泰金國 (城市花園)

平日夜晚Book 左位，6點半去到入面一枱人都無，都有少少擔心中伏，不過唔排除係個鋪位位置再加上平日關係，先無乜人😅😅😅安全起身，一開始我地叫左兩個最多人推薦既野食，泰式燒牛肉同泰式冬陰公湯粉絲。泰式燒牛肉，肉質同口感都好好，配埋個醬汁，好味，價錢都係一百蚊左右，唔貴。另外，冬陰公湯粉絲，粉絲索晒啲冬陰公湯好入面，但係個冬陰公湯就唔係正宗既，偏向港式，唔係好夠泰式香料味😂😂見呢兩款都正常，我地再叫左泰式酸辣鳳爪沙律同青咖喱雞加薄餅。酸辣鳳爪沙律正常發揮，青咖喱就麻麻地，有啲似茶餐廳果啲咖喱😅😅…查看更多

店內只有三至四個員工，服務很慢，去到餐廳所有嘢都要自己處理，例如攞碗攞筷子，基本上是冇員工過嚟服務。餐廳氣氛很差，餐廳是食泰國料理，我是他的設計像是韓式燒肉餐廳，而且餐廳內燈光昏暗。而且枱與梳化的間距很近，令人坐上去有啲壓迫和不舒服…查看更多

星期二晚食飯,6：45入去只有一枱客. 其實呢度的裝修和氣氛同泰國菜拉唔上關係,呢度前身係食韓燒,裝修冇改但食物質素都唔錯和價錢實在係平,仲要冇加一. 我哋4個人叫咗兩碟泰式炒麵,一碟泰式炒椰菜苗,燒豬頸肉,炸魚餅,木瓜沙律,燒牛肉和一罐芬達. 埋單608.如果唔介意氣氛的話呢度都算唔錯.…查看更多

平日去食，七點幾，一枱客都冇，環境怪燈光差，夜麻麻去廁所都幾驚因為出面條巷都幾黑。期待已久嘅燒雞翼好咸另外嗌咗乾炒泰式河，好多油同比較咸。菠蘿炒飯都難食，呢個又冇咩味咁。係燒牛肉算幾好，但係上枱嘅時候已經唔夠熱。我最頂唔順嘅係咖喱雞，未食過咁難食嘅咖喱雞個汁嘅冇咖喱味㗎杰撻撻同嗰啲雞食完一舊都唔想再食，成碟剩返晒喺度。冇心情再影相，蒜蓉包都唔係好食。滿心歡喜咁嚟到，失望而回。之前睇人哋寫都話幾好味㗎⋯⋯…查看更多

男朋友成日話帶我去食泰牛泰牛仲諗緊乜嘢泰牛ಠ_ಠ今日終於去咗啦(●’◡’●)ﾉ嚟到門口見到等一枱客人我哋仲以為無開門又或者無燒牛肉食職員話原來燒牛肉幾時都有架♡´･ᴗ･`♡·❥泰式濕炒雞河$78即叫即炒 好足料又惹味雞肉甚多 相比之下 河粉略少唔係好夠喉(;´༎ຶٹ༎ຶ`) 好食到想叫多碟❥燒牛肉$118主角到啦ᕕ( ᐛ )ᕗ 我地落咗單先發現可以自己寫低熟度如果唔係佢就default 咗個熟度當我地好驚佢全熟之際….好彩係剛好嘅五成熟( ˘ ³˘)♥︎就咁食 好香牛肉味 個泰式醬好好味 酸酸辣辣 好開胃❥泰式芒果沙冰$38食完個泰式辣醬辣辣地飲翻杯芒果沙冰🥭爽晒 好解渴叫咗少甜 甜度剛剛好| (• ◡•)|📢餐廳以QR Code 自助落單如果大家牛肉想五成熟/ 全熟等 記得係備注寫低啦日後可以加埋有得揀熟度/ 飲品甜度就更好·留意👀餐廳🍴Lunch Set只供星期一至五𝐓𝐨𝐭𝐚𝐥: $𝟐𝟑𝟒(免加一服務費)$𝟏𝟏𝟕/𝐩𝐩·📍泰金國 (城市花園) (北角)北角城市花園道9號城市花園1座地下G24-29B號舖…查看更多

