泰Cool

地點位於九龍灣淘大花園，交通便利，環境寬敞舒適。室內空間非常spacious，亦設有包廂，非常適合姊妹聚會聊天，還有室外吸煙區，照顧不同需要。坐得舒服，氣氛輕鬆，傾偈到夜晚九點半都唔趕人，超relax。  鮮蝦金柚伴沙律 $82  蝦份量十足，配搭酸辣汁，味道清新醒胃。蝦本身略為淡味，但整體配合酸甜醬汁，讓整道菜平衡不膩，好適合開胃。  軟殼蟹米紙卷 $88  是整餐的亮點！一碟四件，餡料豐富，有芒果、青瓜、牛油果等，層次感十足。軟殼蟹鮮嫩多汁，帶來爽脆口感，清新又滿足。  沙嗲串燒拼盤 $88  雞肉口感較正常，味道溫和；但牛肉和豬肉的味道較特別，份量偏少。整體來說，若想試可選雞肉部分。  冬蔭鮮蝦炒飯 $88  炒飯吸足濃郁冬蔭醬汁，米飯香滑入味。不過鮮蝦味道略淡，整體仍合格。  地道椰汁雞湯 $88  非常推薦，湯用火爐保溫，入口暖笠笠，非常舒服。湯料豐富，雞肉和菇類鮮美，滋味十足。  芒果糯米飯 $58  飯暖笠笠，口感彈牙，芒果甜度適中，椰奶偏甜但整體味道協調，作為甜品不錯的ending。  泰Cool環境舒適、氣氛輕鬆，食物多樣且有亮點，適合朋友聚會慢慢享用。兩人賣單541元，性價比高。值得再來試試其他菜式！👍😋🥢✨  …查看更多

朋友仔之前嚟打雀局介紹我呢間性比價高係淘大唔多起眼位置但勝在地方大***重點***係有露台位方便帶寵物👍🏻店內有隻貓店長註首🐱原來呢度有幾間房做雀局仲有泰菜套餐𠻹都幾抵玩又抵食店內設計酒吧加鳥籠卡位飲品👉🏻椰子沙冰 + 熱情果沙冰👍熱情果沙冰份量十足用真材實料見到啲黑色嘅籽碎。正😋椰子沙冰好香椰子味道又不會太甜夏天飲完不得了即刻降溫前菜👉🏻鮮蝦金柚子沙律有金柚子+洋蔥+鮮蝦+炸蔥酸酸甜甜帶點辣好開胃小食👉🏻泰式炸春卷😋似自家制有蔬菜+粉絲+木耳春卷炸得脆脆熱辣辣配埋酸甜香辣醬汁主食👉🏻巨型麵包釀咖哩牛腩😋麵包輕輕烘到外面脆內軟吸收濃濃椰汁味帶少少甜辣嘅咖哩牛腩煮到好腍好易咬配埋薯仔小菜👉🏻馬拉盞雜菜粉絲煲雜菜新鮮爽脆配粉絲吸收馬拉盞嘅鹹香味甜品👉🏻芒果黑白糯米飯紫米+白米飯口感軟糯熱辣辣芒果好新鮮又甜沾上椰奶**重點**竟然有脆脆綠豆😱真係好正宗👍真心必食推介雀局套餐手機落單機械人送餐…查看更多

係九龍灣睇完戲就係最多野食果條街搵下野食，咁岩女友話想食泰國菜，網上一搵就推介呢間，佢要轉出美食街行前少少轉角位，入到去發覺好寬敞，坐得好舒適，門口就會見到佢地既貓店長，好可愛呀打開餐牌食物種類好多，本身想試下個咖喱包但又怕太飽食唔到其他野先放棄，女友話個包打咭無得輸，我地又住得近，咁唯有下次先試啦！泰式炸蝦餅上枱先發現佢幾大份下，薄薄既炸粉，厚實既蝦肉搓埋一齊，當然唔少得一定要點既泰式辣醬無骨鳳爪沙律作為開胃既前菜一定要嗌返個沙律，無骨鳳爪岩哂，佢冇平時食開既咁辣，岩哂唔食得太辣既人士沙嗲串燒佢可以豬牛雞各兩串咁嗌，泰國野點可以唔食串燒WO，油份咇哂出黎，點點個醬，正！冬蔭海鮮炒飯入口係厚厚既冬蔭功味，不過唔辣既，所以適合任何人食，用料都足，大蝦為數唔少係個飯入面，飽肚首選馬拉盞炒通菜菜底新鮮，炒埋一齊唔會太油膩同水汪汪，我覺得呢個認真唔錯，推介芒果糯米飯我女友係食到好飽之後，再叫左佢，然後佢話係甜品黎架，但食落冇後悔，芒果鮮甜，梛汁糯米飯你鍾意既仲可以叫佢多梛汁，諗起我都想Encore一個!!!!*好特別地舖頭佢有個送菜機械人…查看更多

