活一鮮

营业中

休息中

Have been coming here for a few years now, the quality drooped a bit during 2018-19 so I stopped coming, but ever since it announced its support for the democratic movement I gave it another go, and the old Katsuisen was back! The rice is well marinated, not too overboard with the seasoning, perfect complimentary for their raw fish. The uni was flavourful and fresh, not nasty like some cheaper strains. Yellow tail is alright and so is the shellfish. The mixed tempura was great too, but the prawn

裝修好有居酒屋感覺嘅小店去到嘅時候都有小小full好彩都坐到較入位置坐低後我哋諗咗好耐食咩好，因為太多選擇！樣樣都好似好好味咁店員係我哋揀緊嘅時候可能見到我哋未除口罩，所以都好貼心俾咗張A4紙我哋諗住用泥放口罩但其實我哋都有預備，所以環保d俾返佢哋😂首先送泥嘅麵豉湯令我好驚喜平時好小會飲哂成碗但呢度嘅麵豉湯好似同岀面有d唔同，好似甜甜哋咁？總之就好味d，成碗飲哂🤣🤣三文魚腩刺身同劍魚腩刺魚2樣都好肥美同新鮮活一鮮丼無諗過碗飯係咁大碗，初時重有d驚唔夠飽，想叫小食海膽方面因為今日得馬糞海膽，所以我同朋友個丼都要加多小小錢但好鮮甜，所以十分之值得所有刺身都好肥美，塊塊都厚切朋友叫嘅海膽魚生飯總括泥講高質抵食之選

疫境下都冇咩心機食好野，但係真係好想食壽司，之前試過北角分店覺得好唔錯，再試西環店。成場晚餐基本上壽司為主。魚生非常新鮮，選擇又多。個人好鍾意火灸左口魚，魚油香，入口即溶，可惜有火灸左口魚食既餐廳又唔多，呢度有得食當然要試！另外，油甘魚，紅鱆魚，海膽都好正！食完牡丹蝦壽司剩低個蝦頭，店員話可以幫我地整個味噌湯，20蚊一碗。又好，試下先。個湯有驚喜喎，個蝦頭係煎過先入湯，非常香！食左round壽司飲返個暖暖地既湯，好正！價錢我覺得幾公道，我會再食！

wooooooooooo生日飯簡左黎活一鮮呢間黃店店鋪門面望落位置唔多, 但原來仲有二樓!二樓先正原來, 因為上面細細地都仲有個sushi bar, 唔嘈又可以傾下計, 岩3-4人黎食個飯。不過當日人好多, book左位都等左半個鐘呀...都值得一黎。因為人少少, 我地叫左個清酒煮蜆, 都中size既份量算係大粒有肉食, 每次去襯居酒屋都要叫既指定菜式。酒味很濃, 味覺上既享受。我地仲點左一份刺身, 個人覺得兩隻牡丹蝦最鮮甜,  蝦頭既膏都好香呀!!!不過其他魚刺身就還好了, 雪味有D重食唔出魚既味道, 一咬落去就覺得浪費左。當中油甘魚都唔錯的, 建議下次試下其他壽司好了, 蝦都係要encore的。跟住我地仲叫左一板海膽配紫菜, 細細板唔算大滿足, 勝在海膽都帶少少鮮甜, 未至於會再想叫多份。另外有一位吞拿魚蓉卷, 上面鋪有白芝麻, 內面卷左好多吞拿魚蓉, 如果有埋蔥就會再出色D, 不過都好味滿口都係魚蓉值得一提係店員服務態度滿分, 有禮貌又不停來回Refill水, 一開始仲會主動介紹你餐牌上無既清酒, 有興趣可以試下! 另外最後無帶candle慶生, 佢又去幫手搵左支番黎, 做到野柚

而家唔食元氣，唔食爭鮮，其實仲有好多選擇架 😁 西環呢到就有間又抵食又新鮮嘅魚生丼。餐廳有2層，但每次去到都好多人架，最好都係提早打電話黎book 定啦海膽魚生飯 📍$78有吞拿魚蓉，海膽，三文魚同埋北寄貝，好豐富海膽挪威三文魚飯 📍$78唔好睇佢好似唔係好多塊三文魚咁呀，每一塊都好厚好肥美，海膽都好新鮮呢個價錢可以食到咁高質嘅魚生飯真係好抵，最緊要佢仲係黃店呀…多多支持 😁 開party 都可以叫party tray