話說泰金國原來喺北角開咗店！完全唔洗排隊（暫時）😂而且喺北角真係好少搵到咁高質嘅泰國菜燒牛肉熟度啱啱好！而家肉質幼嫩！推薦度💯仲有燒雞全翼！即叫即燒啖啖肉🤤熱辣辣香口到食咗三隻🤫生菜包都係一貫嘅辣😆食唔到辣野就自己就住啦仲有必飲嘅提子沙冰🍇同蒜蓉包都係即刻焗，包邊鬆脆，蒜蓉味又夠哂濃！總括而言 燒烤嘅食物非常高質！所有嘢食都係熱辣辣上枱！仲要唔洗排隊呢件事真係無得輸！BTW唯一敗筆就係個青咖哩唔係咁OK啦🙈…查看更多

之前睇到youtuber真食評，推介呢間人氣泰菜小店，九龍城分店長期人龍，所以無去排，得知佢喺北角開左分店，即刻忍唔住試下！佢個燒牛肉真係超級好味，入口果下好食過高級扒房，d friend一入口都“嘩”都出來，而且性價比超高！！絕對值得回頭！…查看更多

好有驚喜，唔需要去九龍城，喺香港島都可以食到真正嘅泰國菜。食物相當有質素。已經同朋友決定下個月再去食於whatapp預訂了6:30pm，但早到咗，所以提早入去，但可能我太早到，店內未有客人，員工亦似未準備好開店。我坐咗30mins左右，舖頭都十分靜，亦沒有客人進來，而鋪的裝修也令到我有少少擔心，因為他完全是韓燒的裝修，有鐵桶的櫈和韓燒的抽油煙機，我曾經一度以為，自己會唔會入錯舖頭，會唔會中伏於是即刻上網check吓，原來之前舖頭係做韓燒的，只是老闆直接用回之前舖頭的裝修，所以才令有這個韓燒的泰國菜出現，於是放心晒。加上食物上枱後，就百份百滿意。每道菜都熱辣辣，新鮮製造。泰式生菜包：肉碎很入味，唔會炒得太老，很野味。泰式鳳爪：每隻鳳爪的大細適中，一啖可以食到。青咖喱雞：餸白飯/蒜蓉包一流，食唔停口蒜蓉包：焗得香脆可口燒牛肉：有炭燒香味，外皮燒到脆脆的，但肉質十分嫩口韓燒格局的泰國菜…查看更多

泰金國應該係其中一間最出名嘅九龍城泰國餐廳💛 原來依家喺北角都有一間「泰金國」😯 菜式同餐牌都同九龍城嘅泰金國好似～ 睇返北角店嘅Ig先知，原來北角店先係舊舖嘅老闆開嘅🤔 北角店嘅舖頭好似大過九龍城嘅少少，枱同枱之間非常闊落，但裝修就有啲有趣，因為每張枱都有韓燒店嘅燒烤爐同抽油煙機，應該係上一手留低，無拆到🤣 另外，北角店好似就無九龍城店咁多人，上次weekend 7點幾去到都唔使排隊～ 加上北角店係可以whatsapp book位㗎，所以如果真係好想食燒牛肉，都可去北角店試吓～ •🥢 燒牛肉 $118去泰金國嘅必食之一🤤 北角店呢碟燒牛肉好似貴過九龍城店嘅～ 但睇落就切得整齊啲，擺碟都靚仔啲，淨係睇個樣已經好期待喇🤩同之前喺九龍城食過嘅比較，呢碟就稍為燒得唔夠香，但就更加juicy，食落牛味濃啲，口感亦都比較腍😍 •🥢 泰式冬陰湯粉絲 $68湯入面有大量嘅肉碎同蝦米，一撈就發現連粉絲分量超級多🤤 味道方面就夠酸夠辣，只係差咗少少海鮮味，但加埋啲香口嘅蝦米肉碎同好索湯啲粉絲，真係食到停唔到口😜•🥢 燒北極貝 $38/隻好似比較少舖頭有燒北寄貝，所以就叫咗2隻試吓😛 每隻北寄貝都幾大隻，上面加咗大量嘅蒜蓉同香料🤩 味道係以酸味為主，帶好輕微嘅辣，再加埋大量嘅蒜蓉，真係超級惹味，但又唔會完全蓋過北寄貝嘅鮮甜！😍不過都有啲缺點就係2隻都稍為燒得太熟，所以口感有啲啲韌🤏🏼 而朋友食嗰隻仲有少少沙🫣•🥢 海鮮炒飯 $78呢個炒飯炒得好有鑊氣，幾乾身，啲飯炒到粒粒分明，但就有少少油🤏🏼 海鮮都係以蝦同魷魚為主，份量都幾多～但味道上就普普通通，無驚喜又無失望咁啦😛•🥢 泰式肉碎生菜包 $88呢個肉碎生菜包係全晚最唔推介嘅一碟🫣 因為食落只有辣味，無乜青檸/其他配料嘅味，而且辣得幾哽嗰種🥵 勉強食咗1/3多少少就食唔到落去🥲•🥢 泰式椰汁沙冰 $35🥢 泰式提子沙冰 $35呢兩杯沙冰同喺九龍城飲過嘅一樣味，仲一樣咁大杯又夠凍，非常之解渴解辣🤤…查看更多

