、矮瓜、南瓜、蕃薯，樣樣都好食又夠熱，炸漿夠薄脆，最正係南瓜同蕃薯，又甜又綿，必點嘅小食蟹籽沙律 $42⭐️⭐️呢個沙律有d失色，因為青瓜無咗層皮，欠缺咗爽脆感同味道，而且沙律醬唔太夠，所以唔夠香鮮壽司 $148⭐️⭐️⭐️⭐️一共有11件壽司加兩件蛋小食，其中有海膽、三文魚子同蟹膏壽司各一件，所以呢個餐真係好抵食仲啱晒有選擇困難症嘅人，所有壽司都食得出好新鮮鮮甜，而且係即叫即

今日約左朋友去西環食野～行過見到呢間日本料理小店，就入去食個dinner。首先嚟個黑松露帶子沙律先～裏面嘅料都好多，唔同蔬菜夾埋一齊色彩繽紛，而且味道幾好，鍾意食沙律嘅你一定要食呢個呀～跟住嚟一個黑松露海膽蒸蛋，望落去已經好吸引我去食喇！因為蒸蛋望落去好滑，而且配上我最鍾意嘅黑松露同埋海膽，簡直係無得輸呀！食落口好香好滑好好味，就好似豆腐花咁滑～再嚟一個厚燒玉子，因為佢夠厚所以咬落去好有口感，個味道甜甜地，好開胃～令到我好想繼續食多幾舊呀！最後嚟個最飽嘅油甘魚紙鍋～油甘魚通常係攞嚟做刺身，不過呢間餐廳用嚟整成熟食，魚好鮮甜，而且配上雜菜一齊煮，令人再三回味呀！整體嚟講，呢間餐廳性價比高，店內環境都幾整潔，食物質素又好，值得再幫襯！

今日lunch行過活一鮮竟然唔洗等位,咁就唯有對自己好D~小店地方唔算大,但唔算話太逼,咁既價錢唔通仲想要酒店環境咩。同事叫左個刺身飯,板北海道小川海膽過份到一個點,啖啖都係海膽,究竟海膽係主食定飯係主食!? 我都偷食左D海膽,好甜好creamy完全唔腥；我自己就叫左個鰻魚飯, 鰻魚好厚身完全唔係來貨就咁叮熱就上個隻,仲有兩件玉子,都唔錯幾香蛋味,又唔會好乾好硬。另外叫多左兩個小食share -芒果三文魚天婦羅腐皮卷 同 黑松露海膽蒸蛋 腐皮卷幾特別, 腐皮包住三文魚卷幾有創意,加埋入面個D瓜同面既醬,令到成舊野都好清新又幾有層次感,呢個卷物有驚喜!黑松露海膽蒸蛋勁滑, 黑松露同蛋真係最夾既組合,再加埋海膽好creamy好鮮味,令到成件事勁豐富勁香,呢個蛋真心好食!呢間日本野真係私心推介,下次要book位帶朋友黎試下,lunch都咁高質夜晚咪不得了!?"

"今晚同朋友食生日飯，就佢放工就過左泥西環食日本野，我哋兩個人見餐牌上面樣樣都好吸引，所以最後點左六樣嘢。首先出場係三文魚他他沙律😋，因減肥原固，最近食主菜前都盡量食多啲疏菜打底，呢個沙律真係好啱食，而且佢啲三文魚好新鮮，魚油香加埋蔬菜，超滿足👍。別一個沙律就係朋友點ge黑豚胡麻沙律，由於我本身就麻麻地豚肉🐷，不過這個也不錯，朋友就相當讚賞。壽喜燒牛肉鍋，呢個竹我強烈推介，牛肉肥瘦適中，加入温泉旦及墊底ge韓國粉絲&洋蔥&菇，真係超級好味😋。三色丼，呢個睇賣相已經好有睇頭，我同朋友兩個都好鐘意，我地將所有嘢撈暈泥食，鮮味十足。另外一個櫻花蝦餅，呢個炸得外皮好鬆化，還有那個醬汁把整個蝦餅的味道，一定要記得點呀😙"

