津滿麵點小吃 (已結業)

上星期在下刻意去車品品，吃她一個車仔麵餸，另加一些推介食品。今趟去了荃灣，在開心餐廳吃過蛋牛治，卻耳猶未盡，在荃灣遊走一會後，折返兆和街。為什麼會去兆和街？就是在下突然間想起了條街有間小店，專吃麵點和小吃，叫做「津滿」。在下一直都曾經無數次與它擦身而過，不是去了別家食店，就是不想吃車仔麵，今趟既然嚐過車品品的車仔麵餸，為何不可以在這裡吃個車仔麵餸？既然來到門口，從門上的餐牌看，原來以芝士味做一個湯底，還有的是清湯，牛腩汁和秘製咖哩汁，看起來似乎真的好好味咁，就不妨推門入內，就把芝士湯試試看吧！入了去，拿起了車仔麵的紙條，當然點選了蘿蔔魚蛋和紅腸這麼大路的車仔餸，而湯底就來一個芝士味。其實在下既然選定了芝士味的湯底，就索性就不用再點飲品，可是當點選了芝士湯底以後，店員卻說要索價另加十個大洋，無所謂啦。宏觀店舖，牆上貼滿了海報和餐牌，而且佳位全是以橙色做主色，甚為悅目光澤，也使店舖看來也較Sharp。而坐位門也幾寬敞的，坐得也較舒適。車仔麵餸已經上桌，蘿蔔魚蛋和紅腸浸在黃色的芝士湯裡面，而且也散發著芝士的濃郁味道，呷一口湯，實質是很強烈而濃郁的芝士味，而蘿蔔卻未夠腍但卻有咬口，口感甚豐富，可惜有個別蘿蔔不夠新鮮而帶有苦味；紅腸煮得很腍，而邊位卻不夠脆；另外魚蛋亦是很腍，但欠缺彈牙而且有點粉，魚蛋稍為久佳一點。雖然湯底是濃郁的芝士味，但卻也可以嚐到湯底本身也是清湯呢！整體而言，車仔麵餸很腍，但蘿蔔卻不及車品品的那麼清甜與腍，而值得一讚的卻是個湯底，是沒有味精的湯底。服務也不見得很差吧。…查看更多

2-2-2013 (Sat)朝早同男友起身食早餐,又唔知去邊o度食,佢就記得呢間,咁好啦.我o地o黎到只有一對父子客,坐低後我揀o左$8.00o既幼麵,$6.00牛根丸,$8.00o既芝心丸同手打蝦滑,加$10.00要濃滑芝士湯,加$3.00要熱華田.男友要$8.00o既公仔麵,$6.00o既蠔油冬菇同咖哩齋,$8.00o既炆鳳爪,要自家製清湯,加$3.00要凍檸茶少甜.冇耐飲品到o黎,我加o左成包糖落杯熱華田o度,一飲,好甜.之後兩碗麵到o黎,我o個碗都好金黃色,但o衣o家對返第一次o黎食o既食評,明顯冇咁金黃同濃,而且原來加o左$2.00:(,而每樣餸都係同樣畀兩粒,手打蝦滑個樣麻麻地.我先食牛根丸,今次比上次好啲啲,係有牛根,而男友比我先食手打蝦滑,佢話冇味,好似只用滾水烚熟.我食吓,真係冇乜味,蝦味去o左邊?最後到芝心丸,呢個都幾對版,OK.而幼麵就熱騰騰,且份量比公仔麵多但同樣唔係中式幼麵,掛唔到芝士濃湯o黎食.而芝士濃湯呢?開頭食覺得幾夠濃,但食到底係唔夠o既.然後講返男友o既公仔麵,佢一食件咖哩齋就嗌好辣.咖哩齋應該唔會好辣吧?佢話啲咖哩入晒麵筋o度,仍令到成碗清湯同餸都變晒咖哩.冇錯,我食半個冬菇時都係食到咖哩味,但好彩鳳爪未受影響,最後我食一啖咖哩齋,係辣,同埋裡面都染成黃色,有啲可怕.最後我要食一小撮公仔麵,果然啲湯係變o左做咖哩湯.第一次食o既食評: http://www.openrice.com/restaurant/commentdetail.htm?commentid=2271498…查看更多

10-1-2013(四)在「津滿麵點小吃」用餐，基本上每月也有一次。是日放工後，又來了「津滿麵點小吃」吃車仔麵。。。店舖沒多顧客，生意真難做！ 我點了芝士味濃湯底(需另加 $ 8)，湯汁香味撲鼻，芝士味味道適中，不過濃亦不過淡，我覺得它比尖沙咀的「新記」做得優勝； 爽彈兼帶咬口的手打魚滑外型粗身紮實，味道佳； 豬頸肉夠彈又夠香，而且一點也不肥膩； 價錢 $43 則略嫌貴了點！ …查看更多

