泰.越.港 (已結業)

剪完頭髮經過附近餐廳，見到餐牌上有泰式豬脾飯（圖片只供參考😩）就入去試下，先講賣相⋯輸咗，顏色正常應該深色啲吧，第一次見豬脾飯淋汁，如果係想令佢熱啲，明顯不足，今日外面23度都只有暖既溫度👎，不過豬脾做得不錯，豬皮入口即化，脾肉唸而不嚡口，份量⋯OL們應該夠食，我食完都有5成飽既狀態，碟上舖了一層菜，但係黃哂又變了味，成碟餸最敗筆既地方，令到菜面上既肉稍為變味，差👎不過，海南雞下午去已經買完，唯有等下次經過再試吧…查看更多

係中環食晚餐，就算幾十蚊，都有好美食=)於小巷中的小店，平價一樣可好味🙋晚餐SET：牛肉船河 + 椰汁冰牛肉船河 既 配料 除了 牛肉外，還有貢丸跟芽菜=)湯底味道挺香 ， 配河粉不錯😁椰汁冰E個比想像中好，唔會話糖水咁，而係好香椰香味😍另加配左 一份菜 跟 小食：泰式飛天通菜剛炒好出黎 - 好香且加了辣椒，小小味，好惹味=)沙爹雞肉&豬肉 串燒兩樣串燒 肉質正常，但沙爹醬汁是不錯👍泰式春卷 剛炸好的，夠哂香脆👍且都只係 十蚊😆另外，因為剛行完街，有點熱，就加左杯 (凍)泰式奶茶，有別於平時既港式奶茶，是另一種茶香，是另一種風味😁…查看更多

今晚收工去咗中環嘉咸街嘅「MeKong泰越港」品嚐泰國越南菜晚餐🇹🇭🇻🇳店內裝修簡約乾淨，餐牌上供應各式各樣泰國及越南菜式，而且定價親民酸辣無骨鳳爪鳳爪都幾入味，酸酸辣辣，當中仲有唔少蔥絲、西芹、蕃茄等等配菜一同醃製，係一道好開胃嘅前菜泰國風味沙嗲雞肉串燒串燒一客有三串，雞肉粒已經去皮，大大件，嫩滑又juicy！加左泰式風味沙嗲醬，多左份花生鹹香🥜，好好食馬拉盞炒通菜通菜新鮮碧綠，加入馬拉盞、薑絲及辣椒一齊炒香，微微辣，鹹香惹味泰式燒豬頸肉一大片豬頸肉燒熟後切件，半肥瘦嘅肉質頗彈牙，豬味濃郁，沾上特調醬汁後更加滋味迷你椰汁芒果糯米飯最後又點少得芒果糯米飯🥭三色芒果糯米飯軟糥有嚼勁，充滿糯米香！配上味道濃郁嘅椰汁🥥及鮮甜芒果，別具風味青檸梳打酸酸甜甜嘅青檸梳打，冰涼解渴…查看更多

喺中環食lunch，最怕就係要等位或者嗌外賣自取但要等好耐，始終打工仔都係得一個鐘頭lunch，如果嗌一個外賣都要等成半個鐘，咁食完之後都完全冇休息時間啦。通常如果我趕時間，或者有其他嘢做想快食一個lunch，就一定會幫襯me.kong ，因為佢出餐真係好快！！今日同同事嗌咗兩個餐share嚟食，一個係叻沙雞扒米粉，一個係青咖喱雞飯。兩個個味道都幾濃郁，聞落已經覺得好香，好惹味，呢個價錢絕對係抵食！最正係出餐晒， 10分鐘內一定拎到，啱晒我呢啲成日趕頭趕命嘅打工仔！…查看更多

MeKong泰.越.港地址: 中環嘉咸街7號地舖電話: 24884444===================自己一個人考慮食晚餐都幾頭痛，大眾化餐飯必然是首選。在家附近的橫街小巷，不是嘈吵的soho 食泰國菜一人套餐豐富抵食，先有牛骨湯小食要了份無骨白鳳爪，爽口陣牙，醋汁酸味幾令人胃口大開。豬肉碎飯簡單又好食，加了四季豆粒添了層次口感，而加了香料辣椒，食落微辣絕對不經意令人多吃白飯隨餐有飲品，青檸soda 冰涼，食完辣豬肉粒飯啜一口，人間享受。…查看更多

喺中環打工，每日最頭痛就係lunch食乜嘢有時開會開到天昏地暗，淨係想快快脆脆食過外賣就繼續開工，呢個時候我就一定會諗起Mekong!原因係佢真係三個字：快靚正。我通常就打電話落去叫定先，次次接線生都話要等15至20分鐘，不過其實次次都好快就出到餐基本上我打完個電話，去個廁所，喺公司慢慢行過去，個餐就已經準備好係我面前我諗接線生話15至20分鐘係比較保守，都啱嘅，費事講到咁快，做唔到又比客投訴今日我同同事兩個人叫咗兩個午餐，再share食，咁大家就可以食到兩樣唔同嘅嘢啦首先講吓豬扒湯米，個湯底都幾好味，係好強烈胡椒味，不過應該都幾重味精啊，食完都幾口渴另外一個就係咖喱汁焗豬扒飯，呢個真係不得了！仲要其實佢係平過個湯米個汁好濃郁，新鮮焗起熱辣辣超級好味，呢個10分推介！…查看更多