一間好高質素嘅日本店💕係香港大學附近 炸雞軟骨份量多 牛舌爽口🤤散叫嘅壽司 刺身都好新鮮😋最推介係火焰三文魚！充滿油脂好香！雖然午市比較抵啲，但係整體質素絕對好過好多餐廳炸雞軟骨 $45牛舌 $45🔅🔅🔅🔅🔅🔅🔅🔅活一鮮西環皇后大道西503號地下

日本餐廳唔難搵，但要好食嘅都唔容易今次嚟到活一鮮，食完今餐已經諗定下次幾時嚟佢位置方便好易搵，餐廳有兩層，尚算坐得舒服，午市都好抵食不過預左要等位今次晚市主要嗌左刺身壽司，都係平時會食嘅種類，每款都好新鮮好好味，特別係左口魚裙邊，我自己要食兩客🤣 三文魚籽都好出色二卷物就嗌咗香芒炸蝦卷，都唔錯😋一份量夠，食到好滿足好飽，絕對係抵食架！最後重點一提，佢哋之前將當日嘅加一服務費十倍捐去星火添，咁樣已經值得嚟大大力懲罰佢哋啦

幫襯左好多年，但近呢幾年食物質素越嚟越差，服務又唔好，你自己主動問連杯茶都冇，嗌嘢食又等得耐，最離譜係嗰啲燒物，等成個鐘先有。最近幾次食完返到屋企都肚痾，唔敢再食。叫咗三文魚海膽刺身飯，再加一客三文魚刺身。啲三文魚冇以前咁新鮮同埋細件左。海膽有啲聲臭味，一啲鮮味都無，感覺上係用咗一啲擺過夜嘅食材。另外叫左個炸雞塊，我九點幾去坐低已經即刻嗌，催左幾次，都等到 last order之後先至有，仲要炸出嚟係竉晒幾硬皮炸雞塊, crazy。

之前經常聽同事講呢間餐廳嘅刺身好食，今日終於一見盧山真面目～～☺️Lunch set 無論係熟食（和風定食）或者魚生飯（刺身定食）都有唔少選擇，完全考起我呢個有選擇困難症嘅人🤭🤭刺身定食 （$98）✨刺身定食有吞拿魚、三文魚腩、油甘魚、甜蝦、帆立貝、海膽，份量都唔少～✨每款刺身都係厚切，刺身鮮甜得來又有回甘，正！😋✨咁多款刺身我比較中意三文魚腩、帆立貝和油甘魚，三文魚腩油香十足，其餘兩種嘅甘甜味都好突出～✨其餘嘅刺身質素不過不失，但整體來講呢個價錢有呢個質素真係超級抵食！推薦～🥳🥳

今晚同180先生同佢既朋友仔重遊活一鮮..每次經過店舖都長期有人排隊, 可惜店面比較擠迫，不是感到很舒適, 但店員服務還好.活一鮮使用木碟呈上比客人,呢個特點會比客人感覺到好似置身於日本小店內. 店內還設吧位置180先生點左好多壽司,依舊新鮮.KEEP到水準.  魚生薄薄一塊，厚度適中，而飯既量亦都恰到好處最後180先生都係意猶未盡, 點左點了刺身拼盤. 刺身拼盤分別有：三文魚、油甘魚、鱆紅魚、北寄貝、八爪魚、甜蝦、帆立貝（每款各三件）味道真的很新鮮，魚生厚厚的佢既魚生飯都唔錯, 魚生飯選擇多, 魚生同飯都比較多, 魚生新鮮,飯唔太散. 咁既價錢都算高質. 