今日黎到淘大商場，試一試呢間泰國菜，入到黎見到地方好大，仲有得打麻雀！😳 真係比較少見🤩 熱情果沙冰 $38真係有用熱情果去整！成杯都有熱情果籽，真材實料👍🏻 甜味一d都唔假☺️ 好消暑解渴～椰青 $46價錢比我地想像中平，因為坊間其他餐廳嘅椰青都要六十幾蚊以上，所以呢度真係幾抵飲！😝薄餅 $38趁熱食！好酥脆，好好食😋 可配埋豬頸肉一齊食！😌馬拉盞蜜豆炒牛柳粒 $88好足料，勁多豆角🫛 牛柳粒都好巨大，份量夠4人Share！泰式炸蝦餅 $78巨型炸蝦餅配醬汁一流😋 蝦肉好食～ 大滿足！泰式蟹肉炒粉絲 $88估唔到有蟹籽😍 仲有好多其他配料，而且係炒幼粉絲，好食又健康😘 有好多一絲絲嘅蟹肉豬頸肉沙律 $78超多舊豬頸肉！😳 仲有好多瓜、菜，又係好夠4個人Share食，好抵食！呢間店地方大到要用機械人上菜，好得意！🤣食左咁多野埋單都只係500蚊，真係超值！😌…查看更多

香葉花甲湯今日我嚟到呢間餐廳，首先叫咗香葉花甲湯。呢碗湯底清爽，香葉嘅香氣撲鼻而來，每一口都感受到花甲嘅鮮甜，湯水唔會太鹹，反而有種淡淡嘅海味，令我一啖接一啖，十分開胃。仲有啲香菜點綴，增添咗香氣，整碗湯都令人感到滿足。凍泰式奶茶接住飲咗一杯凍泰式奶茶。呢杯奶茶口感滑順，奶香好濃，但糖分方面有啲甜，對於唔太鍾意甜嘢嘅朋友，可以要求減少糖分。整體嚟講，奶茶嘅茶味同奶味平衡得好好，係一款非常適合夏天嘅飲品，飲完之後令人覺得清新。蒜蓉炒雞菜再嚟一盤蒜蓉炒雞菜，炒得非常好，雞菜嘅鮮嫩配合蒜蓉嘅香味，炒至剛好熟透，唔會太生。蒜蓉嘅香味唔會過於濃烈，反而係恰到好處，非常開胃，搭配白飯食更加美味。冬蔭鮮蝦炒飯接住試咗冬蔭鮮蝦炒飯，呢個炒飯真係好特別。炒飯嘅米飯鬆散，蝦仁新鮮，配合冬蔭醬嘅酸辣味，令人一口接一口。每一口都有蝦仁嘅鮮味，真係十分滿足，辣味適中，唔會太過火，適合唔同口味嘅食客。鮮蝦金柚沙律最後唔可以唔提鮮蝦金柚沙律，呢個沙律真係好清新。金柚嘅酸甜味同鮮蝦搭配得非常好，仲有啲生菜同其他蔬菜，口感脆口，食落去十分爽口。呢個沙律係一個完美嘅開胃菜，令人心情愉悅。…查看更多

呢餐真係好豐富，幾樣嘢都幾出色！先講**沙嗲串燒拼盤**，啲串燒燒得香噴噴，沙嗲汁好夠味，濃郁帶甜，花生香好突出。雞肉串嫩滑，牛肉串啱啱好熟，唔會太柴，仲有啲蔬菜串平衡返個口感，真係一個唔錯嘅開場菜。跟住試咗**咖喱花甲煲**，呢個真係驚喜！啲花甲好新鮮，無沙，煲出嚟啲咖喱汁夠香濃，但又唔會太辣，帶少少椰香同微甜，配薄餅一流。成個煲啲分量都夠兩三個人share，好啱一家大細食。至於**原隻菠蘿海鮮炒飯**，呢個真係靚到要影張相先食！炒飯粒粒分明，仲帶住淡淡菠蘿香，入面啲蝦肉同魷魚都好鮮甜，菠蘿嘅酸甜味仲中和咗炒飯嘅油膩感，睇住都開胃。最後嘅**芒果糯米飯**，就係甜品嘅完美收尾。芒果超甜，糯米又煙韌，椰奶汁淋上去，清甜而唔膩，食完真係滿足到爆！整體水平唔錯，再加埋啲菜色外觀靚，打卡一流！…查看更多