大家都知道係中環食嘢一啲都唔平但竟然比我喺轉角位搵到呢一間性價比極高嘅餐廳每一個晚餐set都會配有小食餐湯同甜品而價錢只係七八十 真係好抵食我哋叫咗一份海南雞同埋菠蘿炒飯海南雞配上油飯 食到好香嘅雞油味而小食就揀咗泰式春卷 份量都唔細春卷炸到好香脆 忍唔住識吓食吓都唔記得share俾朋友食而朋友揀嘅菠蘿炒飯 鑊氣十足 配埋酸酸甜甜嘅菠蘿 真係好似去咗泰國嘅感覺而小食就揀咗炸雞翼 唔好睇佢外表平平炸到又香脆又好有肉汁每人一個晚餐set真係飽到上心口 下次去開中環都可以再食呢一間…查看更多

突然好想食泰國菜，放工就開OpenRice睇吓，見到呢間好地道咁，所以就揀咗佢。餐廳位置唔熟中環嘅都要搵一陣，我哋放工七點幾去到，唔算多人，我哋餐牌揀咗自選餐$148泰式香葉炒鳳尾蝦球同埋泰式黃咖喱牛腩煲，呢個附送兩碗白飯。跟住我哋又加左泰式黃金烙餅，泰式酸辣無骨鳳爪，沙嗲雞肉串，甜品就叫咗椰汁千層糕，嘢飲就一杯龍眼冰同青檸梳打。每一碟嘅份量唔算好多，但呢個價錢黎講算抵食，每一樣都好好味，個咖喱牛腩好（林）牛筋都係😋正，沙嗲雞肉串入味嘅👍🏻鳳爪就稍為甜咗少少🤏🏻如果加多少少辣咁就🤤椰汁千層糕軟硬度啱啱好，而且唔會太甜🤤🤤兩杯嘢飲正常，總括嚟講呢個價錢食咁多嘢真係好抵食，二百幾蚊食咁多嘢🤭仲有佢哋廚師係泰國人嚟㗎，聽到佢哋用泰文傾偈🤣🤣…查看更多

中環行完街周圍行搵野食，經過嘉咸街，見到呢間食泰國野，一於入去試下先😋————————————————————————我地去平日去到6點左右，唔洗等即刻入得👍🏻見到啲壁報係泰國China Town條街，另外仲見到一幅係粉紅色泰國的士（無影低），即刻好想飛去泰國梳乎下😭————————————————————————入到去就見到呢個set，就咁睇價錢真係抵食到爛🤯個心即刻諗一諗，會唔會中伏？唔理啦，同另一半即管試吓好唔好食🤩————————————————————————表面平平無奇嘅湯，一飲落去！同你喺泰國水門雞飯間舖頭飲嘅湯完全冇分別！呢個真係估佢唔到😱嗰種思念泰國嘅情緒真係湧上心頭🥲————————————————————————泰式無骨鳳爪味道酸甜適中又清新，超級開胃。佢啲小配菜亦都好爽脆，好食👍🏻————————————————————————食泰國嘢冇理由冇海南雞嘅🐔話說佢呢度嘅油飯好香，而且偏乾身，個人覺得冇咁油膩👍🏻👍🏻啲雞肉好嫩唔會鞋，啲皮又唔會太肥，好味👍🏻👍🏻————————————————————————蒜蓉炒芥蘭。普普通通啦呢個就，不過勝在鑊氣夠🔥熱辣辣👍🏻👍🏻————————————————————————馬沙文咖喱豬肉配烤薄餅🐷呢個咖喱汁出色，唔會太辣，有少少甜味，成個咖喱汁嘅香完全都食得到☺️啲豬肉亦都好有咬口，配埋烤薄餅一齊食簡直係絕配🤤————————————————————————咁多嘢食加埋先至$236！真係超抵食之選！喺中上環嘅橫街窄巷可以有一間咁出色嘅泰國小店，真係要多多支持佢先得❤️…查看更多

當我同男朋友經過中環好想食泰國嘢。留意到這間餐廳好顧及情侶需要有很多一人或二人晚餐套餐。價錢實惠真係唔錯。男朋友比較喜歡包頭嘅感覺以前我哋叫咗個燒菠蘿海鮮炒飯。這款海鮮炒飯用了很多唔同的海鮮例如魷魚海蝦,佢想泰國獨特香料真係好夠鑊氣。其實當然係我哋喜愛最愛嘅泰國冬陰功海鮮湯。龍海鮮味包含咗很多大蝦,以及傳統泰國薑,配上香茅,認真v good.我自己女仔就比較鍾意食佢哋嘅特製海南雞,無論色香味俱全都達到我們要求。😘…查看更多