以下評論將以中立角度出發，避免有太多個人意見，影響整體結果[環境] 基本上整潔，地面不濕不滑，桌面亦無明顯污積，餐具亦算乾淨[食物] 今天點了車仔麵及籠仔飯，沒吃他們的招牌菜豬手及芝士湯。車仔麵味道一般，沒什麼驚喜。籠仔飯的味道還好，因豉油的味道挺濃，分兩次落會較易控制飯的味道[服務] 樓面的服務態度差劣：落單時一面寫一面和其他人說話；送飲品及食品時一言不發，還未放下便像要轉身走似的；飲品用的糖包是“拋”到檯面；點了的籠仔飯，知道要等約15分鐘，但因下單了半小時還未來，便向店員查問，告知仍要多等一會，便打算取消，店員卻說單只下了二十多分鐘，時間上是差不多也許有人認為，平民化的食物價錢，便不應對服務質素有多大的期望，或更不應要求有好的質素。但以現今對於食物及服務同樣重視的社會，這可行嗎？單靠食品真的已有足夠條件吸引客人光顧？希望大家能反思。…查看更多

本來想去翠華吃日思夜想的魚腐米線，路經津滿，看見門內外都貼滿了金剛小儀的介紹，想試新菜於是便入內一試。自選車仔麵選了﹕ 牛腩、金錢肚配河粉、腩汁腩汁非常惹味，河粉放了一會就完全吸引了腩汁的味道。牛腩和牛肚既腍又入味，好好味。大大的一碗，飽到撐﹗ 咖喱魚旦、豬大腸配油麵、濃滑芝士湯咖喱魚旦的賣相和顏色雖然不敢恭維，但味道還是不錯的，帶點辣。豬大腸同樣入味，不知要煮幾多個小時，才可以這樣腍和香。芝士湯的芝士味淡淡的，不算很濃。店方為了宣傳，搞了個facebook打咭專頁，只要消費滿$30，然後在專頁上打咭，並post上該店的食物相，便可減$3。…查看更多

今日,我係荃灣行既時候就發現此餐廳,於是我就入左呢間餐廳就食下呢間餐廳既野食,結果就叫左荷葉排骨飯。荷葉排骨飯飯同排骨蒸得剛剛好,有兩點我係唔滿意1.D鼓油太甜 2.D排骨太鹹。…查看更多

今日(2-12-2012 Sun)同男友遊完深水埗返荃灣,我出o黎之前同爸爸講我會買o野返屋企做餸,o黎到,我o地決定買6件茶王回味豬手,共$44.00,3隻玫瑰燻雞全翼,共$43.00,6隻大漠炸雞中翼共$36.00,用3個外賣盒加$3.00.我o地等o左都幾耐,包好o左o既食物終於畀到我o地,我坐車返屋企時,一直嗅到炸雞味,返到屋企打開影好相,冇耐就開飯.我先試茶王回味豬手,豬手好腍,茶味都好入味,亦食到有醋味,感覺都唔太肥膩.然後試大漠炸雞中翼,舖滿外面o既黑白芝麻竟然係漿埋一撮,而雞中翼係微辣,肉就o岩o岩熟同唔o鞋.最後食玫瑰燻雞全翼,有兩隻係大大隻肉厚,食落,同豬手o既味道差唔多,不過冇醋味,而玫瑰花味卻唔多覺.…查看更多

今(25-11-2012 Sun)朝同男友起身後食早餐,問佢去邊o度食?佢答茶餐廳.咁即係兆和街啦,不過睇完上星期日o既街坊廚神食四方o既介紹後,就試吓呢間特色車仔麵啦.我o地o黎到只有一個客人,男友揀o左3餸車仔麵,要$8.00o既公仔麵,$5.00o既生菜,$6.00o既豬皮同墨魚丸,要另加$8.00o既濃滑芝士湯.而我本來想要荷葉籠仔蒸飯,但要11:00am後至供應,重要等15分鐘,加上我o地入到o黎至知隔離又鑽又揼牆,好嘈,所以冇叫.咁我就要o左$8.00o既牛根丸同魚皮餃,$8.00o既金錢肚,要惹味牛腩汁,加$3.00要凍檸水.落完單,好快凍檸水到o黎,大大杯,冰唔係好多,呢個味道屬正常,唔太甜又清清地.冇耐,我o地兩碗麵都到o黎,睇睇男友o個碗,金黃o既芝士湯舖滿成碗,好期待.而我o個碗呢,,湯都滿滿o既.好,開餐,我先食金錢肚,金錢肚夠腍,而食一件已經食到好濃郁o既腩汁味道,我再飲一啖湯,真係好濃郁,唔錯喎.而我都夾我o既餸畀男友時,都盡量唔停乾我啲腩汁畀佢,佢食o左唔使試我啲湯都知道濃,勁!之後食魚皮餃,魚皮餃口感竟然同我o地平時食o既唔同,魚皮好薄亦冇應有,微微硬硬o地o既口感,好差.而牛根丸呢?淡而無味,亦冇牛根,口感同味道完全唔對版.油麵軟硬適中,OKo既.而男友o個碗呢?芝士味道亦都係濃郁,畀得好足,佢o既餸都算幾正常.男友亦大讚芝士湯o既稠杰度同鹹度o岩o岩好.食完後,覺得呢o度o既湯底係唔差,但來貨麻麻,我諗佢o地要意吓,免得拖低水準.下次有機會試埋其他招牌小食.環境:唔知係o岩o岩開舖定怕天氣凍,冷氣開得唔夠,我同男友坐低後都要即刻除褸.…查看更多