兩個人食，叫咗四碟餸，份量很足，我們都食到超飽：1️⃣無骨鳳爪沙律:味道酸酸甜甜，帶有少少辣，好開胃！試過食其他嘅無骨鳳爪沙律，啲鳳爪唔夠入味，但呢個鳳爪好入味，好掛汁！唔會覺得鳳爪同醬係分開嘅😋2️⃣鮮蝦炒金邊粉：金邊粉煙靭適中，味道有少少甜甜地，但又唔會好膩，配料好足！佢有埋青檸，可以選擇知唔知啲汁落去。3️⃣炒通菜：佢可以揀馬拉盞、蒜蓉，我哋叫咗馬拉盞炒通菜。佢嘅份量非常足夠，菜嘅軟硬度適中，唔會太腍都唔會太晏！佢到菜一放落嚟嘅時候，已經即刻聞到佢嘅香味！好😋4️⃣沙嗲串燒拼盤：呢個好有驚喜！因為佢雖然係串燒，但係咬落都好有肉汁，唔會因為係燒出嚟嘅而好柴！推介豬肉同埋牛肉！5️⃣椰青、青蘋果冰茶：椰青就中規中矩！而青蘋果冰茶因為我哋叫咗少甜，味道較淡，青蘋果味唔夠出，建議叫返正常甜~環境方面：整體好寬敞，幾舒服！九龍灣分店仲有貓店主！如果你係愛貓人士，記得去探吓佢啊~~佢超可愛，而且好嗲🥰…查看更多

同男朋友都好鍾意食泰式野食，泰cool以前都有食開，就搵男朋友陪我回憶下泰cool嘅味道🥰🍽️用餐人數：2💸有加一服務費▪️冬陰原隻大蝦海鮮湯$118📌超級推薦‼️‼️呢個湯份量超級多！如果係呢個湯嘅話建議主食唔好嗌咁多，因為會超級飽！重點係佢哋比得超足料，有秀珍菇，番茄仔，當以為海鮮得大蝦嘅時候，發現仲有青口同魷魚，所以絕對係物有所值，湯飲落酸酸甜甜，仲有輕微嘅辣味，加熱咗風味更佳😚▪️泰式燒雞（半隻）$128📌推薦‼️佢哋嘅燒雞整得好有水準😋有啲外脆內軟嘅感覺，雞皮超級入味，係蜜糖味嘅，如果係雞皮控就千奇唔好錯過，因為一定唔會失望，而且佢哋嘅肉質口感都算嫩，唔會嚡👍🏻▪️炒芥蘭（馬拉盞）$68⭐️普及下咩係馬拉盞［東南亞調味品，主要由發酵的蝦醬製成，並紅辣椒、蔥、薑、蒜等配料炒製成，鹹香帶辣］芥蘭好爽脆，重點係佢唔會好似一啲帶有小小苦味嘅芥蘭，而係食落好清甜，會忍吾住系咁食😋▪️碳燒雞翼（4隻）$48推薦‼️呢個雞翼都好入味，同埋食落好香，因為食落好有平時BBQ嘅風味👍🏻▪️泰式奶茶$26會建議走冰，因為佢哋嘅泰式奶茶唔係好濃，如果有冰會令到奶茶好容易變淡▪️芒果糯米飯$58📌推薦‼️覺得食泰式野食最後一定要食先係最圓滿😚，呢個芒果糯米飯啲芒果好新鮮，唔知係咩牌子嘅芒果（見網上指出芒果季節係5-10月）所以都捉緊最後嘅尾巴，就唔係最甜嘅時間嘅芒果，真系好輕微好輕微嘅酸，但係因為我鍾意食偏酸嘅，所以反而覺得好夾🤣…查看更多

