泰式美食2 (已搬遷)

今日喺呢度嗌咗香葉肉碎飯、海南雞飯及炒蝦肉金邊粉。真心話，冇食過喎咁難食嘅泰國菜，嗰個海南雞，最衰唔記得影相，睇嚟真係食唔到落肚。我哋仲安慰自己，個樣核突，可能好好食呢！點知食落,真係好似上面嗰個用戶講，啲肉好“鞋口”。另外香葉肉碎飯，個蛋煎到熟曬，我見親泰國菜都唔會係咁做，見到就好失望。炒蝦肉金邊粉，得三件蝦，肉質ok，但完全冇蝦味。奉勸大家千祈唔好嗌海南雞，其他兩樣還算合格，但最多也只有60分。😓…查看更多

幾樣餸都係完全冇味，價錢又唔係特別平，附近有好多泰國餐廳好過佢（非打手），有得揀千祈唔好揀！無論雞同海鮮都係無味，而且隻雞嘅質地好嚡，好明顯係食咗勁耐嘅冰鮮雞！！蒜蓉包都唔係特別好食，勉強叫做不過不失，但係都係偏硬，仲要得嗰五舊，性價比唔高！泰式通菜算係最好嘅菜式，但係都係偏咸嗰少少！店舖環境都唔係特別好坐，有啲位要企起身俾人哋行！總括嚟講，性價比低，調味調得好差，寧願返屋企自己煮公仔麵食算，真係唔好彩！…查看更多

係人都知道九龍城好多泰國菜好食㗎啦，今日就去咗九龍城覓食！呢間叫泰式美食推介鹹肉炒椰菜苗 記得要同職員講椰菜苗炒腍啲，如果唔係通常都會好硬 鹹肉係炸過嘅脆腩肉好香，今次提醒職員想炒腍，真係有幫我，好好味！燒雞翼兩隻 本身都醃得幾入味 唔點醬都好香 至於泰式豬肉生菜包 酸味偏重 不過勝在唔油 餐廳加咗豬皮絲一齊炒都幾特別 不過如果唔食豬皮嘅朋友就記住要同店員講走豬皮喇唔推介豆腐粉絲湯 雖然都幾足料 有好多菜豬肉碎 同粉絲 不過完全冇味:(總括然而，嚟講都可以接受嘅，不過我下次應該會試另一間:)…查看更多

😂今次跟泰菜通嘅朋友嚟九龍食搵食，佢推介嘅呢一間#泰式美食 原來有「隱藏菜單」‼️老闆娘話淨係識食嘅泰菜或者本地嘅泰國人先會識叫，菜單入邊竟然係搵唔到架！🙀🇹🇭隱藏菜式1: 青木瓜鰂魚沙律 $288呢度菜係正宗泰國東北部嘅口味 ，係當地好普遍嘅菜式！嚟到超大碟啲魚塊又多炸得乾爽又香脆！足以夠你4-5人食用 ,食嘅時候記得小心魚骨啊🥰🇹🇭隱藏菜式2: 炭燒牛扒 $138呢個食到停唔到口，超惹味嘅炭燒香味！佢個汁更加係重點所在，就好似幫咗嚿牛扒搽咗蜜糖咁😍🇹🇭燒物另外仲推介佢嘅炭燒豬頸肉$78!燒到脆邊咬落爽口！沙嗲串燒 (豬牛雞）$78 ,肉質厚實，沙嗲汁偏甜不太辣，汁醬另上可自由調校多少👍🇹🇭鴨肉碎生菜包 $78外邊通常都係用豬肉，但呢度就採用咗鴨肉係正宗泰國東北部口味 !蒜香味比較重，味道較濃！😉🇹🇭咖喱炒蜆 $120 薄餅$30濃稠嘅咖喱加埋新鮮又大大隻嘅蜆肉，最好就係配埋佢嘅酥脆嘅薄餅，yummy 🤤🤤🌟另外仲有好多小炒（泰式炒金邊粉 $60) +小食，點個小食拼盤$148樣樣齊呀！（炸蝦餅、雞翼、春卷、鳳爪沙律）$60。配返杯泰式凍飲爽一夾，cheers🥂粉紅奶$22 青檸沙冰$25 青檸梳打$25…查看更多

早前同爸爸去咗九龍城拍拖搵嘢食最初想食九龍城好出名嘅清真牛肉餅但係去到門口見到排隊排到九條街決定放棄搵其他嘢食九龍城最多泰國嘢所以我哋轉身去搵間泰國餐廳行到去呢間叫泰式美食嘅餐廳雖然唔使排隊但係入邊差不多坐滿望望餐牌見餐廳價錢給親民決定一次我哋點咗✅冬陰功湯✅豬肉生菜包✅沙嗲串燒牛肉✅泰式木瓜沙律估唔到食物味道幾好👍🏻而且價錢非常親民屬於性價比高的平民餐廳如果去九龍城不妨一試泰式美食2 (九龍城)九龍城南角道27號地舖…查看更多