朋友突然約今晚食飯，都有一段時間無聚過，就決定出來。其中一位住北角的朋友提議食城市花園的泰金國。一行5人7點半準時到達，原來餐廳前身係韓式燒烤餐廳，最近先改為泰式。餐廳採用QR code用電話直接落單，都算幾方便。我地都叫咗幾多唔同的食品，希望可以試下品質及味道。燒牛肉 - 肉質夠嫩肉碎生菜包 - 有小小過咸炸蝦餅 - 肉質口感有進步空間炒金邊粉 - OK冬陰功湯 - 雖然係辣，但感覺唔夠濃醉貓炒河粉 - OK2款炒菜 - OK木瓜沙律 - 味道唔夠突出幾款飲品都OK份量滿意，整體味道OK，可以繼續進步，加油！…查看更多

食過幾次lunch，味道幾好，份量好大，會再食。食過抄金邊粉，香葉肉碎抄飯，冬蔭公湯粉，不過唔知點解午餐轉凍飲要加$10，明明散叫凍/熱飲都係相差$5🙄，唔知條數點計。繼續努力，唔好再自己寫食評讚自己，篇篇食評都一樣，其他人見到會好反感咖！…查看更多

今晚5月1號一家三口又出去食夜晚飯，都係屋企附近，有一間名叫泰金國 ，當時睇住佢裝修，好Hea咁做，以為都冇諗過去食，真係唔知得唔得，可能都係開一間當做吓生意，估不到阿仔同班同學仔上兩星期佢去食過，我又想試吓去食，完全估唔到今晚第一次去食，每一樣嘢食過返尋味，泰式拼盤 大大粒 又好味，我最鍾意食海南雞飯，不同其它泰餐廳風味，冬陰功湯好味到不得了，內有大頭蝦，辣辣地，好好飲，泰式木瓜沙律不過不失，鹹魚芥蘭飯火爐十足 ，金邊粉炒得好好味，雖然這間舖侍應3人 ，伙頭最多一至兩個，雖然好忙都好好人，但我覺得應該再請人，味道真係好味 ，價錢又公道 ，又無加一我會再去食 雖然唔知係咪正宗，但我都覺得好味味道個個不同 呢啲係個人口味不同 泰式金邊粉泰式拼盤…查看更多

北角-泰金國⛱😋食物質素高 好有驚喜😍驚艷到我了😋🐟#香茅炸鯽魚#（$208）⭐️⭐️⭐️⭐️⭐️鯽魚起肉後炸金黃松脆加埋香茅木瓜丝之类配料簡直絕😍必食🍴俾細鋪仲要好食證明有進步👍🥩#燒牛肉#（$118）⭐️⭐️⭐️⭐️⭐️牛肉燒到表面微焦入面粉紅味道濃郁🤩有香濃牛肉味易咬冇筋，老細自創醬汁好嘢味太正了好味😋🍛香葉肉碎炒飯（$68）⭐️⭐️⭐️⭐️⭐️呢個飯不得不介紹一定要試，香葉肉碎炒得好香好🈶️鑊氣👍識食當然加煎蛋🍳老闆娘推介我食🤩🍗#燒雞翼#（$18）⭐️⭐️⭐️⭐️黃金色帶少少燶邊 入邊有汁唔乾身好味😋#泰式拼盤#（$148）必叫嘅超抵食份量十足，最推薦嘅皮蛋蝦餅，皮蛋釀咗入蝦餅裏面口感十足入邊仲有流心👍🍍#菠蘿炒飯#（$78）⭐️⭐️⭐️⭐️⭐️一上枱就聞到好香㗎飯香菠蘿味😍飯炒到粒粒分明好有鑊氣👅好多海鮮材料十足😋#泰式咖喱炒蟹#⭐️⭐️⭐️⭐️⭐️蟹肉新鮮好多膏，一上檯已經聞到好香咖喱味，呢個價錢食咁大隻超抵食，冇得輸大家自己試下就知道了🤩#辣椒膏炒蚬#⭐️⭐️⭐️⭐️⭐️一樣係咁大隻蜆肉鮮甜上檯已經聞到辣椒膏香味，真係好夠火候夠鑊氣，👅🥤提子沙冰：芒果沙冰 椰汁沙冰⭐️⭐️⭐️⭐️都好好味😋好濃郁嘅水果甘甜味，唔係死甜既味道！👍職員服務態度好好👍最好就係有電話WhatsApp訂檯暫時唔使排隊住 好味又坐得舒服，值得去試值得去分享嘅一間餐廳🍴聽職員講北角店泰金國係九龍城細鋪泰金國嘅老細親自掌廚🤩怪不得Keep住保持到咁好水準！想食泰金國細鋪味道同大鋪嘅舒服一定係北角食啦！呢邊有訂檯老細係香港人當然幫自己人我哋北角泰金國店見🇭🇰總結來講香港數一數二良心泰國菜，香港人去食嘅飯堂🏖撐你💪💪💪今日老闆娘還每檯都有送甜品🍮😍🤩📍北角電器道233號城市花園1座地下24-29B號鋪（顯理中學對面）📌…查看更多

