泰潮

星期日得佢唔洗等位所以就試下，好後悔冇先睇食評首先坐低問侍應拎menu，先俾份下午茶menu，但選擇太少，問佢地係得咁多？冇正常menu？之後又拎份午市menu，我又問有冇小食豬頸肉果d架，之後佢先拎一本正常menu俾我，唔明點解唔一次過拎俾我呢！仲同我講呢d係收正價架喎聽落去唔太友善呢~所有食物都唔好食就唔特別講啦，豬頸肉同椰汁西米糕係極品級難食炭燒豬頸肉沒有任何燒過嘅痕跡，冇味道得黎完全係腍嘅，你話蒸嘅我都信，真係未食過咁樣嘅豬頸肉！西米糕酸酸地一pat野咁，口感奇怪！咁基本嘅泰式食物可以整到咁，厲害！總結，你對食物0要求，唔想等位，只為果腹你就可以去…查看更多

一人獨享晚餐蛋包金邊粉$82（加選）：泰式經典pad thai升級！金邊粉炒得乾身彈牙煙韌，蛋包金黃鬆化裹住，配蝦仁、豆腐乾、銀芽、韭菜、花生碎同蝦米，酸甜鹹辣平衡，青檸汁擠落更爽口，泰式蝦醬炒飯$82：蝦醬香濃入味，飯粒鬆散彈牙掛滿蝦香，微辣鮮甜，蝦仁彈牙配菜脆口，泰式炸春卷3件$28：脆皮金黃外脆內嫩，餡料新鮮蔬菜肉碎，配甜辣醬酸辣開胃炸香茅雞中翼2件$28：雞翼香茅爆香，炸得金黃外脆內汁多嫩滑…查看更多

叫左個蝦醬炒飯，根本就係臘味飯。我哋同枱未食完，都未問過就開始收嘢，想趕人走。仲有乾炒金邊粉，炒出嚟一坨嘢之餘，仲要冇乜味，食咗個寂寞，仲要成肚氣。個水杯仲有啲異物…查看更多

前几日下午3點几去新都會揾食，經過見到唔使排隊就坐底試下。心諗得2個人，應該都係安排最細嘅2人枱。通常老公會叫主食，小食，飲品。張枱通常唔夠位放。但唔常阻人做生意我地唔會出聲。點知門口哥主動叫我地坐4人枱😆開心。之後好快手拎左2杯水黎。qr code落單雖然下午茶已經有碗粉，小食同飲品。但老公仲想叫多款小食😅所以等佢考慮時未送單。就係呢個時候，waiter又黎，提我地要㩒送單個制同確定☺️太細心啦！除後送飲品黎，吸管意外跌左落地，老公執返起時，同一位waiter 又已經拎住2枝新嘅企左喺隔離🤩真係不得了。服務一流！！！！食物雖然一般，但泰式奶茶好得。一定會再黎…查看更多

新都會夜晚8半後仲開嘅餐廳所淨無幾，見到門口招牌寫住米芝蓮推介的泰國菜，就入去試吓 。我點咗**軟殼蟹**、**串燒**和**海南雞**，其實仲有其他但太夜好肚餓，餓到唔記得映相🙈首先，個軟殼蟹外脆卜卜，搭配特製的醬汁，個汁係出色，撈飯或者點薄餅係一流！串燒我地叫左一打，樣樣有啲，肉質鮮嫩，醃製得恰到好處，無論雞定豬肉，都好林好好食🍢我自己偏愛雞肉串多啲🥰最後，叫左半隻海南雞，你見到食左一半先記得要映，都幾滑，份量都算多，幾好食🐔…查看更多

🇨🇷泰國菜🇨🇷葵芳新都會廣場覓食，最後入咗呢間米之蓮泰菜試吓佢咩料先～⭐️酥炸火山骨⭐️半份火山骨有三大條，聞到好香，骨🍖肉好易拆出嚟，咬落好香口，面有少少脆，多肉汁😋個醬汁少少甜、少少酸，同肉味好夾🤩而且食有少少似軟殼蟹嘅香味🤤⭐️海鮮冬陰功⭐️呢度嘅冬陰功就咁睇已經好足料，蝦🍤爽口彈牙，而湯底味道好有泰國風味🥳鹹、酸、辣三種味道都好平均，出色～⭐️海南雞飯⭐️雞肉嫩滑，配上秘製醬汁一齊食最出色係雞油飯，剩飯都可以食一大碗下次一定會再嚟試其他嘢食…查看更多

首先，食物方面，沙嗲串燒得3粒豬肉，又細件又好韌$38（2串）。蝦醬炒飯完全無鍋氣，＄82蚊，啲飯係凍，垃圾，好難食。一定無下次。 然後，服務態度方面，明明同我哋講有一人套餐選擇，冬菇頭個女侍應講可以用手機落單，但手機點餐入面得主餐逐樣點，甜品同飲品。完全無套餐點，於是我哋再叫（老老地）女侍應幫我哋落單，態度好差講：「用手機點餐」，我地話手機無套餐落，叫我哋等等，竟然走去招呼剛入座的客人，我地都係客人，咁求其回應我哋就算，好無禮貌啫。明白咁多人北上消費。…查看更多