今日想帶女友食餐好既，朋友介紹西環呢間日本野質素唔錯價錢又相宜，就book左位試下，我地係正最多人既時間去，好彩有book位，都係等左一陣就有得入。睇menu除左正常日本餐廳有既野外,都幾多其他特別野食，我地叫左個北海道生食白粟米，第一次生食生粟米，又幾好食，真係幾清甜又唔覺好怪，細心位係有切開兩半方便夾。芒果三文魚天婦羅腐皮卷，係腐皮代替左紫菜，幾有創意，食落幾香口又有特色，女朋友都好鍾意。我自己叫左個特上活一鮮丼，基本要有既刺身都有，刺身好新鮮，份量好夠，都係百零蚊，幾抵食。再叫多左個黑松露海膽蒸蛋同油甘魚紙鍋，女朋友好鍾意食茶碗蒸，大讚呢個海膽蒸蛋好味，松露份量幾好唔會太搶，都仲食到蛋香，值得食；油甘魚鍋完全唔腥，分量都唔少，蘿蔔好入味，魚都好大件，女朋友好鍾意飲個湯，濃得黎幾清甜。女朋友幾滿意，雖然唔係特別好好坐，但已經嗌住要再黎食多次，西環黎講價值真係好相宜，食物份量同味道都唔錯，朋友冇介紹錯！

今日要過海做野,但灣仔中環D餐廳又貴又唔好食,所以就搵左遠少少係西環呢間個個都話平靚正既日本野試下。呢間舖頭係大學站附近都幾易搵,不過小店地方點都係細D,通道位係有少少窄但都算可以接受,但原來佢行到最入有得上2樓,位置係鬆動返D,不過個人黎講今日係想食好西唔係想食環境,所以可以接受。呢個”燒松葉蟹蓋”簡直係罪惡既根源,一啖啖蟹膏咁放入口邪惡指數爆哂標,不過佢撈左D蟹肉入去令到成件事一D都唔膩, 啱哂我呢D鍾意食蟹但又懶得剝既人滿足下D蟹癮。另外D串燒都十分唔錯,必叫既 “燒牛脷”一D都唔乾,塊塊都好厚身,又唔會韌到咬唔開,食完都想下次黎試埋其他串燒。有驚喜既係”櫻花蝦餅”,雖然佢其貌不揚,但好有內涵,而且墊底個張紙完全冇油林林,完全唔覺得油膩。值得一提係呢個”火炙三文魚菜包卷”,好似日式生菜包咁,第一次食呢個組合,又出奇地幾好食,D菜剛好中和左三文魚同飯既油膩感,食多幾件都唔覺得悶,幾值得試下。呢間日本野真心好食,質素唔錯重點係價錢好抵食,香港而家都幾難搵到間食完荷包唔赤而唔洗講粗口既日本餐廳,呢間絕對值得收藏!

「鮮」壽司 – 名副其實, 同個名一樣好鮮呀. 魚生好新鮮，三文魚超級肥美，甜蝦肥大肉厚。, 唔會一夾就散. 男友最鍾意三文魚籽咸香味濃, 佢話魚籽脆卜卜架. 真係想食多幾舊北海道小川海膽 – 海膽色澤金黃橙色, 淨係個賣相已經相當吸引,入口creamy鮮甜柔潤, 絕冇苦味, 真係好正正正正正正, 令人好回味呀柚子面豉燒雞扒 – 有柚子配合,好清甜, 酸酸甜甜好開胃呀. 完全唔覺得肥膩漬物盛合 – 有日本苦瓜,蒜,牛蒡, 我就最鍾意個苦瓜, 唔苦又爽脆, 好清新, 牛蒡漬都好出色。整體食物質素果然不錯, 又夠新鮮, 待應都幾有禮貌又醒目. 期待下次再來😋

好想推介呢度嘅晚餐，性價比高！叫咗唔係好多嘢，但都覺得好飽～首先係黑松露帶子沙律，雖然黑松露味唔係好濃，但係沙律菜嘅份量真係唔少，仲有青瓜、番茄等，而且面頭嘅帶子都好飽滿，好新鮮！再嚟嘅係燒牛脷，食落有牛香，油香仲係口腔郎朗下添，最後再encore，食落一啲都唔韌架！北海道小川海膽，一版份量雖然唔係好多，但每舊都好大，一啖食落去會feel到好creamy，唔會腥。仲有日本岩蠔，一啲都無誇張！真係好大隻，而且海水味唔算好重，但又夠鮮甜！雖然環境來講唔算好靚，但以食物同價錢嚟講，絕對好抵食～