泰金國由九龍城細鋪搬到大鋪係一間CP值激高不能錯過泰國餐廳🍴知佢喺北角開好興奮🫶因疫情冇堂食今晚終於可以約班朋友一齊去食啦！🍴上星期已經🈶️打電話訂檯，實在太好有得訂檯九龍城就唔俾訂檯，可能暫時應該啱啱開冇耐冇咩太多人知唔使排隊，呢邊職員好有禮貌服務態度非常好又座得舒服👍唔似九龍城呢樣唔得嗰樣唔得又坐得唔舒服，九龍城有嘅呢邊都有九龍城冇嘅呢邊也都有得食，甚至更好味坐得更舒服有卡位地方較大食物好食過九龍城，九龍城排餐懵服務態度又差好似唔休做咁！每次排到攰冇服務態度仲要睇面色😓依家終於有得選擇唔使行咁遠又有得食👼😋食物質素高 好有驚喜😍驚艷到我了😋🐟香茅炸鯽魚 （$208）⭐️⭐️⭐️⭐️⭐️鯽魚起肉後炸金黃，加埋香茅木瓜配料簡直絕😍必食🍴我個人覺得俾細鋪仲要好食，證明老細冇偷懶🈶️進步👍連隔籬枱幾檯都個個哇哇聲，原來前面個檯都有叫一起出嘅😋🥩燒牛肉（$118）⭐️⭐️⭐️⭐️⭐️牛肉燒到表面微焦内裏粉紅，有香濃牛肉味易咬冇筋，點埋的醬汁就太正了好味👍🍛香葉肉碎炒飯（$68）⭐️⭐️⭐️⭐️⭐️呢個飯不得不介紹一定要試，香葉肉碎炒得好香好🈶️鑊氣👍識食當然加煎蛋🍳我見佢哋推出午餐其中一個都係佢😋🍗燒雞翼：（$18）⭐️⭐️⭐️⭐️⭐️黃金色帶少少燶邊 入邊有汁唔乾身好味😋🥚皮蛋炸蝦餅（$88）⭐️⭐️⭐️⭐️⭐️炸到香脆彈牙蝦餅加皮蛋绵滑嘅皮蛋黃有幾種口感出奇嘅好味道係我鍾意嘅味道😋生蝦（$108）⭐️⭐️⭐️⭐️⭐️生蝦一味兩食用心製作，肉質飽滿彈牙有鲜味，點埋的酸甜醬汁好滋味😋🥤提子沙冰：好味😋好濃郁提子味好甘甜⭐️⭐️⭐️⭐️⭐️本人第一次寫食評唔識鋪相有啲慚愧！真心覺得大家值得一試！個人強烈推薦香茅炸鯽魚🐟…查看更多

由九龍城延續至北角，味道一直保持水準，十分有驚喜，雖然第一次嚟北角食泰菜，感覺CP值高，可以一試。燒牛肉推薦是必吃，牛肉厚得嚟又唔難入口，仲好有牛味！冬蔭公湯都值得飲，食飯之前飲咗冬蔭公湯先，醒神開胃…查看更多