每次經過店舖都長期有人排隊，今日時間尚早，到店後馬上有位置，可惜店面比較擠迫，沒有感到很舒適。店員服務還好，但未知是否店內的聲量大，需要叫很多次才有店員回應。點了不同壽司，喜歡飯量不多，可品嘗到魚生的鮮味。有別於其他平民價日本店，活一鮮使用木碟呈上壽司，值得一讚。海膽賣相沒有很吸引，或許下次可試試加拿大海膽。店裡的清酒選擇也有蠻多，價錢相宜，備有不同大小、口味、冷暖選擇，大愛！店內還設壽司吧位置，希望下次有緣一試，增強日本感

同朋友行街行到又攰又餓 經過見到間日本餐廳就入左去 因為好肚餓嘅關係就好快手叫左幾樣野杯橙汁最快到 正好可以幫我地解渴 叫JA FOOD罐裝粒粒橙汁 味道同其他橙汁分別唔大 之後再上一客厚燒玉子 賣相幾吸引 見到佢裏面包住左舊餡 個面再加左蔥花 食落去啲蛋都幾甜 夾埋啲餡啲蛋香味更加突出黑豚胡麻沙律 啲豚肉厚薄適中 食落去幾香口 配埋個沙律都好夾 比較適合做一道開胃菜 食完之後都唔會驚飽得濟食唔到其他野柚子面豉燒雞扒剪得好香 一上菜已經隱隱約約聞到烤香味 柚子味都算重 夾埋舊雞扒食出乎預料地好食特上活一鮮丼性價比勁高 價錢唔貴之餘裏面仲要有好多唔同魚生🤤尤其是啲三文魚唔腥之餘仲有甘香味 下次帶朋友黎會再食呢個

去穩食，誤打誤撞發現哩間日本菜好好味，一定要推介比朋友！裝修都幾好噶，坐得舒服，氣氛都唔錯，贊！而菜式都幾多選擇噶，我就點左幾個來試試，日本南瓜天婦羅好好味，外面層粉好薄，但系都好鬆脆，而南瓜甜甜地味，味道一流，仲有個酸酸地噶汁汁搭配噶，酸酸甜甜，更加醒胃。

搵到一間唔錯嘅日式餐廳，睇完openrice先知原來有分店，今次就來咗西環嗰間，未到7點已經坐滿咗7成。店員話可以選擇坐吧檯，但係因為想同朋友傾耐啲，所以就揀咗坐卡位。櫻花蝦餅作為前菜嚟講好出色，炸得好香脆，食落唔會好油膩，幾乾身同香口。厚燒玉子加咗蔥花係入面，食落有啲似中式嘅蛋，不過蛋香味幾重，食落唔錯！鰻魚飯份量都幾多，鰻魚一唔都唔乾，最估唔到嘅係佢都有玉子，真係好正。油甘魚紙鍋 ，賣相好靚。大大舊魚肉一啲都唔腥，仲有粉絲、菇、蘿蔔同菜等等，令湯頭變得好清甜！特級刺身拼盤有唔同款式嘅刺身，其中私心推介梗係原版海膽，超多超甜！

西環小店都算多,但高質又唔貴既都冇幾多間,呢間有點屋酒屋feel既日本野,值得一讚!北海道生食白粟米唔係周圍都有得食,呢到直頭成本價咁上下,老實!仲幾新鮮,食落清甜冇渣,唔錯!薄切鱆紅魚刺身, 係油脂冇咁重既魚,食落偏爽口,食得出好新鮮,而且一點都不貴!清酒煮蜆好大碗,隻隻蜆都好平均地大隻,好鮮甜又完全無沙, 湯底係屬於偏濃個隻,我自己就幾鍾意,係必食推介!網燒牛扒好香口,仲幾juicy,一般D餐廳一係會燒到乾哂一係就太熟好un,但呢個完全冇,燒得剛剛好。送酒一流,呢到都有D唔同款既酒,啤酒sake都有,價錢都合理,好可惜今日唔飲得酒,下次有機會都要黎chill下。另外個櫻花蝦餅有點驚喜,雖然成大舊炸物但一點都唔油,又唔會好大舊粉,咬開都真係啖啖都有櫻花蝦係入面,足料!總括黎講呢個價錢食到呢個質素仲要係西環,真係超值,絕對係一間值得回頭既小店!