淘大商場平時已經係美食匯聚嘅地方，住喺九龍灣附近嘅話都會嚟呢度覓食。今次來試一間泰國菜，收工時間六點幾過到嚟，唔係好多人，餐廳坐得好闊落舒服，坐有兩隻超可愛嘅舖頭貓坐鎮🐈🐈。當然食物味道都唔錯份量都好大。青木瓜沙律青木瓜嘅口感好爽脆，口味方面酸辣開胃，又比較重嘅魚露味。係非常之適合做前菜開胃用。蟹肉炒粉絲一啲都唔會偷工減料，真係有粒粒蟹肉，而且份量都唔少，性價比高。粉絲嘅質感好清爽，但又吸足咗調味料嘅味道。成碟炒粉絲好有鑊氣。入面又配有唔同種類嘅蔬菜，唔單止可以豐富口感，而且比較健康，綜合咗炒粉麵類偏油膩嘅感覺。火山骨一上到嚟已經俾佢嘅份量嚇親，真係成座山咁多😂😂。同木瓜沙律一樣調味方面魚露味比較重有微微辣，適合熱辣辣嘅夏天食！排骨有別於坊間一般嘅火山骨，肉質比較厚實可以做到啖啖肉嘅效果。兩個人嚟食嘅話真係份量太多，食到超級飽！芒果糯米飯選用嘅芒果好香甜多汁，糯米飯嘅準備方面亦都有小巧思，用咗白糯米同埋黑糯米兩種。白糯米口感比較軟糯，黑糯米嘅口感就會比較有咬口。總體而言呢間泰國餐廳嘅質素係唔錯嘅…查看更多

今日做完嘢之後嚟到淘大商場食飯，揀咗呢間之前食過嘅泰國餐廳！餐廳坐得好闊落😆食物有好多，適合一家大細或者約埋朋友嚟傾偈食飯。帶咗一份最鍾意嘅青木瓜沙律，酸辣爽口，份量好夠。少不了炒一個通菜！有鑊氣好好撈飯🫶🏻跟住仲嗌咗一個牛仔粒，入面嘅牛仔粒都幾多，好入味，下面仲有少少青椒同豆👍仲叫咗一份串燒，特別鍾意食佢嘅雞肉同牛肉燒得唔會太乾，配上沙嗲醬更有風味😉一定要嗌芒果糯米飯做甜品個飯仲暖暖的，上面有啲脆卜卜，加上甜甜的芒果，食完仲想再食多份😉飲品嗌咗兩杯沙冰大推椰子沙冰，椰子味十足😍芒果都好飲，不過椰子更加出色😂😂…查看更多

環境勁大 空間感爆棚 入面仲有麻雀打🀄️.♡⋯⋯食評⋯⋯♡ ☻ 4.5/5 ✨ 《下午茶》雞絲扎肉金邊粉·咸檸七·追加春卷小食金邊粉滑溜而有彈性 雞絲肉嫩扎肉鹹香陣牙 湯頭清甜帶九層塔香咸檸七鹹甜氣泡超解膩 追加的春卷脆皮爆餡 蘸酸辣醬食一秒到泰國🤣🫶🏼.✨ 《下午茶》泰式雞絲炒河·凍檸檬茶·追加蝦餅小食河粉鑊氣十足！雞絲吸滿醬香 酸甜微辣好開胃 份量好足 食到好飽😋凍檸茶☕️茶底濃而不澀蝦餅金黃酥脆 蝦肉彈牙 正👍🏻✨鹹魚炒椰菜苗有幾款口味 今次揀左用鹹魚炒鑊氣鎖住清甜 菜梗脆嫩無渣 鹹魚的鹹鮮恰到好處😜✨蝦醬臘腸炒飯，臘腸油潤包裹米粒 入口帶酒香炒蛋碎和蔥花增添口感 比想像中出色✨泰式炸蝦片見到自家製蝦片忍唔住買左包😍😍蝦片膨鬆酥脆 蝦味濃郁不油膩 好高質…查看更多

在淘大商場第四期，位置很寬敞，而且還有兩只小貓咪！喜歡貓的朋友真的是個好去處！炭燒豬頸肉（HKD78）非常非常好吃！一點也不柴，非常飽滿！搭配他們自家調的醬，微微的辣味，非常不錯！香葉炒青口（HKD108）這個特別驚喜！！味道很好，微微的香辣，吃下去意猶未盡，我和朋友根本停不下來！裡面有8只超大的青口和一些配菜，很值得！鮮蝦金邊粉（HKD88）賣相很好，裡面有兩三隻大蝦。味道甜甜的，炒得很乾身，不會粘稠，很不錯！沙爹串燒拼盤（HKD88）這個絕了！！無論是調味還是口感，都非常棒！可以自由選擇雞豬牛的搭配，個人最喜歡雞肉串，很好吃！尤其那個醬料，微辣搭配花生，很地道！芒果冰沙（HKD38）端上來那刻嚇了我一跳，因為真的很高很滿！味道不錯，重點是很飽滿，夏熱炎炎真的值得一試！…查看更多