九龍城有小泰國之稱，周圍都係泰國餐廳。今次介紹一間抵食又唔多人排隊既泰菜🤣🤣雖然入面環境麻麻，但野食唔錯🤤🥢炸蝦餅每一次食泰國野，都會叫依個小食，依度既炸蝦餅上枱仲係熱辣辣，咬落香脆又彈牙而且唔會成口油🤣🤣記得點埋個泰式辣醬🤤🤤🥢燒豬頸肉豬頸肉外皮燒到好香脆，中間既肉彈牙又爽口🤤配埋個甜甜地既醬汁都幾惹味又開胃。亦都可以唔點汁就咁食個豬頸肉，會會到少少焦香味😋🥢泰式炒金邊粉金邊粉幾香鑊氣味，但炒得比較濕。味道酸酸甜甜，食落幾開胃。麵質彈牙，唔會一夾就斷🥰配料就有豆乾, 雞蛋,芽菜, 最重要既係有爽脆既菜脯😋😋正🤤🥢菠蘿沙冰沙冰同菠蘿比例適中，唔會太甜或者太淡🤭🤭不錯評分：味道：⭐️⭐️⭐️⭐️環境：⭐️⭐️整體：⭐️⭐️⭐️————————————————————————…查看更多

呢排係九龍城做野 都食過幾間唔同嘅泰菜呢間泰式美食 不論食lunch set定散嗌都叫數一數二好食1.燒魷魚，燒得啱啱好唔會乾，魷魚鬚位有啲焦邊邊好香2.肉碎炒飯，本身想叫set lunch嘅肉碎飯，可能泰姐姐聽錯咗，落咗炒飯不過炒得好香，好惹味，算係意外驚喜。3.炒金邊粉次次去泰國餐廳食set都會嗌炒金邊粉，貪佢唔使諗快靚正，同埋呢啲係普通嘢，就算唔好食，個味唔會衰得去邊。呢間炒金邊粉真係好好食，炒得唔會濕，酸酸甜甜好開胃呢間嘢食過幾次，都嗌過冬陰功呀串燒呀其他都好好食有時朋友問我九龍城有咩泰菜好食，有時都驚介紹錯，令到人中伏。但係呢間就真係未試過有朋友同返我講中伏，回報返黎都係好好食，值得一去。…查看更多

平民價正宗泰國菜泰式美食～～～～～～～～～～～～～～～～～九龍城一直都係泰國菜嘅集中地～～呢一間泰式美食已經開業十幾年，算係隱世泰國菜式， 泰菜非常正宗～～（小編由細食到大的泰式美食）小編今次叫了腐乳炒通菜（$55）， 芋頭焗飯（$75），燒雞翼（$20），紅咖哩豬（$75），薄餅（$30）。價錢平其他泰國餐廳的7折🥰🥰🥰 芋頭焗飯味道特別，每一口香香芋頭味，內含有海鮮，配搭出色。而紅咖哩配上薄餅味道亦很不錯～～…查看更多

今晚慶祝家人生日，一行人約定到九龍城食泰菜，家人平時來九龍城都會食“泰式美食“，所以今日決定都係幫襯呢一間。呢間餐廳的烹調地道，價錢亦算係公道及大眾化，所以深得家人的支持。叫咗好多唔同的小菜，有部分一上枱都影唔切相：咖哩蟹配薄餅＋蒜蓉包，肉蟹幾新鮮及夠肉，咖哩汁配薄餅及蒜蓉包好味。炸蝦餅，蝦肉算夠實，唔會太粉，OK串燒，牛肉及雞肉串燒味道及質素都唔錯，雞肉肉質夠嫩，牛肉相對較為煙韌。明爐生魚，條魚烹調時間控制得唔錯，鐘意食魚的家人意見係唔錯。冬陰功湯的酸辣度適中，味道尚算夠濃。燒魷魚，可能落鹽唔平均，有幾件過咸，但其他又無問題，幾好味。仲有幾款炒菜，包括芥蘭，通菜及椰菜苗都好味。整體食物質素保持，服務就一般大眾化啦。…查看更多

🍽泰式美食2 (九龍城)📍九龍城南角道27號.🍽👫🏻人均消費：$100.你九龍城食泰國菜都唔會點失望㗎，真係求其入一間都好過食。呢間都係我哋落車就隨心去咗一間。牛先生鍾意食馬拉盞通菜咁重口味嘅嘢，咁佢咸啲都係好合理嘅。我自己就覺得可以唔使咁濃味。串燒每舊好大舊，雞竟然係最好食！ 夠滑又實肉！ 金邊粉都係唔會錯嘅選擇～ 哈哈…查看更多

食食下嘢 走咗兩隻🪳出嚟 我朋友仲要食到一點點黑色嘅嘢 本身個環境唔係幾好都算 但係食食下嘢有咁嘅嘢爬出嚟真係頂唔順 仲要唔算極為好食 價錢都唔係話勁抵 我覺得成件事真係好荒謬…查看更多