又是在荃灣開餐，這次來到津滿。晚上人客不多的，縱然最近在電視看見金剛小儀在介紹。大把位，揀個最有利的邊吃邊看電視。先來個鳳爪排骨籠仔蒸飯，製作需時，這點我很明白，出來時的確熱呼呼，米飯混入黑漆漆的濃醬汁，味道還可，排骨卻只是雪得一點味也沒有的貨色，鳳爪也很一般。又試試店家的招牌小食，要了份芝士焗海蝦，蝦是「訓覺」的，只靠濃味的芝士汁去提味，不是差，但稱為招牌菜，就勉強了些少。見檯檯都有雞翼，下次又來試下。…查看更多

lunch 是但揾d野食下啦一支公唔想煩, 食車仔面啦,簡簡單單就算啦其實一直都知道呢間好味, 只係一路都無機會食到叫左個芝士湯底, 試下新野ma其實其他店ge試過都ma ma, 一係太稀一係就得塊芝士係面, 夾硬有個味就算呢個好濃好有芝士香味個面底索到好重芝士味, 真係超正!!…查看更多

不知所謂的津滿茶王回味豬手, 不知所謂的店員~昨日行過荃彎大霸街, 見到間新野 " 津滿麵點小吃" 所以新野當然想試下~首先入內裝修睇落唔錯, 夠闊落光猛, 亦見到貼滿晒報紙及電視台推介資料.....心想應該唔錯吧? 由於不想花心思去選, 見佢有個 "雜錦麵 [油麵] [要腩汁] $33" 所以便選了這個,及叫了一個 "津滿茶王回味豬手", 再加杯 "咸檸七" !! 不過一個車仔麵竟然要等成10-15MIN 先到, 已經令我有很大意外......點知, 還要來錯麵底......叫油麵底來了個粗麵底......我都算.....麵及料無乜特出叫做可以放入口食, 但個湯完全無味似滾水, 明明叫左加腩汁,只有中間有一匙位置有輕微腩汁味.......誰不知更大的意外是那碟"津滿茶王回味豬手".....我見到完全接受唔到, 因為3件豬手上都仍然滿佈 "豬毛", 好明顯無認真處埋好先去煮..... 你叫我比錢來食你D 豬毛呀!! 真係離譜!!我同個侍應講碟豬手很多豬毛點食呀?? 你估佢點??佢攞住碟豬手放係自己眼前轉來轉去, 轉左成分鐘......都無想辨法解決.....我即時興到要求除消該碟豬手, 哈.....佢居然係企係度無任何反應.....好似想講唔得架喎咁....我真係幾乎要拍抬....佢先死死地氣去取消.....咁明顯既豬毛, 我就唔相信係眼前轉足1分鐘都可以睇唔到 !! 相片中因角度問題己經顯示少了 !!所謂 『見微知著』而佢地其它出品, 送比我都唔會返轉頭再幫親 所以 D報紙電視推介唔好信十足, 一定要自己親身試過先知。…查看更多

