泰昌餅家

营业中

休息中

由上環行行行...係咁向上行, 之前個大早餐都已經唔知去咗邊...30+度熱...係時候要補充一下...見到泰昌, 食返件蛋撻先~ 我係第一次食泰昌架!! 蛋撻 :可能唔係剛出爐, 蛋撻攤凍咗, 少咗香味, 即刻扣咗分...呢個係曲奇底, 而我個人比較鐘意食酥皮蛋撻! 曲奇底過甜, 甜度甜過蛋漿, 搞到食唔到蛋漿味, 有d失手...食完之後成口都係曲奇底嘅甜, 蛋漿味好快已經消失咗... 好味程度未及預期... 不過如果下次可以食到剛出爐嘅蛋撻可能會好d啩...

聽過呢個名字已經好久但路程又實在太遙遠而且都唔順路(對面海)今日有朋友去中環做野佢就特登去買回來.蛋撻:雖然我擺左好耐先食(4小時)但個皮都唔淋,依然脆口似食緊曲奇既感覺仲有好香既~~牛油味道個蛋味又夠重,而且又唔會太水.I like it!!

之前友人知道我鍾意食, 所以常特地去買比我...不過, 此情不再了!!!!沙翁 -- 內軟棉棉, 外甜甜地, super yummy, 又特別sweet 蛋撻 -- 曲奇皮, 熱食比較好味.. 但媽媽話同其他蛋撻差不多, 無特別喎..... 可能我係一買即食, 又有友人陪, 特別變得好味.皮蛋酥 -- 食一個已好飽!! 不過, 都好好食, 但唔會次次買囉.雞批 -- 足料, 味道不過不失咋蛋黃蓮蓉酥 -- 又一飽肚之作, 不過蛋黃同蓮蓉都好香環境 -- 亞姐好好人呀, 因友人買太多, 又同亞姐講送比人. 亞姐幫佢把它們排得好整齊, 嘻嘻.

老細約咗客响中環開會, 我就想起泰昌就响附近, 雖然未肚餓, 但都想嘆番件撻! 行到鋪前, 要排隊入內購買, 真犀利! 看見佢地仲有雞批 $7 件, 好! 又整件. 蛋撻就 $5 件. 論價錢, 蛋撻都幾貴, 但曲奇皮又確實幾好味, 蛋味又濃! 至於件雞批, 價錢同市面差唔多, 但食落就麻麻地, 批餡味道一般, 批皮就唔夠牛油香. 比起灣仔金鳳仲爭好遠!其實市面都有好多餅鋪嘅蛋撻都絕不遜於泰昌, 我想呢度都係拜肥彭所賜而聞名, 唔知bow呔又鐘意食邊間呢?

久閒太昌的蛋撻遠近馳名專盛行去中環店食新鮮出爐的曲奇皮蛋撻皮身好脆...牛油味好香蛋味夠 夠實淨唔會太水而佢的沙翁...我覺得比蛋撻1d都唔失色兩者都值得一試

今天途經這兒, 想再次試下佢既砰仔糕..怎料買完回家,打開試下...不夠軟, 又好甜, 紅豆又少呀....我唸呢度只適宜賣蛋橽呀...

同朋友去開中環晚飯, 順路經過就買咗蛋撻同薯蓉批食食過幾間不同分店的泰昌蛋撻, 都唔及呢一間咁好味, 無計, 老字號舖真係唔同d唔會太甜, 個皮即使放凍咗都仍然香脆, 唔會好油.....薯蓉批又係好好食有機會想試勻晒店舖入面所有包類撻類食物!!!

今天老公去咗中環睇單工程，返嚟時買咗打旦撻返嚟，當時我好忙，連午反都未食，襯有幾秒鐘空檔就攞上手食咗個E肚,點知食吓食吓食咗4個甘多先發覺甘好味，後來我忙完就攞咗幾個分俾隔離鋪的小妹子食，佢哋話好好味，問我邊度買，我話唔知<泰乜>，後來聽番老公講係彭定康食間,覺得自己好娘，但，凸然覺得.....好幸福.......講番個旦撻，d旦好香好滑又唔太甜，個皮又不太油膩膩(不要忘記，我是已經買回來2小時後才吃，都甘好味)真係太好味啦(我估熱

公司在中環，town of the town，亦是好多心水食店所在的地方。稍為有空，同事都非常熱心落mall買agnesb tartlet，今次就有人買來泰昌egg tart。買了2打蛋撻，用microwave heat up 1分鐘，即變熱lak lak蛋撻，好好食。好香蛋味，蛋漿亦足，而且酥皮香口，比起那些5蚊有3個的質素，毫無疑問這裡來的好得多。笑面，絕對不手軟!