又比我發現一個食泰菜嘅好地方「泰Cool」，喺淘大商場旁邊位置，外面有個outdoor area擺放咗一隻好大嘅幪面超人figure，餐廳地方好寬敞，除咗有得食泰菜之外仲有麻雀耍樂，佢地嘅食物大大碟之餘仲好抵食添👍🏻香葉爆炒肉碎伴生菜包豬肉碎加入香葉同洋蔥，辣辣地包住爽脆嘅生菜食落特別開胃，肉碎嘅份量夠多，可以包到八、九塊生菜，清爽又好味嘅前菜👍🏻泰式豬手一整嘅泰式豬手，上枱時已經去骨食起上黎更方便，香甜濃稠的醬汁味道非常濃郁，豬皮Duang Duang充滿骨膠原，連埋瘦肉同酸辣汁一齊食剛好中和膩感，「泰」正宗風味～咖喱牛腩釀巨型麵包必食推介👍🏻一大個嘅農夫包外脆內軟，中間挖空裝住咖喱牛腩薯仔，先將麵包切開再點上咖喱汁超正😋牛腩軟腍加上綿密嘅薯仔同麵包簡直係絕配，麵包腦袋嘅我食晒成個包😂冬蔭鮮蝦炒飯冬陰功炒飯味道酸酸辣辣，加入大大隻嘅蝦仁、本菇同雞蛋，鑊氣十足👍🏻炒飯夠乾身米飯粒粒分明，冬陰功嘅酸辣味亦調配得啱啱好亦唔會蓋過其他食材嘅味道😋芒果沙冰食泰國野必點嘅芒果沙冰，堆到成座山咁高😆入口幼滑冰涼，夏天飲返杯芒果沙冰真係透心涼，爽YY😌斑斕椰子奶斑斕嘅清香加上椰奶香飲落去特別順喉，甜度啱啱好，搞到我又想去泰國啦😆📍泰Cool (九龍灣)九龍灣牛頭角道77號淘大商場4期地下F229-240號舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

三色冰用啫喱，而唔係用一條條嘅綠色粉粿。咖喱麵包軟殼蟹...咖哩唔係咖喱、落太多奶，汁多到浸到個麵包冧晒...烏頭焗得唔熟，個肚仲有血水出緊。第一次食咁難食嘅金邊粉，落蘿蔔炒都算...仲要落勁多茄汁wtf酸嘅金邊粉唯一正常嘅係泰式鳳爪同埋通菜下次唔會再嚟食，比錢請一堆打手洗評分話好食果啲人應該食開s。樓面唔夠人手，等咗半個鐘先有嘢食，第一碟係泰式鳳爪，泰式鳳爪都整咗半個鐘，應該係啱啱拆骨大家正視聽…查看更多

今日幫屋企人慶祝生日，你屋企人住喺泰cool附近所以book咗呢度，而我哋通常都會帶埋狗狗去，因為狗狗都係我地嘅屋企人，所以一般都會揀Pet friend嘅餐廳。呢度環境好大，外面設有吸煙區位，但係我哋無人食煙，而且好熱，所以揀咗入邊一啲鳥籠設計嘅位順便打卡！呢度嘅嘢食全部都好大碟，所以order嘅時候，記得要慎重考慮份量。唔逐一介紹，大家睇相啦。味道方面都唔錯，但泰式野黎講真係完全唔辣，我成家唔食辣都覺得無辣，想食辣既就可能要考慮下。職員尚算有善，都鐘意動物，會主動同動物客人玩，仲有貓店主，但聽聞走失過一次之後就唔鐘意俾人摸，好在今日佢心情好，我摸左佢好耐🥹🥹走既時候職員都好主動同我地傾計講我地隻狗狗。😊但應該仲有好多客唔知pet friendly既餐廳係可以動物入室內，係客人問題呢樣，唔關餐廳事，但希望pet friendly既餐廳可以更盛行，大家可以人寵相融。#泰cool #petfriendly #泰國菜 #寵物餐廳 #九龍灣 #香港美食 #lifestyle #hongkongers #copperlui…查看更多