今日收早行過呢間長龍店,見冇咩人即刻同同事走入去試下!我地兩個女仔冇叫到最出名既刺身拼盤驚食唔哂,所以叫左個細既刺身飯, 刺身好新鮮種類又多,重點係見價錢唔貴就叫左個“北海道小川海膽”, 板海膽真係成隻手掌咁大,一大羹放入口又full又creamy既感覺,真係奢侈到爆!望住D刺身係個壽司bar到處理,係咁既小店都有D日本居酒屋feel!另外叫左3個熟食,以為係小食類點知份量都好多下,都幾抵食!今次叫左個普通既厚燒玉子,D蛋都好滑,完全唔係雪到硬哂拎出黎翻熱個D感覺另外兩個燒物都幾唔錯,” 柚子面豉燒雞扒”出奇地juicy,而且個面仲脆脆地, 柚子面豉完全唔係一pat咁係面到勁咸個隻,食得出係有心機燒既!仲有個“網燒牛扒”味道就中規中矩,但肉質一D都唔dry,完全唔係薄過紙又冇味個D牛扒,呢個唔算驚為天人既好食,但當一般小食係絕對合格!

今日係西環放工約左一個同事食飯，本來諗住去一間食日本菜嘅餐廳食飯，但係去到門口之後先知嗰日佢地咁啱休息🤦🏻‍♂所以上網搵下睇下有冇其他日本嘢揀，然後發現咗呢一間叫「活一鮮」嘅餐廳係附近，所以決定試下呢間嘢。餐廳大致都整齊乾淨企理，睇完菜單之後叫左「鮮」壽司、厚燒玉子、黑松露帶子沙律、燒牛脷 燒松葉蟹蓋。😋「鮮」壽司有幾種唔同嘅選擇，基本上都新鮮，壽司嘅飯亦唔錯，唔會有太多醋味係飯入面。而嗰個厚燒玉子方面，燒嘅程度恰到好處，個玉子勁厚身，食左之後會keep住陣陣嘅蛋味係口入面，十分正🤣黑松露帶子沙律，聽到黑松露就有一種好高級嘅感覺🤩🤩，估唔到竟然可以係間小店度食到，加咗帶子整嘅沙律，有口感之餘亦都別有一番風味，對我黎講算係新嘗試，價錢黎講都算平民價。😎食左咁多凍嘅嘢食之後，燒牛脷同燒松葉蟹蓋啱啱黎到，本身未試過牛脷，諗住應該會好油膩，但係食落發覺唔油之餘，仲好軟林林，唔可以叫入口即溶但真心好香。而燒松葉蟹蓋，用蟹膏加松葉整成，仲要燒完再食。下次一定會再嚟食。

Happy Friday想去食好西,聽聞呢間西環小店性價比好高,朝早打去book位都仲book到,可能時間仲早去到唔洗等就即刻入得好少餐廳見到有白粟米刺身食,好清甜又唔多渣,價錢又合理,食得過。特級刺身拼盤應該係間店既招牌菜,見佢出完一盆又一盆,所以都叫左個試下。真係新鮮到一個點,細心位係有埋紫菜比你大啖大啖咁食,呢個價錢食到咁既質素既刺身,唔講真係以為自己係日本!芒果三文魚天婦羅腐皮卷係誠意之作, 本身以為會好膩,但可能芒果中和返三文魚天婦羅既油瞋感,面層既腐皮都好脆身,加埋D蟹子成件事層次好豐富,一口size食下食下又清哂!油甘魚紙鍋個湯鮮甜到兩個人不停爭住飲, 油甘魚大大件完全無欺場,但原本舊蘿蔔先係神來之筆,入味到不得了,鍾意魚湯既真係值得一試!

同男朋友想食個早飯就去睇戲,行過呢間平時同事話夜晚勁排隊,今日行過可能太早竟然無人,所以決定食下呢間長龍店!我自己就真心推介「油甘魚紙鍋」,可能本身自己鍾意食魚飲魚湯,非常鮮甜而且一D都唔濁,好鍾意佢有D菇,夾埋食就清左D魚油既油膩感,好啱女生口味~男朋友就推介「壽喜燒牛肉鍋」, 牛肉完全唔係平時街食金菇肥牛煲咁又鞋又有雪味,粗身薯粉好Q,索哂D壽喜燒汁好好食!呢個「柚子面豉燒雞扒」都有驚喜, 面豉一般都會死咸又勁濃味,但加左柚子落去反而有種清新既感覺, 而且雞扒燒得一D都唔dry,非常適合當做下酒菜!最後值得一提既係個「特級刺身拼盤」, 刺身真係好新鮮,而且有好多種類,無諗到係呢D小店都食到咁既質素既刺身,值得一讚!食物質素唔錯,選擇都幾多,價錢又相宜,絕對係一間值得回頭高質素小店!