本人是好蛋撻之徒，行經泰昌總要食一件蛋撻。牛油曲奇撻皮確是鬆化帶脆；蛋味亦香。或許是出爐時間，蛋撻只是微暖，始終差了一點。

第一次来香港是回归十年之际因为一部纪录片所以知道这样一家蛋挞当时并不晓得自己会和蛋挞会和香港结缘如今路过————————————————————果壳苏三饕餮走四方 餐厅名称 泰昌饼店 餐厅地址 香港多家，擺花街，铜锣湾，湾仔，旺角都吃过 交通 随便都能看到，遇上就吃呗 就餐时间 2007至今第几次用餐 第 N 次 可否刷卡、八达通 使用现金 如何知道该餐厅 最早在北京看过一个记录香港回归十年的纪录片，里头有一集就是讲泰昌饼店的，彭督爱吃的蛋挞居然因高昂租金倒闭过。 用餐目的 零食 菜名 蛋挞 价格 从3.8元吃到5元，不过最近怀旧价，又恢复3.8元了。 评价 饼皮蛋挞里头算是佼佼者吧，因为有名人效应，分店两年内开遍了全港。热的时候真的很不错，饼皮酥软，蛋香滑溜，算是好蛋挞。 环境如何 分店都很干净，白黄相间；老店一直是胖胖的师傅打理，贴满了照片，没有变过。 卫生间如何 没有卫生间 服务如何 正常的香港服务，包装比较精致，塑料袋和盒子都好看。 餐厅特色 就是蛋挞咯，现在还经营一些其他的点心。 用餐后感觉和建议 小贵，所以不会没事就去吃一个。

每次經過都被佢既egg tart吸引, 不一定要新鮮出爐先買, 因為我都向不同時段買過, 個皮都係好食唔淋. 最中意佢既皮係比別的厚, 當然會係比別的更飽肚啦. 只要5元便可以帶給我無比滿足.不過唔好試佢地既lemon tea, 味很怪.再平也是假的.

夜晚八點想食野，於是搏一搏來呢問睇下仲有無開，好彩原來佢地咁夜都仲有做生意，於是用十蚊買左兩件蛋撻。雖然唔係新鮮出爐，但個蛋撻仍然暖暖地。個皮食落仍然鬆脆，蛋味亦十分濃烈，整體來講味道真係唔錯，相信如果係新鮮出爐應該會更好味。至於五蚊一個蛋撻貴唔貴，真係見人見智，我個人覺得可以接受。

今天在"泰昌餅家"(中環總店)買了"蛋撻(4個)、老婆餅，蛋黃蓮蓉酥和沙翁"($37)。前港督彭定康最喜歡吃這店的蛋撻，我也喜歡啊!1.蛋撻---牛油曲奇撻皮厚薄度恰到好處，十分鬆化，帶少許鹹味，牛油味相當濃郁。蛋餡份量多，口感幼滑，蛋奶味濃，整體甜味適中。2.老婆餅---外表不太理想。酥皮夠薄，口感微脆。糖冬瓜蓉餡份量算多，口感幼滑，不過味道不夠香，甜味適中。3.蛋黃蓮蓉酥---酥皮包著白蓮蓉和鹹蛋黃。酥皮夠薄，十分酥脆。白蓮蓉很幼滑，蓮香十足，甜味適中。鹹蛋黃質素相當好，油水充足，口感柔軟不乾硬，味道鹹香。這個蛋黃蓮蓉酥實在一流!4.沙翁---外層炸得夠香脆，不過蛋味較淡，甜味輕怡。

為咗想食個熱騰騰嘅蛋撻, 唸住等佢賣哂賣剩尾呢盤會新添剛出爐嘅, 點知買嚟即食都唔係好夠熱, 不過都暖暖地咁啦$5@, 個皮好脆, 勁重牛油香, 仲要厚版, 個蛋濃滑, 食落又唔錯, 不過食蛋撻值唔值食$5個就見人見智喇, 咁貴買一個蛋撻阿媽都想閙, 平時觀塘食開$2.5 都已經好大個, 咁呢度真係食得出有料到嘅, 咁多牛油咁多蛋咁多(忌廉 / 淡奶), 我自己整開甜品都知好貴啦~P.S. 食完一人一個蛋撻, 飽到唔想行, 真係好膩, 唔係誇張~