九龍城不嬲都係泰國菜天堂，係芸芸眾多的泰國餐廳中朋友介紹左呢間。一入到去就冇咩裝修既，簡簡單單幾張枱櫈咁。睇睇餐牌，平過其他食開既泰國餐廳喎叫咗幾樣野嚟試吓：泰式生蝦：不錯，幾新鮮，本身有六隻，食咗先記得影相泰式炒菜苗：幾惹味，菜苗好爽口，都幾大碟泰國菜當然都唔少得例牌嘅炸蝦餅，即叫即炸，好脆，都幾多蝦，幾爽口，唔係得舊粉，不錯不錯鍾意食海鮮，所以加咗條烤倉魚，又係即叫即烤，大大條，百幾蚊好抵食，點埋呢個汁，酸酸辣辣，好味道總括而言，係平靚正嘅一餐泰國菜下次再嚟食下其他嘢…查看更多

小編喜愛食辣野，於是朋友帶左我去九龍城南角道食泰國菜，名字叫「泰式美食 」餐廳名字雖然簡單，但裡面既食物一d都唔簡單，小編簡單介紹幾款有版有眼既菜式俾大家。第一款，咖哩炒蟹，滿滿既咖哩汁已經好吸睛再加咖哩既香味，叫人垂涎三尺，買相好吸引。另外佢既咖哩有椰汁香味，甜甜的，好適合送飯或點麵包食，蟹亦相當新鮮，肉質鮮美。第二款，冬陰功湯，湯內材料充足，香料帶出海鮮鮮味，加上湯的辣味程度不錯，很合適喜歡辣既人食。第三款，生菜包，這菜式有點像螞蟻上樹，但佢係泰國版，肉碎加香料煮成一粒粒再包生菜食，有點辣，刺激又好食。以上三款菜式，小編都推介俾大家食，至於價錢方面，當然經濟實惠，食物充滿泰國風味，絕對值得一試！…查看更多

店名是泰式美食，很簡單，但食物味道卻有保證!!店內裝修普通，但有寬闊的長枱，很地道。食物款式也很多。彩虹粉由於是食午餐，點了一個泰式粉麵中很地道的彩虹粉。 很喜歡彩虹汁，整碗粉都是粉紅色的，味道是甜甜的，有白魚蛋，八爪魚仔，白蘿蔔，通菜，很豐富，河粉是薄薄的，很幼滑，湯底也很清甜，再加上有蒜頭香!!泰式菠蘿炒飯熱騰騰，夠大碟，也足料，還要有很多肉鬆!!食后感： 真的很划算，街坊價錢，味道也不很好。…查看更多

我同朋友好掛住呢間餐廳，特登搭車去九龍城探吓佢:)星期日6:50pm左右入座，完全唔洗等位（之前去過幾次，二人去都要等幾個字）呢間應該係泰國人主理侍應收銀個個都係泰國人樣（廚房呢～因爲看不見就不知道了）我同朋友好掛住佢嘅生菜包，有豬，牛，雞揀我地點了豬肉生菜包（走辣），因朋友唔食得辣生菜好爽口，食得出好新鮮豬肉雖然走辣，但都仲好有香葉同泰式香料味。去過好多泰式餐廳，例如太子的X囍，深水埗的X潮.....叫走辣總係冇味，或者侍應會勸我們不要走辣，同我們解釋因為走辣會唔好吃（我知我知，走辣係冇咁惹味，不過朋友真係唔吃得辣）唯獨係呢間，比我叫走辣之餘仲係好香好夠味，包埋生菜，味道剛剛好生菜脆卜卜索索聲，豬肉碎混有少少乾蔥同豬皮，增加口感蒜蓉包用法包，上台時暖笠笠，外皮脆，包心軟綿即刻吃，脆口好味，咬落去脆到聽到聲蒜蓉味剛好，不過再多啲更好$20有5件，仲係暖笠笠上檯，算係咁啦～～泰式炒椰菜苗都係我同朋友去必點嘅佢有好多菜款揀，可以揀炒雜菜啦，椰菜苗啦，芥蘭啦等等除左可以有菜，感覺健康啲外，佢嘅椰菜苗好爽口最正係佢炒菜嘅醬料，應該有秘方，好惹味，有少少蝦醬味同麵豉，但應該有更多泰國嘅唔知咩醬嘅味好吃，唔識形容，就算唔吃蝦醬嘅我都覺得佢呢隻醬好津津有味我同朋友通常會叫一款主食（飯/ 金邊粉）填肚我們當晚點了泰式炒金邊粉比半年前，這個泰式炒金邊粉份量少了，香味依舊，不過油了，吃到底有好多油但欣賞佢落足料炒：芽菜，菜甫，雞蛋，九菜啖啖都吃到料，口感十足仲有酸酸甜甜嘅汁Overall來講都OK好吃吃到尾段，店員見我們還剩下1/3左右豬肉碎，但生菜已冇晒主動送多一兜生菜給我們（份量約為正常生菜份量的一半）剛剛夠我們送埋剩下的豬肉碎欣賞店員貼心的舉動我們幫襯過好多次後會    有期…查看更多