昨晚見到有新食店，見無乜客不用等位，又以限量芝士湯底作招徠，咪胆粗粗的就去嚐鮮囉，主打係芝士湯底車仔麵和荷葉籠仔蒸飯！既然要嚐鮮，當然先叫佢哋的招牌菜式啦！所以各叫了一個來試芝士湯底要另加8元，手打烏冬又要另加2元，都不便宜呀! 等了不久，我的芝士湯車仔麵來了！睇落好似都OK，但一試個湯，首先出事了! 芝士味，全無！眼見黃金色全是牛油，淡咸香的牛油，滿口油！烏冬份量很少，大腸咸到苦；炸魚角死實實的，無味又難食；墨丸似過期，梅的！最後成碗野太油膩，吃不到半碗！即叫即蒸的荷葉籠仔蒸飯，等了十五分鐘左右，不算太久！一出場，很飽滿呀～Ｄ飯，餸都有6-8件田雞的，另有四五塊木耳，不佩合的乾蒜和一碗豉油膏(質地很杰）！麵不好食，只有寄望個飯啦！不想想得太壞！白飯底，很多飯！無米味，也無荷葉味，仲有Ｄ生骨，加埋豉油都覺很乾，難以嚥下！加點芝士湯，油笠笠仲難食！田雞，不知為何不似雞肉，似豬廋肉，又硬又咸！最終芝士湯車仔面，烏冬和餸都食不到一半，阿信屋的芝士麵好味好多！荷葉籠仔蒸飯，飯食不到三分一，勉強食哂Ｄ餸！結論：吞不下，食不飽，不會再去食了！…查看更多

當日二人前行去了這間新開的車仔麵檔打算試一試由於是購買了團購餐, 所以一入到去例行先張購團券給了侍應生, 而他們都確認了我們是享用團購餐的.不過第一個惡夢就開始, 當我地點食物時侍應生同我地講今天紅豆凍賣晒, 即時心都沉了, 本來寄與厚望可以飲紅豆冰, 不過無奈團購餐差不多夠期, 唯有硬住頭皮繼續點食物第二個惡夢開始, 當我地點好食物後交給了侍應, 本來等緊上菜的時候, 有個侍應走過來, 同我地講, 今日雞翼都賣晒了, 不過你地唔可以揀同等價錢食物補上, 只可以留返下次過o黎堂食, 心諗佢地係唔係玩o野, 一早比張團購餐券你個時又唔講, 落晒order 先講無, 不過最後都只可以屈服唯有下次帶個飯盒去拎走, 因為外賣盒要收一蚊都唔想益佢第三個惡夢開始, 隔了一陣, 又要侍應走過o黎, 話我揀了個手打蝦滑賣晒喎, 你可揀返其它, 哩個時候真係唔扯火都唔得, 哩間咩店, 咩都賣晒點解唔早o的關門, 呃完人入o黎先話賣晒, 離譜!!到了第四個惡夢, 抗爭了 15 分鐘後終於可以正式落單, 不過當時我已提了餸麵分開上, 但當o黎到之後, 有無搞錯, 係就係分開上, 不過係餸+麵同湯分開上, 有無病?最後只好快o的食完就離開, 完全唔想多留一分鐘…查看更多

早前買了團購$29有一杯紅豆冰,一個三餸麵,和一隻玫瑰燻雞翼懷舊紅豆冰, 夠多紅豆, 和紅豆煮得夠淋, 好易食, 奶和紅豆的比例剛好, 唯一問題是那舊冰太大, 沒什麼空間給我攪動, 將紅豆和奶調和我叫的是幼麵, 麵質比較粗, 湯底是腩汁, 甜甜地但腩味不夠, 菜幾嫩沒渣, 豬腸和豬軟骨都很入味, 亦很軟嫩玫瑰燻雞翼, 味道幾特別, 但是雞肉好"鞋", 不好吃呢這裡點菜自己圈的, 比較清晰方便平日晚上六時多七時, 這裡已有不少人進餐, 都幾受歡迎, 服務員招呼不錯, 地方整潔, 坐得舒服, 我想是這裡多人吃的原因吧, 平時吃車仔麵的通常都比較污糟, 店舖又狹窄, 但這裡一個三餸麵大概要$30左右, 都不便宜呢…查看更多

早排係開飯網叫到有間車仔麵鋪新開..時次終於一試..先講味道....鳳爪夠林入味..應該都有三隻..豬腸無咩特別.但亦無臭味...OK..豬皮夠林但好似全部餸都差唔多味..湯底.我選擇佐牛腩汁..清清地唔太咸..有甜味.不過重佐..勝在唔太油膩..係無叫菜既情況下.都比兩條.賣想加分..但係我食完擺底對筷子.無一秒.有位四眼哥就同個可能係part time既.樓面.係到咬耳仔.內容大約係.叫佢快d 收佐我地d 碗佢.等個客快d走.等等既說話....大佬..唔係咁呀..又無人排隊...又有吉位..如果你自己過嚟(汁)我都當你有招呼呀..但你以為自己細聲講.其實我地全部人都聽到.我都無諗住係到坐落去.但係你咁樣比我地聽到你趕我地走..我食完碗麵都覺得委屈呀..我明白做生意一定想返多幾張枱.但都要注意下行為言詞架.....雖然味道唔差.但我唔會再幫襯..…查看更多