中環除左係CCB，更加係美食薈聚嘅地方🤤係Donki附近的小巷子，有一間地道的泰越式食店，價錢尚算相宜（Compared to 呢區物價🙊）泰 越 港 Mekong，顧名思義係想將泰國同越南嘅美食帶黎香港 Kong？🤔 究竟佢做唔做到呢？門面乾淨企理，不過去果條路就有小小冷巷feel，千奇唔好介意，因為呢d先叫「香港風味」！食物都幾多選擇，menu亦貼心提供自選餐比食客揀，可以自己配搭，mix&match🤤散叫就有唔同類型嘅食物，例如：頭盤、飯麵、炒菜、泰式甜品同特飲等！個甜品menu竟然有一款叫做「迷你椰汁芒果飯」，岩晒我呢d成日想小嚐，但又覺得份量太多嘅人！(雖然最後太飽……都係無叫到😆) 泰式虎蝦炒金邊粉🍤平時果d係無「虎蝦」2隻字，今次大大隻字寫住，梗係要叫返個試下佢咩料啦😎 原來真係有2隻煎香咗嘅虎蝦係面做餸，真材實料👍👍 個金邊粉嘅source調味岩岩好，酸酸甜甜咁，水準之作😋泰式拼盤🥠拼盤有蝦餅x1，春卷x2，串燒x2，雞翼x2……1個拼盤份量已經足夠2人分享！串燒肉質嫩滑，能夠成功將冰鮮肉解凍同埋整成串燒都好考師傅功的😆 其他食物就正正常常，作為頭盤之一暖胃，可以一戰😎泰色三色冰🔴🟢⚪本來叫想泰式珍珠奶茶，可惜當晚有d夜，所以賣晒LU😭 叫左例牌三色冰，更有驚喜😉 果d色澤鮮艷嘅馬蹄不但外層煙韌，咬落仲十分爽脆😛😛最後想講嘅係，店舖好貼心咁用個小紙袋將筷子同叉子裝好，唔會令佢暴露係空氣到有被污染嘅機會外，仲可以好方面咁拎出黎使用，認真唔錯😉…查看更多

今晚加班，冇辦法之下唯有叫外賣食咁諗住外賣自取，見呢間個海南雞飯有優惠，張圖又睇落幾好咁，就決定叫呢間黎食，拎完飯番公司坐低，成班同事圍埋黎睇下盒飯點，結果一打開就嚇死人…查看更多

中環多數食肆價錢唔平，難得有一間價錢相對抵食嘅隱世泰菜，適合追求合理價錢又食得飽同對食物質素期望唔高嘅上班族。🍝泰式虎蝦炒金邊粉$118 金邊粉比較乾身， 唔會太濃味。 份量幾多，虎蝦經過油炸都算嫩口。晚餐套餐🍗海南雞飯配油飯$85附送自選小食+甜品+ 飲料雞肉細細件，但幾嫩滑，油飯幾香，唔會過於油膩，偏向硬身。 🍢自選小食： 泰國風味沙爹雞肉串燒/ 豬肉幾惹味，兩大串都沾滿醬汁，肉質既厚肉亦燒得啱啱好。🥥+$8 轉飲特飲：珍多冰椰香味香濃，有唔多顏色嘅珍珠、唔似平時飲嘅條裝珍多。 🥥甜品：套餐附送一件椰汁千層糕椰汁千層糕$12 椰汁非常香甜， 煙煙韌韌。 椰汁大菜糕 $12 清爽得嚟又帶輕微椰子香。 …查看更多

見Openrice做緊優惠試下新野，雖然位置唔係大街大巷，但都幾近寫字樓核心區，平時可以嚟買lunch基於新手寫食評唔知原來加相一定要即時影，雞脾已經叉開咗就唔加相了雞脾都幾大隻，飯又多絕對冇因為特價就偷工減料而且都係好好味😋雞脾好入味又唔孩口飯都正正常常唔會太硬就算收返正價都會考慮再買我同事叫咗熱泰式奶茶，顏色好橙😹要加8蚊不過呢個反而令人失望好水都得個甜字，唔知係味趕得制有失誤環境方面附近雖然唔係超乾淨，但見舖出面都唔太污糟…查看更多

星期三晚仲要OT，想食餐簡單快捷嘅晚餐，但又唔想食快餐店，突然諗起呢間泰式餐廳MeKong，即刻約附近做嘢嘅friend去食過 quick dinner。首先個泰式青咖喱配雞肉，咖喱顏色青青地，食落去有清甜嘅感覺，最適合夏天唔係太開胃嘅炎熱天氣，同平時食開一味有鹹又辣嘅咖喱與別不同。跟住個泰式香葉炒鳳尾蝦球，香豆入味，用嚟撈飯至開胃，蝦肉香滑爽脆又彈牙，食完一隻又一隻。食泰菜點少得冬陰功湯，呢個冬陰功湯辣到啱啱好，飲一口即刻醒神爽利。最後嚟過黃金烙餅，呢個烙餅上枱時熱辣辣，應該係即叫即做，食落香脆爽口，差啲辣親條利，沾上青咖喱嚟食，味道又幾夾，呢個烙餅係呢餐飯嘅Perfect ending。呢餐飯真係好味又大件夾抵食，下次一定有幫襯。…查看更多