今日去葵芳行街，順便嘆下午茶，系新都會地下行左一圈，覺得哩個下午茶比較適合，咪坐低嘍環境(4分)— 系商場內新新淨淨，光光猛猛，尤其是下午茶無乜人幾舒服。服務(4分)— 可能下最低一層，手機接收比較差掃描吾到二維碼，waitress都好樂意幫忙。— 問佢有無最低小費，因為想兩個人一個餐加小食，佢又好開心話無問題 衛生(3分)— 正常抵食(3分)—系商場行了一圈，價錢比較適中。—碗粉同配料分量都算大。味道(2分)船粉(豬頸肉，豬肉丸，肉碎)$58， 4分— 豬頸肉彈口得來幾”林”— 豬肉丸系彈口但味道普通— 肉碎反而幾滑— 金邊粉幾q— 湯低系甜得來幾舒服。香葉包雞(餐+15) 1分— 當然吾系泰國燒出來啦，但炸得太厲害啦，又黑又燶，雞又乾又鞋泰國奶茶(1分)— 茶吾香—太多奶…查看更多

到了新都會商場，見到此餐廳不用排隊直接入去，明明是兩位，女職員經過嘅時候，收咗一個位。叫了海南雞拼豬手飯。年青女侍應跟我說海南雞豬脾飯，我以為是送錯，原來不是。也叫了煎魚餅非常難食及只有3 塊。匙羹污糟，食物漬。男職員反而很有禮。那個飯份量很少，只有很少海南雞同很細隻的豬手。比預期中的失望。看食評後，才知這是米芝蓮。沒有下次光顧的意欲…查看更多

米芝蓮米芝蓮？！係咪差到咁也可以拎到！？今日到葵芳泰潮食lunch，叫咗套餐，加$13時蔬，來到之後，菜得幾條！真係唔抵食！野食送到，份量少，真係唔夠食。服務員倒瀉醬汁，問佢拎多碟，好似問佢拎錢咁，之後仲冇俾番我，好離譜！成日話禮貌運動，D人留港消費，咁態度、咁質素、咁嘅嘢食，唔趕客都已經係奇蹟！深水埗店冇埋，真係有佢原因！泰國嘢好多選擇，大家要小心選擇！唔好被米芝蓮的評級影響食嘢嘅心情，令自己冇食慾。…查看更多

今日同屋企人嚟 以為同疫情時一樣好食啦 但點知變得難食之餘 服務仲差到失望😇係下午茶時段嘅男店員語氣串到好似我欠佢錢一樣 不僅如此還對同行嘅侍應語氣好惡死 沖嘅飲品又難飲 態度仲咁差…查看更多

泰潮，位於葵芳興芳路223號新都會廣場1樓167號舖。 餐廳主打泰國料理， 最出名就是泰式海南雞，我點了冬陰功海鮮湯$92、泰式船麵$72、海南雞(例牌) $98、扎肉沙律$42、泰式奶茶$28、 泰式珍多冰$28。 🔸冬陰功海鮮湯 ～ 酸酸辣辣好開胃，辣道剛好， 湯料有豬肉丸、鮮蝦、蕃茄和菇類，鮮香美味。 🔸泰式船麵 ～ 可以自選配料的船麵， 我揀了牛筋腩和豬頸肉， 湯底非常濃厚。 🔸海南雞(例牌) ～ 海南雞的肉質嫩口彈牙， 每次食泰潮都會點這道菜 。 🔸扎肉沙律 ～ 扎肉份量多， 口感爽彈，加上蔥和洋蔥，味道唔錯。 🔸泰式奶茶 ～ 香味和甜度都唔夠， 味道偏淡。 🔸泰式珍多冰 ～ 椰汁味夠濃，幾好飲。 整體味道幾好， 價錢屬於中價。 🏷️溫馨提示～ 整個用餐體驗均屬個人分享意見， 只作參考😊。 …查看更多

味道唔得 服務唔得 態度唔得 環境唔得 太逼飯太爛 雞太少 油飯冇味 青檸梳打14蚊一塊仔青檸冷氣唔夠 麵難食Qr code落單 冇服務 態度差 重要收+1 Open rice重要200字先比得負評…查看更多

約了朋友在葵芳行街，朋友不喜歡「掃街」，在新都會找個坐得舒服一點的地方吃午餐。閒日的中午，餐廳比較多吃午飯的上班族，不過人少就比較容易等到位。餐廳是半開放式的裝修，QR code落單很方便。我選了「海南雞配牛骨湯河」，朋友要了碗「泰式船麵」，海南雞的質地不錯，雞皮沒有多餘脂肪，肉質亦算嫩滑，牛骨湯清徹而味道香濃；朋友的船麵配有香炸的泰式豬皮，香脆惹味，船麵的湯底更濃，但他認為味道偏鹹。大型商場的租金本身不便宜，午餐連飲品才五十多元，難怪這麼多上班族過來吃午餐。…查看更多

曾經係米之蓮? 香葉肉碎生菜包: 只屬正常水準. 炸香茅雞中翼: 很普通. 泰式熱奶茶: 更普通. 更可說是麻麻地.如果, 唔係店內處處打著曾經係"米之蓮", 我係唔會失望的.只能說係外賣兩餸飯三餸飯既水準. 但價錢唔係.場內有蒼蠅, 各樣都水準都普通至麻麻(唔只食物,包括服務與衛生), 唔會再來.…查看更多